Sýn hf. hefur ráðið Signýju Magnúsdóttur sem fjármálastjóra Sýnar hf. frá 1. júní næstkomandi og Þórhall Gunnarsson sem framkvæmdastjóra Miðla frá og með 22. maí næstkomandi en undir Miðla heyra m.a. fjölmiðlarnir Stöð 2, Stöð 2 sport og útvarpsstöðvarnar Bylgjan, FM957 og Xið977 auk Vísis. 

Signý Magnúsdóttir lauk meistaranámi í reikningsskilum og endurskoðun við Háskóla Íslands árið 2007 og hlaut löggildingu til endurskoðunar árið 2011. Signý hóf störf hjá Deloitte árið 2006 og varð meðeigandi á endurskoðunarsviði félagsins árið 2013. Hjá Deloitte sinnti Signý einna helst endurskoðun og ráðgjöf á sviði reikningsskila fyrir meðalstór og stór fyrirtæki, þar á meðal skráð fyrirtæki og fyrirtæki sem starfa í alþjóðlegu umhverfi. Signý er yfirmaður reikningsskilaþjónustu Deloitte ásamt því að vera í forsvari fyrir líftækni- og heilbrigðishóp Deloitte. Signý situr í Reikningsskilaráði.

Þórhallur Gunnarsson er með meistaragráðu í sjónvarpsþáttagerð frá Goldsmiths, University of London og hefur undanfarin 6 ár verið framkvæmdastjóri sjónvarps og kvikmyndadeildar Sagafilm. Þar áður var hann dagskrárstjóri RÚV, ritstjóri Kastljóss, auk þess sem hann hefur stýrt fjölmörgum sjónvarpsþáttum af öllu tagi, m.a. Íslandi í dag á Stöð 2. Þórhallur hefur átt sæti í framkvæmdastjórn RÚV og stjórn Sagafilm. Hann hefur undanfarin ár verið framleiðandi margra stærstu sjónvarpsþátta á Íslandi, hvort sem um er að ræða leiknar sjónvarpsþáttaseríur, heimildarmyndir, fræðsluefni eða skemmtiþætti. Þórhallur kennir einnig miðlun upplýsinga við MBA nám Háskóla Íslands.

Heiðar Guðjónsson, stjórnarformaður Sýnar hf., hefur ákveðið að segja sig úr stjórn félagsins. Hjörleifur Pálsson hefur tekið við stjórnarformennsku og Sigríður Vala Halldórsdóttir varastjórnarmaður tekið sæti í stjórn. Samhliða þessum breytingum hefur verið gengið frá ráðningu Heiðars Guðjónssonar sem forstjóra Sýnar hf.

Hjörleifur Pálsson, stjórnarformaður Sýnar: "Heiðar hefur stýrt stjórnarstörfum undanfarin ár af röggsemi. Það er mikill fengur af því að fá hann til þess að leiða daglegan rekstur félagsins, enda hefur hann yfirgripsmikla þekkingu á starfseminni. Við bjóðum hann því velkominn til starfa á nýjum vettvangi."

Heiðar Guðjónsson, forstjóri Sýnar: "Ég er þakklátur fyrir það traust sem mér er sýnt með þessari ráðningu. Framundan eru krefjandi verkefni, sem ég hlakka til að leysa af hendi í samstarfi við allt það framúrskarandi fólk sem starfar hjá Sýn hf."

Uppgjör 1 F: 15.5. 2019

Uppgjör 2 F: 28.8. 2019

Uppgjör 3 F: 6.11. 2019

Ársuppgjör 2019: 26.2. 2020

Aðalfundur Sýnar: 20.3. 2020

Dagsetningarnar eru birtar með fyrirvara um breytingar.

Á aðalfundi Sýnar hf., sem fram fór þann 22. mars 2019, voru eftirfarandi tillögur samþykktar sem sjá má í viðhengi auk þess sem ný stjórn var sjálfkjörin.

Aðalstjórn félagsins skipa:

* Anna Guðný Aradóttir

* Heiðar Guðjónsson

* Hjörleifur Pálsson

* Tanya Zharov

* Yngvi Halldórsson

Varastjórn félagsins skipa :

* Óli Rúnar Jónsson

* Sigríður Vala Halldórsdóttir

Einnig var sjálfkjörið í sæti tveggja að þremur nefndarmönnum tilnefningarnefndar, sem kjörnir eru á aðalfundi.

Þessi tveir nefndarmenn eru:

* Ragnheiður S. Dagsdóttir

* Þröstur Olaf Sigurjónsson

Að aðalfundi loknum kom stjórn saman og skipti með sér verkum. Formaður stjórnar er Heiðar Guðjónsson og varaformaður stjórnar er Tanya Zharov.

 Nánar í viðhengi:

Hrönn Sveinsdóttir framkvæmdastjóri fjármála- og rekstrarsviðs Sýnar hefur ákveðið að láta af störfum sem fjármálastjóri fyrirtækisins frá og með 1. júní 2019. Hrönn hefur starfað hjá Sýn frá árinu 2005 sem framkvæmdastjóri fjármála- og rekstrarsviðs. Hrönn hefur borið ábyrgð á fjármálum, mannauðsmálum og miðlægum rekstri félagsins og meðal annars tekið þátt í að leiða félagið í gegnum miklar breytingar, þ.m.t. skráningu í Kauphöll, nú nýverið samruna við 365 sem og innleiðingu á "BESTA" starfsmannaumhverfi að Suðurlandsbraut 8-10, hugmyndafræði sem Vodafone Group hefur innleitt víðsvegar um heiminn.

Hrönn er þakkað fyrir vel unnin störf í þágu félagsins og mikilvægt framlag í gegnum árin.

Eftirtalin gefa kost á sér til stjórnar, varastjórnar og tilnefningarnefndar Sýnar á aðalfundi, sem haldinn verður föstudaginn 22. mars 2019 kl. 10:00 í aðalstöðvum félagsins, að Suðurlandsbraut 8, 108 Reykjavík.

Framboð til aðalstjórnar:

*  Anna Guðný Aradóttir

*  Heiðar Guðjónsson

*  Tanya Zharov

*  Hjörleifur Pálsson

*  Yngvi Halldórsson

Framboð til varastjórnar:

*  Óli Rúnar Jónsson

*  Sigríður Vala Halldórsdóttir

Framboðsfrestur er nú útrunninn og hefur stjórn félagsins staðfest lögmæti framboðanna. Í samþykktum Sýnar hf. kemur fram að fimm skipa stjórn félagsins og tveir sitja í varastjórn. Verður því sjálfkjörið í báðum tilvikum.

Framboð til tilnefningarnefndar:

Í samræmi við starfsreglur stjórnar og starfsreglur tilnefningarnefndar gefst hluthöfum jafnframt tækifæri á að kjósa tvo af þremur í tilnefningarnefnd. Þriðji í tilnefningarnefnd er tilnefndur af stjórn félagsins.

Framboð til tilnefningarnefndar:

*  Ragnheiður S. Dagsdóttir

*  Þröstur Olaf Sigurjónsson

Þar sem einungis tvö framboð til tilnefningarnefndar bárust innan framboðsfrests verða þeir nefndarmenn sem kosnir eru af aðalfundi félagsins því sjálfkjörnir.

Síminn hf. hefur í dag birt stefnu á hendur Sýn hf. þar sem gerð er krafa um greiðslu skaðabóta vegna tjóns sem Síminn hf. telur sig hafa orðið vegna meintrar ólögmætrar hagnýtingar Sýnar hf. á sjónvarpsefni Símans hf. frá 1. október 2015 til 16. desember 2015. Krafan er sett fram í tilefni af dómi Hæstaréttar frá 18. október 2017 í máli nr. 329/2017 þar sem staðfest var lögbann sem sýslumaður hafði lagt við því að Sýn hf. tæki upp og miðlaði sjónvarpsefni sjónvarpsstöðva Símans hf.

Í dómsmálinu gerir Síminn hf. nú kröfu um að Sýn hf. verði dæmt til að greiða skaðabætur að fjárhæð kr. 555.312.000 kr. og miskabætur að fjárhæð kr. 10.000.000, auk vaxta og dráttarvaxta. Þá er gerð krafa um greiðslu málskostnaðar.

Sýn hf. telur engan grundvöll vera fyrir þeim fjárkröfum sem Síminn hf. hefur sett fram á hendur félaginu. Mun félagið því grípa til varna í dómsmálinu og krefjast sýknu.

Aðalfundur Sýnar hf. verður haldinn föstudaginn 22. mars 2019

Aðalfundur Sýnar hf. verður haldinn föstudaginn 22. mars 2019 kl. 10:00 í höfuðstöðvum félagsins að Suðurlandsbraut 8, 108 Reykjavík.

Meðfylgjandi er auglýsing fundarins, dagskrá og tillögur stjórnar félagsins, sem lagðar verða fyrir fundinn, ásamt skýrslum starfskjara- og tilnefningarnefnda.

 Sjá viðhengi:

Stefán Sigurðsson forstjóri hefur óskað eftir því að láta að störfum sem forstjóri Sýnar, frá og með 1. júní nk., samkvæmt samkomulagi við stjórn Sýnar. Ekki hefur verið tekin ákvörðun um ráðningu forstjóra í hans stað en ráðningarferli er hafið. Stefán mun verða stjórninni innan handar þar til nýr forstjóri er ráðinn.

Stjórn félagsins hefur falið Heiðari Guðjónssyni stjórnarformanni að annast í auknum mæli skipulag félagsins og gæta þess að rekstur þess sé í réttu og góðu horfi fram að ráðningu nýs forstjóra.

