Meðfylgjandi er endanleg dagskrá og tillögur aðalfundar Regins hf. 2018 auk núgildandi starfskjarastefnu. Einnig eru meðfylgjandi kynningar á kaupum Regins á hlutafé dótturfélaga FAST-1 slhf., FAST-2 ehf. og HTO ehf. annars vegar og 45% hlutafjár í FM-húsum ehf. hins vegar.

Aðalfundur Regins hf. verður haldinn miðvikudaginn 14. mars 2018 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Nánari upplýsingar má finna á vefsíðu félagsins, www.reginn.is/fjarfestavefur.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Sjá meðfylgjandi tilkynningu um flöggun frá Birtu lífeyrissjóð þar sem farið er yfir 5% eignahlut í Reginn hf. 

Aðalfundur Regins hf. verður haldinn miðvikudaginn 14. mars 2018 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Meðfylgjandi er fundarboð með dagskrá fundarins.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

• Rekstrartekjur námu 7.124 m.kr.
• Vöxtur leigutekna frá fyrra ári var 8%.
• Rekstrarhagnaður fyrir matsbreytingu og afskriftir var 4.531m.kr. og jókst um 4% frá fyrra ári.
• Hagnaður eftir tekjuskatt nam 3.789 m.kr. sem er 11% lægri en í fyrra.
• Bókfært virði fjárfestingareigna í lok árs var 97.255 m.kr. samanborið við 83.027 m.kr. í árslok 2016. Matsbreyting á árinu var 2.928 m.kr.
• Handbært fé frá rekstri nam 2.234 m.kr. á árinu 2017.
• Vaxtaberandi skuldir voru 57.515 m.kr. í lok árs 2017 samanborið við 49.499 m.kr. í árslok 2016.
• Eiginfjárhlutfall var í lok árs 35%.
• Hagnaður á hlut á árinu 2017 var 2,41 samanborið við 2,78 árið áður.

Félagið er skráð í Kauphöll Íslands hf. (NASDAQ OMX Iceland), fjöldi hluthafa í árslok 2017 voru 650 samanborið við 760 í árslok 2016.

Rekstur og afkoma

Afkoma Regins á árinu 2017 var góð og í samræmi við væntingar. Rekstrartekjur námu 7.124 m.kr. og þar af námu leigutekjur 6.607 m.kr. Leigutekjur hafa hækkað um 8% samanborið við árið 2016. Rekstrarhagnaður fyrir söluhagnað, matsbreytingu og afskriftir / EBITDA var 4.531 m.kr. sem samsvarar 4% hækkun samanborið við árið 2016.

Eins og áætlanir gerðu ráð fyrir hafa yfirstandandi umbreytingar í Smáralind á árinu 2017 áhrif á tekjur og afkomu. Áhrifin felast í tímabundið lægri tekjum og hærri rekstrarkostnaði, þessar umbreytingar eru að mestu yfirstaðnar.

Stjórn félagsins leggur til að ekki verður greiddur arður á árinu 2018. Aðalfundur félagsins verður haldinn 14. mars nk.

Eignasafn og efnahagur

Eignasafn Regins samanstendur af fullgerðu atvinnuhúsnæði með háu útleiguhlutfalli og traustu og stöðugu tekjustreymi. Í lok árs 2017 átti Reginn 122 fasteignir. Heildarfermetrafjöldi fasteignasafnsins var yfir 329 þúsund fermetrar. Útleiguhlutfall fasteignasafnsins er 95% miðað við tekjur.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings og við matið er stuðst við núvirt framtíðar sjóðsflæði einstakra eigna. Matsbreyting á árinu 2017 var 2.928 m.kr.

Umsvif

Síðastliðið ár hefur verið viðburðaríkt hjá félaginu með miklum fjárfestingum í tengslum við ný verkefni og breytingum vegna nýrra leigusamninga. Umsvif á árinu hafa verið hvað mest í Smáralind en stjórnendur álíta að það verkefni hafi verið mjög farsælt fyrir félagið og Smáralind. Þegar hafa um 60% leigurýma verið endurbætt í kjölfar umbreytinga á verslanamiðstöðinni og alþjóðleg vörumerki, eins og H&M og Zara, hafa opnað nýjar eða endurbættar verslanir. Viðtökurnar hafa farið langt fram úr vonum stjórnenda og hafa þessi tvö flaggskip haft góð áhrif á húsið í heild auk þess að umbylta samkeppnisstöðu Smáralindar til nánustu framtíðar.

Reginn skrifaði í lok árs undir kaupsamning við félagið Austurhöfn ehf. um kaup félagsins á eignum á reit 5b á lóðinni Austurbakki 2 í miðborg Reykjavíkur. Um er að ræða 2.700 m² af verslunar- og veitingarými sem er einstaklega vel staðsett á horni Geirsgötu og Austurhafnar. Tilgangur viðskiptanna er ætlað að styrkja viðskiptahugmynd Regins á svæðinu til að tryggja m.a. rétta samsetningu og gæði í þessum verslunar- og þjónustukjarna. Fyrir á Reginn 9.200 m² á svæðinu en áætlað er að sá hluti verði tilbúinn haustið 2018.

Félagið hefur áður kynnt kaup félagsins á 55% hlutafjár í FM-húsum ehf. Framhald þeirra viðskipta hafa verið frekari fjárfestingar í fasteignum og fasteignafélagi á Akureyri. Félagið keypti fasteignina Njarðarnes 3-7 og Reyki fasteignafélag ehf. sem á eignir að Glerárgötu 26, 30 og 32 og eru allar þessar eignir á Akureyri. Áætlað er að á árinu muni FM-hús renna að fullu inn í samstæðu Regins og greitt verði fyrir félagið með reiðufé eða nýjum hlutum í Reginn.

Í lok ársins kynnti félagið undirritun samning um einkaviðræður um kaup á öllu hlutafé dótturfélaga FAST-1 slhf., HTO ehf. og FAST-2 ehf. Unnið hefur verið að þessum viðskiptum á undanförnum vikum. Stærstu eignir félaganna eru Katrínartún 2 (turninn Höfðatorgi) og Borgartún 8-16. Aðrar eignir eru Skúlagata 21, Vegmúli 3 og Skútuvogur 1. Verði af kaupunum verður eignasafn Regins hf. 373 þúsund fermetrar og falla fyrirhuguð kaup vel að fjárfestingastefnu félagsins sem felur m.a í sér að auka hlut félagsins  í hágæða atvinnuhúsnæði á sterkum markaðssvæðum.

Í lok júní gerði Reginn samkomulag við GAMMA um sölu á hlut þess (50%) í félaginu 201 Miðbær ehf. sem er eigandi byggingarréttar á lóðum 03 og 04 sunnan Smáralindar.

Félagið  seldi 17 fasteignir á árinu og var söluverð 973 m.kr. Þau viðskipti eru hluti af stefnu félagsins að selja minni og óhagstæðari eignir.

Á árinu var unnið að endurfjármögnun félagsins með útgáfu skuldabréfa undir nýjum 70 ma. kr. útgáfuramma sem kynntur var í maí sl. Heildarstærð nýja skuldabréfaflokksins REGINN290547 er nú 7.940 m.kr. að nafnverði. Félagið mun halda áfram þeirri vegferð að endurfjármagna lán félagsins á næstu misserum séu markaðsaðstæður þannig að hagstæðari kjör bjóðist.

Nú í febrúar gaf Reitun í fyrsta skipti út lánshæfismat á Reginn hf. Niðurstaða þess mats var að Reginn hlaut einkunnina i.AA2 með stöðugum horfum. Í niðurstöðum matsskýrslunnar segir að Reginn hafi vaxið mikið undanfarin ár og aukið umsvif sín til muna. Rekstur félagsins sé sterkur, eignasafnið dreift, leigutakar fjölbreyttir og veðsetning ekki fullnýtt. Lausafjárstaða félagsins hefur styrkst að undanförnu og sjóðstreymi er sterkt.

Horfur

Samhliða uppgjöri þá kynnir félagið rekstrarspá fyrir árin 2018 – 2020. Áætlað er að leigutekjur félagsins á árinu 2018 verði 7.550 (+/- 50 m.kr.). Rekstraráætlun tekur til núverandi eignasafns að viðbættum eignunum: Alhliða íþróttahús frá miðju ári 2018, Hafnartorgi frá 2018 og Austurhöfn frá 2019. Stjórnendur félagsins telja að horfur í rekstri félagsins séu góðar. Spennandi tímar eru framundan í verslun og þjónustu á Íslandi með nýjum og breyttum áherslum hvað varðar samsetningu verslunar, þjónustu og byggðar.  

Kynning á félaginu

Samhliða birtingu á uppgjöri boðar Reginn til opins kynningarfundar miðvikudaginn 14. febrúar nk. kl. 8:30 í nýbyggingu félagsins við Hafnartorg í miðbæ Reykjavíkur. Gengið er inn frá Pósthússtræti gegnt inngangi að Kolaporti. Helgi S. Gunnarsson forstjóri Regins mun kynna afkomu ársins 2017 og svara spurningum að lokinni kynningu. Einnig verður farið yfir ársskýrslu félagsins, áherslur í rekstri og rekstrarspá fyrir 2018. Skráning á kynningarfundinn fer fram í gegnum netfangið fjarfestatengsl@reginn.is

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/8046107/player

Hægt er að nálgast ársreikning og nýútgefna ársskýrslu félagsins á www.reginn.is/fjarfestavefur/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt ársuppgjör 2017, eftir lokun markaða þriðjudaginn 13. febrúar 2018.

Af því tilefni býður Reginn hf. til opins kynningarfundar miðvikudaginn 14. febrúar nk. kl. 8:30 í nýbyggingu félagsins við Hafnartorg í miðbæ Reykjavíkur. Gengið er inn frá Pósthússtræti gegnt inngangi að Kolaporti.

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/8046107/player

Helgi S. Gunnarsson, forstjóri Regins, kynnir uppgjörið og svarar spurningum að lokinni kynningu. Einnig verður farið yfir ársskýrslu félagsins, áherslur í rekstri og rekstrarspá fyrir árið 2018.

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reitun ehf., hefur unnið í fyrsta sinn og gefið út lánshæfismat fyrir Reginn hf.

Mat Reitunar er að Reginn sé með einkunnina i.AA2 með stöðugum horfum.

Í niðurstöðum matsskýrslunnar segir að Reginn hafi vaxið mikið undanfarin ár og aukið umsvif sín til muna. Rekstur félagsins sé sterkur, eignasafnið dreift, leigutakar fjölbreyttir og veðsetning ekki fullnýtt. Lausafjárstaða félagsins hefur styrkst að undanförnu og sjóðstreymi er sterkt. Að mati Reitunar er umhverfið sem Reginn starfar í einn stærsti áhættuþáttur þess þar sem félagið starfar aðeins í einu hagkerfi. Niðurstöður álagsprófs sýna hins vegar að félagið myndi þola jafn djúpa niðursveiflu og varð í íslensku efnahagslífi í kjölfar efnahagshrunsins 2008.

Lánshæfismat Reitunar á Reginn hf. byggir á innlendu mati en ekki alþjóðlegu og því er i. fyrir framan einkunnarbókstafina. Innlent mat metur lánshæfi út frá besta innlenda lántakandanum, þ.e. ríkissjóði, og áhættu eins og hún horfir við innlendum fjárfestum. Viðmiðunareinkunn besta innlenda lántakans, ríkissjóðs, er i.AAA.

Meðfylgjandi er skýrsla Reitunar.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Birting fjárhagsupplýsinga mun eiga sér stað eftir lokun markaða.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Þann 17. nóvember 2016 undirritaði Reginn hf. samkomulag um kaup á hlut í fasteignafélaginu FM-hús ehf. Þann 30. maí 2017 var undirritaður kaupsamningur um kaup Regins hf. á 55% hlut í félaginu. Reginn hf. fékk afhenta hluti sína í félaginu þann 17. ágúst sl., þegar fyrirvarar í kaupsamningi voru uppfylltir.

Samhliða kaupunum var ákveðið að félagið færi í frekari fjárfestingar, enda styrkur þess og geta mikil. Fyrsta skrefi þeirrar fjárfestingastefnu er nú lokið með kaupum á fasteignum á Akureyri sem að mati félagsins er mjög álitlegt fjárfestingarsvæði.

Félagið hefur fest kaup á fasteigninni Njarðarnes 3-7 á Akureyri og fasteignafélaginu Reykir sem á eignir að Glerárgötu 26, 30 og 32 á Akureyri.

Njarðarnes 3-7 er nýlegt sérhæft iðnaðarhúsnæði sem hýsir glugga- og hurðaverksmiðju Barkar hf. Börkur hefur allt húsið á leigu.

Glerárgötueignirnar eru í fullri útleigu, mesti hluti eignanna er skrifstofuhúsnæði en hluti verslunarhúsnæði. Helstu leigutakar að Glerárgötu eru; Akureyrarbær, Samherji, Efla, Landsvirkjun, Tryggingamiðstöðin, PWC og Lemon.  

Með viðskiptunum hefur FM-hús fjárfest fyrir um 1.650 m.kr. á Akureyri. Að loknum þessum viðskiptum er áætlað að virði eignasafns FM-húsa verði metið á 5.400 m.kr.

Eins og áður hefur verið tilkynnt er áætlað að FM-hús muni renna inn í samstæðu Regins með kaupum þess á öllu hlutafé FM-húsa, en Reginn á nú 55% í félaginu. 

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Sjá meðfylgjandi tilkynningu um viðskipti fjárhagslega tengds aðila. 

Reginn hf. hefur í dag skrifað undir samning um einkaviðræður og helstu skilmála um fyrirhuguð kaup á öllu hlutafé dótturfélaga Fast-1 slhf., HTO ehf. og Fast-2 ehf.  Stærstu eignir félaganna eru  Katrínartún 2 (turninn Höfðatorgi) og Borgartún 8-16. Aðrar eignir eru Skúlagata 21, Vegmúli 3 og Skútuvogur 1. Samtals telur fasteignasafnið 44 þúsund fermetra ásamt bílakjallara með yfir 600 bílastæðum. Eignirnar eru í 98% útleigu til traustra leigutaka. Meðal stærstu leigutaka eru Reykjavíkurborg, Fjársýsla Ríkisins, Reiknistofa Bankanna og Fjármálaeftirlitið.

Með viðskiptunum verður eignasafn Regins hf. 366 þúsund fermetrar og falla fyrirhuguð kaup vel að fjárfestingastefnu félagsins sem felur m.a í sér að auka hlut félagsins  í hágæða atvinnuhúsnæði á sterkum markaðssvæðum.

