Eftirtaldir gefa kost á sér í kjöri til stjórnar Festi hf. vegna aðalfundar sem haldinn verður fimmtudaginn 21. mars 2019 kl. 10:00, á Dalvegi 10 - 14 í Kópavogi:

• Björgólfur Jóhannsson, kt. 280855-3409
• Guðjón Karl Reynisson, kt. 131163-3209
• Kristín Guðmundsdóttir, kt. 270853-7149
• Margrét Guðmundsdóttir, kt. 160154-2419
• Þórður Már Jóhannesson, kt. 080773-5529

Samkvæmt samþykktum félagsins skal stjórnin skipuð fimm mönnum og er því sjálfkjörið í stjórn félagsins.

Aðalfundur Festi hf. verður haldinn fimmtudaginn 21. mars 2019 klukkan 10:00 í höfuðstöðvum félagsins að Dalvegi 10-14, Kópavogi.

Dagskrá fundarins:

1. Skýrsla stjórnar um starfsemi félagsins á liðnu starfsári.
2. Skýrsla forstjóra og ársreikningur kynntur.
3. Staðfesting ársreiknings fyrir síðastliðið reikningsár og tekin ákvörðun um hvernig fara skuli með hagnað félagsins.
4. Ákvörðun tekin um greiðslu arðs vegna rekstrarársins 2018.
5. Tilnefningarnefnd kynnir skýrslu sína og tillögur.
6. Stjórnarkjör.
7. Tillaga stjórnar um skipun tveggja einstaklinga í tilnefningarnefnd.
8. Kjör endurskoðanda eða endurskoðunarfirma.
9. Ákvörðun um þóknun til stjórnarmanna, undirnefnda stjórnar og tilnefningarnefndar.
10. Tillaga stjórnar að starfskjarastefnu félagsins.
11. Tillaga tilnefningarnefndar um breytingar á starfsreglum nefndarinnar.
12. Tillaga stjórnar um heimild til kaupa á eigin hlutabréfum.
13. Önnur mál löglega upp borin.

Nánari upplýsingar er að finna í viðhengi ásamt ásamt tillögu tilnefningarnefndar Festi hf. um breytingar á starfsreglum nefndarinnar en jafnframt er vísað til fyrri tilkynninga um fundinn.

Aðalfundur Festi hf. verður haldinn fimmtudaginn 21. mars 2019 klukkan 10:00 í höfuðstöðvum félagsins að Dalvegi 10-14, Kópavogi.

Dagskrá fundarins:

1. Skýrsla stjórnar um starfsemi félagsins á liðnu starfsári.
2. Skýrsla forstjóra og ársreikningur kynntur.
3. Staðfesting ársreiknings fyrir síðastliðið reikningsár og tekin ákvörðun um hvernig fara skuli með hagnað félagsins.
4. Ákvörðun tekin um greiðslu arðs vegna rekstrarársins 2018.
5. Tilnefningarnefnd kynnir skýrslu sína og tillögur.
6. Stjórnarkjör.
7. Tillaga stjórnar um skipun tveggja einstaklinga í tilnefningarnefnd.
8. Kjör endurskoðanda eða endurskoðunarfirma.
9. Ákvörðun um þóknun til stjórnarmanna, undirnefnda stjórnar og tilnefningarnefndar.
10. Tillaga stjórnar að starfskjarastefnu félagsins.
11. Tillaga tilnefningarnefndar um breytingar á starfsreglum nefndarinnar.
12. Tillaga stjórnar um heimild til kaupa á eigin hlutabréfum.
13. Önnur mál löglega upp borin.

Nánari upplýsingar er að finna í viðhengi ásamt skýrslu tilnefningarnefndar Festi.

Helstu niðurstöður:

• Rekstur félaga í samstæðu dótturfélagsins Hlekks var tekinn inn í samstæðu Festi frá og með 1. september og skýrir að mestu hækkanir á tekjum og gjöldum á 4F 2018 í samanburði við 4F 2017
• Framlegð félaga í samstæðu Hlekks var 3.249 m.kr., EBITDA 1.148 m.kr. og hagnaður 357 m.kr. frá 1. september 2018 til ársloka
• EBITDA að undanskildum kostnaði við kaup á Hlekk nam 4.958 m.kr. árið 2018 samanborið við 3.605 m.kr. árið 2017
• Framlegð félaga í samstæðu Hlekks var 2.492 m.kr., EBITDA 898 m.kr. og hagnaður 253 m.kr. á 4F 2018
• EBITDA Festi að undanskildum kostnaði við kaup á Hlekk nam 1.630 m.kr. á 4F 2018 samanborið við 844 m.kr. á 4F 2017
• Framlegð af vörusölu jókst um 100,2% á 4F 2018 sem skýrist af nýjum félögum í samstæðu frá 1. september
• Eigið fé var 25.970 m.kr. og eiginfjárhlutfall 33,4% í lok 4F 2018

Eggert Þór Kristófersson, forstjóri Festi:
"Við erum afar sátt við þessa niðurstöðu sem sýnir svart á hvítu sterka stöðu Festi og fyrirtækja þess á íslenskum markaði. Við höfum farið í gegnum mikla samþættingu á stoðsviðum N1, Krónunnar, Elko og vöruhótelsins Bakkans, sem miðar vel og er raunar á undan áætlun. Stoðir félagsins eru styrkar, sameiningin hefur leitt til öflugri innviða og aukinnar hagkvæmni og Festi ætlar að halda forystuhlutverki sínu hér á landi til framtíðar og vera áfram fyrsti valkostur neytenda,"

Nánari upplýsingar er að finna í afkomutilkynningu í viðhengi.

Festi birtir uppgjör sitt fyrir 4. ársfjórðung 2018 eftir lokun markaða miðvikudaginn 27. febrúar næstkomandi.

Opinn kynningarfundur verður haldinn fimmtudaginn 28. febrúar 2019 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri Festi mun kynna afkomu samstæðunnar og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu Festi: www.festi.is/fjarfestatengsl

Festi hf., gerði sátt við Samkeppniseftirlitið dags. 30. júlí 2018 vegna kaupa félagsins á félaginu Hlekk hf. Samkvæmt sáttinni skuldbatt Festi sig m.a. til þess að selja fimm sjálfsafgreiðslustöðvar á höfuðborgarsvæðinu auk vörumerkisins Dælan. Hefur Festi nú náð samkomulagi um sölu Dælunnar og tilgreindra fimm sjálfsafgreiðslustöðva sem samþykkt hefur verið af Samkeppniseftirlitinu. Mun afhending eignanna fara fram á næstunni.

Fyrirtækjaráðgjöf Landsbankans var ráðgjafi Festi í söluferlinu.

• Ársuppgjör 2018: 27. febrúar 2019
• Aðalfundur 2019: 21. mars 2019
• Uppgjör 1F 2019: 22. maí 2019
• Uppgjör 2F 2019: 28. ágúst 2019
• Uppgjör 3F 2019: 6. nóvember 2019
• Ársuppgjör 2019: 27. febrúar 2020
• Aðalfundur 2020: 19. mars 2020

Vinsamlegast athugið að dagsetningarnar eru birtar með fyrirvara um breytingar.

Festi hf. birti afkomu fyrir 3. ársfjórðung 2018 þann 28. nóvember 2018. Hagnaður félagsins og heildarhagnaður var vantalinn um 112 m.kr. Vaxtagjöld voru oftalin í árshlutareikningnum um 140 m.kr. og tekjuskattur vantalinn um 28 m.kr. Hagnaður félagsins á 3. ársfjórðungi var því 983 m.kr. og heildarhagnaður 1.004 m.kr. Hagnaður félagsins á fyrstu níu mánuðum ársins nam 1.731 m.kr. og heildarhagnaður 1.746 m.kr.

Eigið fé 30. september nam 25.624 m.kr. Langtímalán lækka um 140 m.kr., tekjuskattur til greiðslu hækkar um 28 m.kr. og eigið fé í efnahagsreikningi hækkar um 112 m.kr.

Meðfylgjandi er leiðréttur árshlutareikningur fyrir 3. ársfjórðung 2018 ásamt leiðréttri afkomutilkynningu.

Helstu niðurstöður:

• Rekstur félaga í samstæðu dótturfélagsins Hlekks var tekinn inn í samstæðu Festi frá og með 1. september og skýrir að mestu hækkanir á tekjum og gjöldum á 3F 2018 í samanburði við 3F 2017
• Framlegð félaga í samstæðu Hlekks var 757 m.kr., EBITDA 250 m.kr. og hagnaður 104 m.kr.
• EBITDA Festi að undanskildum kostnaði við kaup á Hlekk nam 1.784 m.kr. á 3F 2018 samanborið við 1.461 m.kr. á 3F 2017
• Framlegð af vörusölu jókst um 28,7% á 3F 2018 sem skýrist að mestu af nýjum félögum í samstæðu frá 1. september en hækkun á olíuverði  og veiking ISK gagnvart USD hafði einnig jákvæð áhrif á 3F 2018
• Eigið fé var 25.512 m.kr. og eiginfjárhlutfall 31,8% í lok 3F 2018

Nánari upplýsingar er að finna í afkomutilkynningu í viðhengi.

Festi birtir uppgjör sitt fyrir 3. ársfjórðung 2018 eftir lokun markaða miðvikudaginn 28. nóvember næstkomandi.