Ársreikningur Sýnar hf. fyrir rekstrarárið 2018 var samþykktur af stjórn og forstjóra félagsins á stjórnarfundi þann 27. febrúar 2019. Endurskoðendur félagsins hafa endurskoðað reikninginn og áritað hann fyrirvaralausri áritun. Ársreikningurinn verður lagður fyrir aðalfund félagsins til staðfestingar þann 22. mars 2019 nk.

Í desember 2017 keypti félagið tilteknar eignir og rekstur 365 miðla hf. og gætir áhrifa af því á samanburð fjárhæða á milli ára.

Sýn og færeyska félagið Tjaldur komust í nóvember 2018 að samkomulagi um helstu skilmála í viðskiptum sem fela munu í sér samruna P/F Hey, dótturfélags Sýnar hf. í Færeyjum og Nema, dótturfélags Tjaldurs. Sýn hf. sem á fyrir viðskiptin allt hlutafé í P/F Hey mun eignast 49,9% hlut í sameinuðu félagi, og Tjaldur eignast 50,1%. Eignir og skuldir P/F Hey hafa verið flokkaðar til sölu í efnahagsreikningi en rekstur félagsins 2018 er ekki settur fram sem aflögð starfsemi í rekstrarreikningi þar sem hann er metinn óverulegur fyrir rekstur samstæðunnar.

• Tekjur á fjórða ársfjórðungi námu 5.754 m.kr. sem er hækkun um 34% á milli ára.
• Heildartekjur á árinu námu 21.951 m.kr., sem er 54% hækkun milli ára.
• EBITDA hagnaður nam 780 m.kr. á ársfjórðungnum sem er lækkun um 23 m.kr. milli ára. Aðlagaður EBITDA hagnaður á 4F að teknu tilliti til einskiptisliða nam 798 m.kr. sem er 17% lækkun milli ára.
• EBITDA hagnaður á árinu nam 3.248 m.kr., sem er 4% hækkun milli ára. Aðlagaður EBITDA hagnaður á árinu nam 3.417 m.kr. sem er 2% aukning milli ára.
• Hagnaður á ársfjórðungnum nam 195 m.kr. sem er 45% lækkun á milli ára.
• Hagnaður ársins nam 473 m.kr., sem er 56% lækkun milli ára. Leiðréttur hagnaður ársins nam 608 m.kr. sem er 52% lækkun frá fyrra ári.
• Hagnaður á hlut á árinu var 1,6.
• Rekstrarfjárfestingar samstæðunnar námu 2.407 m.kr. á árinu sem er 45% hækkun á milli ára. Rekstrarfjárfestingar sem hlutfall af tekjum ársins var 11,0% en á árinu 2017 var hlutfallið 11,7%.
• Stjórn leggur til að ekki verði greiddur út arður vegna rekstrarársins 2018.
• EBITDA horfur hafa verið endurskoðaðar til lækkunar um 440 m.kr., auk þess sem tekið hefur verið tillit til sölu á meirihluta hlutafjár í P/F Hey, breyttri reikningsskilaaðferð við meðhöndlun sýningarrétta og innleiðingu á reikningsskilastaðlinum IFRS 16 og eru nú 6,0 - 6,5 ma.kr., sjá mynd 5 í fréttatilkynningu.

Stefán Sigurðsson, forstjóri:

"Uppgjör fjórða fjórðungs markar þau tímamót að sameinað fyrirtæki hefur lokið heilu rekstrarári. Rekstraráætlanir sem lágu til grundvallar hafa ekki gengið eftir af ýmsum orsökum eins og endurspeglast í lækkun á útgefnum horfum. Samspil margra þátta leiðir til veikari reksturs en búist var við: Í fyrsta lagi hafa krefjandi ytri aðstæður með óvissu  í efnahagslífinu haft áhrif á sjónvarpsáskriftir og auglýsingasölu. Í öðru lagi hefur kostnaður við nýja starfsemi verið nokkuð hærri en búist var við auk þess sem kostnaðarhækkanir voru umtalsverðar vegna veikingar íslensku krónunnar á fjórða fjórðungi ársins. Í þriðja lagi ollu hnökrar í tengslum við yfirfærslu viðskiptavina um mitt ár álagi á þjónustuver á sama tíma og samkeppnin á markaðnum var mikil. Þetta samspil skapaði brottfall, aukinn sölukostnað og lækkun meðaltekna á viðskiptavini á fjórða fjórðungi. Þegar hefur verið brugðist við ofangreindum áskorunum með ýmsum aðgerðum. Þjónusta fyrirtækisins er komin í eðlilegt horf, salan hefur aukist þó samkeppni sé áfram hörð. Undanfarið hefur verið unnið hörðum höndum að því að draga áfram úr kostnaði sem mun halda áfram að skila sér inn á árið og um leið verður unnið að því að bæta og einfalda rekstur félagsins til næstu missera.

Tæknilegum samrunaverkefnum er að mestu leyti lokið og búið að flytja alla starfsemi Sýnar í höfuðstöðvar félagsins að Suðurlandsbraut 8-10. Sala á meirihluta P/F Hey í Færeyjum þjónar sem liður í að einfalda reksturinn. Af öðrum verkefnum er það helst að frétta að bygging fyrsta gagnavers Reykjavíkur, sem Sýn á hlutdeild í, er hafin á Korputorgi og við greinum mikinn áhuga á verkefninu enda verður gagnaverið eitt það öflugasta á landinu. Búast má við nýjum tekjum af því verkefni á  árinu 2020. Nú þegar stærri samrunaverkefnum er að mestu lokið er  samþætt fyrirtæki fjárhagslega sterkt og býr að miklum eignum og fjölbreyttum tekjustoðum. Fyrirtækið hefur því fjölmörg tækifæri til framtíðar og er vel í stakk búið til að takast á við óvissu í tengslum við samkeppni og ytri aðstæður" segir Stefán Sigurðsson forstjóri Sýnar."

Vísað er til Kauphallartilkynningar frá 1. nóvember 2018 þar sem fram kom að Sýn og færeyska félagið Tjaldur hefðu komist að samkomulagi um helstu skilmála í viðskiptum sem fela myndu í sér samruna Hey, dótturfélags Sýnar í Færeyjum, og Nema, dótturfélags Tjaldurs.

Viðskiptin voru háð hefðbundnum fyrirvörum sem nú hafa allir verið uppfylltir. Kaupin ganga því í gegn og miðast við þann 1. janúar 2019.

Uppgjör 1F: 8.5.2019

Uppgjör 2F: 21.8.2019

Uppgjör 3F: 30.10.2019

Ársuppgjör 2019: 19.2.2020

Aðalfundur: 13.3.2020

Dagsetningarnar eru birtar með fyrirvara um breytingar.

Sjá nánar tilkynningu til Kauphallar í viðhengi. 

Árshlutareikningur Sýnar hf. fyrir fyrsta ársfjórðung 2018 var samþykktur af stjórn og forstjóra félagsins á stjórnarfundi þann 16. maí 2018.

Á aðalfundi félagsins í mars var samþykkt að nafnabreyta félaginu úr Fjarskipti hf. í  Sýn hf.  Í desember 2017 keypti félagið tilteknar eignir og rekstur 365 miðla hf. og gætir áhrifa af því á samanburð fjárhæða á milli ára. Einskiptisliðir í tengslum við kaupin höfðu áhrif á afkomu fjórðungsins og er leiðrétt afkoma sýnd hér fyrir neðan. Einskiptisliðirnir eru samsettir úr fjölmörgum mismunandi liðum í tengslum við kaupin.

• Tekjur á fyrsta ársfjórðungi 2018 námu 5.304 m.kr. sem er hækkun um 69% á milli ára.
• EBITDA hagnaður nam 718 m.kr. á ársfjórðungnum og stendur í stað á milli ára. Leiðréttur EBITDA hagnaður sbr. ofangreint nam 833 m.kr. sem er 11% hækkun milli ára.
• Hagnaður tímabilsins nam 56 m.kr. sem er 72% lækkun á milli ára. Leiðréttur hagnaður tímabilsins nam 150 m.kr. sem er 33% lækkun frá sama tímabili á fyrra ári.
• Hagnaður á hlut var 0,20.
• Fjárfestingahreyfingar samstæðunnar námu 522 m.kr. sem er 61% hækkun á milli ára.
• EBITDA horfur fyrir árið 2018 eru áætlaðar á bilinu 4.000-4.400 m.kr. af reglulegri starfsemi. Áætlað fjárfestingarhlutfall stendur óbreytt í 8-10% af tekjum.

Stefán Sigurðsson, forstjóri:

"Það er ánægjulegt að sjá fyrsta fjórðung sameinaðs fyrirtækis skila tekjuaukningu upp á 69% sem er umfram væntingar. Fyrsta skref samrunans hefur verið að tryggja yfirfærslu viðskiptavina og tekna félagsins sem hefur tekist vel hingað til, þrátt fyrir mikið álag í tengslum við samþættingu. Kostnaður fjórðungsins er hár enda samlegðar ekki tekið að gæta í neinum mæli, auk þess sem samrunakostnaður er talsverður í fjórðungnum, sem og afskriftir og skuldsetning hækka með stærri efnahag. Verkefni ársins er að lækka kostnað sameinaðs félags en samlegð mun skila sér af sífellt meiri krafti eftir því sem líður á árið. Stendur félagið við þær áætlanir að 1.000-1.100 milljónir í samlegð verði náð fram innan 18 mánuða, það er um 60% af heildaraukningu EBITDA við kaupin. Áfram er einnig gert ráð fyrir að sameinað félag skili meira en 5 ma.kr. EBITDA árið 2020.