Með undirritun samningsins hefja aðilar einkaviðræður um kaupin með það að markmiði að komast að samkomulagi um efni endanlegs kaupsamnings. Viðræður milli aðila munu byggja á forsendum og skilmálum samningsins að teknu tilliti til niðurstöðu áreiðanleikakannana.

Fyrirhuguð kaup miðast við að heildarvirði (e. EV) HTO og Fast-2 sé metið á 23.200 m.kr. Endanlegt kaupverð hlutafjár mun ráðast af skuldastöðu félaganna við afhendingu. Gangi viðskiptin eftir mun Reginn gefa út nýtt hlutafé að markaðsvirði 5.800 m.kr.  á meðalgengi hlutabréfa Regins undangengis mánaðar fyrir undirritun kaupsamnings auk þess sem viðskiptin  verða fjármögnuð með útgáfu á nýjum skuldabréfaflokki undir útgáfuramma Regins.  Takmörkun verður á viðskiptum með 2/3 af hlutum sem gefnir verða út vegna viðskiptanna, í annars vegar 2 mánuði og hins vegar 4 mánuði.

Viðskiptin eru m.a. háð skilyrðum um að samkomulag náist um endanlegan kaupsamning, niðurstöðu áreiðanleikakannana, samþykki hluthafafundar fyrir aukningu hlutafjár, samþykki stjórnar fyrir útgáfu skuldabréfaflokks og samþykki Samkeppniseftirlitsins. Gangi viðskiptin eftir er gert ráð fyrir að þeim ljúki á 2. ársfjórðungi 2018.

Ef af kaupunum verður er áætlað að EBITDA Regins hækki um 1.240 milljónir króna á ársgrundvelli og eignasafn stækki um 14% miðað við fermetra. ,,Yield“ kaupanna er um 5,3%.

Nýr eignarhlutur í Regin, ef af verður, yrði tæp 13% sem afhendist seljanda, Fast-1 slhf. Á meðal stærstu hluthafa Fast-1 eru Gildi-lífeyrissjóður, Lífeyrissjóður starfsmanna ríkisins og Lífeyrissjóður verzlunarmanna með tæplega 20% hlut hver, Festa lífeyrissjóður með tæplega 10% hlut og Almenni lífeyrissjóðurinn með tæplega 7% hlut.

Frekari grein verður gerð fyrir viðskiptunum þegar kaupsamningur liggur fyrir.

Ráðgjafi Regins í viðskiptunum er fyrirtækjaráðgjöf Arion banka hf.

Nánari upplýsingar veitir:

Helgi S. Gunnarsson

Forstjóri Regins hf.

S: 512-8900 / 899 6262

Sjá meðfylgjandi viðhengi.

Árshlutareikningur Regins hf. 1. janúar til 30. september 2017 var samþykktur af stjórn þann 2. nóvember.

·         Rekstrartekjur námu 5.165 m.kr.

·         Vöxtur leigutekna frá fyrra ári var 6%.

·         Rekstrarhagnaður fyrir matsbreytingu og afskriftir var 3.288 m.kr., sem er nánast sá sami og á sama tímabili í fyrra.

·         Bókfært virði fjárfestingareigna í lok tímabils er 92.894 m.kr. Matsbreyting á tímabilinu var 2.345 m.kr.

·         Hagnaður eftir tekjuskatt nam 2.854 m.kr. sem er 5,4% hækkun frá fyrra ári.

·         Handbært fé frá rekstri nam 1.635 m.kr.

·         Vaxtaberandi skuldir voru 54.937m.kr. í lok tímabilsins samanborið við 49.499 m.kr. í árslok 2016.

·         Eiginfjárhlutfall er 35%.

·         Hagnaður á hlut fyrir tímabilið er 1,83 en var 1,79 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30. september sl. voru 684.

Rekstur og afkoma

Rekstur félagsins gengur vel og er hann á traustum grunni. Vel gengur að stýra innri áhrifavöldum og ytri skilyrði eru flest hagstæð. Rekstrartekjur námu 5.165 m.kr. og þar af námu leigutekjur 4.784 m.kr. Hækkun leigutekna frá sama tímabili í fyrra var 6%.

Rekstrarhagnaður fyrir söluhagnað, matsbreytingu og afskriftir / EBITDA var 3.288 m.kr. sem er nánast sá sami samanborið við sama tímabil árið 2016. 

Eins og áætlanir gerðu ráð fyrir eru áhrif yfirstandandi umbreytinga í Smáralind, stærstu eign félagsins, mikil. Áhrifin felast í tímabundið lægri tekjum og hærri rekstrarkostnaði á stórum hluta leigjanlegra fermetra í Smáralind. Tekjur í Smáralind það sem af er ári eru 12% lægri en á sama tímabili 2016.

Eignasafn og efnahagur

Eignasafn Regins er fjölbreytt og samanstendur af góðu atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 120 og heildarfermetrafjöldi þeirra eigna er um 322 þúsund. Útleiguhlutfall á safni Regins er um 95% miðað við þær tekjur sem 100% útleiga gæfi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 9 mánuðum ársins nam 2.345 m.kr.

Umsvif og horfur

Þriðji ársfjórðungur hefur verið viðburðarríkur hjá félaginu og enn sem fyrr einkennst af miklum  umsvifum í tengslum við fjárfestingar vegna nýrra verkefna og leigusamninga. Í Smáralind er megin þungi þessara verkefna yfirstaðin og er niðurstaðan sú að þessi verkefni hafi heppnast einstaklega vel.   

Á þessum tímapunkti hafa yfir 60% leigurýma í Smáralind gengið í gegnum mikla umbreytingu. Í síðustu viku opnaði ný, stærri og endurbætt ZARA verslun á tveimur hæðum og verður þetta eina ZARA verslun landsins. Viðtökurnar eru framar vonum.  H&M  opnaði flaggskipsverslun sína í glæsilegu 4.300 m² rými þann 26. ágúst sl. Það er mat stjórnenda félagsins að samkeppnisstaða Smáralindar með flaggskipin tvö, ZARA og H&M hafi gjörbreyst. 

Í framhaldi af vel heppnuðu skuldabréfaútboði í maí sl. hafa óhagstæð lán sem og skammtímalán, að hluta verið endurfjármögnuð. Reginn efndi til skuldabréfaútboðs í lok september og tekið var tilboðum að nafnverði 880 m.kr. Heildarstærð skuldabréfaflokksins REGINN290547 að sölu lokinni er 7.940 m.kr. að nafnverði. Félagið mun halda áfram þeirri vegferð að endurfjármagna lán félagsins séu markaðsaðstæður þannig að hagstæðari kjör bjóðist.

Í lok júní gerði Reginn samkomulag við GAMMA um sölu á hlut þess (50%) í félaginu 201 Miðbær ehf. sem er eigandi byggingarréttar á lóðum 03 og 04 sunnan Smáralindar. Reginn á eftir viðskiptin byggingarrétt á rúmlega 14.000 m² á Smárabyggðarsvæðinu.

Reginn skrifaði undir bindandi samkomulag við félagið Austurhöfn ehf. um kaup félagsins á eignum á reit 5b á lóðinni Austurbakki 2 í miðborg Reykjavíkur. Um er að ræða 2.700 m² af verslunar- og veitingarými sem er einstaklega vel staðsett á horni Geirsgötu og Austurhafnar. Tilgangur viðskiptanna er ætlað að styrkja viðskiptahugmynd Regins á svæðinu til að tryggja m.a. rétta samsetningu og gæði í þessum verslunar- og þjónustukjarna. Fyrir á Reginn 9.200 m² á svæðinu en áætlað er að sá hluti verði tilbúinn haustið 2018. H&M mun opna 2.700 m² verslun á tveimur hæðum á næsta ári. Viðræður eru í gangi við aðra aðila vegna annara verslunar- og þjónusturýma.

Félagið hefur áður kynnt kaup félagsins á 55% hlutafjár í FM-húsum ehf. Samkeppniseftirlitið hefur samþykkt samrunann. Reginn hefur tekjur af safninu frá 1. ágúst.

Eins og áður hefur verið kynnt þá hefur umbreyting á Smáralind haft mikil áhrif á tekjur og afkomu félagsins. Nú sér fyrir endann á því verkefni og jákvæð áhrif nýrra leigutaka eru að koma í ljós. Af því tilefni, sem og þeim miklum breytingum á eignasafni sem eru framundan, þá hefur rekstrarspá fyrir árin 2017 – 2020 verið endurskoðuð. Gert er ráð fyrir að heildar áhrif á Reginn verði rúmlega 2% lækkun tekna á árinu 2017 og verði tekjur ársins því um 6.630 m.kr. Hinsvegar er gert ráð fyrir að tekjur áranna 2018 og 2019 hækki umfram fyrri spár og verði árleg hækkun um 900 m.kr. Stjórnendur félagsins telja að horfur í rekstri séu góðar. Spennandi tímar eru framundan í verslun og þjónustu á Íslandi með nýjum og breyttum áherslum.

Kynning á félaginu

Samhliða birtingu uppgjörs boðar Reginn til opins kynningarfundar föstudaginn 3. nóvember, kl. 08:30 á skrifstofu Regins í Smáralind, Hagasmára 1, 201 Kópavogi. Helgi S. Gunnarsson forstjóri félagsins mun kynna afkomu fyrstu níu mánaða ársins 2017 og svara spurningum. Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/7872880/player

Hægt er að nálgast árshlutareikning vegna fyrstu níu mánaða ársins og kynningargögn á www.reginn.is/fjarfestavefur/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Sjá meðfylgjandi viðhengi. 

Reginn mun birta samþykkt uppgjör fyrir þriðja ársfjórðung ársins 2017, eftir lokun markaða fimmtudaginn 2. nóvember 2017.

Af því tilefni býður Reginn hf. til opins kynningarfundar föstudaginn 3. nóvember nk. kl. 8:30 á skrifstofu Regins í Smáralind, Hagasmára 1, 1. hæð, Kópavogi. Gengið er inn í skrifstofur Regins beint frá bílastæðahúsi við Norðurturninn.

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/7872880/player

Dagskrá fundarins er eftirfarandi:

Helgi S. Gunnarsson forstjóri Regins kynnir uppgjörið og svarar spurningum að lokinni kynningu. 

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn hf. lauk í dag útboði á skuldabréfum í flokknum REGINN290547 sem gefinn er út undir útgáfuramma félagsins.

Skuldabréfaflokkurinn er verðtryggður, til 30 ára, með jöfnum afborgunum og föstum 3,50% ársvöxtum. Skuldabréfaflokkurinn er veðtryggður samkvæmt almennu tryggingafyrirkomulagi.

Boðin voru til sölu skuldabréf fyrir allt að 1.440 milljónir króna á fastri ávöxtunarkröfu, 3,50%. Alls bárust fjögur tilboð í skuldabréfaflokkinn að nafnverði 880 milljónir króna og var tekið tilboðum að nafnverði 880 milljónir króna.

Heildarstærð skuldabréfaflokksins REGINN290547 að sölu lokinni verður 7.940 milljónir króna að nafnverði.

Afrakstri skuldabréfaútboðsins verður varið til endurfjármögnunar á óhagstæðari fjármögnun félagsins.

Gjalddagi og afhending skuldabréfanna er þriðjudaginn 10. október 2017 og sótt verður um að skuldabréfin verði tekin til viðskipta á Aðalmarkaði Nasdaq Iceland hf. þann sama dag.

Markaðsviðskipti Landsbankans höfðu umsjón með sölu skuldabréfanna.

Nánari upplýsingar veita:

Helgi S. Gunnarsson – Forstjóri Regins – helgi@reginn.is – s: 512 8900 / 899 6262

Jóhann Sigurjónsson – Fjármálastjóri Regins – johann@reginn.is – s: 528 8005 / 859 9800

Árni Maríasson – Forstöðumaður Markaðsviðskipta Landsbankans – s: 410 7335 / 863 9998

Reginn hf. efnir til útboðs á skuldabréfum mánudaginn 2. október 2017. Boðin verða til sölu skuldabréf í flokknum REGINN290547 fyrir allt að 1.440 milljónir króna að nafnvirði.

Skuldabréfaflokkurinn er gefinn út undir útgáfuramma félagsins og er hann verðtryggður, til 30 ára, með jöfnum afborgunum og föstum 3,50% ársvöxtum. Skuldabréfaflokkurinn er veðtryggður samkvæmt almennu tryggingarfyrirkomulagi.

Skuldabréfin verða seld á fastri ávöxtunarkröfu, 3,50%. Greiðslu- og uppgjörsdagur er þriðjudaginn 10. október 2017.

Reginn áskilur sér rétt til að taka eða hafna hvaða tilboði sem er í heild eða að hluta.

Markaðsviðskipti Landsbankans hafa umsjón með útboðinu og fjárfestar skulu skila tilboðum til Markaðsviðskipta Landsbankans fyrir klukkan 16:00 mánudaginn 2. október 2017 á netfangið reginn.utbod@landsbankinn.is

Útboðið er lokað og undanþegið gerð lýsingar sbr. d-lið, 1 tl. 1. mgr. 50. greinar laga nr. 108/2007, um verðbréfaviðskipti. Grunnlýsing og viðauki við grunnlýsingu hafa verið birt í tengslum við útgáfuramma félagsins. Grunnlýsinguna, viðauka við grunnlýsinguna og önnur skjöl sem tengjast skuldabréfunum og útgáfu á þeim má nálgast á vefsíðu útgefanda www.reginn.is/fjarfestavefur/skuldabrefautbod

Nánari upplýsingar veita:

Helgi S. Gunnarsson – Forstjóri Regins – helgi@reginn.is – s: 512 8900 / 899 6262

Jóhann Sigurjónsson – Fjármálastjóri Regins – johann@reginn.is – s: 528 8005 / 859 9800

Gunnar S. Tryggvason s: 410 6709 / 821 2090 og í gegnum netfang Markaðsviðskipta Landsbankans vegna útboðsins: reginn.utbod@landsbankinn.is

Reginn hf. tilkynnti þann 17. júlí sl. um undirritun samkomulags um einkaviðræður, við fyrirtækið Austurhöfn ehf., um kaup félagsins á öllu atvinnuhúsnæði á reit 5b á lóðinni Austurbakka 2 í Reykjavík. Um er ræða u.þ.b. 2.700 m² verslunar- og veitingarými sem er að langmestu leyti á jarðhæð.

Í samkomulaginu frá júlí var að finna ýmsa fyrirvara sem nú hefur verið fallið frá og er því komið á skuldbindandi kauptilboð í eignina frá Reginn hf. sem samþykkt hefur verið af Austurhöfn ehf. Aðilar vinna nú að frágangi kaupsamnings.

Nánari upplýsingar veitir

Helgi S. Gunnarsson

Forstjóri Regins hf.