Opinn kynningarfundur verður haldinn fimmtudaginn 29. nóvember 2018 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri Festi mun kynna afkomu samstæðunnar og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu Festi: www.festi.is/fjarfestatengsl

Samkvæmt drögum að uppgjöri Festi fyrir 3. ársfjórðung 2018 liggur fyrir að EBITDA félagsins, að undanskilinni afkomu dótturfélagsins Hlekks ehf. (áður Festi),  verður um 1.530 m.kr. sem er 5% hærra en á sama tímabili í fyrra þrátt fyrir aukinn rekstrarkostnað. Ástæða betri afkomu er verðhækkun á heimsmarkaði á olíu og veiking íslensku krónunnar.

Rekstur Hlekks á tímabilinu var aftur á móti í samræmi við væntingar stjórnenda en undir það félag fellur rekstur Krónunnar, ELKO, Bakkans og Festi fasteigna.

Hækkun á EBITDA spá 2018

Í ljósi afkomu 3. ársfjórðungs hefur EBITDA spá vegna reksturs Festi fyrir árið 2018 verið hækkuð um 200 m.kr. eða í 3.800 - 4.000 m.kr. að undanskildum kostnaði við kaupin á Hlekk. Sú spá gerir ráð fyrir því að olíuverð verði tiltölulega stöðugt og að gengi USD/ISK verði í kringum 115. Heimsmarkaðsverð á bensíni og gasolíu hefur hækkað um 14 - 20% frá byrjun ársins og  íslenska krónan hefur lækkað um 13% gagnvart USD á sama tíma og hafa þessir tveir þættir haft  talsverð jákvæð áhrif á afkomu ársins 2018 fram til þessa.

Rekstur Hlekks varð hluti af samstæðu Festi frá 1. september 2018 en ekki er tekið tillit til afkomu Hlekks í ofangreindri EBITDA spá Festi fyrir árið 2018. Rekstraráætlun Hlekks eftir yfirtökudag og til ársloka 2018 gerir ráð fyrir að heildarvelta verði um 15.100 m.kr. og að EBITDA verði um 1.270 m.kr.

Árshlutareikningur Festi fyrir 3. ársfjórðung 2018 verður birtur 28. nóvember næstkomandi.

Nánari upplýsingar veitir Eggert Kristófersson, forstjóri, (eggert@festi.is)

Hluthafafundur Festi hf. (áður N1 hf.) var haldinn þann 25. september 2018 klukkan 10:00 í höfuðstöðvum félagsins að Dalvegi 10-14, Kópavogi. Á fundinum voru eftirfarandi tillögur samþykktar, auk þess sem ný stjórn var kjörin:

1. Ný samkeppnisstefna fyrir félagið var samþykkt, sbr. 25. gr. sáttar N1 við Samkeppniseftirlitið, dags. 30. júlí 2018.
2. Endurskoðuð starfskjarastefna fyrir félagið var samþykkt.
3. Samþykkt var tillaga stjórnar að reglum um tilnefninganefnd í starfsreglum stjórnar. Jafnframt var samþykkt að Sigrún Ragna Ólafsdóttir og Tryggvi Pálsson skipi tilnefningarnefnd félagsins. Í kjölfar hluthafafundar mun stjórn skipa þriðja nefndarmanninn úr sínum röðum.
4. Samþykkt var að breyta nafni N1 hf. í Festi hf.
5. Í stjórn félagsins voru kjörin eftirtalin:
   • Björgólfur Jóhannsson, kt. 280855-3409
   • Guðjón Karl Reynisson, kt. 131163-3209
   • Kristín Guðmundsdóttir, kt. 270853-7149
   • Margrét Guðmundsdóttir, kt. 160154-2419
   • Þórður Már Jóhannesson, kt. 080773-5529

                         
Á stjórnarfundi sem haldinn var í kjölfar fundarins var Margrét Guðmundsdóttir endurkjörinn sem formaður stjórnar og Þórður Már Jóhannesson kjörinn sem varaformaður stjórnar.

Ágæti hluthafi

Á síðustu dögum hef ég átt samtöl við stærstu hluthafa félagsins um framlagða tillögu að starfskjarastefnu fyrir félagið sem verður tekin fyrir hluthafafund í N1 þann 25. september 2018. Þessi samtöl hafa verið mjög gagnleg og hefur stjórn N1 nú ákveðið að leggja fram nýja tillögu að starfskjarastefnu fyrir hluthafafundinn.

Markmið starfskjarastefnunnar er að tryggja að hagsmunir starfsmanna, stjórnenda og stjórnar fari saman við langtímaárangur félagsins og langtímahagsmuni eigenda þess, sem eru að stærstum hluta lífeyrissjóðir.

Breytingarnar fela í sér að kaupauki forstjóra getur orðið að hámarki 3 mánuðir frá og með 1. janúar 2019 í stað 6 mánaða áður. Einnig er fallið frá heimild til að greiða forstjóra umfram ráðningarsamning komi til uppsagnar á ráðningarsamningi og heimild til upphafsgreiðslu til forstjóra við ráðningu.  Slíkar greiðslur hafa aldrei verið inntar af hendi og því er hér ekki um stóra breytingu að ræða.

Stjórn félagins telur jafnframt mikilvægt að kaupaukagreiðslur séu hluti af ráðningarkjörum forstjóra til að samtvinna betur hagsmuni hluthafa og stjórnenda en mikilvægt sé að víðtæk sátt sé um slíkt fyrirkomulag og er það trú mín að með þessum breytingum náist það.

Með þessu vill stjórn N1 skapa fordæmi í íslensku atvinnulífi með því að sýna hógværð í breytilegum launagreiðslum til æðstu stjórnenda en telur jafnframt mikilvægt  að allir sýni í verki vilja til að ná sátt um launaþróun í landinu.  Með þessum breytingum telur stjórnin að komið sé til móts þá gagnrýni sem fram hefur komið og er rétt að undirstrika að um er að ræða heimild til greiðslu kaupauka, en ekki skyldu. Meðfylgjandi er breytt tillaga stjórnar til hluthafafundar um starfskjarastefnu N1.

F.h stjórnar N1 hf

Margrét Guðmundsdóttir, stjórnarformaður

Stjórn N1 hf. vísar til áður boðaðs hluthafafundar sem haldinn verður þriðjudaginn 25. september 2018 klukkan 10:00 á aðalskrifstofu félagsins að Dalvegi 10-14, Kópavogi.

Framboðsfrestur til stjórnar félagsins er nú útrunnin. Hafa borist sex framboð og er það mat stjórnar að allir frambjóðendur hafi lagt fram þær upplýsingar sem lög og samþykktir áskilja. Framlagðar upplýsingar um menntun og starfsreynslu frambjóðendur og um hagsmunatengsl við stærstu hluthafa svo og helstu viðskiptamenn og keppinauta  verða birtar eigi síðar enn 24. september nk.  

Nánar til tekið hafa eftirfarandi boðið sig fram til stjórnar N1:

Björgólfur Jóhannsson, kt. 280855-3409

Guðjón Karl Reynisson, kt. 131163-3209

Helga Hlín Hákonardóttir, kt. 180472-3719

Kristín Guðmundsdóttir, kt. 270853-7149

Margrét Guðmundsdóttir, kt. 160154-2419

Þórður Már Jóhannesson, kt. 080773-5529

Samkvæmt samþykktum N1 skal hlutfall hvors kyns í stjórn félagsins vera að lágmarki 40%.

Framkomin framboð eru ekki í andstöðu við sátt N1 við Samkeppniseftirlitið samkvæmt þeim upplýsingum sem fylgja framboðunum.

Samkvæmt samþykktum N1 eiga hluthafar rétt á að krefjast hlutfallskosningar eða margfeldiskosningar við stjórnarkjör í tvo sólarhringa frá því að stjórn kunngerir niðurstöður framboða til stjórnar, ef ekki er sjálfkjörið. Frestur til að krefjast margfeldiskosningar rennur því út kl. 12.00 á hádegi laugardaginn 22. september 2018 og geta hluthafar sem hafa að baki sér 10% krafist slíkrar kosningar.

Loks leggur stjórn N1 til að Sigrún Ragna Ólafsdóttir, kt. 180863-3629 og Tryggvi Pálsson, kt.  280249-3439 verði fulltrúar í tilnefningarnefnd N1 verði reglur um störf tilnefningarnefndar samþykktar á fundinum og hluthafafundur geri ekki athugasemdir við tilnefningu fulltrúanna.

Stjórn N1 hf. vísar til áður boðaðs hluthafafundar sem haldinn verður þriðjudaginn 25. september 2018 klukkan 10:00 á aðalskrifstofu félagsins að Dalvegi 10-14, Kópavogi.

Dagskrá fundarins:

1. Tillaga að nýrri samkeppnisstefnu félagsins
2. Tillaga að nýrri starfskjarastefnu félagsins
3. Tillaga að reglum um tilnefningarnefnd í starfsreglum stjórnar
4. Tillaga að nafni N1 hf. verði breytt í Festi hf.
5. Stjórnarkjör
6. Önnur mál

             
Nánar um dagskrá fundarins:

Dagskrá fundarins hefur verið breytt frá fyrri auglýsingu. Er að öðru leyti vísað til fyrri tilkynninga um tilhögun fundarins.