Sameinað fyrirtæki undir merkjum Sýnar er mjög alhliða og sterkt í fjarskiptum og fjölmiðlun. Fyrirtækið er til dæmis annað stærst samkvæmt nýrri skýrslu PFS þegar kemur að markaðshlutdeild á farsímamarkaði (32,8%), gagnatengingum (37,1%) og gagnvirku sjónvarpi IPTV (47,4%) við lok ársins 2017.   

Fyrstu mánuðir samrunans fara vel af stað og hann á að geta verið mjög jákvæður gagnvart öllum haghöfum. Auk þess að geta skilað meira en 5 ma.kr. í EBITDA árið 2020, munu starfsmenn á árinu vera sameinaðir á einn stað í nýjum og glæsilegum höfuðstöðvum að Suðurlandsbraut 8-10 og gagnvart neytendum lækkaði verð á völdum sjónvarpspökkum og aðrir stækkuðu. Þessar breytingar hafa verið hluti af áætlunum í tengslum við kaupin frá upphafi og þar af leiðandi inn í horfum sameinaðs félags. Með þessari aðgerð er ætlunin að sækja fram og gefa enn fleirum kost á að gerast áskrifendur að hágæða íslensku og erlendu sjónvarpsefni og íþróttum." segir Stefán Sigurðsson forstjóri Sýnar. 

Uppgjör 1F 2018: 16. maí 2018

Uppgjör 2F 2018: 29. ágúst 2018

Uppgjör 3F 2018: 7. nóvember 2018

Ársuppgjör 2018: 27. febrúar 2019

Aðalfundur 2019: 21. mars 2019

Dagsetningarnar eru birtar með fyrirvara um breytingar.

Á aðalfundi Fjarskipta hf. í dag, 22. mars 2018, voru m.a. samþykktar tillögur um samþykktar breytingar, þ.m.t. breyting á nafni félagsins. 

Stjórn félagsins fyrir næsta starfsár var sjálfkjörin og er skipuð þannig:
 
Í aðalstjórn: 
* Heiðar Guðjónsson, kt. 220472-3889
* Hildur Dungal, kt. 140571-3859
* Anna Guðný Aradóttir, kt. 110156-7669
* Hjörleifur Pálsson, kt. 281163-4269
* Yngvi Halldórsson, kt. 300777-5039
 
Í varastjórn:
* Baldur Már Helgason, kt. 060376-3449
 * Tanya Zharov, kt. 080966-4749
 
Þá var sjálfkjörið í sæti tveggja nefndarmanna af þremur í tilnefningarnefnd félagsins. Þessir tveir nefndarmenn eru:
* Ragnheiður S. Dagsdóttir, kt. 200168-3569
* Þröstur Olaf Sigurjónsson, kt. 290769-4859.

Niðurstöður aðalfundar má að öðru leyti sjá í meðfylgjandi viðhengi.

Eftirtaldir einstaklingar gefa kost á sér til stjórnar Fjarskipta hf. vegna aðalfundar sem haldinn verður fimmtudaginn 22. mars 2018 kl. 16:00 í höfuðstöðvum félagsins að Suðurlandsbraut 8, 108 Reykjavík.

Framboð til aðalstjórnar:

*  Anna Guðný Aradóttir, kt. 110156-7669

*  Heiðar Guðjónsson, kt. 220472-3889

*  Hildur Dungal, kt. 140571-3859

*  Hjörleifur Pálsson, kt. 281163-4269

*  Yngvi Halldórsson, kt. 300777-5039

Framboð til varastjórnar:

*  Baldur Már Helgason, kt. 060376-3449

*  Tanya Zharov, kt. 080966-4749

Framboðsfrestur er nú útrunninn. Í samþykktum Fjarskipta hf.  kemur fram að fimm einstaklingar skipa stjórn félagsins og tveir sitja í varastjórn. Er því sjálfkjörið í báðum tilvikum.

Framboð til tilnefningarnefndar Fjarskipta hf. 2018:

Í samræmi við starfsreglur stjórnar og starfsreglur tilnefningarnefndar gefst hluthöfum jafnframt tækifæri á að kjósa tvo af þremur fulltrúum í tilnefningarnefnd. Þriðji meðlimur tilnefningar er tilnefndur af stjórn félagsins.

Eftirfarandi framboð hafa borist:

* Ragnheiður S. Dagsdóttir, kt. 200168-3569

* Þröstur Olaf Sigurjónsson, kt. 290769 - 4859

Þar sem einungis tvö framboð til tilnefningarnefndar bárust innan framboðsfrests eru þeir fulltrúar nefndarinnar sem kosnir eru af aðalfundi félagsins sjálfkjörnir.

Nánari upplýsingar um frambjóðendur er að finna í viðhengi.

Aðalfundur Fjarskipta hf. verður haldinn fimmtudaginn 22. mars 2018 kl. 16:00 í höfuðstöðvum félagsins að Suðurlandsbraut 8, 108 Reykjavík.

Meðfylgjandi er dagskrá og endanlegar tillögur stjórnar til aðalfundar, ásamt skýrslu tilnefningarnefndar og auglýsingu fundarins. Nefndin leggur til að þau Heiðar Guðjónsson, Anna Guðný Aradóttir, Hildur Dungal, Hjörleifur Pálsson og Yngvi Halldórsson verði kjörin til setu sem aðalmenn í stjórn og Tanya Zharov og Baldur Már Helgson sem varamenn í stjórn.

Sjá upplýsingar um viðskipti fjárhagslega tengds aðila í viðhengi:

Aðalfundur Fjarskipta hf. verður haldinn fimmtudaginn 22. mars 2018 kl. 16:00 í höfuðstöðvum félagsins að Suðurlandsbraut 8,  108 Reykjavík.

Meðfylgjandi eru auglýsing fundarins, dagskrá og tillögur stjórnar til aðalfundar. 

Ársreikningur Fjarskipta hf. fyrir rekstrarárið 2017 var samþykktur af stjórn og forstjóra félagsins á stjórnarfundi þann 28. febrúar 2018. Endurskoðendur félagsins hafa endurskoðað reikninginn og áritað hann fyrirvaralausri áritun. Ársreikningurinn verður lagður fyrir aðalfund félagsins til staðfestingar þann 22. mars nk.

Fjarskipti hf. gekk frá kaupum á tilteknum eignum og rekstri 365 miðla hf. þann 1. desember 2017, ársreikningurinn innifelur einn mánuð af sameinuðum rekstri og efnahagi. Hér að neðan eru helstu tölur, leiðrétt afkoma er með tilliti til einskiptiskostnaðar sem féll til í tengslum við kaupin. Einskiptiskostnaðurinn er samsettur af þóknun til fyrirtækja-, lögfræði- og fjármálaráðgjafa og annarra umsamdra þátta sem skapa kostnað sem var samofin undirbúningi viðskiptanna og leystist úr læðingi við þau:

• Tekjur á fjórða ársfjórðungi námu 4.304 m.kr. sem er hækkun um 25% á milli ára.
• Heildartekjur á árinu námu 14.268 m.kr., sem er 4% hækkun á milli ára.
• EBITDA hagnaður nam 803 m.kr. á ársfjórðungnum og hækkar um 16% á milli tímabila. Leiðréttur EBITDA hagnaður sbr. ofangreint nam 961 m.kr. sem er 33% hækkun milli ára.
• EBITDA hagnaður ársins nam 3.137 m.kr. sem er 3% hækkun á milli ára. Leiðréttur EBITDA hagnaður ársins nam 3.338 m.kr. sem er 9% hækkun á milli ára.
• Hagnaður á ársfjórðungnum nam 356 m.kr. sem er 110% hækkun á milli tímabila. Hagnaður leiðréttur fyrir einskiptisliðum nam 482 m.kr. sem er 150% hækkun milli ára.
• Hagnaður ársins nam 1.086 m.kr. sem er 8% aukning milli ára. Leiðréttur hagnaður ársins nam 1.247 m.kr. sem er 21% hækkun frá fyrra ári.
• Hagnaður á hlut var 4,10. Leiðréttur fyrir einskiptisliðum var hagnaður á hlut 4,70.
• Rekstrarfjárfestingar samstæðunnar námu 1.664 m.kr. sem er 8% hækkun á milli ára og tengdist hækkunin milli ára einkum flutningi í nýjar höfuðstöðvar.
• EBITDA horfur fyrir árið 2018 eru áætlaðar á bilinu  4.000-4.400 m.kr. og fjárfestingarhlutfall milli 8-10%.
• Stjórn leggur til að ekki verði greiddur út arður vegna rekstrarársins 2017.

Stefán Sigurðsson, forstjóri:

"Það var mjög ánægjulegt að enda árið 2017 á að sameina tvær öflugar einingar í eina. Þó aðeins sé um einn mánuð af sameiginlegum rekstri að ræða má glöggt sjá sterk jákvæð áhrif sem munu halda áfram að skila sér af meiri krafti næstu fjórðunga og ár. Þrátt fyrir mikið álag og vinnu innan fyrirtækisins síðustu mánuði hefur allt gengið að óskum og eftir þeim áætlunum sem lagðar voru til grundvallar kaupunum.