S: 512 8900 / 899 6262

Árshlutareikningur Regins hf. 1. janúar til 30. júní 2017 var samþykktur af stjórn þann 18. ágúst.

·         Rekstrartekjur námu 3.332 m.kr.

·         Vöxtur leigutekna frá fyrra ári var 5%.

·         Rekstrarhagnaður fyrir matsbreytingu og afskriftir var 2.083 m.kr., sem er 2% lækkun frá fyrra ári.

·         Bókfært virði fjárfestingareigna í lok tímabils er 86.523 m.kr. Matsbreyting á tímabilinu var 1.237 m.kr.

·         Hagnaður eftir tekjuskatt nam 1.512 m.kr. sem er 24% lækkun frá fyrra ári.

·         Handbært fé frá rekstri nam 1.080 m.kr.

·         Vaxtaberandi skuldir voru 50.686 m.kr. í lok tímabilsins samanborið við 49.499 m.kr. í árslok 2016.

·         Eiginfjárhlutfall er 35%.

·         Hagnaður á hlut fyrir tímabilið er 0,97 en var 1,34 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30. júní sl. voru 762.

Rekstur og afkoma

Rekstur félagsins er á traustum grunni og afkoma á fyrri helmingi árs var góð og í samræmi við áætlun félagsins. Rekstrartekjur námu 3.332 m.kr. og þar af námu leigutekjur 3.086 m.kr. Hækkun leigutekna frá sama tímabili fyrra árs var 5%.

Rekstrarhagnaður fyrir söluhagnað, matsbreytingu og afskriftir / EBITDA var 2.083 m.kr. sem er 2% lækkun samanborið við sama tímabil árið 2016. 

Eins og gert var ráð fyrir eru áhrif umbreytinga sem eru yfirstandandi í Smáralind, stærstu eign félagsins, mikil. Áhrifin felast í tímabundið lægri tekjum og hærri rekstrarkostnaði á um fjórðungi leigjanlegra fermetra í Smáralind. Tekjur í Smáralind á 1H-17 eru 19% lægri en á sama tímabili 2016 sem er í samræmi við fyrri áætlanir.

Eignasafn og efnahagur

Eignasafn Regins er fjölbreytt og samanstendur af góðu atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 118 og heildarfermetrafjöldi þeirra eigna er um 313 þúsund. Útleiguhlutfall á safni Regins er um 95% miðað við þær tekjur sem 100% útleiga gæfi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 6 mánuðum ársins nam 1.237 m.kr.

Rekstur og horfur

Eins og fyrsti ársfjórðungurinn á árinu þá einkenndist sá annar af miklum umsvifum í tengslum við fjárfestingar vegna nýrra leigusamninga og þá sérstaklega í Smáralind.  

Nú sér fyrir endann á þeim miklu breytingum sem staðið hafa yfir í Smáralind. H&M mun opna flaggskipsverslun sína í glæsilegu 4.300 m² rými þann 26. ágúst næstkomandi og ný, stærri og endurbætt Zara verslun mun opna í lok október.  

Í framhaldi af vel heppnuðu skuldabréfaútboði í maí sl. hafa óhagstæð lán sem og skammtímalán, að hluta, verið endurfjármögnuð. Félagið mun á næstu misserum halda áfram þeirri vegferð að endurfjármagna lán félagsins séu markaðsaðstæður þannig að hagstæðari kjör bjóðist.

Á tímabilinu gerði Reginn samkomulag við GAMMA um sölu á hlut þess (50%) í félaginu 201 Miðbær ehf. sem er eigandi byggingarréttar á lóðum 03 og 04. Reginn á eftir viðskiptin byggingarrétt á rúmlega 14.000 m² á Smárabyggðarsvæðinu.

Reginn skrifaði einnig undir samkomulag um einkaviðræður við félagið Austurhöfn ehf. um kaup félagsins á reit 5b á lóðinni Austurbakki 2 í miðborg Reykjavíkur. Um er að ræða 2.700 m² af verslunar- og veitingarými sem er einstaklega vel staðsett á horni Geirsgötu og Austurhafnar. Tilgangur viðskiptanna er ætlað að styrkja viðskiptahugmynd Regins á svæðinu til að tryggja m.a. rétta samsetningu og gæði í þessum verslunar- og þjónustukjarna. Áætlað er að rýmin verði afhent um mitt ár 2019. Fjárhagsleg áhrif eru óveruleg á fjárhag og afkomu Regins.

Stjórnendur félagsins telja að horfur í rekstri séu góðar og að ekki séu vísbendingar um annað en að áætlanir félagsins standist í öllum aðalatriðum. Spennandi tímar eru framundan í verslun og þjónustu á Íslandi með nýjum og breyttum áherslum. Félagið hefur lengi unnið að því að verslunarmiðstöðin Smáralind yrði í hringiðu þeirra miklu umbreytinga sem framundan eru í verslun og eru stjórnendur og starfsmenn ákaflega stoltir af þeim árangri sem náðst hefur.    

Kynning á félaginu

Samhliða birtingu uppgjörs boðar Reginn til opins kynningarfundar mánudaginn 21. ágúst, kl. 08:30 á skrifstofu Regins í Smáralind, Hagasmára 3, 201 Kópavogi. Helgi S. Gunnarsson forstjóri félagsins mun kynna afkomu fyrstu sex mánaða ársins 2017 og svara spurningum. Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://livestream.com/accounts/11153656/events/7648491/player

Hægt er að nálgast árshlutareikning vegna fyrstu sex mánaða ársins og kynningargögn á www.reginn.is/fjarfestavefur/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Þann 30. maí 2017 var undirritaður kaupsamningur milli Regins hf. og eigenda FM húsa ehf. um kaup Regins hf. á 55% hlutafjár í FM – húsum ehf. Skilyrðum kaupsamningsins vegna kaupanna hefur nú verið fullnægt og uppgjör, greiðsla og afhending fór fram í dag.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Reginn mun birta samþykkt uppgjör fyrir annan ársfjórðung ársins 2017, eftir lokun markaða föstudaginn 18. ágúst 2017.

Af því tilefni býður Reginn hf. til opins kynningarfundar mánudaginn 21. ágúst nk. kl. 8:30 á skrifstofu Regins í Smáralind, Hagasmára 1, 1. hæð, Kópavogi. Gengið er inn í skrifstofur Regins beint frá bílastæðahúsi við Norðurturninn.

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/7648491/player

Dagskrá fundarins er eftirfarandi:

Helgi S. Gunnarsson forstjóri Regins kynnir uppgjörið og svarar spurningum að lokinni kynningu. 

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Þann 30. maí sl. var undirritaður kaupsamningur milli Regins hf. og FM húsa ehf. um kaup á 55% hlutafé í FM – húsum ehf. Kaupsamningurinn innihélt m.a. fyrirvara um samþykki Samkeppniseftirlitsins.

Samkeppniseftirlitið hefur nú birt niðurstöðu sína, en samkvæmt henni telur Samkeppniseftirlitið að kaup Regins hf. á ofangreindu félagi feli í sér samruna í skilningi 17. gr. samkeppnislaga nr. 44/2005. Samkeppniseftirlitið telur ekki ástæðu til að aðhafast frekar vegna samrunans.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Reginn hf. hefur skrifað undir samkomulag um einkaviðræður, við fyrirtækið Austurhöfn ehf. (áður Kolufell ehf.), um kaup félagsins á öllu atvinnuhúsnæði á reit 5b á lóðinni Austurbakki 2 í miðborg Reykjavíkur. Um er að ræða 2.700 m2 verslunar- og veitingarými sem er einstaklega vel staðsett á horni Geirsgötu og Austurhafnar. Byggingarnar sem munu hýsa áðurnefnd verslana- og veitingarými eru afmarkaðar af Gömlu höfninni, Marriott EDITION fimm stjörnu hóteli sem er nú í byggingu, fyrirhuguðum höfuðstöðvum Landsbankans og Hafnartorgi. Rýmið tengist bílakjallara sem nær frá Hörpu niður á Lækjatorg.

Um er að ræða verslunar- og veitingarými að langmestu á jarðhæð, en að litlum hluta í kjallara og 2. hæð. Kaupin ef af verða falla vel að fjárfestingastefnu félagsins sem felur í sér að auka hlut félagsins m.a. í hágæða atvinnuhúsnæði á sterkum markaðssvæðum.

Miðað er við að rýmin verði afhent tilbúið til útleigu um mitt ár 2019.

Tilgangur viðskiptanna ef af verður, er að styrkja viðskiptahugmyndir Regins á svæðinu enn frekar. Félagið hefur lagt áherslu á mikilvægi þess að verslana- og þjónusturými á þessu einstaka svæði í miðbæ Reykjavíkur verði hugsuð, skipulögð og rekin sem ein heild. Með því næst betur að tryggja rétta samsetningu og gæði þeirra eininga sem saman mynda fyrirhugaðan verslana- og þjónustukjarna. En fyrir er Reginn kaupandi af öllu verslana og veitingarými á Hafnartorgi sem er staðsett á reitum 1 og 2 á lóðinni Austurbakka 2.

Umfang viðskiptanna hvað varðar fjárhag og stærð, er lítið í samanburði við eignasafn Regins. Þau munu hafa óveruleg áhrif á fjárhag og afkomu Regins.

Samkomulag þetta  er með ýmsum fyrirvörum m.a. um áreiðanleikakannanir og samþykki stjórnar Regins.

Nánari upplýsingar veitir

Helgi S. Gunnarsson

Forstjóri Regins hf.

S: 512 8900 / 899 6262

Í dag 29.6.2017 var undirritað samkomulag um gerð kaupsamnings á milli Regins hf. og GAMMA Capital Management hf., fyrir hönd fasteignasjóða í stýringu,  um kaup fasteignasjóða GAMMA á 50% hlut í félaginu 201 Miðbær ehf. Með sölunni hefur Reginn selt alla hluti sína í félaginu en mótaðili sjóða GAMMA  með eignarhald á 50% hlut, verði af sölunni, verður áfram Smárabyggð ehf. Samkomulag er með ýmsum fyrirvörum m.a. um samþykki stjórnar Regins.

Félagið 201 Miðbær ehf. er eigandi byggingarréttar á lóðum 03 og 04 sunnan Smáralindar í hverfinu sem hefur gengið undir nafninu Smárabyggð. Byggingarmagn á lóðunum tveimur er alls 30.622 „brúttó“ íbúðarfermetrar. Söluverð á hlut Regins í félaginu er 1.236 m.kr.

Á síðustu árum hefur Reginn í samstarfi við eigendur Smárabyggðar ehf. og Kópavogsbæ unnið að því að endurskipuleggja nánasta umhverfi sunnan Smáralindar. Tilgangur þess hefur verið að styrkja Smáralind og svæðið í heild sem verslunar og þjónustusvæði sem og koma þar fyrir vönduðu og glæsilegu íbúðarsvæði. Það er mat félagsins að veruleg jákvæð áhrif verða til frambúðar með tilkomu mikillar íbúðabyggðar í nágrenni verslunarmiðstöðvarinnar.

Með sölunni nú á hluta byggingaréttar á svæðinu er verið að innleysa virði sem liggur í byggingarrétti á lóðunum við Smáralind.  Það er mat félagsins að nú sé réttur tími til að selja verkefnið af tveimur ástæðum. Mikil eftirspurn er eftir skipulögðum vel staðsettum íbúðabyggðum og nú eru sterkir fagaðilar (fjárfestar og uppbyggingaraðilar) að leita að hentugum byggingarverkefnum sem hægt er að hefja framkvæmdir við fljótt. 

Fyrirtæki í eigu fasteignasjóða GAMMA eru á meðal leiðandi aðila á landinu á sviði fasteignaþróunar- og uppbyggingar. Á vegum Upphafs fasteignafélags fer fram uppbygging, í þróun eða framkvæmd, hátt í 2000 íbúða. Heild fasteignafélag hefur umsjón með þróun og uppbyggingu um 150 þúsund fermetra af atvinnuhúsnæði, auk 600-800 íbúða, og Almenna leigufélagið á og leigir út yfir 1200 íbúðir um land allt.

Forsenda þess að selja verkefnið frá Reginn nú er að uppbygging verkefnisins styrki Smáralind og svæðið í heild en Smáralind er verðmætasta eign Regins. Hluti af samkomulagi milli aðila er að tryggja að útfærslur, framkvæmdir og uppbygging verkefnisins verði í sem mestri sátt við starfsemi og athafnarlíf á svæðinu. Einnig er samkomulagið hagfellt Reginn að því leyti að við það flyst álag og áhætta frá félaginu sem óneitanlega fylgir uppbyggingu íbúðarverkefnis sem þessa, en bygging íbúðarhúsnæðis er utan núverandi kjarnastarfsemi Regins.

Með viðskiptunum nú hefur Reginn þó ekki selt frá sér allan byggingarrétt sunnan Smáralindar. Reginn á eftir þessi viðskipti rúmlega 14.000 m² af byggingarrétti á Smárabyggðar svæðinu, sem er að hluta íbúðarhúsnæði en að mestu atvinnuhúsnæði. Er sá byggingarréttur á lóðum 05, 06 og 07, deiliskipulag liggur fyrir á öllum lóðunum.

Félagið hefur ekki sett sér fastmótaða áætlun hvenær uppbygging á lóðum 05 og 06 fer af stað, en það eru lóðir sem næst eru Smáralind og munu aðgerðir á þeim lóðum hafa mestu tímabundnu áhrifin á flæði og umferðarmál næst Smáralind. Hinsvegar hefur verið hafinn undirbúningur að uppbyggingu bílastæðapalla með allt að 800 bílastæðum norðan við Smáralind sem bæta mun aðgengi að verslanamiðstöðinni enn frekar.

Varðandi staðsetningu og skiptingu lóða, eignarhald og fyrirhuguð bílastæði er vísað til skýringaruppdráttar sem sjá má sjá á eftirfarandi slóð:

http://www.reginn.is/media/1713/smarabyggd-lodir-sunnan-smaralindar.pdf

Virði byggingarréttar svæðisins var fært til bókar hjá Reginn á 870 m.kr. í uppgjöri félagsins 1F 2017.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Þann 21. desember 2016 var tilkynnt um að undirritun kauptilboðs á milli Regins hf. og eigenda fasteignafélagsins U6 ehf., um kaup Regins á öllu hlutafé í félaginu. Fram kom að kauptilboðið væri m.a. með fyrirvörum um áreiðanleikakannanir.

Eftir að endanlegar niðurstöður áreiðanleikakannana lágu fyrir hafa átt sér stað viðræður milli aðila. Hefur sú niðurstaða nú orðið að Reginn hf. hefur ákveðið að falla frá kaupunum.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Sjá meðfylgjandi viðhengi.