Öll skjöl og tillögur sem lögð verða fyrir hluthafafundinn er að finna á vefsíðu félagsins www.n1.is/fjarfestatengsl. Hluthöfum stendur einnig til boða að nálgast skjölin í höfuðstöðvum félagsins að Dalvegi 10-14, Kópavogi, virka daga milli klukkan 9:00-16:00.

Samkvæmt 63. gr. a. hlutafélagalaga nr. 2/1995 ber að tilkynna um framboð til stjórnar skriflega með minnst fimm sólarhringa fyrirvara fyrir aðalfund, eða fyrir kl. 10.00 fimmtudaginn 20. september 2018. Framboðum skal skila á skrifstofu N1 hf., Dalvegi 10-14, Kópavogi, eða á netfangið hluthafar@n1.is. Upplýsingar um frambjóðendur til stjórnar verða birtar eigi síðar en tveimur dögum fyrir aðalfund. Samkvæmt sátt N1 við Samkeppniseftirlitið í tilefni af kaupum félagsins á Festi skulu stjórnarmenn vera óháðir keppinautum félagsins. Í því felst að þeir skuli ekki vera tengdir keppinautum í gegnum atvinnu, stjórnarsetu eða eignarhald. Sama á við um maka eða sambúðarmaka framangreindra  aðila  í  gegnum  atvinnu  sem  lykilstarfsmenn,  stjórnarsetu  eða  eignarhald.

Meðfylgjandi eru tillögur stjórnar að nýrri samkeppnisstefnu félagsins, nýrri starfskjarastefnu félagsins og reglum um tilnefningarnefnd í starfsreglum stjórnar.

Nýtt skipulag hjá N1 hf. eftir kaup félagsins á öllu hlutafé í Festi tekur gildi í dag. Starfsemi félagsins fer fram í sex rekstrarfélögum. N1, Krónunni, Nóatúni, Elko, Festi fasteignum og Bakkanum vöruhóteli. Umsjón og rekstur fasteigna N1 verða í móðurfélaginu, sem mun fá nafnið Festi, sem og stoðþjónusta og þar verða tvö svið; fjármálasvið og rekstrarsvið. Eggert Þór Kristófersson er forstjóri Festi en gengið hefur verið frá ráðningu framkvæmdastjóra yfir N1, Krónunni og Elko, auk framkvæmdastjóra yfir viðskiptaþróun, rekstrarsviði og fjármálasviði.

Gréta María Grétarsdóttir er framkvæmdastjóri Krónunnar ehf. sem rekur 19 Krónu verslanir, 3 Kr verslanir, eina Nóatúns verslun og eina Kjarvals verslun. Öll innkaup á dagvöru verða í Krónunni, enda mikil þekking á markaði þar fyrir hendi. Gréta María hefur verið fjármálastjóri Festi frá 2016.

Gestur Hjaltason er framkvæmdastjóri Elko. Gestur hefur verið framkvæmdastjóri Elko frá árinu 2002 en Festi festi kaup á Elko árið 2014.  Elko rekur í dag 4 verslanir, auk vefverslunar.

Hinrik Örn Bjarnason er framkvæmdastjóri fyrirtækjasviðs en verður framkvæmdastjóri N1 ehf. frá næstu áramótum. N1 rekur 29 þjónustustöðvar, 11 þjónustuverkstæði, 5 fyrirtækjaverslanir, fjölda sjálfsafgreiðslustöðva og fyrirtækjaþjónustu. Innkaup á eldsneyti, olíum, dekkjum og bílatengdum vörum verða í N1. Hinrik hefur starfað sem framkvæmdastjóri fyrirtækjasviðs N1 frá árinu 2013.

Guðný Rósa Þorvarðardóttir er framkvæmdastjóri einstaklingssviðs N1 auk þess sem hún tekur við vöruhúsi Bakkans. Frá áramótum verður Guðný Rósa framkvæmdastjóri viðskiptaþróunar og vöruhúsa hjá Festi. Guðný Rósa hefur verið framkvæmdastjóri einstaklingssviðs N1 frá árinu 2015.

Kolbeinn Finnsson er framkvæmdastjóri rekstarsviðs og Samrunastjóri (i.e integration director). Á rekstrarviði verða starfsmannamál, gæða- og öryggismál, upplýsingatækni og framkvæmdir og viðhald fasteigna. Kolbeinn hefur starfað hjá N1 og forvera félagsins, Olíufélaginu hf. frá árinu 1987. Hann tók við starfi framkvæmdastjóra starfsmannasviðs N1 árið 2007 en árið 2015 var nafni sviðsins breytt í rekstrarsvið.

Pétur Hafsteinsson er framkvæmdastjóri fjármálasviðs en á fjármálasviði verður gagnavinnsla og greiningar ásamt áhættu- og fjárstýringu. Pétur hefur starfað hjá N1 frá árinu 2007, þar af sem framkvæmdastjóri fjármálasviðs frá árinu 2015.

Skrifstofa forstjóra mun bera ábyrgð stefnumótun samstæðunnar og á rekstri dótturfélaga, hlutdeildarfélaga, fasteigna og annarra fjárfestingaeigna.

Meðfylgjandi er nýtt skipurit félagsins.

Nánari upplýsingar veitir:  Eggert Kristófersson, forstjóri, í síma 440 1000 eða á eggert@n1.is

Vegna mistaka í fundarboði hluthafafundar N1 hf. sem boðað hefur verið til hinn 25. september nk. var sagt að allir núverandi stjórnarmenn félagsins hefðu þegar gefið kost á sér til endurkjörs sem var ekki rétt. Nú liggur fyrir að stjórnarmennirnir Þórarinn V. Þórarinsson og Jón Sigurðsson hafa tilkynnt formanni stjórnar að þeir muni ekki gefa kost á sér á hluthafafundi þann 25. september 2018.

Þann 3. október 2017 var skrifað undir kaupsamning vegna kaupa N1 á öllu hlutafé í Festi. Nú er endanlegu uppgjöri og greiðslu kaupverðs lokið og mun N1 taka við rekstri Festi á morgun, þann 1. september.

Kaupverð hlutafjár, að teknu tilliti til leiðréttingarákvæða í kaupsamningi, var 23.707 m.kr. og var það það annars vegar greitt með afhendingu 79.573.913 hluta í N1 á genginu 115, eða 9.151 m.kr., og hins vegar með 14.556 m.kr. í reiðufé . Nettó vaxtaberandi skuldir Festi í lok síðasta rekstrarárs, þann 28. febrúar 2018, námu 14.332 m.kr. Þar sem útreikningur á kaupverði miðast við 28. febrúar síðastliðinn, en endanlegt uppgjör fór fram í dag, þann 31. ágúst, voru greiddar 480 m.kr. í vexti vegna þess tímabils.

Samhliða greiðslu kaupverðs þá endurfjármagnaði N1 langtímaskuldir sínar með 20.200 m.kr. lántöku en gert er ráð fyrir að endurfjármögnun langtímaskulda Festi ljúki á 3. ársfjórðungi 2018 með lántöku að fjárhæð 13.500 m.kr.

Samkeppniseftirlitið samþykkti kaup N1 á öllu hlutafé í Festi, þann 30. júlí síðastliðinn, með skilyrðum sem fram komu í sátt sem undirrituð var á milli N1 og Samkeppniseftirlitsins. Af sáttinni leiddi að skipa þyrfti óháðan kunnáttumann sem ætlað er að fylgja eftir og hafa eftirlit með þeim aðgerðum og fyrirmælum sem kveðið er á um í sáttinni.

Þann 9. ágúst 2018 tilnefndi forstjóri N1 þrjá einstaklinga sem félagið taldi hæfa til að gegna hlutverki hins óháða kunnáttumanns. Að undangegnu hæfismati féllst Samkeppniseftirlitið á að Lúðvík Bergvinsson yrði falið hlutverk óháða kunnáttumannsins.

Stjórn N1 hf. boðar til hluthafafundar þriðjudaginn 25. september 2018 klukkan 10:00 á aðalskrifstofu félagsins að Dalvegi 10-14, Kópavogi.

Dagskrá fundarins:

1. Stjórnarkjör
2. Tillaga að nýrri starfskjarastefnu félagsins
3. Tillaga að reglum um tilnefningarnefnd í starfsreglum stjórnar
4. Tillaga að nýrri samkeppnisstefnu félagsins
5. Tillaga að nýju nafni N1 hf.
6. Önnur mál

Nánari upplýsingar er að finna í meðfylgjandi fundarboði.

Helstu niðurstöður:

• EBITDA að undanskildum kostnaði við kaup á Festi nam 1.108 m.kr. á 2F 2018 samanborið við 778 m.kr. á 2F 2017
• Framlegð af vörusölu jókst um 16,1% á 2F 2018 sem skýrist að mestu af hagstæðri þróun á olíuverði heimsmarkaði
• Þróun á heimsmarkaðsverði á eldsneyti hafði jákvæð áhrif á 2F 2018 en þróun á 2F 2017 var óhagstæð
• Selt magn af bensíni og gasolíu minnkaði um 4,1% á 2F 2018 samanborið við 2F 2017
• Umferð á þjóðvegum landsins jókst um 4,0% á milli 2F 2018 og 2F 2017
• Eigið fé var 14.554 m.kr. og eiginfjárhlutfall 47,5% í lok 2F 2018

Nánari upplýsingar er að finna í afkomutilkynningu í viðhengi.