Annar stór áfangi var á árinu þegar félagið flutti í nýjar höfuðstöðvar að Suðurlandsbraut 8. Verkefnið hefur gengið mjög vel og ljóst að nýtt skipulag hefur til dæmis ýmis tækifæri fyrir nýtt og sameinað fyrirtæki. Stefnt er að sameiningu alls fyrirtækisins að Suðurlandsbraut á árinu 2018. Þangað mun mikilvæg og leiðandi fjölmiðlastarfsemi á borð við Stöð 2, Bylgjuna og Vísi meðal annars flytjast  og starfsfólk fær frábæra vinnuaðstöðu. Um er að ræða nýtt upphaf nýs fyrirtækis í nýju skipulagi sem ég trúi að muni skila öllum haghöfum, viðskiptavinum, starfsmönnum og eigendum, miklum ávinningi.

Fyrir utan mikla vinnu sem tengdist kaupum og sameiningu þá hafði reglugerð Evrópusambandsins um afnám reikigjalda talsverð áhrif á farsímatekjur, ekki síst seinni hluta ársins. Hjá Vodafone var áhersla lögð á að breytingin skilaði gæða þjónustuupplifun til viðskiptavina sem tókst vel. Reksturinn í Færeyjum er einnig farinn að sýna skýran viðsnúning eins og stefnt hefur verið að og áætlanir gera ráð fyrir vaxandi rekstrarhagnaði árið 2018.

Fréttir síðustu daga endurspegla að fleiri tækifæri eru til þróunar í rekstri félagsins samanber tilkynningu um byggingu gagnavers á Korputorgi sem tilkynnt var nýverið um í samstarfi við RB, Opin kerfi og Korputorg. Við höfum mikla trú á tækifærum Íslands til að taka þátt í þessum ört vaxandi geira á heimsvísu og viljum stuðla að umhverfisvænum og öruggum íslenskum hágæðakosti fyrir innlenda og erlenda aðila. Við teljum að við getum í þessu sambandi bæði veitt núverandi viðskiptavinum okkar á fyrirtækjahliðinni aukna þjónustu auk þess að nýta alþjóðleg tengsl okkar til að sækja nýja viðskiptavini erlendis."

Aðalfundur Fjarskipta hf. verður haldinn fimmtudaginn 22. mars 2018 kl. 16:00 í aðalstöðvum félagsins að Suðurlandsbraut 8, 108 Reykjavík.

Meðfylgjandi er auglýsing fundarins. 

Ársuppgjör 2017: 28. febrúar 2018

Aðalfundur 2018: 22. mars 2018

Uppgjör 1F 2018: 9. maí 2018

Uppgjör 2F 2018: 22. ágúst 2018

Uppgjör 3F 2018: 7. nóvember 2018

Ársuppgjör 2018: 27. febrúar 2019

Aðalfundur 2019: 21. mars 2019

Dagsetningarnar eru birtar með fyrirvara um breytingar.

Nýtt skipurit hefur tekið gildi hjá Fjarskiptum hf. eftir samrunann við 365 þann 1. desember síðastliðinn. Helstu breytingar eru eftirfarandi:  

Björn Víglundsson er nýr framkvæmdastjóri Miðla. Björn hefur starfað hjá Vodafone frá árinu 2005, fyrst sem framkvæmdastjóri Markaðssviðs, þá framkvæmdastjóri Einstaklingssviðs og nú síðast framkvæmdastjóri Sölu & þjónustusviðs. Áður starfaði Björn hjá Toyota á Íslandi og Tryggingamiðstöðinni. Björn er menntaður viðskiptafræðingur frá University of Tampa í Bandaríkjunum. Hann er giftur Helgu Árnadóttur, framkvæmdastjóra Samtaka Ferðaþjónustunnar og eiga þau þrjú börn.

Þorvarður Sveinsson er nýr framkvæmdarstjóri Fyrirtækja og þróunar.  Þorvarður hefur starfað hjá Vodafone frá 2015 og leitt stærri þróunarverkefni félagsins sem yfirmaður stefnumótandi verkefna og er stjórnarformaður Vodafone Færeyja.  Áður starfaði Þorvarður að þróunarmálum hjá Skiptum og Klakka og sem verkefnastjóri hjá Kögun auk þess að hafa setið í stjórnum fjölda fyrirtækja. Þorvarður er menntaður fjarskiptaverkfræðingur frá Harvard University.  Hann er giftur Margréti Helgu Ögmundsdóttur, rannsóknasérfræðingi hjá Háskóla Íslands og eiga þau þrjú börn.

Ragnheiður Hauksdóttir er nýr framkvæmdastjóri Einstaklinga. Ragnheiður hefur starfað hjá Vodafone frá 2004. Fyrst sem forstöðumaður fyrirtækjalausna, síðan forstöðumaður þjónustuvers og nú síðast forstöðumaður notendakerfa á tæknisviði. Ragnheiður er menntaður viðskiptafræðingur frá Háskóla Íslands. Hún er gift Sævari Smára Þórðarsyni rekstrariðnfræðingi og eiga þau fjögur börn.

Frekari upplýsingar:

• Guðfinnur Sigurvinsson, samskiptastjóri Vodafone, tekur á móti fyrirspurnum í gegnum netfangið fjolmidlar@vodafone.is eða í síma 669-9330.

Hlutafé Fjarskipta hf., kt. 470905-1740, með auðkenninu VOICE og ISIN nr. IS0000020485 hefur verið hækkað um 23.923.376 hluti þar sem hver hlutur er 10 kr. að nafnvirði. Heildarhlutafé Fjarskipta hf. verður því kr. 2.964.141.740, en var fyrir hækkun kr. 2.725.180.980.  Hækkunin er í samræmi við heimild samkvæmt 4. gr. í samþykktum félagsins, dags. 16. mars 2017, og ákvörðun stjórnar um að nýta þá heimild til að inna af hendi hluta kaupverðs og framkvæma hækkunina.

Hækkunin fer fram í tilefni af kaupsamningi, dags. 14. mars 2017, er kveður á um að Fjarskipti hf. kaupi rekstrarhluta og nánar tilgreindar eignir og réttindi 365 miðla hf. Greiðsla kaupverðs fer að hluta til fram með hlutabréfum í Fjarskiptum hf.  Hið nýja hlutafé, 23.923.376 hlutir, og eigin hlutir útgefanda, 8.457.576 hlutir, skal ganga til 365 miðla hf. á genginu 52,5 til greiðslu hluta kaupverðs hinn 1. desember 2017. Að öðru leyti fer greiðsla kaupverðs fram með greiðslu 1.575.000.000 kr. í reiðufé og yfirtöku vaxtaberandi skulda að fjárhæð 4.600.000.000 kr.  Einnig yfirtekur Fjarskipti efnisbirgðir sem fylgja hinu keyptu einingum til jafns við yfirteknar viðskiptaskuldir, alls fyrir kr. 1.550.000.000 m.kr., sbr. fjárfestakynning frá 14. mars sl.

Greiðsla reiðufjár verður innt af hendi í dag og hækkunin tilkynnt til hlutafélagaskrár.

 Frekari upplýsingar:

• Guðfinnur Sigurvinsson, samskiptastjóri Vodafone, tekur á móti fyrirspurnum í gegnum netfangið fjarfestatengsl@vodafone.is eða í síma 669-9330.

Frekari upplýsingar:

• Guðfinnur Sigurvinsson, samskiptastjóri Vodafone, tekur á móti fyrirspurnum í gegnum netfangið fjarfestatengsl@vodafone.is eða í síma 669-9330.

Þann 14. mars 2017 undirrituðu Fjarskipti hf. og 365 miðlar hf. samning um kaup á rekstrarhluta og nánar tilgreindum eignum 365 miðla hf., að undanskildum eignum er varða útgáfu Fréttablaðsins og tímaritsins Glamour. Samkeppniseftirlitið samþykkti kaupin með skilyrðum þann 9. október síðastliðinn og við það tilefni kom fram að næstu vikur færu í að leggja lokahönd á viðskiptin og uppfylla hefðbundna fyrirvara í kaupsamningi með það að markmiði að greiðsla kaupverðs og afhending eigna færi fram 1. desember 2017. Nú hafa allir fyrirvarar kaupsamningsins verið uppfylltir og þeim aflétt. Samhliða hefur verið gengið frá nauðsynlegum samningum , m.a. um uppgjör aðila sín á milli. Greiðsla kaupverðs og afhending eigna og reksturs fer því fram á morgun, 1. desember eins og að var stefnt. Einingarnar sem koma frá 365 innifela meðal annars fjölmiðla eins og Stöð 2, Stöð 2 Sport, Bylgjuna, FM957, Xið, vísir.is, fréttadeild og auglýsinga- og áskriftasölu. Þessar einingar, starfsmenn þeirra og stjórnendur munu færast undir nýtt svið sem ber nafnið Miðlar innan Fjarskipta.

Björn Víglundsson hefur verið ráðinn framkvæmdastjóri hins nýja sviðs og mun leiða samþættingu þess við aðrar einingar Fjarskipta og vöruþróun sem félagið telur mikil tækifæri í. Það er skýrt markmið samrunans að styðja öfluga innlenda dagskrárgerð og faglega óháða fréttastofu sem lykilþátt í framtíðarstefnu félagsins. Viðskiptavinir munu finna litlar sem engar breytingar fyrst um sinn en markmiðið er að viðskiptavinir finni fljótlega fyrir jákvæðum breytingum með tilliti til vöruframboðs og þjónustu sem mun skila sér til neytenda.