Í tilkynningu Regins þann 17. nóvember 2016 kom fram að undirritað hefði verið samkomulag um kaup Regins á hlutafé í FM-húsum.

Í dag var undirritaður kaupsamningur milli Regins og eigenda FM-húsa á grunni ofangreinds samkomulags með ákveðnum breytingum frá fyrra samkomulagi. Reginn kaupir 55% af hlutafé félagsins í stað 47% áður og meðeigendur í félaginu verða þeir hluthafar sem nú selja af eignarhlut sínum. Undirritun kaupsamnings er gerð í kjölfar áreiðanleikakönnunar, sem nú er lokið. Samhliða því var heildarvirði (EV) eignasafns félagsins lækkað um 190 m.kr. og er nú 3.560 m.kr. Arðsemi viðskiptanna er rúmlega 7%. Kaupsamningurinn er enn háður fyrirvara um samþykki Samkeppniseftirlitsins o.fl.

Eftir viðskiptin verða hluthafar FM-húsa, auk Regins, Benedikt Rúnar Steingrímsson (22,5%), Magnús Jóhannsson (18,4%) og Særún Garðarsdóttir (4,1%). Áætlað er að uppgjör og afhending vegna viðskiptanna fari fram á þriðja ársfjórðungi 2017 og gert ráð fyrir að áhrif kaupanna verði kynnt samhliða því.

Ráðgjafi Regins í viðskiptunum var Fyrirtækjaráðgjöf Landsbankans.

Nánari upplýsingar veitir:

Helgi S. Gunnarsson – Forstjóri – helgi@reginn.is - S: 512 8900 / 899 6262

Árshlutareikningur Regins hf. 1. janúar 2017 til 31. mars 2017 var samþykktur af stjórn þann 30. maí.

·        Rekstrartekjur námu 1.643 m.kr.

·        Vöxtur leigutekna frá fyrra ári var 9%.

·        Rekstrarhagnaður fyrir matsbreytingu og afskriftir var 1.020 m.kr., og jókst um 2% frá fyrra ári.

·        Bókfært virði fjárfestingareigna í lok tímabils er 84.086 m.kr. Matsbreyting á tímabilinu var 331 m.kr.

·        Hagnaður eftir tekjuskatt nam 620 m.kr. sem er lækkun  um 17% frá fyrra ári.

·        Handbært fé frá rekstri nam 1.066 m.kr.

·        Vaxtaberandi skuldir voru 49.259 m.kr. í lok tímabilsins samanborið við 49.499 m.kr. í árslok 2016. Skuldsetning sem hlutfall af fjárfestingareignum er 59%.

·        Eiginfjárhlutfall er 35%.

·        Hagnaður á hlut fyrir tímabilið er 0,4 en var 0,52 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 31. mars sl. voru 766.

Rekstur og afkoma

Afkoma Regins á fyrstu þremur mánuðum ársins er í samræmi við áætlanir félagsins. Rekstrartekjur námu 1.643 m.kr. og þar af námu leigutekjur 1.523 m.kr. Hækkun leigutekna frá sama tímabili fyrra árs er rúmlega 9%.

Rekstrarhagnaður fyrir söluhagnað, matsbreytingu og afskriftir / EBITDA var 1.020 m.kr. sem samsvarar um 2% hækkun samanborið við sama tímabil árið 2016. 

Áhrif þeirra miklu umbreytinga sem eru yfirstandandi í Smáralind, stærstu eign félagsins, eru nú í hámarki. Áhrifin eru tímabundið lægri tekjur og hærri rekstrarkostnaður á um fjórðungi leigjanlegra fermetra í Smáralind.

Eignasafn og efnahagur

Eignasafn Regins er fjölbreytt, með góða dreifingu og samanstendur af atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 121 og heildarfermetrafjöldi þeirra eigna er um 314 þúsund. Útleiguhlutfall á safni Regins er um 95% miðað við þær tekjur sem 100% útleiga gæfi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers uppgjörstímabils. Matsbreyting á fyrstu 3 mánuðum ársins nam 331 m.kr.

Rekstur og horfur

Fyrsti ársfjórðungurinn einkenndist af miklum umsvifum í tengslum við fjárfestingar vegna nýrra leigusamninga sem og vinnu við velheppnað skuldabréfaútboð félagsins.

Félagið lauk útboði á nýjum flokki skuldabréfa sem var gefinn út undir nýjum útgáfuramma. Tekið var tilboðum að fjárhæð 7.030 m.kr. í flokkinn á ávöxtunarkröfunni 3,70%. Afrakstri skuldabréfaútboðsins var varið til endurfjármögnunar á óhagstæðari fjármögnun félagsins.

Áætlað er að Eignarhaldsfélagið Smáralind muni afhenda H&M nýtt 4.300 m² leigurými í vesturenda Smáralind í júní en H&M hefur tilkynnt að verslunin muni opna í ágúst nk. Verslunin í Smáralind verður sú fyrsta á Íslandi og flaggskip H&M hér á landi. Miklar breytingar hafa þegar átt sér stað í Smáralind og má þar nefna opnun nýrra verslana í austurenda s.s. Hagkaup, Útilíf, Síminn, Tiger, Nova og ÁTVR.  

Stjórnendur félagsins telja að horfur í rekstri séu góðar og að ekki séu vísbendingar um annað en að áætlanir félagsins standist í öllum aðalatriðum.

Kynning á félaginu

Samhliða birtingu uppgjörs boðar Reginn til opins kynningarfundar miðvikudaginn 31. maí kl. 08:30 á skrifstofu Regins í Smáralind, Hagasmára 1, 1. hæð, Kópavogi. Gengið er inn í skrifstofur Regins beint frá bílastæðahúsi við Norðurturninn. Helgi S. Gunnarsson forstjóri félagsins mun kynna afkomu fyrstu þriggja mánaða ársins 2017 og svara spurningum.

Skráning á kynningarfundinn fer fram í gegnum netfangið fjarfestatengsl@reginn.is.

Hægt er að nálgast árshlutareikning vegna fyrstu þriggja mánaða ársins og kynningargögn á www.reginn.is/fjarfestavefur

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn mun birta samþykkt uppgjör fyrir fyrsta ársfjórðung ársins 2017, eftir lokun markaða þriðjudaginn 30. maí 2017.

Af því tilefni býður Reginn hf. til opins kynningarfundar miðvikudaginn 31. maí nk. kl. 8:30 á skrifstofu Regins í Smáralind, Hagasmára 1, 1. hæð, Kópavogi. Gengið er inn í skrifstofur Regins beint frá bílastæðahúsi við Norðurturninn.

Dagskrá fundarins er eftirfarandi:

Helgi S. Gunnarsson forstjóri Regins kynnir uppgjörið og svarar spurningum að lokinni kynningu. 

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn hf. hefur samið við Landsbankann hf. um að annast viðskiptavakt með skuldabréf útgefin af Regin með auðkennið REGINN290547 hjá Nasdaq Iceland („Kauphöllin“).

Landsbankinn skuldbindur sig til að setja fram dag hvern, kaup- og sölutilboð í skuldabréfin í Kauphöllinni fyrir opnun markaðar. Tilboð skulu ávallt vera að lágmarki kr. 20.000.000 að nafnverði og er hámarksmunur kaup- og sölutilboða 1,15%. Tilboð skulu endurnýjuð eigi síðar en innan 15 mínútna eftir að þeim er tekið.

Eigi Landsbankinn viðskipti með skuldabréfin á einum viðskiptadegi fyrir kr. 60.000.000 að nafnvirði eða meira í sjálfvirkri pörun (viðskipti tilgreind „automatch“) er honum heimilt að hætta framsetningu tilboða þann viðskiptadag.

Viðskiptavaktin tekur gildi á fyrsta viðskiptadegi bréfanna í Kauphöll. Samningurinn, sem gerður var í framhaldi af lokuðu útboði, er ótímabundinn en uppsegjanlegur af hálfu beggja aðila með 14 daga fyrirvara.

Nánari upplýsingar veita:

Helgi S. Gunnarsson – Forstjóri Regins – helgi@reginn.is – s: 512 8900 / 899 6262

Reginn hf. lauk í dag útboði á nýjum flokki skuldabréfa, þeim fyrsta sem gefinn er út undir nýjum útgáfuramma félagsins.

Boðin voru til sölu skuldabréf fyrir allt að 8 ma.kr. í nýjum flokki skuldabréfa. Skuldabréfaflokkurinn er verðtryggður til 30 ára með jöfnum afborgunum og föstum 3,50% ársvöxtum. Skuldabréfaflokkurinn er veðtryggður samkvæmt almennu tryggingafyrirkomulagi.

Alls bárust 30 tilboð í skuldabréfaflokkinn að nafnverði 7.360 m.kr. á ávöxtunarkröfu á bilinu 3,40% - 3,85%. Tilboðum að fjárhæð 7.060 m.kr. var tekið í flokkinn á ávöxtunarkröfunni 3,70% og eru öll samþykkt tilboð seld fjárfestum miðað við þá ávöxtunarkröfu.

Afrakstri skuldabréfaútboðsins verður varið til endurfjármögnunar á óhagstæðari fjármögnun félagsins.

Gjalddagi og afhending skuldabréfanna er 29. maí 2017 og sótt verður um að skuldabréfin verði tekin til viðskipta á Aðalmarkaði Nasdaq Iceland þann sama dag. Nasdaq Iceland mun tilkynna um töku skuldabréfanna til viðskipta með a.m.k. eins viðskiptadags fyrirvara.

Markaðsviðskipti Landsbankans höfðu umsjón með sölu skuldabréfanna.

Nánari upplýsingar veita:

Helgi S. Gunnarsson – Forstjóri Regins – helgi@reginn.is – s: 512 8900 / 899 6262

Árni Maríasson – Forstöðumaður Markaðsviðskipta Landsbankans – reginn.utbod@landsbankinn.is - s: 410 7335 / 863 9998 

Reginn hf. efnir til útboðs á skuldabréfum fimmtudaginn 18. maí 2017. Boðin verða til sölu skuldabréf fyrir allt að 8 ma.kr. í nýjum skuldabréfaflokki, þeim fyrsta sem gefinn er út undir nýjum útgáfuramma félagsins.

Skuldabréfaflokkurinn er verðtryggður, til 30 ára, með jöfnum afborgunum og föstum 3,50% ársvöxtum. Skuldabréfaflokkurinn er veðtryggður samkvæmt almennu tryggingarfyrirkomulagi.

Sótt verður um töku skuldabréfaflokksins til viðskipta á Aðalmarkaði Kauphallarinnar. Unnið er að gerð samninga um viðskiptavakt með skuldabréfaflokkinn.

Markaðsviðskipti Landsbankans hafa umsjón með útboðinu og fjárfestar skulu skila tilboðum til Markaðsviðskipta Landsbankans fyrir klukkan 16:00 fimmtudaginn 18. maí á netfangið reginn.utbod@landsbankinn.is

Útboðið verður með hollenskri aðferð, þ.e. öll samþykkt tilboð verða seld fjárfestum miðað við hæstu ávöxtunarkröfu sem tekin er. Félagið áskilur sér rétt til þess að samþykkja öll tilboð, hafna öllum tilboðum eða taka tilboðum að hluta. Tilkynnt verður um niðurstöðu útboðsins og úthlutun til fjárfesta þegar niðurstaða liggur fyrir og eigi síðar en fyrir opnun markaða föstudaginn 19. maí.

Útboðið er lokað og undanþegið gerð lýsingar sbr. d-lið, 1. tl. 1. mgr. 50. greinar laga nr. 108/2007, um verðbréfaviðskipti. Grunnlýsing og viðauki við grunnlýsingu hafa verið birt í tengslum við útgáfuramma félagsins. Grunnlýsinguna, viðauka við grunnlýsinguna og önnur skjöl sem tengjast skuldabréfunum og útgáfu þeirra má nálgast á vefsíðu útgefanda www.reginn.is/fjarfestavefur/skuldabrefautbod

Þann 2. maí sl. birti Reginn fjárfestakynningu í tengslum við fundi með fjárfestum þar sem útgáfuramminn og fyrirhugað skuldabréfaútboð var kynnt. Kynningin hefur verið uppfærð m.t.t. breytinga sem átt hafa sér stað frá birtingu hennar og er uppfærð kynning í viðauka með tilkynningu þessari.

Nánari upplýsingar veita:

Helgi S. Gunnarsson – Forstjóri Regins – helgi@reginn.is – s: 512 8900 / 899 6262

Jóhann Sigurjónsson – Fjármálastjóri Regins – johann@reginn.is – s: 528 8005 / 859 9800

Árni Maríasson s: 410 7335 / 863 9998 / Gunnar S. Tryggvason s: 410 6709 / 821 2090 og í gegnum netfang Markaðsviðskipta Landsbankans vegna útboðsins: reginn.utbod@landsbankinn.is

Reginn hf. hefur birt viðauka við grunnlýsingu í tengslum við útgáfuramma sem dagsett er 9. maí 2017. Viðaukinn sem er dagsettur 15. maí 2017 hefur verið staðfestur af Fjármálaeftirlitinu.

Viðaukinn er á íslensku og birtur með rafrænum hætti á vef Regins, www.reginn.is/fjarfestavefur/skuldabrefautbod. Fjárfestar geta einnig nálgast viðaukann og grunnlýsinguna sér að kostnaðarlausu á skrifstofu Regins, í 12 mánuði frá dagsetningu grunnlýsingarinnar.

Nánari upplýsingar veitir:

Helgi S. Gunnarsson – Forstjóri – helgi@reginn.is – s: 512 8900 / 899 6262

Reginn hf. hefur birt grunnlýsingu í tengslum við útgáfuramma skuldabréfa og víxla sem greint var frá í tilkynningu félagsins þann 2. maí 2017. Grunnlýsingin sem er dagsett 9. maí 2017 hefur verið staðfest af Fjármálaeftirlitinu.

Grunnlýsingin sem er á íslensku er  birt með rafrænum hætti á vef Regins, www.reginn.is/fjarfestavefur. Fjárfestar geta einnig nálgast grunnlýsinguna sér að kostnaðarlausu á skrifstofu Regins að Hagasmára 1, 201 Kópavogi, í 12 mánuði  frá dagsetningu hennar.

Nánari upplýsingar veitir:

Helgi S. Gunnarsson – Forstjóri – helgi@reginn.is – s: 512 8900 / 899 6262

Fjárhagsdagatali Regins hf. 2017 - 2018, sem var birt 29. desember 2016, hefur verið breytt.