Í hluthafalista sem birtur er á bls. 5 í samantekt og á bls. 52 í útgefandalýsingu í lýsingu N1 sem dagsett er 24. ágúst 2018 er eignarhlutur tveggja hluthafa, The Wellington Trust Company og Global Macro Funds ekki réttur þar sem eignarhlutur beggja aðila var ranglega færður undir þann fyrrnefnda. Þann 24. ágúst 2018 var eignarhlutur Global Macro Funds 3,77% og The Wellington Trust Company Na 3,48% eftir hlutafjáraukningu.

Leiðréttan hluthafalista 24. ágúst 2018 er að finna í viðhengi.

N1 hf. hefur birt lýsingu sem er dagsett 24. ágúst 2018. Í lýsingunni koma fram upplýsingar varðandi endurfjármögnun félagsins í tengslum við kaupin á Festi hf.

Í umfjöllun um verðbólguáhættu (kafli 1.4 í útgefandalýsingu) og í umfjöllun um endurfjármögnun (kafli 6.1 í útgefandalýsingu) kemur fram að fjárhæð verðtryggðra lána félagsins að lokinni endurfjármögnun verði 11.250 m.kr. Hið rétta er að fjárhæð verðtryggðra lána mun nema 22.500 m.kr.

Í umfjöllun um endurfjármögnun kemur einnig fram að vextir séu ýmist fastir eða breytilegir og að lánin séu ýmist afborgunarlán, vaxtagreiðslulán eða með jafnar afborganir. Hið rétta er að vextir eru breytilegir og lánin eru vaxtagreiðslulán eða með jafnar afborganir.

N1 hefur hækkað hlutafé félagsins um 79.573.913 krónur. Er hlutafé félagsins nú 329.573.913 krónur. Er hækkunin gerð í tilefni af kaupum N1 á Festi hf. en hinir nýju hlutir eru hluti af kaupverðinu sem N1 greiðir SF V slhf. í samræmi við kaupsamning félaganna. Fær SF V slhf. hlutina framselda samhliða skráningu. Verða hlutirnir framseldir til eigenda SF V slhf. og munu endanlegir eigendur þeirra gangast undir sölubann á samanlagt 41.530.435 hlutum til 31. desember 2018. Munu hlutfallslega jafnmargir hlutir í eigu hvers endanlegs eigenda vera háðir sölubanni. Hlutirnir verða teknir til viðskipta í kauphöll 28. ágúst 2018.

N1 hf. hefur birt lýsingu vegna útgáfu á 79.573.913 nýjum hlutum í N1 og töku hlutanna til viðskipta á Aðalmarkaði Nasdaq Iceland hf. í tengslum við kaup á Festi hf.

Stefnt er að því að gefa hina nýju hluti út mánudaginn 27. ágúst 2018. Nasdaq Iceland hf. mun tilkynna með a.m.k. eins viðskiptadags fyrirvara hvenær hinir nýju hlutir verða teknir til viðskipta.

Lýsingin er eingöngu birt á íslensku en samantekt lýsingarinnar sem hefur verið þýdd á ensku er meðfylgjandi. Lýsinguna má nálgast á vefsíðu N1, www.n1.is/um-n1/fjarfestar/lysing. Fjárfestar geta nálgast útprentuð eintök af lýsingunni, sér að kostnaðarlausu, á skrifstofu N1, Dalvegi 10-14, 201 Kópavogi.

N1 hf. has published a prospectus for the issue of 79,573,913 new shares in N1 and the listing of the shares for trading on the Main Market of Nasdaq Iceland hf. in relation to the purchase of Festi hf.

The new shares are expected to be issued on Monday, 27 August 2018. Nasdaq Iceland hf. will give at least one working day's notice before accepting the new shares for trading.

The prospectus is only published in Icelandic but a summary has been translated into English. The prospectus is available at N1's website, www.n1.is/um-n1/fjarfestar/lysing. Investors can obtain printed copies of the prospectus free of charge at N1's offices, Dalvegur 10-14, 201 Kópavogur.

N1 birtir uppgjör sitt fyrir 2. ársfjórðung 2018 eftir lokun markaða miðvikudaginn 29. ágúst næstkomandi.

Opinn kynningarfundur verður haldinn fimmtudaginn 30. ágúst 2018 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

Samkeppniseftirlitið samþykkir kaup N1 hf. á öllu hlutafé í Festi hf. með skilyrðum sem fram koma í sátt sem undirrituð hefur verið á milli N1 og Samkeppniseftirlitsins. Þann 3. október 2017 var skrifað undir kaupsamning vegna kaupa N1 á öllu hlutafé í Festi. Kaupsamningurinn byggir á viljayfirlýsingu sem N1 og SF V slhf. skrifuðu undir þann 9. júní 2017. Í kjölfar undirritunar kaupsamnings var Samkeppniseftirlitinu send samrunatilkynning og hefur málsmeðferð Samkeppniseftirlitsins staðið síðan eins og áður hefur verið upplýst um. Nú hefur málinu verið lokið með sátt milli N1 og Samkeppniseftirlitsins. Í sáttinni felst að Samkeppniseftirlitið samþykkir samrunann með skilyrðum.

Af sáttinni leiðir að N1 verður nú heimilt að taka við rekstri Festi sem rekur matvöruverslanir undir merkjum Krónunnar, Kr, Nóatúns og Kjarvals, ELKO og vöruhótelið Bakkann. Næstu vikur verða nýttar til að undirbúa afhendingu hins selda reksturs og greiðslu kaupverðsins sem stefnt er að fari fram í lok ágúst. Að öðru leyti eru markmið sáttarinnar og meginefni skilyrðanna eftirfarandi:

1. Aukið aðgengi nýrra endurseljenda að fljótandi eldsneyti í heildsölu.
2. Aukið aðgengi að þjónustu hjá Olíudreifingu ehf.
3. Sala á fimm sjálfsafgreiðslustöðvum til nýrra, óháðra aðila á eldsneytismarkaði. Um er að ræða þrjár sjálfsafgreiðslustöðvar undir merkjum Dælunnar við Fellsmúla og Staldrið í Reykjavík og Hæðarsmára 8 í Kópavogi, og tvær stöðvar undir merkjum N1 við Salarveg í Kópavogi og Vatnagarða í Reykjavík.
4. Sala á verslun Kjarvals á Hellu.

Eggert Þór Kristófersson, forstjóri N1: "Samþykki Samkeppniseftirlitsins á kaupum N1 á Festi er stór og ánægjulegur áfangi í löngu ferli. Miklar breytingar hafa orðið, og munu verða áfram, á þeim mörkuðum sem þessi fyrirtæki starfa á. Þessi viðskipti eru í samræmi við þá framtíðarstefnu sem N1 hefur mótað og kynnt var í desember 2016. Markmið samrunans er skýrt, að hagræða í rekstri og veita viðskiptavinum beggja félaga í kjölfarið öflugri og betri þjónustu. Nú tekur við undirbúningur að framkvæmd afhendingar og samrunans með starfsfólki samstæðunnar og viðskiptavinum".

Endanlegt kaupverð hlutafjár, að teknu tilliti til leiðréttingarákvæða í kaupsamningi, er 23.707 m.kr. Greiðist það annars vegar með afhendingu 79.573.913 hluta í N1 á genginu 115, eða 9.151 m.kr., og hins vegar með 14.556 m.kr. í reiðufé . Nettó vaxtaberandi skuldir Festi í lok síðasta rekstrarárs, þann 28. febrúar 2018, námu 14.332 m.kr. en gert er ráð fyrir endurfjármögnun allra langtímaskulda samstæðunnar í tengslum við viðskiptin. Þar sem útreikningur á kaupverði miðast við 28. febrúar síðastliðinn, en endanlegt uppgjör er áætlað 31. ágúst næstkomandi, eru greiddar 480 m.kr. í vexti vegna þess tímabils. Eigendur Festi munu því eignast nýja hluti sem taka til 24,1% alls hlutafjár N1 og er sölubann á þeim hlutum til 31.12.2018.

Festi sérhæfir sig í rekstri verslunarfyrirtækja og rekur 29 verslanir undir merkjum Krónunnar, Kr, ELKO, Nóatúns, Kjarvals, en félagið á einnig og rekur Bakkann vöruhótel og Festi fasteignir. Festi fasteignir er eigandi að 16 fasteignum sem eru annað hvort í leigu til verslana félagsins eða til þriðja aðila og er heildarstærð fasteignanna um 72.000 fermetrar. Heildarvelta Festi var 39.976 m.kr. og EBITDA 3.438 m.kr. á reikningsárinu sem lauk 28. febrúar 2018 en meðalfjöldi starfsmanna var 623 á sama tímabili. Rekstraráætlun Festi fyrir rekstrarárið sem lýkur 28. febrúar 2019 gerir ráð fyrir að heildarvelta verði 43.000 m.kr. og að EBITDA verði 3.350 m.kr.

EBITDA spá N1 fyrir árið 2018 er óbreytt og gerir ráð fyrir að EBITDA muni verða á bilinu 3.500 - 3.700 m.kr. að undanskildum kostnaði við kaupin á Festi. Samanlögð EBITDA N1 á árinu 2017 og Festi á rekstrarárinu sem lauk 28. febrúar 2018 var 6.910 m.kr. að undanskildum kostnaði við kaup N1 á Festi en m.v. EBITDA spá N1 fyrir árið 2018 að undanskildum kostnaði við kaup á Festi og rekstraráætlun Festi fyrir rekstrarárið sem lýkur 28. febrúar 2019 verður samanlögð EBITDA án samlegðar á bilinu 6.850 - 7.050 m.kr.