Velta  sameinaðs félags mun nema um 22 milljörðum króna og skila um 5 milljörðum króna í EBITDA hagnað þegar samlegðaráhrif eru að fullu komin fram eftir 12-18 mánuði. Með viðskiptunum verður til leiðandi fjarskipta- og fjölmiðlafyrirtæki á Íslandi, sem mun veita yfir 500 manns atvinnu og bjóða upp á fjölbreytt vöruframboð og enn betri þjónustu til sinna viðskiptavina.

Stefán Sigurðsson, forstjóri Vodafone:

"Það er mjög ánægjulegt að taka síðasta skrefið í kaupum okkar á stórum hluta fjölmiðla- og fjarskiptastarfsemi 365. Á meðan á löngu kaupferli hefur staðið hef ég gert mér enn betur grein fyrir mikilvægi þessarar starfsemi fyrir íslenskt samfélag og þeim frábæra hópi starfsfólks sem á hverjum einasta degi færir landsmönnum menningu, fréttir og afþreyingu í heimsklassa í sjónvarpi, útvarpi á netinu eða í snjalltækjum. Við hlökkum til að geta nú farið að vinna með afbragðs starfsfólki í nýjum einingum að framtíðarþróun félagsins. Þrátt fyrir aukið erlent framboð tel ég að um alla framtíð verði þörf og eftirspurn eftir öflugum innlendum miðlum sem gera efni sem tengist samfélagi okkar og menningu.  Markmiðið er skýrt að reka öfluga íslenska fjölmiðlun, byggja upp einstakan vinnustað og vöru og þjónustu í bestu fáanlegu gæðum fyrir landsmenn alla."

Árshlutareikningur Fjarskipta hf. fyrir þriðja ársfjórðung 2017 var samþykktur af stjórn og forstjóra félagsins á stjórnarfundi þann 31. október 2017.

• Tekjur námu 3.437 m.kr. og standa í stað samanborið við þriðja ársfjórðung 2016
• Framlegð 1.550 m.kr., lækkun um 6% miðað við sama tímabil 2016
• EBITDA hagnaður nam 853 m.kr., lækkar um 8% milli ára
• EBITDA hlutfall 24,8% og EBIT hlutfall 13,3% á fjórðungnum
• Hagnaður tímabilsins nam 290 m.kr.
• Eiginfjárhlutfall í lok tímabilsins nam 50,4%

Stefán Sigurðsson, forstjóri:

"Rekstur þriðja fjórðungs einkenndist af áhrifum af reglugerðarbreytingu í reiki, Roam like home, sem hafði umtalsvert neikvæð áhrif á farsímatekjur félagsins borið saman við sama tímabil 2016. Áhrif reglugerðarbreytingarinnar skýrir þannig alla lækkun EBITDA á tímabilinu og rúmlega það miðað við sama tímabil 2016. Áhrif breytingarinnar gæta mest á þriðja fjórðungi sem hefur verið lang stærsti reikifjórðungur vegna ferðalaga viðskiptavina og munu áhrifin vera hlutfallslega minni á öðrum fjórðungum auk þess sem mótvægisaðgerðir munu hafa áhrif til dæmis á næsta fjórðungi og á árinu 2018. Ágætis gangur var í sjónvarpstekjum félagsins á fjórðungnum með áframhaldandi vexti á milli ára og hefur vöxtur í sjónvarpstekjum verið viðvarandi á milli fjórðunga síðustu árin. Rekstrarkostnaður á þriðja fjórðungi stendur nánast í stað þrátt fyrir kjarasamningsbundnar hækkanir á launum og launatengdum gjöldum. Dregið hefur úr lækkun í launa- og starfsmannakostnaði samanborið við þriðja fjórðung 2016 þar sem ráðist var í hagræðingaaðgerðir á fyrri helmingi árs 2016, húsnæðiskostnaður er aftur á móti að skila nokkurri lækkun á milli tímabila.

Það var stór áfangi á fjórðungnum þegar sátt náðist við Samkeppniseftirlitið um kaup á fjölmiðla- og fjarskiptahluta 365 að undanskildu Fréttablaðinu og Glamour með skilyrðum. Í sáttinni felst að Samkeppniseftirlitið hefur heimilað kaup Fjarskipta hf. á tilteknum eignum og rekstri 365 miðla hf. gegn skilyrðum, meðal annars að ráðast í aðgerðir til þess að tryggja samkeppni á fjarskipta- og fjölmiðlamarkaði og fjölbreytni á fjölmiðlamarkaði. Nú er mikil vinna í gangi við að leggja lokahönd á samrunann og fara í gegnum hefðbundna fyrirvara í kaupsamningi. Markmiðið er að afhending geti farið fram þann 1. desember 2017. Félagið stendur við fyrri áætlanir sem kynntar hafa verið í tengslum við samrunann um 1.750 m.kr. aukinn EBITDA-hagnað sem bætist við rekstur Vodafone á 12-18 mánuðum. Full áhrif samrunans taka því að gæta árið 2019 eða 2020, eftir því hversu hratt gengur að ná fullri samlegð. Við teljum raunhæft að sameinað félag verði með yfir 5 ma.kr. EBITDA hagnað þegar samlegð er að fullu komin fram." 

Meðfylgjandi er ensk útgáfa af fjárfestakynningu Fjarskipta hf. sem farið verður yfir á afkomufundi 1. nóvember 2017 kl. 08:30.  

Svo sem fram kom í tilkynningu Fjarskipta hf. til Kauphallar 12. mars 2015 barst félaginu um það leiti krafa frá Símanum um skaðabætur vegna meintrar ólögmætrar notkunar á vörumerkinu "tímaflakk". Krafan var að fjárhæð 400 milljónir króna. Í tilkynningunni kom fram að Fjarskipti hf. teldi ekki grundvöll fyrir kröfunni m.a. þar sem ágreiningurinn um skráningu Símans á vörumerkinu væri ekki til lykta leiddur fyrir dómstólum. Auk þess taldi Fjarskipti hf. fjárhæð bótakröfunnar í engu samræmi við málsatvik og dómafordæmi.

Héraðsdómur Reykjavíkur hefur með dómi frá því í dag fellt úr gildi skráningu Einkaleyfastofunnar á orðmerkinu "tímaflakk", sem þýðir að öllum er frjálst að nota orðmerkið að vild.

Sjá nánar: https://domstolar.is/domar/domur/?id=6e2be711-7b17-49fc-a386-4247b2dfadc2  

Sjá viðhengi:

Þann 14. mars 2017 undirrituðu Fjarskipti hf. og 365 miðlar hf. samning um kaup Fjarskipta á öllum eignum og rekstri 365 miðla, að undanskildum eignum er varða útgáfu Fréttablaðsins og tímaritsins Glamour. Samningurinn var gerður með fyrirvara um samþykki Samkeppniseftirlitsins. Í kjölfar undirritunar kaupsamnings var Samkeppniseftirlitinu send formlega samrunatilkynning og hefur málsmeðferð Samkeppniseftirlitsins staðið síðan. Nú hefur málinu verið lokið með sátt milli Fjarskipta og Samkeppniseftirlitsins. Í sáttinni felst að Samkeppniseftirlitið samþykkir samrunann með skilyrðum. Samhliða hefur Samkeppniseftirlitið gert sátt við 365 miðla að því er varðar eignatengsl á fjölmiðlamarkaði sem af samrunanum leiðir.

Af sáttinni leiðir að Fjarskiptum er nú heimilt að taka við fjölmiðlarekstri 365 miðla (að undanskildu Fréttablaðinu og Glamour). Nú taka við aðrir hefðbundir fyrirvarar í kaupsamningi af þessum toga. Aðilar munu nýta næstu vikur til að leggja lokahönd á viðskiptin með það að markmiði að allir fyrirvarar verði uppfylltir og afhending geti farið fram þann 1. desember 2017.

Fjarskipti hafa lýst því yfir við Samkeppniseftirlitið að rekstur þess á starfandi fjölmiðlum, þ.á.m. fréttastofu Stöðvar 2 og Bylgjunnar, sé fyrirtækinu mikilvægur fyrir framtíðar starfsemi félagsins. Þannig verði einnig stuðlað að fjölræði og fjölbreytni á fjölmiðlamarkaði.

Að öðru leyti er markmið með sáttinni og meginefni skilyrðanna eftirfarandi:

1. Að neytendur njóti eðlilegrar hlutdeildar í þeim ábata sem samrunanum er ætlað að ná fram, m.a. í verði á þjónustu.
2. Að bæta kjör og aðgang að dreifikerfum Fjarskipta fyrir sjónvarp og með því móti efla samkeppnisstöðu smærri innlendra sjónvarpsstöðva sem verða í samkeppni við ljósvakamiðla Fjarskipta. Er þessu einnig ætlað að efla fjölræði og fjölbreytni.
3. Að auðvelda minni fjarskiptafyrirtækjum, sem uppfylla tiltekin skilyrði, að veita Fjarskiptum og Símanum hf. samkeppnislegt aðhald og vinna þar með gegn þeirri takmörkun sem að mati Samkeppniseftirlitsins fellst í brotthvarfi 365 miðla hf. sem sjálfstæðs keppinautar. Til að ná þessu markmiði skal þessum fjarskiptafyrirtækjum bjóðast að endurselja mikilvægar sjónvarpsrásir Fjarskipta, auk þess að fá aðgang að IP TV kerfi félagsins. Með þessu er minni fjarskiptafyrirtækjum gefinn kostur á að bjóða upp á vöndla af fjarskipta- og sjónvarpsþjónustu og með því auka samkeppni með árangursríkum hætti.
4. Við undirritun sáttarinnar liggja fyrir samningar við Hringdu ehf. um endursölu á mikilvægum sjónvarpsrásum og endursöluaðgang að IP TV kerfi Fjarskipta, en slík samningsgerð var mikilvæg forsenda fyrir samþykki samrunans af hálfu Samkeppniseftirlitins.