Áætlaðir birtingardagar eru nú:  

Birting fjárhagsupplýsinga mun eiga sér stað eftir lokun markaða.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn mun á næstu dögum, ásamt Landsbankanum, funda með fjárfestum í tengslum við fyrirhugaða sölu á skuldabréfum útgefnum af Regin. Einnig verður kynntur útgáfurammi félagsins vegna útgáfu skuldabréfa og víxla, sem lýst er í grunnlýsingu sem birt verður á næstu dögum, eins og tilkynnt var um þann 25. apríl sl. Meðfylgjandi er fjárfestakynning sem einnig má nálgast á vefsíðu Regins: www.reginn.is/fjarfestarvefur.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Stjórn Regins hf. samþykkti í dag útgáfu og sölu á skuldabréfum í lokuðu útboði að fjárhæð allt að 8 ma.kr. undir nýjum útgáfuramma. Með útgáfurammanum er mynduð umgjörð utan um útgáfu félagsins á skuldabréfum og víxlum. Tilgangur útgáfurammans er að auka stuðning við þróun félagsins á markaði, endurfjármögnun á hluta núverandi skulda og að auka fjölbreytni í fjármögnun félagsins.

Samkvæmt útgáfurammanum verður heimilt að gefa út skuldabréf og víxla með mismunandi eiginleika fyrir allt að 70 ma.kr. Útgáfurammanum er lýst í grunnlýsingu sem er í samþykktarferli hjá Fjármálaeftirlitinu og er áætlað að verði birt í maí 2017.

Áformað er að selja fyrsta skuldabréfaflokkinn sem gefinn verður út undir útgáfurammanum í maí 2017, en nánari tímasetning og skilmálar sölunnar verða tilkynnt síðar. Um að ræða verðtryggð skuldabréf til 30 ára með veði í vel dreifðu safni fasteigna. Sótt verður um töku skuldabréfaflokksins til viðskipta á aðalmarkaði Nasdaq Iceland hf. Markaðsviðskipti Landsbankans munu hafa umsjón með sölunni og á næstu vikum mun Reginn ásamt Landsbankanum kynna fjárfestum útgáfurammann og fyrsta skuldabréfaflokkinn sem til stendur að selja.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Aðalfundur Regins hf. var haldinn klukkan 16:00, miðvikudaginn 15. mars 2017  í Hörpu, tónlistar- og ráðstefnuhúsi, í Björtuloftum, Austurbakka 2, 101 Reykjavík.

1.    Ársreikningur:

Aðalfundur samþykkti ársreikning félagsins vegna ársins 2016.

2. Ákvörðun um ráðstöfun hagnaðar félagsins á reikningsárinu 2016:

Aðalfundur samþykkti að ekki yrði greiddur arður á árinu 2017 en að öðru leyti vísast til ársreikningsins um ráðstöfun hagnaðar og aðrar breytingar á eiginfjárreikningum félagsins á árinu. Hagnaður verður fluttur til næsta árs.

3. Tillaga félagsstjórnar um starfskjarastefnu:

Aðalfundur samþykkti framlagða starfskjarastefnu.

4. Heimild til kaupa á eigin hlutum:

Ekki var lögð fram tillaga um kaup á eigin bréfum.

5. Breyting á samþykktum félagsins:

Ekki lágu fyrir tillögur um breytingar á samþykktum félagsins.

6. Kosning félagsstjórnar:

Eftirfarandi einstaklingar voru sjálfkjörin í aðalstjórn til næsta aðalfundar:

Albert Þór Jónsson,

Benedikt K. Kristjánsson,

Bryndís Hrafnkelsdóttir,

Sigríður Hrefna Hrafnkelsdóttir,

Tómas Kristjánsson,

Eftirtalin voru sjálfkjörin í varastjórn:

Finnur Reyr Stefánsson,

Hjördís D. Vilhjálmsdóttir.

7. Kosning endurskoðanda:

Aðalfundur samþykkti að KPMG ehf., Borgartúni 27, 105 Reykjavík, yrði endurkjörið endurskoðunarfyrirtæki félagsins.

8. Ákvörðun um þóknun til stjórnarmanna fyrir næsta kjörtímabil:

Aðalfundur félagsins samþykkti eftirfarandi þóknun til stjórnarmanna, varastjórnar og undirnefnda stjórnar:

Stjórnarformaður: 600.000 kr. á mánuði.

Meðstjórnendur: 300.000 kr. á mánuði.

Varamenn: 150.000 kr. fyrir hvern setinn stjórnarfund, þó ekki hærra en 300.000 kr. fyrir hvern mánuð.

Seta í undirnefndum stjórnar: 60.000 kr. fyrir hvern setinn fund.

Ársskýrsla Regins 2016 er aðgengileg á eftirfarandi svæði:

www.arsskyrsla2016.reginn.is

Aðalfundur Regins hf. verður haldinn 15. mars 2017 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík, klukkan 16:00.

Framboðsfrestur til stjórnar Regins hf. rann út þann 8. mars sl.

Eftirtaldir einstaklingar hafa gefið kost á sér til setu í stjórn félagsins:

Í framboði til aðalstjórnar eru:

Albert Þór Jónsson, kt. 180562-3119

Benedikt K. Kristjánsson, kt. 190952-4879

Bryndís Hrafnkelsdóttir, kt.070864-7899

Sigríður Hrefna Hrafnkelsdóttir, kt. 180877-4249

Tómas Kristjánsson, kt. 151165-3389

Í framboði til varastjórnar eru:

Finnur Reyr Stefánsson, kt. 140169-3659

Hjördís Dröfn Vilhjálmsdóttir, kt. 100369-5839

Er það mat stjórnar að öll framboð séu gild sbr. 63. gr. a. hlutafélagalaga nr. 2/1995. Samkvæmt samþykktum félagsins skal stjórn félagsins skipuð fimm aðalmönnum og tveimur til vara, kjörnum á aðalfundi til eins árs í senn. Því er ljóst að stjórn félagsins er sjálfkjörin og ekki mun koma til  atkvæðagreiðslu.

Nánari upplýsingar um frambjóðendur eru í viðhengi.

Kópavogur 10. mars 2017

Stjórn Regins hf. 

Reginn hefur fengið til liðs við sig eftirfarandi aðila sem þegar hafa hafið störf hjá félaginu.

Sunna Hrönn Sigmarsdóttir hefur verið ráðin framkvæmdastjóri dótturfélaganna   Knatthallarinnar ehf. og Kvikmyndahallarinnar ehf. Sunna mun taka sæti í framkvæmdastjórn Regins.

Sunna hefur mikla reynslu af stærri og flóknari rekstri tengt fasteignum, útleigu, þróun og uppbyggingu og mun koma að slíkum verkefnum hjá Regin. Sunna starfaði áður sem framkvæmdastjóri fasteignasviðs Hörpu tónlistar- og ráðstefnuhúss frá 2011 þar sem hún hafði umsjón með rekstri, viðhaldi og útleigu. Auk þessa sat Sunna í framkvæmdaráði Hörpu og Rekstrarfélaginu Stæða slhf. Einnig starfaði Sunna sem skrifstofustofustjóri Eignarhaldsfélagsins Portus hf. frá 2006 - 2011. Sunna hefur lokið B.Sc. í iðnaðartæknifræði frá Háskólanum í Reykjavík árið 2005.

Breyting þessi á framkvæmdastjórn félagsins er meðal skrefa hjá Reginn til að styrkja og þróa Egilshöll enn frekar með innri vexti og uppbyggingu til framtíðar.

María Rúnarsdóttir hefur verið ráðin sem rekstrar- og þjónustustjóri hjá Reginn. María starfaði áður sem vörustjóri hjá Olíuverzlun Íslands frá 2013. María hefur lokið M.Sc. í rekstrarverkfræði frá DTU árið 2012 auk B.Sc. gráðu í viðskiptafræði með áherslu á tungumál og alþjóðaviðskipti árið 2010.

María mun hafa umsjón með stýringu og utanumhaldi á þjónustusamningum vegna reksturs í fasteignum, s.s. ræstinga, þrifa, húsumsjónar, öryggisgæslu, þjónustuborðs auk þess að vera með utanumhald um húsfélög í fasteignum félagsins. María mun einnig leiða og byggja upp nýjar og auknar áherslur til vistvænni fasteignarekstrar í samstarfi við framkvæmdastjóra dótturfélaga.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Meðfylgjandi er endanleg dagskrá og tillögur aðalfundar 2017 auk starfskjarastefnu.

Aðalfundur Regins hf. verður haldinn miðvikudaginn 15. mars 2017 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Nánari upplýsingar má finna á vefsíðu félagsins, www.reginn.is/fjarfestar

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Aðalfundur Regins hf. verður haldinn miðvikudaginn 15. mars 2017 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Meðfylgjandi er fundarboð með dagskrá fundarins.

·         Rekstrartekjur námu 6.643 m.kr.

·         Vöxtur leigutekna frá fyrra ári var rúmlega 22%.

·         Rekstrarhagnaður fyrir matsbreytingu og afskriftir var 4.377 m.kr. og jókst um 21% frá fyrra ári.

·         Hagnaður eftir tekjuskatt nam 4.243 m.kr sem er sambærilegur og á fyrra ári.

·         Bókfært virði fjárfestingareigna í lok árs var 83.027 m.kr. samanborið við 63.949. m.kr. í árslok 2015. Matsbreyting á árinu var 3.745 m.kr.

·         Handbært fé frá rekstri nam 2.568 m.kr. á árinu 2016.

·         Vaxtaberandi skuldir voru 49.499 m.kr. í lok árs 2016 samanborið við 39.474 m.kr. í árslok 2015.

·         Eiginfjárhlutfall var í lok árs 34,5%.

·         Hagnaður á hlut á árinu 2016 var 2,78 samanborið við 3,06 árið áður.

Félagið er skráð í Kauphöll Íslands hf. (NASDAQ OMX Iceland), fjöldi hluthafa í árslok 2016 voru 760 samanborið við 581 í árslok 2015.

Rekstur og afkoma

Afkoma Regins á árinu 2016 var góð og í samræmi við væntingar. Rekstrartekjur námu 6.643 m.kr.og þar af námu leigutekjur 6.111 m.kr. Leigutekjur hafa hækkað um 22% samanborið við árið 2015. Rekstrarhagnaður fyrir söluhagnað, matsbreytingu og afskriftir / EBITDA var 4.377 m.kr. sem samsvarar 21% hækkun samanborið við árið 2015.

Stjórn félagsins leggur til að ekki verður greiddur arður á árinu 2017. Aðalfundur félagsins verður haldinn 15. mars nk.

Eignasafn og efnahagur

Eignasafn Regins samanstendur af fullgerðu atvinnuhúsnæði með háu útleiguhlutfalli og traustu og stöðugu tekjustreymi. Í lok árs 2016 átti Reginn 124 fasteignir. Heildarfermetrafjöldi fasteignasafnsins var rúmlega 316 þúsund fermetrar. Útleiguhlutfall fasteignasafnsins er 96% miðað við tekjur.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings og við matið er stuðst við núvirt framtíðar sjóðsflæði einstakra eigna. Matsbreyting á árinu 2016 var 3.745 m.kr.

Stækkun félagsins og horfur

Uppbygging og stækkun eignasafns félagsins hefur verið í samræmi við áætlun og fjárfestingarstefnu þess. Á árinu keypti félagið fasteignasöfnin Ósvör og CFV 1 og greiddi fyrir með nýjum hlutum í félaginu sem gefnir voru út í mars 2016. Auk þeirra kaupa voru keypt tvö minni fasteignafélög á Akureyri. Samtals bókfært virði fasteigna sem tilheyra áður greindum fasteignafélögum námu um 11.400 m.kr. Einnig keypti félagið allt verslunarrými í nýjum kjarna að Garðatorgi 4 í Garðabæ. Á tímabilinu tilkynnti félagið um samkomulag við Kópavogsbæ og Smárabyggð ehf. um uppbyggingu sunnan Smáralindar á næstu 8 árum.

Þann 8. júlí sl. tilkynnti félagið um komu H&M í Smáralind 2017 og á Hafnartorg 2018. Verslunin í Smáralind verður sú fyrsta á Íslandi og flaggskip H&M hér á landi. Miklar breytingar munu eiga sér stað í Smáralind sem fagnaði 15 ára afmæli á árinu. Framkvæmdir við endurskipulagningu Smáralindar hófust af fullum þunga í byrjun árs en undirbúningur endurskipulagningar hefur staðið yfir í þrjú og hálft ár. Lokið var við fyrsta áfanga í austurenda Smáralindar þar sem Hagkaup, Útilíf, Síminn og fleiri aðilar opnuðu glæsilegar nýjar verslanir síðla árs 2016. Fyrirsjáanleg er mikil breyting á verslanasamsetningu með meiri fjölbreytni, blöndu sterkra aðila og nýrra erlendra vörumerkja, meira úrval veitingastaða og fjölbreyttari þjónustu.

Aldrei hefur verið skrifað undir leigusamninga um jafnmarga fermetra hjá félaginu og árið 2016, eða um 58.000 m². Rúmlega helmingur þeirra samninga voru nýir leigusamningar, aðrir voru endurnýjun eldri samninga. Á árinu 2016 voru tvær byggingar teknar í notkun fyrir opinber fyrirtæki eftir gagngerar breytingar. Þetta voru Hlíðasmári 1 sem Sýslumaðurinn á höfuðborgarsvæðinu hefur nú tekið í notkun og Tjarnarvellir 11 sem Þjóðminjasafnið tók við undir varðveislu- og rannsóknarsetur um mitt ár 2016.

Auk þessa seldi félagið 8 fasteignir og var söluverð um 268 m.kr. Þær sölur eru hluti af stefnu félagsins að selja minni og óhagstæðari eignir.

Horfur í rekstri

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist.

Á árinu 2017 verða áherslur félagsins áfram á styrkingu og vöxt eignasafnsins. Fyrir utan hefðbundin rekstrarmál verður unnið að endurskipulagningar og uppbyggingar-verkefnum félagsins s.s.  eftirfylgni með endurskipulagningu Smáralindar, uppbyggingu Hafnartorgs í miðbæ Reykjavíkur, uppbyggingu Alhliða íþróttahúss við Egilshöll ásamt fjölda nýrra leiguverkefna.

Áfram verður unnið að frekari kaupum nýrra eignasafna.

Á árinu mun félagið hefja endurfjármögnun á hluta eignasafna sinna en undirbúningur þess hefur staðið yfir frá miðju ári 2016.