Áætluð samlegðaráhrif af sameiningu N1 og Festi eru á bilinu 500 - 600 m.kr. og munu þau koma fram á næstu 12 - 18 mánuðum.

Boðað verður til hluthafafundar N1 í september þar sem á dagskrá verður kjör stjórnar, tillaga um breytta starfskjarastefnu og tillaga um að koma á fót tilnefningarnefnd.

Nánar verður fjallað um kaupin samhliða birtingu uppgjörs N1 fyrir 2. ársfjórðung ársins, þann 29. ágúst 2018.

Nánari upplýsingar veita Eggert Kristófersson, forstjóri, (eggert@n1.is) og Pétur Hafsteinsson, framkvæmdastjóri fjármálasviðs, (petur@n1.is).

N1 hefur lagt fram tillögur að sátt eftir viðræður við Samkeppniseftirlitið. Enn er nokkuð eftir af rannsókn Samkeppniseftirlitsins.

Vísað er til fyrri tilkynninga vegna kaupa N1 hf. á öllu hlutafé í Festi hf. Svo sem þar kom fram hefur N1 tilkynnt um kaup félagsins á Festi til Samkeppniseftirlitsins ásamt því sem félagið hefur mótað tillögu að sátt sem félagið er tilbúið til að undirgangast. Er tillagan mótuð eftir samskipti N1 við Samkeppniseftirlitið og er henni ætlað að eyða meintum samkeppnishindrunum vegna samrunans.

Vonir N1 stóðu til þess að ný rannsókn Samkeppniseftirlitsins myndi ganga hratt fyrir sig og að niðurstaða myndi liggja fyrir fyrir lok 2. ársfjórðungs. Fyrirséð er að þær vonir muni ekki ganga eftir en Samkeppniseftirlitið hefur tillögur N1 að sátt enn til rannsóknar og ófyrirséð hvenær henni ljúki. Vegna tímafresta í kaupsamning N1 um kaupin á Festi kann að þurfa að koma til breytinga á kaupsamningnum áður en rannsókn Samkeppniseftirlitsins lýkur.  

Tillögur N1 að sátt lúta meðal annars að því að félagið selji frá sér tilteknar eignir, þ. á. m. tilteknar eldsneytisafgreiðslustöðvar, auk þess sem félagið býðst til þess að skuldbinda sig til þess að veita aðgengi að eldsneyti í heildsölu og birgðarými eldsneytis svo og til þess að bregðast við eignatengslum keppinauta á eldsneytismarkaði.

Nánari upplýsingar veita Eggert Kristófersson, forstjóri, (eggert@n1.is) og Pétur Hafsteinsson, framkvæmdastjóri fjármálasviðs, (petur@n1.is).

Helstu niðurstöður:

• EBITDA að undanskildum kostnaði við kaup á Festi nam 436 m.kr. á 1F 2018 samanborið við 521 m.kr. á 1F 2017
• Framlegð af vörusölu minnkaði um 1,0% á 1F 2018
• Selt magn af bensíni og gasolíu minnkaði um 2,2% á milli 1F 2018 og 1F 2017 sem skýrist af aukinni samkeppni á einstaklingsmarkaði
• Umferð á þjóðvegum landsins jókst um 5,9% á milli 1F 2018 og 1F 2017
• Eigið fé var 13.873 m.kr. og eiginfjárhlutfall 49,0% í lok 1F 2018

Nánari upplýsingar er að finna í afkomutilkynningu í viðhengi.

N1 birtir uppgjör sitt fyrir 1. ársfjórðung 2018 eftir lokun markaða miðvikudaginn 25. apríl næstkomandi.

Opinn kynningarfundur verður haldinn fimmtudaginn 26. apríl 2018 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

Samrunatilkynning vegna kaupa á Festi afturkölluð. Tilkynnt verður um samrunann á ný.

Vísað er til fyrri tilkynninga vegna kaupa N1 hf. á öllu hlutafé í Festi hf.

Samkeppniseftirlitið hefur undanfarna mánuði haft samkeppnisleg áhrif samrunans til rannsóknar. Frummat Samkeppniseftirlitsins er að samruninn hafi að óbreyttu í för með röskun á samkeppni. N1 hefur lagt fram drög að skilyrðum sem félagið er tilbúið að undirgangast og telur þau skilyrði geta eytt mögulegum samkeppnishindrunum vegna samrunans.

Samkeppniseftirlitið hefur upplýst N1 um að ekki sé unnt að leggja fullnægjandi mat á tillögur N1 innan þess tíma sem eftir er af lögbundnum tímafresti málsins.

Sökum þess hefur stjórn N1 nú ákveðið að afturkalla samrunatilkynningu vegna málsins og mun félagið í kjölfarið senda Samkeppniseftirlitinu nýja samrunatilkynningu og skilyrði.

Í ljósi þeirrar miklu vinnu sem þegar hefur verið lögð í málið af hálfu Samkeppniseftirlitsins standa vonir N1 til þess að frekari rannsókn Samkeppniseftirlitsins gangi hratt fyrir sig og að niðurstaða muni liggja fyrir fyrir lok 2. ársfjórðungs.

Samkeppniseftirlitið telur sáttaviðræður ekki heppilegar að svo stöddu

Þann 3. október 2017 var skrifað undir kaupsamning vegna kaupa N1 hf. á öllu hlutafé í Festi hf. Kaupsamningurinn byggir á viljayfirlýsingu sem N1 hf. og SF V slhf. skrifuðu undir þann 9. júní síðastliðinn um helstu skilmála viðskiptanna og niðurstöðu áreiðanleikakönnunar á Festi hf.

Viðskiptin eru meðal annars háð skilyrðum um samþykki Samkeppniseftirlitsins. Þann 31. október 2017 skilaði félagið inn samrunaskrá til Samkeppniseftirlitsins sem hefur nú samkeppnisleg áhrif samrunans til rannsóknar.

Laugardaginn 24. febrúar 2018 kl. 19:31 barst N1 andmælaskjal frá Samkeppniseftirlitinu, sem lið í málsmeðferð þess á samrunanum. Skjalið fól í sér frummat Samkeppniseftirlitsins en felur ekki í sér bindandi stjórnvaldsákvörðun. Í skjalinu er frumniðurstöðu eftirlitsins lýst en hún er sú að samruninn raski samkeppni og verði ekki samþykktur af Samkeppniseftirlitinu án skilyrða. N1 var ósammála niðurstöðu andmælaskjalsins og skilaði inn athugasemdum við andmælaskjalið fyrir lok tilskilins frests. Samhliða var óskað eftir sáttaviðræðum og settar fram hugmyndir að skilyrðum. Með bréfi dags. 14. mars 2018 hefur Samkeppniseftirlitið tilkynnt N1 að stofnunin telji ástæðu til þess að rannsaka málið frekar að teknu tilliti til framkominna athugasemda. Muni því ekki fara fram sáttaviðræður að sinni.

Vegna áframhaldandi rannsóknar eftirlitsins eru niðurstöður væntanlegar í síðasta lagi þann 18. apríl 2018. Gangi viðskiptin eftir er gert ráð fyrir að þeim ljúki í lok 2. ársfjórðungs 2018.

Eftirtaldir gefa kost á sér í kjöri til stjórnar N1 hf. vegna aðalfundar sem haldinn verður mánudaginn 19. mars 2018 kl. 16:00, á Dalvegi 10 - 14 í Kópavogi:

1. Helgi Magnússon, kennitala: 140149-4119
2. Kristín Guðmundsdóttir, kennitala: 270853-7149
3. Jón Sigurðsson, kennitala: 180378-4219
4. Margrét Guðmundsdóttir, kennitala: 160154-2419
5. Þórarinn V. Þórarinsson, kennitala: 250654-2869

Samkvæmt samþykktum félagsins skal stjórnin skipuð fimm mönnum og er því sjálfkjörið í stjórn félagsins.

N1 hf: Vegna kaupa N1 hf. á Festi hf.

Stjórn hefur ákveðið að ganga til sáttaviðræðna við Samkeppniseftirlitið

Þann 3. október 2017 var skrifað undir kaupsamning vegna kaupa N1 hf. á öllu hlutafé í Festi hf. Kaupsamningurinn byggir á viljayfirlýsingu sem N1 hf. og SF V slhf. skrifuðu undir þann 9. júní síðastliðinn um helstu skilmála viðskiptanna og niðurstöðu áreiðanleikakönnunar á Festi hf.

Viðskiptin eru meðal annars háð skilyrðum um samþykki Samkeppniseftirlitsins. Þann 31. október 2017 skilaði félagið inn samrunaskrá til Samkeppniseftirlitsins sem hefur nú samkeppnisleg áhrif samrunans til rannsóknar.

Laugardaginn 24. febrúar 2018 kl. 19:31 barst N1 andmælaskjal frá Samkeppniseftirlitinu, sem liður í málsmeðferð þess á samrunanum. Skjalið felur í sér frummat Samkeppniseftirlitsins en felur ekki í sér bindandi stjórnvaldsákvörðun. Í skjalinu er frumniðurstöðu eftirlitsins lýst en hún er sú að samruninn raski samkeppni og verði ekki samþykktur af Samkeppniseftirlitinu án skilyrða.