Þá er í sáttinni mælt fyrir um með hvaða hætti starfsemi nýs Ljósvakasviðs, auk smásölu og heildsölu Fjarskipta skuli háttað og lúta þau skilyrði m.a. að því að tryggja trúnað, jafnræði og hlutlægni.

Sjá nánar í fylgiskjali: 

Árshlutareikningur Fjarskipta hf. fyrir annan ársfjórðung 2017 var samþykktur af stjórn og forstjóra félagsins á stjórnarfundi þann 22. ágúst 2017.

• Tekjulækkun um 2% samanborið við annan ársfjórðung 2016
• Framlegð 1.521 m.kr. en var 1.605 m.kr. á sama tímabili 2016
• Kostnaðarverð stóð í stað frá 2F 2016
• Rekstrarkostnaður lækkaði um 4% frá 2F 2016   
• EBITDA hagnaður nam 761 m.kr., hækkun um 1% milli ára
• EBITDA hlutfall 22,5% og EBIT hlutfall 11,1% á fjórðungnum
• Hagnaður tímabilsins nam 239 m.kr.
• Eiginfjárhlutfall nam 48,3%
• Handbært fé frá rekstri nam 513 m.kr.

Stefán Sigurðsson, forstjóri:

"Rekstur annars fjórðungs gekk ágætlega og hækkaði EBITDA um 1% frá síðasta ári. Mjög góður gangur var í rekstrinum í apríl og maí en lækkun reikitekna í júní í tengslum við innleiðingu á Roam like Home innan EES hafði neikvæð áhrif.  Ekki bætti úr skák í samanburði að júní á síðasta ári var besti reikimánuður ársins þar sem margir Íslendingar fóru til Frakklands að styðja íslenska landsliðið. Innleiðing Roam like Home dró þannig úr aukningu rekstrarhagnaðar á fjórðungnum en vöxtur í tekjum af  sjónvarpsstarfsemi félagsins og  mikill árangur í lækkun rekstrarkostnaðar skilaði engu að síður ágætu uppgjöri.  Rekstrarkostnaður fyrstu 6 mánuði ársins lækkar um 8% frá sama tímabili í fyrra sem sýnir að hagræðingaraðgerðir sem félagið fór í fyrir um ári eru að skila sér. Tekjur félagsins af interneti hækkuðu í uppgjörinu einkum vegna þess að félagið tók yfir rukkun aðgangsgjalda Gagnaveitu Reykjavíkur gagnvart viðskiptavinum en sú breyting hefur sambærileg áhrif á kostnaðarverð seldra vara.

Félagið hefur nú fengið reynslu af reiki í júlí , eftir innleiðingu Roam like Home,  það er bæði af notkun Íslendinga erlendis og notkun erlendra aðila á Íslandi. Reynslan er í stuttu máli sú að viðskiptavinir Vodafone sem ferðast í Evrópu innan landa EES hafa aukið gagnamagnsnotkun sína mun meira en þeir viðskiptavinir íslenskra fjarskiptafélaga sem ferðast til Íslands. Viðskiptavinir Vodafone juku meðal gagnamagnsnotkun um 351% sem er næstum tvöfalt meira en aukning meðal gagnamagnsnotkunar viðskiptavina evrópskra fjarskiptafyrirtækja á kerfum Vodafone á Íslandi sem var 160%.  Þessi notkun Íslendinga er mun meiri en forsendur gerðu ráð fyrir og eykur nokkuð kostnað félagsins af þessari breytingu. Áhrif afnáms reikis í Evrópu mun hafa þau áhrif á fyrirtækið að árstíðasveifla í rekstrinum mun minnka þar sem ekki koma sérstakar tekjur af ferðalögum viðskiptavina í Evrópu. Þriðji fjórðungur sem hefur verið stærsti fjórðungur félagsins verður með minni árstíðarsveiflu og þannig svipaðari öðrum fjórðungum.  Félagið hefur nú þegar gripið til ýmissa aðgerða á kostnaðar- og tekjuhliðinni sem munu draga úr áhrifum á rekstur félagsins enda stendur félagið við horfur sínar um að skila EBTIDA fyrir árið í kringum 3.250 m.kr.

Á fjórðungnum hélt ferli við að kaupa eignir 365 áfram með samskiptum við Samkeppniseftirlitið þar sem félagið skilaði bæði samrunaáætlun, fékk viðbrögð eftirlitsaðila og markaðarins við henni og gerði tillögu að skilyrðum. Búast má við endanlegu svari í byrjun september eða október og ganga kaupin þá í gegn mánuði síðar verði þau heimiluð. Þrátt fyrir ítarleg og öflug skilyrði til að gæta samkeppni getur félagið staðið við fyrri yfirlýsingar um hækkun EBITDA félagins við kaupin upp á 1.750 m.kr. sem færu að fullu að hafa áhrif innan 18 mánaða frá sameiningu."

Vodafone (Fjarskipti hf.) birtir uppgjör sitt fyrir annan ársfjórðung 2017 eftir lokun markaða þriðjudaginn 22. ágúst næstkomandi.

Opinn kynningarfundur vegna uppgjörsins verður haldinn miðvikudaginn 23. ágúst 2017. Fundurinn fer fram á Hilton Reykjavík Nordica, Suðurlandsbraut 2, 108 Reykjavík. Fundurinn hefst kl. 8:30 en boðið verður upp á morgunhressingu frá kl. 8:00. 

Kynningarefni fundarins verður hægt að nálgast að honum loknum á síðu fjárfestatengsla Vodafone og í fréttakerfi Nasdaq Iceland.

Hjálögð eru kynningargögn frá uppgjörsfundi Fjarskipta hf. (Vodafone) vegna 1. ársfjórðungs 2017 sem haldinn var 3. maí 2017.

Árshlutareikningur Fjarskipta hf. fyrir fyrsta ársfjórðung 2017 var samþykktur af stjórn og forstjóra félagsins á stjórnarfundi þann 2. maí 2017.

• Tekjulækkun um 5% frá fyrsta ársfjórðungi 2016
• Kostnaðarverð seldra vara lækkaði um 3% miðað við sama tímabil 2016
• Rekstrarkostnaður lækkaði um 10% miðað við sama tímabil 2016
• EBITDA hagnaður nam 719 m.kr., sem er hækkun um 8% milli ára
• EBIT hagnaður nam 342 m.kr., sem er hækkun um 6% milli ára
• EBITDA hlutfall var 22,9% og EBIT hlutfall 10,9% á fjórðungnum
• Hagnaður tímabilsins nam 201 m.kr., sem er 2% hækkun frá fyrsta ársfjórðungi 2016
• Eiginfjárhlutfall nam 48,1%
• Handbært fé frá rekstri nam 190 m.kr.

Stefán Sigurðsson forstjóri:

"Uppgjör fyrsta fjórðungs skilar 8% aukningu í EBITDA rekstarhagnaði frá fyrra ári þar sem hagræðingaraðgerðir félagsins hafa meðal annars tilætluð áhrif. Af starfseminni á Íslandi er enn meiri viðsnúningur þar sem EBITDA vex um 14% á milli ára.  Sjónvarpstekjur vaxa um 8% frá fyrsta ársfjórðungi 2016 í tengslum við sjónvarpsþjónustu félagsins á Íslandi en þrátt fyrir jákvæða þróun í heildarfjölda farsímaviðskiptavina lækka heildartekjur frá fyrra ári einkum vegna verðlækkana árið 2016. Tekjur farsíma á Íslandi eru farnar að sýna viðsnúning og gert er ráð fyrir að sú þróun geti orðið greinilegri í niðurstöðum annars ársfjórðungs. Sama á við internettekjur, þar sem lækkun á tekjum af interneti tengist aðallega heildsöluviðskiptavinum sem hættu í viðskiptum á fyrsta ársfjórðungi 2016.

Af lækkun tekna eiga Færeyjar helming lækkunar sem tengist verðsamkeppni á þeim markaði á árinu 2016. Unnið er að fjölþættum aðgerðum til að bæta stöðuna í Færeyjum og meðal annars eru kostnaðaraðgerðir byrjaðar að skila sér í mótvægi á fjórðungnum sem tengjast fækkun stöðugilda sem ráðist var í undir lok síðasta árs.

Í tengslum við kaup á 365 miðlum hf. hefur samrunatilkynningu verið skilað til Samkeppniseftirlitsins og búast má við svörum á seinni hluta ársins. Áætlarnir gera ráð fyrir að sameinað félag verði með um 62% hærri tekjur, 54% hærri EBITDA og 85% hærra frjálst fjárflæði en núverandi rekstur Fjarskipta.

Félagið mun flytja í framtíðarhöfuðstöðvar sínar í júní að Suðurlandsbraut 8 en hönnun hússins leggur grunn að framúrskarandi vinnuumhverfi. Unnið er eftir BESTA hugmyndafræði sem hefur velferð starfsfólks í fyrirrúmi á sama tíma og fyrirtækið nær fram hagræði í húsnæðismálum." 

Sjá viðhengi: 

Sjá viðhengi:

Sjá upplýsingar um viðskipti innherja í viðhengi.