Kynning á félaginu

Samhliða birtingu á uppgjöri boðar Reginn til opins kynningarfundar miðvikudaginn 15. febrúar nk. kl. 8:30 á skrifstofu Regins í Smáralind, Hagasmára 1, 1. hæð, Kópavogi. Gengið er inn í skrifstofur Regins beint frá bílastæðahúsi við Norðurturninn. Helgi S. Gunnarsson forstjóri Regins mun kynna afkomu ársins 2016 og svara spurningum að lokinni kynningu. Einnig verður farið yfir ársskýrslu félagsins og áherslur í rekstri og rekstrarspá fyrir 2017. Skráning á kynningarfundinn fer fram í gegnum netfangið fjarfestatengsl@reginn.is

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/6985983/player

Hægt er að nálgast ársreikning og nýútgefna ársskýrslu félagsins á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt ársuppgjör 2016, eftir lokun markaða þriðjudaginn 14. febrúar 2017.

Af því tilefni býður Reginn hf. til opins kynningarfundar miðvikudaginn 15. febrúar nk. kl. 8:30 á skrifstofu Regins í Smáralind, Hagasmára 1, 1. Hæð, Kópavogi. Gengið er inn í skrifstofur Regins beint frá bílastæðahúsi við Norðurturninn.

Fundinum verður einnig varpað í gegnum netið á eftirfarandi slóð:

https://livestream.com/accounts/11153656/events/6985983/player

Helgi S. Gunnarsson forstjóri Regins kynnir uppgjörið og svarar spurningum að lokinni kynningu. Einnig verða farið yfir ársskýrslu félagsins og áherslur í rekstri og rekstrarspá fyrir 2017.

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Þann 21. desember 2016 var undirritað kauptilboð á milli Regins hf. og eigenda fasteignafélagsins U6 ehf., um kaup Regins á öllu hlutafé í félaginu. Kauptilboðið er m.a. með fyrirvörum um áreiðanleikakönnun og samþykki Samkeppniseftirlitsins.

Fyrirhuguð kaup á U6 miðast við að heildarvirði (EV) eignasafns félagsins sé 2.700 m.kr. Vænt arðsemi fjárfestingarinnar fyrir árið 2017 (e. yield) er um 6,7%.

Fasteignasafnið samanstendur af tveimur fasteignum, Urðarhvarfi 6 og Víkurhvarfi 8 í Kópavogi. Heildarfermetrafjöldi fasteignasafnsins er 10.290 fermetrar, að stærstum hluta skrifstofuhúsnæði. Útleiguhlutfall fasteignasafnsins er 100% og eru núverandi leigutekjur um 224 m.kr. á ársgrundvelli. Leigutakar eru þrír og þar af er Mannvit hf., stærsti leigutakinn með langtímaleigusamning. Ef af kaupunum verður stækkar eignasafn Regins um rúm 3% miðað við fermetrafjölda.

Reginn tilkynnti þann 17. nóvember s.l. um samkomulag um kaup á eignarhlut í FM-húsum ehf., ásamt meðfjárfestum, og stendur yfir áreiðanleikakönnun á félaginu, auk þess sem þau kaup eru jafnframt háð samþykki Samkeppniseftirlitsins. Regin er heimilt samkvæmt kauptilboðinu um U6 ehf., að framselja réttindi sín og skyldur yfir til félagsins FM-hús ehf., sem yrði þá endanlegur kaupandi að U6 ehf.

Ráðgjafi Regins í viðskiptunum er Fyrirtækjaráðgjöf Landsbankans.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Þann 17. nóvember 2016 var undirritað samkomulag á milli Regins hf. (Reginn), Vátryggingafélags Íslands hf. (VÍS) og eigenda fasteignafélagsins FM-hús ehf. (hér eftir „FM-hús“ og „félagið“) um kaup Regins og VÍS á 63,0% hlutafjár í FM-húsum. Eignarhlutur Regins í félaginu verður 47,0% og VÍS mun eignast 16,0% Samkomulagið er með fyrirvörum m.a um áreiðanleikakönnun,  samþykki Samkeppniseftirlitsins o.fl.

Fyrirhuguð kaup á FM-húsum miðast við að heildarvirði (EV) eignasafns félagsins sé 3.750 m.kr. Gert er ráð fyrir að félagið verði nánast skuldlaust við kaupin. Nýir hluthafar í félaginu munu greiða fyrir eignarhluti sína með reiðufé. Arðsemi viðskiptanna (e. yield) er um 7%.

Tilgangur viðskiptanna er að kaupa gott og arðbært eignasafn sem mun að ákveðnum tíma liðnum verða alfarið í eigu Regins. Kaupin eru í samræmi við fjárfestingarstefnu félagsins og þá sýn að fjölga samstarfsverkefnum þar sem einkaaðilar og opinberir aðilar vinna saman að uppbyggingu og rekstri verkefna.

FM-hús er gamalgróið og fjárhagslega sterkt fasteignafélag. Félagið er einkar áhugaverður fjárfestingarkostur m.t.t. leigusamninga, gæða eigna og leigutaka. Fasteignasafnið samanstendur af 5 fasteignum og heildarfermetrafjöldi þeirra er um 10.500 fermetrar. Um er að ræða skólabyggingar að Vesturbrú 7 í Garðabæ, Kríuási 1, Kríuási 2 og Tjarnabraut 30 í Hafnarfirði auk skrifstofu- og atvinnuhúsnæðis að Bæjarhrauni 8 í Hafnarfirði. Útleiguhlutfall fasteignanna er 100%. Leigutakar eru 9 og standa opinberir aðilar, Hafnarfjarðarbær og Garðabær á bak við 90% af leigutekjum fasteignasafnsins og er meðaltími leigusamninga um 10 ár. Í hluta eignanna sinnir leigusali stoðþjónustu sem veitt er leigutaka s.s. ræstingu og þrif á húsnæði, öryggisgæslu, umsjón húsnæðis, lóðar o.fl.

Með fjárfestingu þessari skapast tækifæri til að nýta styrk og getu félagsins til frekari vaxtar. Núverandi og væntanlegir hluthafar FM-húsa telja að eignasamsetning, fjárhagslegur styrkur og fjárhagsskipan félagsins henti vel til frekari fjárfestinga og uppbyggingar á kjarnasviði félagsins. Fyrirhugað er að ráðast strax í frekari fjárfestingar gangi kaupin eftir. Áætlað er að heildarvirði (EV) eignasafns félagsins geti orðið allt að 12 - 15 ma.kr. í lok fjárfestingatímabilsins.

Áætlað er að innan 12 – 18 mánaða eða við lok fjárfestingatímabilsins muni félagið renna inn í samstæðu Regins með kaupum þess á öllu hlutafé FM-húsa.  Fyrirhugað er að endanlegt hluthafasamkomulag milli hluthafa í FM húsum, sem verði undirritað samhliða kaupsamningi, innihaldi ákvæði um að Reginn eigi kauprétt að hlutum annarra hluthafa í félaginu næstu 18 mánuði eftir undirritun kaupsamnings. Ef til slíkra kaupa kemur mun Reginn jafnframt hafa möguleika á að afhenda hlutafé í Reginn sem greiðslu í slíkum viðskiptum.  Slíkt er þó háð samþykki hluthafafundar Regins.

Eftir viðskiptin verða hluthafar FM-húsa, auk Regins og VÍS, Benedikt Rúnar Steingrímsson (18,5%), Magnús Jóhannsson (14,8%) og Særún Garðarsdóttir (3,7%).

Ráðgjafi Regins í viðskiptunum er Fyrirtækjaráðgjöf Landsbankans.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Árshlutareikningur Regins hf. 1. janúar 2016 til 30. september 2016 var samþykktur af stjórn þann 4. nóvember.

·         Rekstrartekjur námu 4.939 m.kr.

·         Vöxtur leigutekna frá fyrra ári var 25%.

·         Rekstrarhagnaður fyrir matsbreytingu og afskriftir var 3.297 m.kr., og jókst um 25% frá fyrra ári.

·         Bókfært virði fjárfestingareigna í lok tímabils er 80.124 m.kr. Matsbreyting á tímabilinu var 2.207 m.kr.

·         Hagnaður eftir tekjuskatt nam 2.709 m.kr. sem er aukning yfir 45% frá fyrra ári.

·         Handbært fé frá rekstri nam 1.631 m.kr.

·         Vaxtaberandi skuldir voru 48.194 m.kr. í lok tímabilsins samanborið við 39.474 m.kr. í árslok 2015.

·         Eiginfjárhlutfall er 34%.

·         Hagnaður á hlut fyrir tímabilið er 1,79 en var 1,31 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30 september sl. voru 744.

Rekstur og afkoma

Afkoma Regins á fyrstu níu mánuðum ársins var góð og í samræmi við áætlanir félagsins. Rekstrartekjur námu 4.939 m.kr. og þar af námu leigutekjur 4.533 m.kr. Hækkun leigutekna frá sama tímabili fyrra árs er rúmlega 25%.

Rekstrarhagnaður fyrir söluhagnað, matsbreytingu og afskriftir / EBITDA var 3.297 m.kr. sem samsvarar 25% hækkun samanborið við sama tímabil árið 2015. 

Eignasafn og efnahagur

Eignasafn Regins er fjölbreytt og samanstendur af góðu atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 129 og heildarfermetrafjöldi þeirra eigna er um 320 þúsund. Útleiguhlutfall á safni Regins er um 95% miðað við þær tekjur sem 100% útleiga gæfi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers uppgjörstímabils. Matsbreyting á fyrstu 9 mánuðum ársins nam 2.207 m.kr.

Stækkun félagsins og horfur

Uppbygging og stækkun eignasafns félagsins er í samræmi við áætlun og fjárfestingarstefnu þess. Félagið hefur áður kynnt kaup og afhendingu á fasteignasöfnum Ósvarar og CFV 1 með útgáfu nýs hlutafjár í mars 2016. Auk þeirra kaupa voru keypt tvö minni fasteignafélög á Akureyri. Samtals bókfært virði fasteigna sem tilheyra áðurgreindum fasteignafélögum nema um 11.400 m.kr.

Á tímabilinu tilkynnti félagið um samkomulag við Kópavogsbæ og Smárabyggð ehf. um uppbyggingu sunnan Smáralindar á næstu 8 árum. Aðkoma Regins er með þeim hætti að félagið er eigandi að um 34% byggingaréttar verkefnisins í gegnum dótturfélag sitt. Fyrirhuguð er uppbygging 620 íbúða, auk 13.000 m² atvinnuhúsnæðis, þar sem heildarbyggingamagn er áætlað um 84.000 m². Eignarhlutur félagsins í verkefninu Smárabyggð er bókfærður á 805 m.kr.

Þann 8. júlí sl. tilkynnti félagið um komu H&M í Smáralind 2017 og Hafnartorg 2018. Verslunin í Smáralind verður sú fyrsta á Íslandi og flaggskip H&M hér á landi. Miklar breytingar eiga sér stað í Smáralind sem fagnar 15 ára afmæli um þessar mundir. Endurskipulagning Smáralindar hófst í byrjun árs. Fyrirsjáanleg er mikil breyting á verslanasamsetningu með meiri fjölbreytni með blöndu sterkra aðila og nýrra erlendra vörumerkja, meira úrval veitingastaða, líkamsrækt World Class og útibú Íslandsbanka  

Fasteignin Tjarnarvellir 11 hefur verið afhent Þjóðminjasafninu þar sem er sérútbúin aðstaða fyrir safnið. Einnig hefur fyrsti áfangi Hlíðasmára 1 verið afhentur embætti Sýslumannsins á Höfuðborgarsvæðinu en þar mun starfsemi embættisins vera framvegis.

Horfur í rekstri og skipulagsbreytingar félagsins

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist í öllum aðalatriðum,

Áherslur í starfsemi félagsins, fyrir utan hefðbundin rekstrarmál, næstu mánuði er eftirfylgni með endurskipulagningu Smáralindar og uppbyggingu Hafnartorgs í miðbæ Reykjavíkur.

Kynning á félaginu

Samhliða birtingu uppgjörs boðar Reginn til opins kynningarfundar mánudaginn 7. nóvember kl. 08:30 í nýuppfærðum austurinngangi Smáralindar (við Hagkaup), Hagasmára 1, 201 Kópavogi. Helgi S. Gunnarsson forstjóri félagsins mun kynna afkomu fyrstu níu mánaða ársins 2016 og svara spurningum. Sturla G. Eðvarðsson framkvæmdastjóri Eignarhaldsfélags Smáralindar ehf., mun kynna stöðu á endurskipulagningu Smáralindar sem og vænt áhrif á afkomu félagsins til framtíðar.

Að loknum kynningarfundi mun Håkan Pehrsson, „retailráðgjafi“ Smáralindar kynna strauma og stefnur í skipulagningu og uppbyggingu verslanamiðstöðva í nágrannalöndum okkar.

Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://livestream.com/accounts/11153656/events/6546824/player

Hægt er að nálgast árshlutareikning vegna fyrstu níu mánaða ársins og kynningargögn á www.reginn.is/fjarfestar/ 

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn mun birta samþykkt uppgjör fyrir þriðja ársfjórðung ársins 2016, eftir lokun markaða föstudaginn 4. nóvember 2016.

Af því tilefni býður Reginn til opins kynningarfundar mánudaginn 7. nóvember 2016 kl. 08:30 í nýuppfærðum austurinngangi Smáralindar (við Hagkaup), Hagasmára 1, 201 Kópavogi.

Dagskrá fundarins er eftirfarandi:

- Helgi S. Gunnarsson forstjóri Regins mun kynna uppgjörið og svarar spurningum.

- Sturla G. Eðvarðsson framkvæmdastjóri Eignarhaldsfélags Smáralindar ehf., mun kynna stöðu á endurskipulagningu Smáralindar sem og vænt áhrif á afkomu félagsins til framtíðar.

Að loknum kynningarfundi mun Håkan Pehrsson, retailráðgjafi Smáralindar kynna strauma og stefnur í skipulagningu og uppbyggingu verslanamiðstöðva í nágrannalöndum okkar.

Fundinum verður einnig varpað í gegnum netið á eftirfarandi slóð:

livestream.com/accounts/11153656/events/6546824/player

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Sjá viðhengi.

Sjá viðhengi.