N1 er ósammála niðurstöðu andmælaskjalsins og mun skila inn athugasemdum við andmælaskjalið við lok tilskilins frests. Hefur stjórn félagsins ákveðið að hefja sáttaviðræður við Samkeppniseftirlitið þegar athugasemdum félagsins hefur verið skilað.

Niðurstöður Samkeppniseftirlitsins eru væntanlegar 16. mars 2018 nema eftirlitið óski eftir viðbótargögnum til rannsóknar en þá væru niðurstöður væntanlegar þann 18. apríl 2018. Gangi viðskiptin eftir er gert ráð fyrir að þeim ljúki í lok 2. ársfjórðungs 2018.

Aðalfundur N1 hf. verður haldinn mánudaginn 19. mars 2018 klukkan 16:00 í höfuðstöðvum félagsins að Dalvegi 10-14, Kópavogi.

Dagskrá fundarins:

1. Skýrsla stjórnar um starfsemi félagsins á liðnu starfsári.
2. Skýrsla forstjóra og ársreikningur kynntur.
3. Staðfesting ársreiknings fyrir síðastliðið reikningsár og tekin ákvörðun um hvernig fara skuli með hagnað félagsins.
4. Ákvörðun tekin um greiðslu arðs vegna rekstrarársins 2017.
5. Skilyrt tillaga stjórnar um styttingu kjörtímabils þeirrar stjórnar sem kjörin skal á aðalfundi félagsins 19. mars 2018.
6. Stjórnarkjör.
7. Kjör endurskoðanda eða endurskoðunarfirma.
8. Ákvörðun um þóknun til stjórnarmanna og undirnefnda stjórnar.
9. Tillaga stjórnar að starfskjarastefnu félagsins.
10. Tillaga stjórnar um heimild til kaupa á eigin hlutabréfum.
11. Önnur mál löglega upp borin.

Nánari upplýsingar er að finna í viðhengi.

Samkeppniseftirlitið hefur sent félaginu andmælaskjal vegna málsins

Þann 3. október 2017 var skrifað undir kaupsamning vegna kaupa N1 hf. á öllu hlutafé í Festi hf. Kaupsamningurinn byggir á viljayfirlýsingu sem N1 hf. og SF V slhf. skrifuðu undir þann 9. júní síðastliðinn um helstu skilmála viðskiptanna og niðurstöðu áreiðanleikakönnunar á Festi hf.

Viðskiptin eru meðal annars háð skilyrðum um samþykki Samkeppniseftirlitsins. Þann 31. október 2017 skilaði félagið inn samrunaskrá til Samkeppniseftirlitsins sem hefur nú samkeppnisleg áhrif samrunans til rannsóknar.

Laugardaginn 24. febrúar 2018 kl. 19:31 barst N1 andmælaskjal frá Samkeppniseftirlitinu, sem liður í málsmeðferð þess á samrunanum. Andmælaskjalið er ritað í þeim tilgangi að auðvelda samrunaaðilum að nýta andmælarétt sinn skv. stjórnsýslulögum og stuðla að því að rétt ákvörðun verði tekin í málinu. Skjalið felur í sér frummat Samkeppniseftirlitsins en felur ekki í sér bindandi stjórnvaldsákvörðun. Í skjalinu er frumniðurstöðu eftirlitsins lýst en hún er sú að samruninn raski samkeppni og verði ekki samþykktur af Samkeppniseftirlitinu án skilyrða.

Frestur N1 til að skila athugasemdum við andmælaskjalið er til kl. 12:00 þann 12. mars 2018.

Niðurstöður Samkeppniseftirlitsins eru væntanlegar 16. mars 2018 nema eftirlitið óski eftir viðbótargögnum til rannsóknar en þá væru niðurstöður væntanlegar þann 18. apríl 2018. Gangi viðskiptin eftir er gert ráð fyrir að þeim ljúki í lok 2. ársfjórðungs 2018.

Helstu niðurstöður:

• EBITDA að undanskildum kostnaði við kaup á Festi nam 3.605 m.kr. árið 2017 samanborið við 3.625 m.kr. árið 2016
• EBITDA að undanskildum kostnaði við kaup á Festi nam 844 m.kr. á 4F 2017 samanborið við 675 m.kr. á 4F 2016
• Framlegð af vörusölu jókst um 2,3% á 4F 2017 sem skýrist að mestu af hagstæðri þróun á heimsmarkaðsverði olíu og auknum umsvifum í bílaþjónustu
• Selt magn af bensíni og gasolíu minnkaði um 1,6% á milli 4F 2016 og 4F 2017
• Umferð á þjóðvegum landsins jókst um 10,8% á milli 4F 2017 og 4F 2016
• Eigið fé var 13.812 m.kr. og eiginfjárhlutfall 49,9% í lok ársins 2017

Nánari upplýsingar er að finna í afkomutilkynningu í viðhengi.

N1 birtir uppgjör sitt fyrir 4. ársfjórðung 2017 eftir lokun markaða miðvikudaginn 21. febrúar næstkomandi.

Opinn kynningarfundur verður haldinn fimmtudaginn 22. febrúar 2018 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

• Ársuppgjör 2017: 21. febrúar 2018
• Aðalfundur 2018: 21. mars 2018
• Uppgjör 1F 2018: 25. apríl 2018
• Uppgjör 2F 2018: 29. ágúst 2018
• Uppgjör 3F 2018: 14. nóvember 2018
• Ársuppgjör 2018: 27. febrúar 2019
• Aðalfundur 2019: 21. mars 2019

Vinsamlegast athugið að dagsetningarnar eru birtar með fyrirvara um breytingar.

Leiðrétting vegna viðskipti stjórnanda. Frétt áður birt dags. 23. febrúar 2017. 

Sjá meðfylgjandi viðhengi. 

Sjá meðfylgjandi viðhengi. 

Sjá meðfylgjandi tilkynningu vegna viðskipta Landsbréfa hf., fyrir hönd sjóða í rekstri félagsins, í N1 hf. 

Hluthafafundur N1 hf. var haldinn þann 26. október 2017 klukkan 16:00 í höfuðstöðvum félagsins að Dalvegi 10-14, Kópavogi. Á fundinum var samþykkt tillaga um kaup félagsins á öllu hlutafé í Festi hf. Þá var jafnframt samþykkt tillaga um heimild stjórnar til að hækka hlutafé til að mæta hluta kaupsamningsgreiðslna við kaupin á Festi hf.

Hin samþykkta tillaga felur í sér að stjórn félagsins er veitt heimild til þess að gefa út nýja hluti í félaginu að nafnverði allt að kr. 84.782.609 á genginu 115. Forkaupsréttur hluthafa að hækkuninni er felldur niður, en þess í stað, ef til kemur, er SF V slhf. veittur áskriftarréttur að allri hækkuninni, eins og nauðsynlegt reynist, til þess að hægt verði að standa við uppgjör á kaupsamningi um kaup N1 hf. á öllu hlutafé í Festi hf., frá 3. október 2017, en hluti kaupverðsins er greiddur með nýjum hlutum í N1 hf. Heimild þessi til stjórnar stendur til 31. desember 2018. Gerð skal skráningarlýsing vegna hinna nýju hluta ef til útgáfu þeirra kemur.

Á hluthafafundi í SF V slhf. hinn 26. október 2017 var tillaga um sölu á öllu hlutafé í Festi hf. til N1 hf. samþykkt. Hefur þar með öllum fyrirvörum vegna viðskiptanna, fyrir utan samþykki Samkeppniseftirlitsins, verið aflétt.

Meðfylgjandi eru uppfærðar samþykktir félagsins.

Helstu niðurstöður:

• Rekstrarhagnaður fyrir afskriftir (EBITDA) nam 1.409 m.kr. á 3F 2017 samanborið við 1.472 m.kr. á 3F 2016
• Framlegð af vörusölu jókst um 2,8% á 3F 2017 sem skýrist að mestu af hagstæðri þróun á heimsmarkaðsverði með olíu
• Þróun á heimsmarkaðsverði á eldsneyti hafði jákvæð áhrif á 3F 2017
• Selt magn af bensíni og gasolíu jókst um 0,4% á milli ára
• Umferð á þjóðvegum landsins jókst um 8,0% á milli 3F 2017 og 3F 2016
• Eigið fé var 13.461 m.kr. og eiginfjárhlutfall 46,4% í lok 3F 2017

Nánari upplýsingar er að finna í afkomutilkynningu í viðhengi.

N1 birtir uppgjör sitt fyrir 3. ársfjórðung 2017 eftir lokun markaða miðvikudaginn 25. október næstkomandi.

Opinn kynningarfundur verður haldinn fimmtudaginn 26. október 2017 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

Stjórn N1 hf. boðar til hluthafafundar fimmtudaginn 26. október 2017 klukkan 16:00 á aðalskrifstofu félagsins að Dalvegi 10-14, Kópavogi.

Dagskrá fundarins:

1. Tillaga um að samþykkja kaup félagsins á öllu hlutafé Festi hf.
2. Tillaga um heimild stjórnar til að hækka hlutafé til að mæta hluta kaupsamningsgreiðslna við kaupin á Festi hf.