Á aðalfundi Fjarskipta hf. í dag, 16. mars 2017, voru samþykktar tillögur um ráðstöfun hagnaðar félagsins, arðgreiðslustefnu, starfskjarastefnu, þóknun til stjórnarmanna, kosningu endurskoðunarstofu, breytingar á samþykktum, þ.m.t. um hækkun hlutafjár. Þá var samþykkt tillaga um heimild til kaupa á eigin hlutum.

Stjórn félagsins fyrir næsta starfsár var sjálfkjörin. Hún hefur skipt með sér verkum og er skipuð þannig:
 

Í aðalstjórn: 

* Heiðar Guðjónsson, formaður stjórnar, kt. 220472-3889

* Hildur Dungal, varaformaður stjórnar, kt. 140571-3859

* Anna Guðný Aradóttir, meðstjórnandi, kt. 110156-7669

* Hjörleifur Pálsson, meðstjórnandi, kt. 281163-4269

* Yngvi Halldórsson, meðstjórnandi, kt. 300777-5039
 

Í varastjórn:

* Baldur Már Helgason, kt. 060376-3449

 * Tanya Zharov, kt. 080966-4749
 

Þá var sjálfkjörið í sæti tveggja nefndarmanna af þremur í tilnefningarnefnd félagsins. Þessir tveir nefndarmenn eru:

* Ragnheiður S. Dagsdóttir, kt. 200168-3569

* Ásdís Jónsdóttir, kt. 160972-3359

Niðurstöður aðalfundar má að öðru leyti sjá í meðfylgjandi viðhengi.

Fjarskipti og 365 miðlar hafa undirritað samning um kaup Fjarskipta á öllum eignum og rekstri 365 miðla, að undanskildum eignum er varða útgáfu Fréttablaðsins. Hinar keyptu eignir eru meðal annars fjarskipta-, sjónvarps- og útvarpsrekstur 365 miðla auk vefmiðilsins Vísis. Helstu sjónvarpsstöðvar eru Stöð 2, Stöð 2 Sport, Stöð 3 og Bíórásin. Helstu útvarpsstöðvar eru Bylgjan, FM957 og X-ið. Fréttastofa 365 miðla, að undanskilinni ritstjórn og rekstri Fréttablaðsins, er hluti hins keypta. Aðilar hafa áður upplýst um gang viðræðna með tilkynningum þann 31. ágúst 2016 og 22. desember 2016. Helsta breytingin frá því sem áður hefur verið tilkynnt er að Vísir og fréttahluti ljósvakamiðla eru nú hluti af kaupunum sem hækkar kaupverð frá áður tilkynntum forsendum.

Með viðskiptunum eignast Fjarskipti öflugasta fjölmiðla- og afþreyingarfyrirtækið hér á landi. Velta sameinaðs félags mun nema um 22 milljörðum króna og skila um 5 milljörðum króna í EBITDA þegar samlegðaráhrif eru að fullu komin fram. Með viðskiptunum verður til leiðandi fjarskipta- og fjölmiðlafyrirtæki á Íslandi, sem mun veita yfir 500 manns atvinnu og bjóða upp á fjölbreytt vöruframboð og enn betri þjónustu til sinna viðskiptavina.

Samkvæmt áætlun Fjarskipta mun hagnaður fyrir afskriftir og fjármagnsliði (EBITDA) hins keypta, með fullum samlegðaráhrifum, nema um 1.750 milljónum króna á ársgrundvelli, en um 60% af þeirri tölu mun koma til vegna áætlaðrar kostnaðarsamlegðar. Ríflega helmingur samlegðaráhrifa er vegna hagkvæmari tæknireksturs hjá sameinuðu félagi. Gert er ráð fyrir að samlegð verði komin fram að fullu innan 12-18 mánaða frá afhendingu.

Kaupverð er á bilinu 3.125-3.275 milljónir króna og mun endanlegt kaupverð ráðast af rekstrarárangri hins keypta fram að afhendingu. Kaupverð verður greitt annars vegar með 32.380.952 hlutum í Fjarskiptum á genginu 52,5 krónur á hlut, og hins vegar 1.425-1.575 milljónum króna með reiðufé. Einnig yfirtekur kaupandi vaxtaberandi skuldir að fjárhæð 4.600 milljónir króna.

Viðskiptin verða til umfjöllunar á aðalfundi Fjarskipta þann 16. mars næstkomandi, en leitað verður eftir samþykki fundarins fyrir heimild til handa stjórn til að framkvæma hlutafjáraukningu í því skyni að inna af hendi hluta kaupverðsins. Kaupin eru með fyrirvara um samþykki Samkeppniseftirlitsins (og eftir atvikum annarra eftirlitsaðila) og fer afhending fram eftir að samþykki liggur fyrir. Rekstur 365 miðla fram að afhendingu verður með óbreyttu sniði. 

Ráðgjafar Fjarskipta í viðskiptunum voru Íslandsbanki, Landslög, KPMG og Capacent.

Fjarskipti bjóða fjárfestum og markaðsaðilum á opinn fund þar sem Stefán Sigurðsson, forstjóri, og aðrir stjórnendur, munu kynna viðskiptin. Fundurinn verður haldinn í dag, þriðjudaginn 14. mars, kl. 12:00 á Hótel Íslandi, Ármúla 9. Kynningarefni fundarins er aðgengilegt á vefsíðu Fjarskipta, https://vodafone.is/vodafone/fjarfestatengsl/fjarfestayfirlit/.

 
Stefán Sigurðsson, forstjóri Vodafone:

"Það er afar ánægjulegt að samkomulag hafi náðst um kaup Fjarskipta á ljósvakamiðlum og fjarskiptaþjónustu 365 miðla. Sameinað félag verður stærra og öflugra og mun auka hagkvæmni og áhættudreifingu í rekstri sem mun gefa okkur færi á að bjóða viðskiptavinum enn betri þjónustu og hagkvæmari verð. EBITDA Fjarskipta mun aukast um 50% eftir að samlegð er komin að fullu fram. Sjónvarpsrekstur, sem hefur verið vaxandi tekjustoð Fjarskipta undanfarin misseri, er stærstur hluti yfirtekins reksturs og starfsmenn sameinaðs félag verða yfir 500.  

Ljósvakamiðlar verða rekin sem ný og sérstök rekstrareining innan Fjarskipta. Hugmyndin að baki kaupunum er ekki að binda sjónvarpsþjónustu eingöngu við kerfi Fjarskipta enda teljum við mikilvægt að vernda þá grunnreglu að viðskipavinir þurfi ekki að færa sig á milli fjarskiptafyrirtækja til að njóta gæðaefnis.

Við berum mikla virðingu fyrir fjölmiðlum 365 og gerum okkur fyllilega grein fyrir ábyrgð okkar þegar kemur að kaupum á fjölmiðli sem rekur eina öflugustu fréttastofu landsins. Við munum haga skipulagi á þann máta að sjálfstæði fréttastofu verði tryggt. Þeir fjölmiðlar sem um ræðir eru mikilvægir fyrir upplýsingamiðlun og menningu á Íslandi og því er það mikið kappsmál fyrir okkur að vanda mjög til verka þegar kemur að rekstri þeirra. Hér er um góðar fréttir að ræða fyrir fjarskipta- og fjölmiðlamarkaðinn, hluthafa Fjarskipta, viðskiptavini beggja fyrirtækja og landsmenn alla."

Nánari upplýsingar veitir Guðfinnur Sigurvinsson, verkefnastjóri samskiptamála Vodafone, í síma: 6699330.

Meðfylgjandi er kynningin sem farið verður yfir á fundinum í dag.

Sjá upplýsingar um viðskipti innherja í viðhengjum.

Eftirtaldir einstaklingar gefa kost á sér til stjórnar Vodafone (Fjarskipta hf.) vegna aðalfundar sem haldinn verður fimmtudaginn 16. mars 2017 kl. 16:00 á hótel Hilton Reykjavík Nordica.

Framboð til aðalstjórnar:

*  Anna Guðný Aradóttir, kt. 110156-7669

*  Heiðar Guðjónsson, kt. 220472-3889

*  Hildur Dungal, kt. 140571-3859

*  Hjörleifur Pálsson, kt. 281163-4269

*  Yngvi Halldórsson, kt. 300777-5039

Framboð til varastjórnar:

*  Baldur Már Helgason, kt. 060376-3449

*  Tanya Zharov, kt. 080966-4749

Framboðsfrestur er nú útrunninn. Í samþykktum Vodafone (Fjarskipta hf.) kemur fram að fimm einstaklingar skipa stjórn félagsins og tveir sitja í varastjórn. Er því sjálfkjörið í báðum tilvikum.

Framboð til tilnefningarnefndar Fjarskipta hf. 2017

Í samræmi við starfsreglur stjórnar og starfsreglur tilnefningarnefndar gefst hluthöfum jafnframt tækifæri á að kjósa tvo af þremur fulltrúum í tilnefningarnefnd. Þriðji meðlimur tilnefningar er tilnefndur af stjórn félagsins.

Framboð til tilnefningarnefndar Fjarskipta hf. 2017:

*  Ásdís Jónsdóttir, kt. 160972-3359

*  Ragnheiður S. Dagsdóttir, kt. 200168-3569

Þar sem einungis tvö framboð til tilnefningarnefndar bárust innan framboðsfrests eru þeir fulltrúar nefndarinnar sem kosnir eru af aðalfundi félagsins sjálfkjörnir.