Um mitt ár 2014 tilkynnti Reginn um undirritun kaupsamnings vegna hluta Hörpureita 1 og 2 við
Austurbakka 2 í Reykjavík (Hafnartorg) vegna 8.000 m² útleigurýmis staðsett á 1. og 2.
hæð bygginganna. Um er að ræða áhugavert svæði sem mun styrkja og efla miðbæ Reykjavíkur
sem verslunar- og þjónustusvæði. Markmið kaupanna er m.a. að tengja starfsemi, rekstur og
markaðsstarf Smáralindar við þennan nýja miðbæjarkjarna.
Frá þeim tíma hefur framkvæmdaraðili verkefnisins, Reykjavík Development ehf., sem
nú er í eigu ÞG Verktaka ehf., unnið að hönnun og uppbyggingu þess. Síðustu mánuði hefur aukinn kraftur færst í verkið með nýjum eignaraðila.
Tilkynnt var um undirritun leigusamnings Regins  við H&M þann 8. júlí sl. og verður sú verslun ankeri í þessum sterka miðbæjarkjarna. Verslun H&M mun taka um þriðjung verslanafermetra sem eru í einingunni. Nú er verkefnið komið á þann stað að umfang, tímasetningar og fjárhagslegar forsendur eru betur kunnar og því er þessi tilkynning sett fram til að upplýsa markaðsaðila um stöðu verkefnisins. Nú þegar leigusamningur um rúmlega þriðjung rýmis liggur fyrir hefur félagið endurskoðað áætlanir sínar um heildarfjárfestingu í Hafnartorgi. Fjárfestingaráætlun hljóðar upp á 5.600 m.kr. eða um 620 þ.kr./ m² sem felur í sér kaupverð, fjármagnskostnað, umsjón, hönnun, og aðlögun leigurýma.Innifalið í þeirri fjárfestingu er stækkun á eignarhluta Regins úr 8.000 m² í tæplega 9.000 m² með samsvarandi fjölgun tekjugefandi rýma.
Reginn vísar til fyrri fréttatilkynninga varðandi kaup og aðrar upplýsingar um verkefnið. Nú þegar
hafa verið settar tæplega 700 m.kr. í verkefnið en meginþungi frekari fjárfestinga mun falla til um mitt ár  2017 og fyrripart 2018. Fjármögnun verkefnisins er tryggð nú þegar.
Félagið gerir ráð fyrir að áhrifa muni í fyrsta lagi fara að gæta á tekjur / EBITDA félagsins á
seinasta ársfjórðungi 2018 þegar rými Regins verða komin í fulla notkun. Áætlað er að áhrif á
EBITDA félagsins verði um 400 - 460 m.kr. til hækkunar á ársgrundvelli.
Í viðskiptaáætlun verkefnisins er gert ráð fyrir að leigutekjur á verslunarrýmum verði á bilinu 4.000 til 9.500 kr./m² allt eftir eðli, staðsetningu og umfangi leigurýma.
 

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Árshlutareikningur Regins hf. 1. janúar 2016 til 30. júní 2016 var samþykktur af stjórn þann 24. ágúst.

·         Rekstrartekjur námu 3.222 m.kr.

·         Vöxtur leigutekna frá fyrra ári var 26%.

·         Rekstrarhagnaður fyrir matsbreytingu og afskriftir var 2.126 m.kr., og jókst um 25% frá fyrra ári.

·         Bókfært virði fjárfestingareigna í lok tímabils er 79.015 m.kr. Matsbreyting á tímabilinu var 1.869 m.kr.

·         Hagnaður eftir tekjuskatt nam 2.002 m.kr. sem er aukning yfir 65% frá fyrra ári.

·         Handbært fé frá rekstri nam 924 m.kr.

·         Vaxtaberandi skuldir voru 47.767 m.kr. í lok tímabilsins samanborið við 39.474 m.kr. í árslok 2015.

·         Eiginfjárhlutfall er 34%.

·         Hagnaður á hlut fyrir tímabilið er 1,34 en var 0,85 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30 júní sl. voru 559.

Rekstur og afkoma

Afkoma Regins á fyrri helmingi árs var góð og í samræmi við áætlun félagsins. Rekstrartekjur námu 3.222 m.kr. og þar af námu leigutekjur 2.946 m.kr. Hækkun leigutekna frá sama tímabili fyrra árs er rúmlega 26%.

Rekstrarhagnaður fyrir söluhagnað, matsbreytingu og afskriftir / EBITDA var 2.126 m.kr. sem samsvarar 25% hækkun samanborið við sama tímabil árið 2015. 

Eignasafn og efnahagur

Eignasafn Regins er fjölbreytt og samanstendur af góðu atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 130 og heildarfermetrafjöldi þeirra eigna er um 319 þúsund. Útleiguhlutfall á safni Regins er yfir 97,5% miðað við þær tekjur sem 100% útleiga gæfi.

Stærstu eignir Regins eru verslunarmiðstöðin Smáralind í Kópavogi og Egilshöll í Grafarvogi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 6 mánuðum ársins nam 1.869 m.kr.

Stækkun félagsins og horfur

Uppbygging og stækkun eignasafns félagsins er í samræmi við áætlun og fjárfestingarstefnu þess.

Á tímabilinu fékk félagið afhent tvö fasteignasöfn sem greitt var fyrir með ráðstöfun hlutafjáraukningar sbr. ákvörðun hluthafafundar frá 22. mars 2016 þar sem hlutafé í Reginn var aukið um 126.600.000 krónur að nafnverði. Hlutafé í Reginn eftir þá aukningu er 1.555.300.000 krónur að nafnverði. Auk framangreinds þá keypti félagið tvö lítil fasteignafélög sem eiga fasteignir á Akureyri. Bókfært virði þeirra fasteigna sem tilheyra framangreindum fjórum fasteignafélögum er um 11.400 m.kr.

Á tímabilinu tilkynnti félagið um samkomulag við Kópavogsbæ og Smárabyggð ehf. um uppbyggingu sunnan Smáralindar á næstu árum. Aðkoma Regins er með þeim hætti að félagið er eigandi um 34% af byggingarétti verkefnisins í gegnum dótturfélag sitt. Eignarhlutur félagsins í Smárabyggð er færður til bókar sem nemur 805 m.kr. á tímabilinu.

Þann 8. júlí sl. tilkynnti félagið um komu H&M í Smáralind 2017 og Hafnartorg 2018, en það eru fyrstu verslanir H&M á Íslandi. Miklar breytingar eiga sér stað í Smáralind en endurskipulagning hófst í byrjun árs. Verslanasamsetning mun breytast með endurskipulögðum rýmum í húsinu. Í rýmum 1. og 2. hæðar Norðurturns Smáralindar, sem Reginn hefur yfir að ráða, mun Íslandsbanki opna útibú sem og World Class opna líkamsræktarstöð í haust.

Tjarnarvellir 11 hafa verið afhentir Þjóðminjasafninu þar sem er sérútbúin aðstaða fyrir safnið. Framkvæmdir eiga sér einnig stað í Hlíðasmára 1 þar sem Sýslumaðurinn á Höfuðborgarsvæðinu mun flytja starfsemi sína í haust.

Horfur í rekstri og skipulagsbreytingar félagsins

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist í öllum aðalatriðum.

Áherslur í starfsemi félagsins, fyrir utan hefðbundin rekstrarmál næstu mánuði er eftirfylgni með endurskipulagningu Smáralindar og uppbyggingu Hafnartorgs í miðbæ Reykjavíkur.

Kynning á félaginu

Samhliða birtingu uppgjörs boðar Reginn til opins kynningarfundar á morgun, fimmtudaginn 25. ágúst, kl. 08:30 í anddyri Norðurturns/Smáralindar, Hagasmára 3, 201 Kópavogi. Helgi S. Gunnarsson forstjóri félagsins mun kynna afkomu fyrstu sex mánaða ársins 2016 og svara spurningum. Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://livestream.com/accounts/11153656/events/6175228/player

Hægt er að nálgast árshlutareikning vegna fyrstu sex mánaða ársins og kynningargögn á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt uppgjör fyrir annan ársfjórðung ársins 2016, eftir lokun markaða miðvikudaginn 24. ágúst 2016.

Af því tilefni býður Reginn hf. til opins kynningarfundar fimmtudaginn 25. ágúst 2016 kl. 08:30 í anddyri Norðurturns/Smáralindar, Hagasmára 3, 201 Kópavogi.

Fundinum verður einnig varpað í gegnum netið á eftirfarandi slóð:

http://livestream.com/accounts/11153656/events/6175228/player

Helgi S. Gunnarsson forstjóri Regins mun kynna uppgjörið og svarar spurningum að lokinni kynningu.

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn hf. og dótturfélag þess, Eignarhaldsfélagið Smáralind ehf., undirrituðu í dag leigusamninga við  dótturfélag H&M Hennes & Mauritz AB (publ.) um húsnæði undir tvær verslanir undir merkjum H&M.  Samningarnir ná til tveggja staðsetninga. Annars vegar verslunar í  Smáralind og hins vegar í miðbæ Reykjavíkur (Hafnartorgi). Verslanirnar munu opna á árunum 2017 og 2018.

Það er mat Regins að tilkoma H&M í Smáralind muni hafa mikil og jákvæð áhrif á verslunarmiðstöðina og verða mikilvægt skref í endurskipulagningu Smáralindar m.a. með styrkingu leigutekna til framtíðar. Jafnframt er það mat Regins að samningurinn um verslun H&M á Hafnartorgi verði stór liður í uppbyggingu öflugrar verslana- og þjónustueiningar í miðbæ Reykjavíkur.

Samhliða gerð framangreindra samninga er unnið að fjölmörgum nýjum leigusamningum í Smáralind og Hafnartorgi. Nýir samningar verða kynntir þegar þeir hafa verið fastsettir.

Frekari kynning á verkefnum munu fara fram á komandi mánuðum.

Reginn hefur áður kynnt fyrirhugaðar fjárfestingar í tengslum við endurskipulagningu Smáralindar og uppbyggingu Hafnartorgs. Þá er vísað til fréttatilkynningar dags. 28. ágúst 2014 og kynningar dags. 29. maí 2015. Arðsemi nýfjárfestinga í tengslum við ofangreind verkefni er í samræmi við fjárfestingastefnu félagsins.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Gerðar hafa verið eftirtaldar breytingar á skipulagi Regins hf. er snúa að lögmennsku og regluvörslu.

Dagbjört Erla Einarsdóttir hefur verið ráðin lögmaður hjá fasteignafélaginu Reginn hf. Dagbjört verður einnig ritari stjórnar og staðgengill regluvarðar. Dagbjört lauk meistaraprófi í lögfræði frá lagadeild Háskóla Íslands árið 2007 og öðlaðist héraðsdómslögmannsréttindi sama ár. Frá árinu 2010 hefur hún starfað sem lögmaður á lögmannsstofunni Juris slf. Áður hafði Dagbjört starfað á lögfræðisviði Landsbanka Íslands hf. og einkabankasviði í skattaráðgjöf.

Heiða Salvarsdóttir hefur tekið við stöðu regluvarðar hjá félaginu. Heiða hefur verið staðgengill regluvarðar frá árinu 2013 auk þess að hafa starfað sem sérfræðingur á rekstrarsviði frá 2011 og síðar fjármálasviði Regins frá 2014. Heiða lauk B.SC. gráðu í viðskiptafræði með áherslu á reikningsskil frá Háskóla Íslands 2011.

Með breytingum þessum taka skipulagsbreytingar sem hófust snemma árs hjá Regin hf. enda.

Nánari upplýsingar veitir:

Helgi S. Gunnarsson – Forstjóri Regins hf. – S: 512 8900 / 899 6262

Undirritað hefur verið þríhliða samkomulag milli Kópavogsbæjar, Smárabyggðar ehf. og Regins hf, fyrir hönd Eignarhaldsfélagsins Smáralindar ehf.  Samkomulagið nær til áætlunar um undirbúning og uppbyggingu svæðisins sunnan Smáralindar.

Deiliskipulag svæðisins hefur verið samþykkt  af skipulagsyfirvöldum og tekur endanlega gildi eftir auglýsingu í B-deild Stjórnartíðinda. Það er áformað að á skipulagssvæðinu verði byggðar rúmlega 500 íbúðir og um 13.000 m² fyrir atvinnuhúsnæði (verslun og þjónustu). Áætlað heildar byggingarmagn er um 84.000 m² auk bílakjallara.

Markmið samkomulagsins er:

• Að styrkja svæðið sem öflugt, vistvænt og eftirsóknarvert íbúðar- og verslunarsvæði í miðju höfuðborgarsvæðisins og að nýta núverandi innviði bæjarfélagsins betur.
• Að gera áætlun um áfangaskiptingu uppbyggingar þannig að henni verði lokið innan 8 ára.

Aðkoma Regins hf. er með þeim hætti að félagið er eigandi um 35% af byggingarétti verkefnisins í gegnum dótturfélag sitt,  Eignarhaldsfélagið Smáralind ehf.

Það er mat félagsins að uppbygging á Smárabyggðarsvæðinu verði mikil lyftistöng fyrir svæðið í heild, bæði þegar horft er til núverandi og væntanlegra íbúa sem og fyrir verslun og þjónustu á svæðinu.

Eins og fram kom á uppgjörs kynningu Regins fyrir fyrsta ársfjórðung 2015 http://www.reginn.is/fjarfestavefur/uppgjor/2015/ , þá eru verðmæti í byggingarrétti svæðisins talið geta gefið félaginu verulegar tekjur á næstu 7 árum. Þar var áætlað verðmæti byggingaréttar um 1 ma. kr. Félagið telur það varlega metið.

Aðkoma Regins að verkefninu hefur ekki fjárhagsleg áhrif á rekstrarafkomu félagsins að öðru leyti en því að eignarhlutur félagsins hefur ekki verið færður til bókar á reikningum þess þar sem óvissa hefur verið um verkefnið. Með undirritun samkomulagsins hefur sú óvissa minnkað verulega.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Árshlutareikningur Regins hf. 1. janúar til 31. mars 2016 var samþykktur af stjórn þann 11. maí 2016.

·         Rekstrartekjur námu 1.530 m.kr.

·         Vöxtur leigutekna frá fyrra ári var 26%.

·         Rekstrarhagnaður fyrir matsbreytingu og afskriftir var 1.003 m.kr. og jókst um 26% frá fyrra ári.

·         Bókfært virði fjárfestingareigna í lok tímabilsins var 76.378 m.kr. samanborið við 63.949 m.kr. í árslok 2015. Matsbreyting á tímabilinu var 517 m.kr.

·         Hagnaður eftir skatt nam 750 m.kr. sem er aukning um 31% frá fyrra ári

·         Handbært fé frá rekstri nam 779 m.kr.

·         Vaxtaberandi skuldir voru 46.662 m.kr. í lok tímabilsins samanborið við 39.474 m.kr. í árslok 2015.

·         Eiginfjárhlutfall var í lok tímabilsins 33,1%.

·         Hagnaður á hlut fyrir tímabilið var 0,52 samanborið við 0,40 fyrir sama tímabil árið áður.

Félagið er skráð í Kauphöll Íslands (NASDAQ OMX Iceland hf.), fjöldi hluthafa  31. mars 2016 voru 564.  

Rekstur og afkoma

Afkoma Regins á fyrsta ársfjórðungi var góð og í samræmi við áætlun félagsins. Rekstrartekjur námu 1.530 milljón króna og þar af námu leigutekjur 1.391 milljónum króna. Hækkun leigutekna frá sama tímabili fyrra árs eru 26%.