             
Nánari upplýsingar er að finna í meðfylgjandi fundarboði.

Í dag, 3. október 2017, var skrifað undir kaupsamning vegna kaupa N1 hf. á öllu hlutafé í Festi hf. Kaupsamningurinn byggir á viljayfirlýsingu sem N1 hf. og SF V slhf. skrifuðu undir þann 9. júní síðastliðinn um helstu skilmála viðskiptanna og niðurstöðu áreiðanleikakönnunar á Festi hf.

Festi sérhæfir sig í rekstri verslunarfyrirtækja og rekur 27 verslanir undir merkjum Krónunnar, ELKO, Nóatún, Kjarval og Kr, en félagið á einnig og rekur Bakkann vöruhótel. Festi á 18 fasteignir sem eru annað hvort í leigu til verslana félagsins eða til þriðja aðila og er heildarstærð fasteignanna um 71.500 fermetrar. Heildarvelta Festi var rúmir 39 milljarðar króna á rekstrarárinu sem lauk 28. febrúar 2017.

Í kaupsamningnum er heildarvirði Festi 37,9 milljarðar króna en endanlegt kaupverð hlutafjár mun ráðast af skuldastöðu félagsins við lok yfirstandandi fjárhagsárs 28. febrúar 2018. Gera áætlanir yfirstandandi rekstrarárs ráð fyrir að hagnaður fyrir afskriftir, fjármagnsliði og skatta ("EBITDA") verði um 3.340 milljónir króna og eru 2.125 milljónir króna vegna rekstrarfélaga Festi en 1.215 milljónir króna vegna fasteignastarfsemi þess. Heildarvirði félagsins getur tekið breytingum vegna afkomu rekstrarfélaga Festi. Reynist EBITDA rekstrarfélaganna fyrir rekstrarárið sem lýkur 28. febrúar 2018 vera hærri en 2.125 milljónir króna skal kaupverð hækka en þó aldrei meira en 1 milljarð króna, þ.e.a.s. verði EBITDA 2.250 milljónir króna eða hærri. Reynist hins vegar EBITDA rekstrarfélaganna vera lægri en 2.050 milljónir króna skal kaupverðið lækka en þó aldrei meira en um 1 milljarð króna, þ.e.a.s.  verði EBITDA 1.925 milljónir króna eða lægri. Eins og áður hefur verið tilkynnt er spá stjórnenda N1 að EBITDA félagsins verði á bilinu 3.500 til 3.600 milljónir króna á árinu 2017 að undanskildum kostnaði við kaup á Festi og er því áætluð EBITDA sameinaðs félags á yfirstandandi rekstrarári án kostnaðar N1 við kaup á Festi á bilinu 6.840 til 6.940 milljónir króna en ekki hefur verið tekið tillit til samlegðar í framangreindum tölum. Áætluð samlegðaráhrif af sameiningu N1 og Festi eru á bilinu 500 til 600 m.kr.

Kaupverð hlutafjár verður greitt annars vegar með 76.086.957 hlutum í N1 á genginu 115, eða sem nemur 8.750 milljónum króna og hins vegar með nýrri lántöku. Sölubann er á helming þeirra hluta til 31.12.2018 en seljanda er þó heimilt að framselja bréfin með þeim réttindum til endanlegs eigenda. Komi til viðbótargreiðslu vegna betri afkomu Festi hf. mun sú greiðsla vera í formi hluta í N1 á genginu 115 en þeir hlutir munu jafnframt falla undir framangreint sölubann.

Viðskiptin eru meðal annars háð skilyrðum um að hluthafafundir beggja aðila samþykki kaupin og samþykki Samkeppniseftirlitsins. Gangi viðskiptin eftir er gert ráð fyrir að þeim ljúki á 2. ársfjórðungi 2018.

Ráðgjafi N1 í viðskiptunum er fyrirtækjaráðgjöf Arion banka hf.

Boðað verður til hluthafafundar í N1 þar sem gerð verður grein fyrir viðskiptunum og óskað eftir heimild hluthafafundar fyrir útgáfu nýrra hlut í félaginu í tengslum við viðskiptin. Fundurinn verður haldinn 26. október næstkomandi kl. 16:00 í höfuðstöðvum N1 að Dalvegi 10 - 14 í Kópavogi 3. hæð.

Opinn kynningarfundur fyrir markaðsaðila og hluthafa verður haldinn þriðjudaginn 3. október 2017 í höfuðstöðvum N1 að Dalvegi 10 - 14 í Kópavogi 3. hæð. Eggert Kristófersson, forstjóri, mun kynna helstu atriði viðskiptanna og svara spurningum. Fundurinn hefst kl. 16:00. Kynningarefni fundarins verður hægt að nálgast að honum loknum á heimasíðu N1: http://www.n1.is/umn1/fjarfestar/ og í fréttakerfi Nasdaq OMX Iceland hf.

Eggert Kristófersson, forstjóri N1

"Það er okkur sönn ánægja að samningum um kaup N1 á Festi hafi lokið í dag með undirritun kaupsamnings. Með kaupunum verður til stærra og öflugra félag með getu til að þjónusta viðskiptavinum sínum enn betur um land allt með samþættingu í rekstri fyrirtækjanna og góðum staðsetningum."

Nánari upplýsingar veitir Eggert Kristófersson, forstjóri (eggert@n1.is)

N1 keypti í dag fasteignina að Klettagörðum 13 af FAST-2 ehf. Í lok árs 2012 seldi N1 FAST-2 ehf. eignina en samhliða sölunni leigði félagið hana til baka til 10 ára með kauprétti að henni eftir 5 ár og aftur í lok leigutíma á framreiknuðu söluverði. Fasteignin er 8.926 fermetrar og er að mestu notuð undir vöruhúsastarfsemi félagsins en þar er einnig fyrirtækjaverslun. Kaupverð eignarinnar er 1.653 m.kr. sem samsvarar um 7,3% arðsemi fjárfestingarinnar. EBITDA félagsins hækkar við kaupin um 90 m.kr. og handbært fé frá rekstri hækkar um 120 m.kr. á ársgrundvelli, að öðru óbreyttu.

Helstu niðurstöður:

• Rekstrarhagnaður fyrir afskriftir (EBITDA) nam 768 m.kr. á 2F 2017 samanborið við 1.104 m.kr. á 2F 2016
• Framlegð af vörusölu minnkaði um 8,0% á 2F 2017 sem skýrist að mestu af óhagstæðri þróun á heimsmarkaðsverði með olíu
• Þróun á heimsmarkaðsverði með eldsneyti og styrking ISK hafði neikvæð áhrif á 2F 2017 samanborið við jákvæð áhrif á 2F 2016
• Selt magn af bensíni og gasolíu jókst um 5,5% á milli ára vegna aukinna umsvifa í hagkerfinu
• Umferð á þjóðvegum landsins jókst um 11,4% á milli 2F 2017 og 2F 2016
• Eigið fé var 12.471 m.kr. og eiginfjárhlutfall 46,4% í lok 2F 2017

Nánari upplýsingar er að finna í afkomutilkynningu í viðhengi.

N1 birtir uppgjör sitt fyrir 2. ársfjórðung 2017 eftir lokun markaða miðvikudaginn 23. ágúst næstkomandi.

Opinn kynningarfundur verður haldinn fimmtudaginn 24. ágúst 2017 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

Sjá flöggunartilkynningu í viðhengi:

N1 hf. og SF V slhf. undirrituðu í dag samkomulag sem tekur á helstu skilmálum vegna fyrirhugaðra kaupa N1 hf. á öllu útgefnu hlutafé í Festi hf.

Festi sérhæfir sig í rekstri verslunarfyrirtækja og rekur 28 verslanir undir merkjum Krónunnar, ELKO, Nóatún og Kjarval en félagið á einnig Bakkann, vöruhús. Festi á 17 fasteignir sem eru annað hvort í leigu til verslana félagsins eða þriðja aðila. Heildarstærð fasteignanna er um 71.500 fermetrar. Heildarvelta Festi var rúmir 39 milljarðar króna á rekstrarárinu sem lauk 28. febrúar 2017.

Aðilar samningsins munu í framhaldi af undirrituninni hefja samningaviðræður um kaupin með það að markmiði að komast að samkomulagi um efni endanlegs kaupsamnings. Samningaviðræðurnar skulu byggja á forsendum og skilmálum samkomulagsins að teknu tilliti til niðurstaðna áreiðanleikakönnunar kaupanda.

Samkomulagið felur í sér að heildarvirði Festi er 37,9 milljarðar króna en endanlegt kaupverð hlutafjár mun ráðast af skuldastöðu félagsins við afhendingu. Gera áætlanir yfirstandandi rekstrarárs ráð fyrir að hagnaður fyrir afskriftir, fjármagnsliði og skatta (,,EBITDA") verði um 3.340 milljónir króna og eru 2.125 milljónir króna vegna rekstrarfélaga Festi en 1.215 milljónir króna vegna fasteignastarfsemi þess. Heildarvirði félagsins getur tekið breytingum vegna afkomu rekstrarfélaga Festi. Reynist EBITDA rekstrarfélagana fyrir rekstrarárið sem lýkur 28. febrúar 2018 vera hærri en 2.125 milljónir króna skal kaupverð hækka en þó aldrei meira en um 1 milljarð króna verði EBITDA 2.250 milljónir króna eða hærri. Eins og áður hefur verið tilkynnt er spá stjórnenda N1 að EBITDA félagsins verði á bilinu 3.500 til 3.600 milljónir króna á árinu 2017 og er því á ætluð EBITDA sameinaðs félags á yfirstandandi rekstrarári um 6.850 til 7.050 milljónir króna en ekki hefur verið tekið tillit til samlegðar í framangreindum tölum.