Aðalfundur Fjarskipta hf. (Vodafone) verður haldinn fimmtudaginn 16. mars 2017 kl. 16:00 á Hilton Reykjavík Nordica að Suðurlandsbraut 2, 108 Reykjavík.

Meðfylgjandi eru auglýsing fundarins, dagskrá og endanlegar tillögur stjórnar til aðalfundar, ásamt skýrslu tilnefningarnefndar. Nefndin leggur til að þau Heiðar Guðjónsson, Anna Guðný Aradóttir, Hildur Dungal, Hjörleifur Pálsson og Yngvi Halldórsson verði kjörin til setu sem aðalmenn í stjórn félagsins.

Aðalfundur Fjarskipta hf. (Vodafone) verður haldinn fimmtudaginn 16. mars 2017 kl. 16:00 á Hilton Reykjavík Nordica að Suðurlandsbraut 2, 108 Reykjavík.

Meðfylgjandi er auglýsing fundarins ásamt dagskrá og tillögum.

Hjálögð eru kynningargögn frá uppgjörsfundi Fjarskipta hf. (Vodafone) vegna 4. ársfjórðungs og ársins 2016 sem haldinn var 16. febrúar 2017.

Ársreikningur Fjarskipta hf. fyrir rekstrarárið 2016 var samþykktur af stjórn og forstjóra félagsins á stjórnarfundi þann 15. febrúar 2017. Endurskoðendur félagsins hafa endurskoðað reikninginn og áritað hann fyrirvaralausri áritun. Ársreikningurinn verður lagður fyrir aðalfund félagsins til staðfestingar þann 16. mars nk.

Helstu lykiltölur:

• Heildartekjur á árinu námu 13.655 m.kr., sem er 1% lækkun á milli ára, og tekjur á fjórða ársfjórðungi námu 3.450 m.kr. sem er lækkun um 5% á milli ára.
• Rekstrarhagnaður ársins nam 1.632 m.kr. sem er 15% lækkun á milli ára, rekstrarhagnaður á fjórða ársfjórðungi nam 327 m.kr., sem er 14% lækkun á milli ára.
• EBITDA hagnaður ársins nam 3.040 m.kr. og minnkar um 6% frá árinu 2015. EBITDA hagnaður nam 694 m.kr. á ársfjórðungnum og lækkar um 3% á milli tímabila.
• EBITDA hlutfall ársins var 22,3% og EBIT hlutfall 12,0% - EBITDA hlutfall á ársfjórðungnum var 20,1% og EBIT hlutfall 9,5%.
• Hagnaður ársins nam 1.007 m.kr. og minnkar um 22% á milli ára - hagnaður á ársfjórðungnum nam 170 m.kr. sem er 32% lækkun frá sama tímabili árið 2015.
• Hagnaður á hlut nam 3,50 sem er 10% lækkun á milli ára.
• Fjárfestingar ársins námu 1.539 m.kr. sem er 1% lækkun á milli ára, fjárfestingar á fjórða fjórðungi námu 498 m.kr. sem er 14 % lækkun á  milli ára.
• Framlegð ársins nam 6.323 m.kr. og lækkar um 2% á milli ára - framlegð á ársfjórðungnum nam 1.520 m.kr. og minnkar um 4% á milli ára.
• Eiginfjárhlutfall nam 47,6%.
• Handbært fé frá rekstri nam 3.028 m.kr. á árinu, sem er 6% hækkun á milli ára. Handbært fé frá rekstri nam 871 m.kr. á fjórða fjórðungi sem er 83 % hækkun frá sama tímabili á milli ára.
• EBITDA horfur eru hækkaðar á ný fyrir árið 2017, áætlaðar í kringum 3.250 m.kr. fyrir árið 2017 og fjárfestingarhlutfall í kringum 11%.
• Stjórn leggur til að ekki verði greiddur út arður vegna rekstrarársins 2016.
• Unnið er að gerð kaupsamnings vegna kaupa á ljósvaka- og fjarskiptahluta 365 sem áætlað er að klárist fyrir lok fyrsta ársfjórðungs.

Stefán Sigurðsson, forstjóri:

"Árið 2016 var að mörgu leyti sérstakt ár í rekstri Fjarskipta hf. þar sem margt fór saman; miklar launahækkanir í tengslum við kjarasamninga, einskiptiskostnaður vegna húsnæðismála, hagræðingaraðgerða og vinnu sérfræðinga við áreiðanleikakönnun vegna hugsanlegra kaupa á 365 miðlum hf. Á sama tíma höfðu markaðsaðstæður neikvæð áhrif á meðaltekjur af viðskiptavinum. Mótvægisaðgerðir gengu vel þar sem vöxtur í fjölda viðskiptavina hefur ekki verið meiri í seinni tíð eða 7%. Sjónvarpsvörur félagsins skiluðu mikilli aukningu í tekjum sem unnu á móti fyrrgreindum neikvæðum þáttum þrátt fyrir lækkun tekna í heildsöludreifingu sjónvarps. Horfur í rekstri félagsins fyrir árið 2017 eru betri, þar sem ætla má að hagræðingaraðgerðir árið 2016 og vöxtur viðskiptavina skili sér í betri rekstri árið 2017. Gert er ráð fyrir að félagið geti skilað um 3.250 milljónum sem væri betri niðurstaða m.t.t. EBITDA en árið 2015 sem var metár í rekstri félagsins.

Það eru spennandi tímar framundan hjá félaginu og mörg þróunarverkefni í burðarliðnum. Vodafone hefur tekið leiðtogahlutverk í IoT (Internet of Things) í samstarfi við Vodafone Group sem er leiðandi í heiminum á því sviði. Nýverið kynnti félagið tilraunaverkefni í samstarfi við Huawei varðandi NB-IoT (Narrowband Internet of Things) kerfi, en þessi tækni mun gera Íslendingum kleift að vera meðal leiðandi þjóða í hlutanetsbyltingunni á næstu árum. 

Enn er unnið að gerð kaupsamnings vegna fyrirhugaðra kaupa á ljósvaka- og fjarskiptahluta 365 miðla hf. og bindum við vonir við að sú vinna klárist fyrir lok fyrsta ársfjórðungs. Það styttist auk þess í flutning í nýjar framtíðarhöfuðstöðvar félagsins að Suðurlandsbraut 8, sem mun skila félaginu hagræðingu en á sama tíma bæta til muna húsnæðiskost félagsins." 

Gerð hefur verið breyting á aðalfundartíma Fjarskipta hf. en hann fer fram fimmtudaginn 16. mars 2017.

Fjárhagsdagatal Fjarskipta hf. fyrir árið 2017 lítur því svona út:

Ársuppgjör 2016: 15. febrúar 2017

Aðalfundur 2017: 16. mars 2017

Uppgjör 1F 2017: 2. maí 2017

Uppgjör 2F 2017: 22. ágúst 2017

Uppgjör 3F 2017: 31. október 2017

Ársuppgjör 2017: 20. febrúar 2018

Aðalfundur 2018: 16. mars 2018

  
Dagsetningarnar eru birtar með fyrirvara um breytingar.

Ársuppgjör 2016: 15. febrúar 2017

Aðalfundur 2017: 21. mars 2017

Uppgjör 1F 2017: 2. maí 2017

Uppgjör 2F 2017: 22. ágúst 2017

Uppgjör 3F 2017: 31. október 2017

Ársuppgjör 2017: 20. febrúar 2018

Aðalfundur 2018: 16. mars 2018

  
Dagsetningarnar eru birtar með fyrirvara um breytingar.

Þann 31. ágúst sl. var tilkynnt um fyrirhuguð kaup Fjarskipta á eignum og rekstri ljósvakamiðla og fjarskiptaþjónustu 365 miðla, með fyrirvara um niðurstöður áreiðanleikakönnunar sem nú er á lokastigi. Aðilar hafa náð nýju samkomulagi um kaupverð á grundvelli fyrirliggjandi upplýsinga úr fyrrgreindri áreiðanleikakönnun og áframhald einkaviðræðna.

Það er mat aðila að hagnaður Fjarskipta fyrir afskriftir og fjármagnsliði (EBITDA) af ljósvaka- og fjarskiptastarfsemi 365 miðla, að viðbættum samlegðaráhrifum, geti numið u.þ.b. 1.600 milljónum króna á ársgrundvelli auk annarra jákvæðra áhrifa á frjálst sjóðsflæði Fjarskipta.

Kaupverð miðað við framangreint verður 2.200 milljónir króna sem verða greiddar annars vegar með 32.380.952 hlutum í Fjarskiptum á genginu 52,50 kr. á hlut, og hins vegar 500 milljónum króna með reiðufé. Einnig yfirtaka Fjarskipti vaxtaberandi skuldir að fjárhæð 4,6 milljörðum króna. Kaupin eru enn háð skilyrðum og forsendum sem útfærð verða nánar í kaupsamningi aðila.

Ofangreint samkomulag um breytt kaupverð greiðir fyrir kaupsamningsgerð, sem stefnt er að því að ljúki á fyrstu vikum nýs árs. Áfram er því ráðgert að ganga frá kaupunum um mitt ár 2017, að fengnu samþykki viðkomandi eftirlits- og hagsmunaaðila. Nánar verður gert grein fyrir forsendum viðskiptanna þegar kaupsamningur liggur fyrir.

Frekari upplýsingar veitir:
Bára Mjöll Þórðardóttir, forstöðumaður markaðs- og samskiptamála, í síma 6699299 eða á barath@vodafone.is.

Sjá meðfylgjandi.