Kaupverð verður greitt annars vegar með 76.086.957 hlutum í N1 á genginu 115, eða sem nemur 8.750 milljónum króna og hins vegar með yfirtöku skulda og lántöku. Seljendur skuldbinda sig til að hvorki selja né framselja helming af þeim hlutum í N1 sem þeir fá afhenta fyrir 31.12.2018. Komi til viðbótargreiðslu vegna betri afkomu Festi hf. mun sú greiðsla vera í formi hluta í N1 á genginu 115 en þeir hlutir munu jafnframt falla undir sölubann fram til 31.12.2018.

Viðskiptin eru meðal annars háð skilyrðum um (i) að samkomulag náist um endanlegan kaupsamning, (ii) að stjórn og hluthafafundir beggja aðila samþykki kaupin, (iii) framkvæmd áreiðanleikakönnunar og (vii) samþykki Samkeppniseftirlitsins. Gangi viðskiptin eftir er gert ráð fyrir að þeim ljúki á 1. ársfjórðungi 2018.

Nánar verður gerð grein fyrir viðskiptunum þegar kaupsamningur liggur fyrir.

Ráðgjafi N1 í viðskiptunum er fyrirtækjaráðgjöf Arion banka hf.

Eggert Þór Kristófersson, forstjóri N1

"Það er afar ánægjulegt að kynna fyrirhuguð kaup N1 á Festi en þau skapa tækifæri til að byggja upp enn öflugra félag sem er betur í stakk búið til að takast á við síbreytilegt samkeppnisumhverfi. Festi rekur annað stærsta smásölufyrirtæki landsins og sjáum við mikla möguleika á samþættingu í rekstri fyrirtækjanna og betri nýtingu á góðum staðsetningum verslana og þjónustustöðva beggja fyrirtækja."

Jón Björnsson, forstjóri Festi

"Það munu opnast nýir möguleikar fyrir Festi með auknum fjölda smásölustaðsetninga, bæði í þróun smásöluverslunar sem og í smásölutengdri fasteignastarfsemi. Kaupin eru ánægjuleg viðurkenning á því frábæra starfi sem starfsfólk fyrirtækja Festi hefur unnið á s.l. árum í að búa til frábær vörumerki sem standa fyrir góða hluti."

Nánari upplýsingar veitir Eggert Kristófersson, forstjóri (eggert@n1.is)

Helstu niðurstöður:

• Rekstrarhagnaður fyrir afskriftir (EBITDA) nam 521 m.kr. á 1F 2017 samanborið við 374 m.kr. á 1F 2016
• Framlegð af vörusölu jókst um 10,9% á 1F 2017
• Selt magn af bensíni og gasolíu jókst um 8,7% á milli ára vegna aukinna umsvifa í hagkerfinu
• Umferð á þjóðvegum landsins jókst um 14,1% á milli 1F 2017 og 1F 2016
• Selt magn án JET lækkaði um 17,6% á milli 1F 2017 og 1F 2016 vegna sjómannaverkfalls
• Eigið fé var 12.053 m.kr. og eiginfjárhlutfall 46,7% í lok 1F 2017

Nánari upplýsingar er að finna í afkomutilkynningu í viðhengi.

Samkvæmt drögum að uppgjöri 1. ársfjórðungs 2017 hjá N1 hf. er EBITDA um 520 m.kr. samanborið við 374 m.kr. á sama fjórðungi 2016. Umferð á þjóðvegum landsins jókst um 14,1% á milli fyrsta ársfjórðungs 2016 og 2017 og skilaði það sér í aukinni sölu á bifreiðaeldsneyti sem jókst um 8,7% í magni á milli tímabila. Jafnframt var þróun á olíuverði félaginu hagstæð á fjórðungnum auk þess sem að önnur vörusala skilaði afkomu umfram áætlanir.

Í ljósi afkomu 1. ársfjórðungs hefur EBITDA spá félagsins verið hækkuð um 100 m.kr. eða í 3.500 - 3.600 m.kr. Það skal þó áréttað að rekstur N1 er sveiflukenndur og árstíðabundinn en stærsti hluti EBITDA fellur til á 2 og 3. ársfjórðungi hvers árs. 

Árshlutareikningur 1. ársfjórðungs 2017 verður birtur 26. apríl næstkomandi og verður kynningarfundur fyrir markaðsaðila og hluthafa haldinn fimmtudaginn 27. apríl 2017 í höfuðstöðvum N1 að Dalvegi 10 - 14 í Kópavogi 3. hæð kl. 8:30.

Nánari upplýsingar veitir Eggert Kristófersson, forstjóri, (eggert@n1.is)

N1 birtir uppgjör sitt fyrir 1. ársfjórðung 2017 eftir lokun markaða miðvikudaginn 26. apríl næstkomandi.

Opinn kynningarfundur verður haldinn fimmtudaginn 27. apríl 2017 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl

Ársskýrsla N1 hf. fyrir árið 2016 er rafræn og er hægt að nálgast hana á heimasíðu félagsins á slóðinni n1.is/arsskyrsla-2016 . Hægt er að hlaða niður útgáfu af skýrslunni á PDF formi á ársskýrsluvefnum.

Eftirtaldir gefa kost á sér í kjöri til stjórnar N1 hf. vegna aðalfundar sem haldinn verður þriðjudaginn 21. mars 2017 kl. 16:30, á Dalvegi 10 - 14 í Kópavogi:

1. Helgi Magnússon, kennitala: 140149-4119
2. Kristín Guðmundsdóttir, kennitala: 270853-7149
3. Jón Sigurðsson, kennitala: 180378-4219
4. Margrét Guðmundsdóttir, kennitala: 160154-2419
5. Þórarinn V. Þórarinsson, kennitala: 250654-2869

Samkvæmt samþykktum félagsins skal stjórnin skipuð fimm mönnum og er því sjálfkjörið í stjórn félagsins.

Aðalfundur N1 hf. verður haldinn þriðjudaginn 21. mars 2017 klukkan 16.30 í höfuðstöðvum félagsins að Dalvegi 10-14, Kópavogi.

Dagskrá fundarins:

1. Skýrsla stjórnar um starfsemi félagsins á liðnu starfsári.
2. Skýrsla forstjóra og ársreikningur kynntur.
3. Staðfesting ársreiknings fyrir síðastliðið reikningsár og tekin ákvörðun um hvernig fara skuli með hagnað félagsins.
4. Ákvörðun tekin um greiðslu arðs vegna rekstrarársins 2016.
5. Stjórnarkjör.
6. Kjör endurskoðanda eða endurskoðunarfirma.
7. Ákvörðun um þóknun til stjórnarmanna, varastjórnar og undirnefnda stjórnar.
8. Tillaga stjórnar að starfskjarastefnu félagsins.
9. Tillaga stjórnar um heimild til kaupa á eigin hlutabréfum.
10. Önnur mál löglega upp borin.

Nánari upplýsingar er að finna í viðhengi.

Helstu niðurstöður:

• Rekstrarhagnaður fyrir afskriftir (EBITDA) nam 3.625 m.kr. árið 2016 samanborið við 3.012 m.kr. á sama árið 2015.
• Framlegð af vörusölu jókst um 10,2 % á árinu 2016
• Selt magn af bensíni og gasolíu jókst um 9,5% á milli ára vegna aukinna umsvifa í hagkerfinu
• Umferð á þjóðvegum landsins jókst um 13,4% á árinu 2016 samanborið við 5,8% árið 2015
• Þróun á heimsmarkaðsverði með eldsneyti hafði jákvæð áhrif á afkomu ársins
• EBITDA var 675 m.kr. á 4. ársfjórðungi 2016 (4F 2015: 628 m.kr.)
• Viðsnúningur á virðisrýrnun fasteigna frá 2011 og voru 1.323 m.kr. tekjufærðar í rekstrarreikningi
• Endurmat fasteigna 4.850 m.kr. fært beint á eigið fé
• Eigið fé félagsins var 12.572 m.kr. og eiginfjárhlutfall 49,1% í lok árs 2016
• Nettó vaxtaberandi skuldir voru samtals 4.775 m.kr. í árslok 2016 (2015: 3.972 m.kr. )
• Meðalfjöldi stöðugilda var 532 á árinu 2016 (2015: 521)

Nánari upplýsingar er að finna í afkomutilkynningu í viðhengi.

N1 birtir uppgjör sitt fyrir 4. ársfjórðung 2016 eftir lokun markaða fimmtudaginn 16. febrúar næstkomandi.

Opinn kynningarfundur verður haldinn föstudaginn 17. febrúar 2017 í höfuðstöðvum félagsins að Dalvegi 10 - 14 Kópavogi 3. hæð. Eggert Kristófersson forstjóri N1 mun kynna afkomu félagsins og svara spurningum.

Fundurinn hefst kl. 08:30. Boðið verður upp á morgunverð frá kl. 08:00. Kynningarefni vegna fundarins verður hægt að nálgast að honum loknum á heimasíðu N1: www.n1.is/fjarfestatengsl