Rekstrarhagnaður fyrir söluhagnað, matsbreytingu og afskriftir / EBITDA var 1.003 milljónir króna sem samsvarar  26% hækkun samanborið við sama tímabil árið 2015.

Eignasafn og efnahagur

Eignasafn Regins er fjölbreytt og gott atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 131 og  heildarfermetrafjöldi þeirra eigna er 319 þúsund. Útleiguhlutfall á safni Regins er yfir 97% miðað við þær tekjur sem 100% útleiga gæfi.

Stærstu eignir Regins eru verslunarmiðstöðin Smáralind í Kópavogi og Egilshöll í Grafarvogi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 3 mánuðum ársins nam 517 milljónum króna.

Stækkun félagsins og horfur í rekstri

Uppbygging og stækkun eignasafns félagsins hefur gengið í samræmi við áætlun og fjárfestingastefnu þess.

Á tímabilinu fékk félagið afhent fasteignafélögin Ósvör ehf. og CFV 1 ehf. Félögin eiga eignasöfn sem telja 23 fasteignir og um 43 þúsund fermetra, útleiguhlutfall safnsins er um 93%.

Í tengslum við fyrrnefnd kaup jók Reginn hf. hlutafé sitt um 126.600.000 krónur að nafnverði með heimild hluthafafundar frá 22. mars 2016. Hlutafé í Regin hf. eftir aukningu er því 1.555.300.000 krónur að nafnverði. Hlutafjáraukningunni var ráðstafað sem greiðslu fyrir hlutafé fyrrnefndra félaga.

Félagið keypti einnig allt hlutafé í fasteignafélögunum Þrekhöllinni ehf. og Vatneyri ehf., en þau félög eiga fasteignirnar Strandgata 14 og Skólastígur 4. Félögin eru hluti af samstæðu Regins hf. frá og með 1. mars 2016.

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist.

Kynning á félaginu

Samhliða birtingu á þessu uppgjöri boðar Reginn til opins kynningarfundar föstudaginn 13. maí kl. 8:30 á veitingastaðnum Caruso, Austurstræti 22, 101 Reykjavík.

Helgi S. Gunnarsson forstjóri félagsins mun kynna uppgjörið og svara spurningum.

Skráning á kynningarfundinn fer fram í gegnum netfangið fjarfestatengsl@reginn.is.

Hægt er að nálgast árshlutareikning vegna fyrsta ársfjórðungs og kynningargögn á www.reginn.is/fjarfestavefur/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. birtir uppgjör fyrir fyrsta ársfjórðung ársins 2016, eftir lokun markaða miðvikudaginn 11. maí 2016. Um er að ræða breytingu frá áður kynntu fjárhagsdagatali.

Af því tilefni býður Reginn hf. til opins kynningarfundar föstudaginn 13. maí 2016 kl. 8:30 á veitingastaðnum Caruso, Austurstræti 22, 101 Reykjavík

Helgi S. Gunnarsson, forstjóri Regins hf., mun kynna uppgjörið og svara spurningum að lokinni kynningu.

Boðið verður upp á léttan morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Aðalfundur Regins hf. var haldinn klukkan 16:00 mánudaginn 25. apríl 2016  í Hörpu, tónlistar- og ráðstefnuhúsi, í Björtuloftum, Austurbakka 2, 101 Reykjavík.

1.    Ársreikningur:

Aðalfundur samþykkti ársreikning félagsins vegna ársins 2015.

2.Ákvörðun um ráðstöfun hagnaðar félagsins á reikningsárinu 2015:

Aðalfundur samþykkti að ekki yrði greiddur arður á árinu 2016 en að öðru leyti vísast til ársreikningsins um ráðstöfun hagnaðar og aðrar breytingar á eiginfjárreikningum félagsins á árinu. Hagnaður verður fluttur til næsta árs.

3.Tillaga félagsstjórnar um starfskjarastefnu:

Aðalfundur samþykkti framlagða starfskjarastefnu fyrir félagið að viðbættri viðauka- og breytingartillögu frá Gildi lífeyrissjóði sem stjórn gerði að sinni.

4.Heimild til kaupa á eigin hlutum:

Ekki var lögð fram tillaga um framlengingu heimildar stjórnar til kaupa á eigin bréfum. Núgildandi heimild mun falla niður í október 2016.

5.      Breyting á samþykktum félagsins:

Stjórn Regins hf. lagði ekki til við aðalfund breytingu á samþykktum félagsins.

6.      Kosning félagsstjórnar:

Framkomið framboð Vignis Óskarssonar var dregið ti baka á fundinum sjálfum og því eru sjálfkjörin í aðalstjórn félagsins til næsta aðalfundar:

Albert Þór Jónsson,

Benedikt K. Kristjánsson,

Bryndís Hrafnkelsdóttir,

Sigríður Hrefna Hrafnkelsdóttir,

Tómas Kristjánsson,

Eftirtalin voru sjálfkjörin í varastjórn:

Finnur Reyr Stefánsson,

Hjördís D. Vilhjálmsdóttir.

7.      Kosning endurskoðanda:

Aðalfundur samþykkti að KPMG ehf., Borgartúni 27, 105 Reykjavík, yrði endurkjörið endurskoðunarfyrirtæki félagsins.

8.      Ákvörðun um þóknun til stjórnarmanna fyrir næsta kjörtímabil:

Aðalfundur félagsins samþykkti eftirfarandi þóknun til stjórnarmanna, varastjórnar og undirnefnda stjórnar:

Stjórnarformaður: 550.000 kr. á mánuði.

Meðstjórnendur: 275.000 kr. á mánuði.

Varamenn: 140.000 kr. fyrir hvern setinn stjórnarfund, þó ekki hærra en 275.000 kr. fyrir hvern mánuð.

Seta í undirnefndum stjórnar: 55.000 kr. fyrir hvern setinn fund. 

Aðalfundur Regins hf. verður haldinn 25. apríl 2016 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík, klukkan 16:00.

Framboðsfrestur til stjórnar Regins hf. rann út þann 18. apríl sl.

Eftirtaldir einstaklingar hafa gefið kost á sér til setu í stjórn félagsins:

Í framboði til aðalstjórnar eru:

Albert Þór Jónsson, kt. 180562-3119

Benedikt K. Kristjánsson, kt. 190952-4879

Bryndís Hrafnkelsdóttir, kt.070864-7899

Sigríður Hrefna Hrafnkelsdóttir, kt. 180577-4249

Tómas Kristjánsson, kt. 151165-3389

Vignir Óskarsson, kt. 310877-5819

Í framboði til varastjórnar eru:

Finnur Reyr Stefánsson, kt. 141069-3659

Hjördís Dröfn Vilhjálmsdóttir, kt. 100369-5839

Er það mat stjórnar að öll framboð séu gild sbr. 63. gr. a. hlutafélagalaga nr. 2/1995. Frambjóðendur til varastjórnar eru sjálfkjörnir.

Nánari upplýsingar um frambjóðendur eru í viðhengi. 

Krafa um margfeldiskosningu

Stjórn Regins hf. hefur  borist krafa frá hluthafa um að beitt verði margfeldiskosningu til kosningar stjórnar Regins hf. sem fram fer á aðalfundi félagsins þann 25. apríl næstkomandi. Umræddar kröfur bárust stjórn innan tilskilins frests og barst frá hluthafa sem hafa yfir að ráða meira en 1/10 hlutafjár sbr. 23. gr. samþykkta félagsins og 7. mgr. 63. gr. laga um hlutafélög nr. 2/1995.  Margfeldiskosningu verður því beitt við stjórnarkjörið.

Margfeldiskosning fer fram með eftirfarandi hætti sbr. c. lið 6. mgr. 63. gr. laga um hlutafélög nr. 2/1995. Kosið skal á milli einstaklinga. Gildi hvers atkvæðis skal margfaldað með fjölda þeirra stjórnarmanna sem kjósa skal og má hluthafi skipta atkvæðamagni sínu, þannig reiknuðu, í hverjum þeim hlutföllum, sem hann sjálfur kýs, á jafnmarga menn og kjósa skal eða færri. Ef ekki er á atkvæðaseðli getið skiptingar atkvæða á milli þeirra sem þau eru greidd skal þeim skipt að jöfnu.

Önnur fundargögn tengd aðalfundi má nálgast á vef félagsins www.reginn.is/fjarfestar. 

Fundinum verður einnig varpað í gegnum netið á eftirfarandi slóð: livestream.com/accounts/11153656/events/5237733/player

Kópavogur, 20. apríl 2016

Stjórn Regins hf.

World Class undirritaði í gær leigusamning við Reginn hf. um húsnæði á 2. hæð í  Norðurturni  Smáralindar. Þar mun World Class opna glæsilega líkamsrækt og SPA næsta haust. Heildarrými verður um 2.000 m² en samningurinn er til 8 ára.

Samningur þessi er enn eitt mikilvægt skref í endurskipulagningu Smáralindar og umhverfi verslanamiðstöðvarinnar. Síðustu helgi kynnti Íslandsbanki að höfuðstöðvar bankans yrðu fluttar í Norðurturnin við  Smáralind, við þá ráðstöfun er Norðurturninn fullnýttur og orðinn að 800 manna vinnustað.  Það er mat stjórnenda Regins hf. og  Eignarhaldsfélagsins Smáralindar ehf. að þessi tíðindi séu mjög jákvæð fyrir verslun og þjónustu í Smáralind og nágrenni og styrki samkeppnisstöðu svæðisins.

World Class og Reginn hf. hafa átt gott samstarf í gegnum tíðina en World Class hefur skapað sér  fastan sess í Egilshöll þar sem mikil og jákvæð uppbygging hefur átt sér stað síðustu árin.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn hf. og ISS Ísland ehf. undirrituðu í dag þjónustusamning um yfirtöku á meginhluta þeirra rekstrarþátta sem Fasteignaumsýsla Regins hefur sinnt. Samningurinn er til 5 ára og yfirtaka samnings er miðuð við 21 apríl n.k..  Samningurinn tekur til stoð- og þjónustustarfsemi sem tilheyrir Smáralind og Egilshöll s.s. ræstingar og þrif, sorp og förgun, þjónustuborð, öryggismál, hús- og baðvarsla ásamt hluta af rekstri og viðhalds fasteigna auk orkustýringar. Árlegt umfang samnings er um 200 m.kr. Ekki er gert ráð fyrir að ráðstöfun þessi hafi umtalsverð áhrif á afkomu Regins hf. Hinsvegar er gert ráð fyrir bættri kostnaðarstýringu og hærra þjónustustigi. Starfsmönnum Regins samstæðunnar mun fækka verulega þar sem núverandi starfsfólk sem sinnir þessum verkefnum mun flytjast yfir til ISS Íslands ehf. Þessi breyting mun skapa aukið svigrúm fyrir stjórnendur Regins hf. og dótturfélaga til að einbeita sér að kjarnastarfsemi félagsins.

ISS Ísland ehf. hefur með þjónustu sinni skapað sér sérstöðu á þessum markaði hér á Íslandi. Starfsfólk ISS Ísland ehf. eru um 720. ISS Ísland ehf. er í eigu alþjóðafyrirtækisins ISS A/S sem er með höfuðstöðvar í Danmörku og starfar í 53 löndum. ISS A/S er fjórði stærsti einkarekni atvinnurekandi í heimi með um 515 þús starfsmenn.

Við hlökkum til samstarfsins segir Helgi S. Gunnarsson forstjóri Regins hf. og þá sérstaklega að fá aðgang að þeirri þekkingu og tækni sem móðurfélag ISS hefur upp á að bjóða í fasteignaumsýslu m.a. vöktun og stýringu á orkunýtingu ásamt greiningu á tækifærum í orkusparnaði.

Þessi samningur hefur mikla þýðingu fyrir rekstur ISS á Islandi en með þessum samningi okkar verður Reginn hf.  einn stærsti viðskiptavinur ISS Island, jafnframt því sem við erum að feta okkur í nýjum útfærslum á þjónustu og fara inn á svið rekstrar sem verður gaman að takast á við og þróa með Reginn hf. segir Guðmundur Guðmundsson forstjóri ISS Island ehf.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Meðfylgjandi er endanleg dagskrá og tillögur aðalfundar 2016 auk starfskjarastefnu.

Aðalfundur Regins hf. verður haldinn mánudaginn 25. apríl 2016 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Nánari upplýsingar má finna á vefsíðu félagsins, www.reginn.is/fjarfestar

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Meðfylgjandi er dagskrá og tillögur aðalfundar 2016 auk starfskjarastefnu.

Aðalfundur Regins hf. verður haldinn mánudaginn 25. apríl 2016 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Nánari upplýsingar má finna á vefsíðu félagsins, www.reginn.is/fjarfestar

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Aðalfundur Regins hf. verður haldinn mánudaginn 25. apríl 2016 kl. 16:00 í Hörpu tónlistar- og ráðstefnuhúsi, í Björtuloftum, Austurbakka 2, 101 Reykjavík.

Meðfylgjandi er fundarboð með dagskrá fundarins.

Í samræmi við 84. gr. laga um verðbréfaviðskipti nr. 108/2007, tilkynnir Reginn hf. að félagið hefur aukið hlutafé sitt um 126.600.000 krónur að nafnverði. Heimild hluthafafundar er frá 22. mars 2016 og ákvað stjórn Regins á fundi sínum síðar þann sama dag að nýta fyrrgreinda heimild hluthafafundar. Hlutafjáraukningin var skráð hjá Fyrirtækjaskrá og Verðbréfamiðstöð Íslands hf. 23. mars 2016 og tók gildi í kerfum Nasdaq Iceland hf. þann 29. mars 2016. Hlutafjáraukningin er vegna kaupa Regins á fasteignafélögunum Ósvör ehf. og CFV 1 ehf. Lögbundinn forgangsréttur hluthafa gilti ekki um hið nýja hlutafé.

Hlutafé í Regin fyrir hlutafjáraukninguna var 1.428.700.000 krónur að nafnverði og er að henni lokinni 1.555.300.000 krónur að nafnverði. Hver hlutur í Regin er ein króna að nafnverði eða margfeldi þar af. Eitt atkvæði fylgir hverri einni krónu í hlutafé. Reginn á ekki eigin hluti. Hinir nýju hlutir veita réttindi í Regin frá skráningardegi hlutafjárhækkunarinnar hjá Fyrirtækjaskrá. Sölubann gildir um hina nýju hluti þannig að 30% hlutanna verða seljanlegir við afhendingu, 60% eftir 6 mánuði og 100% eftir 9 mánuði frá afhendingu.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Sjá meðfylgjandi viðhengi.

Reginn hf. hefur aukið hlutafé sitt um 126.600.000 krónur að nafnverði. Heimild hluthafafundar er frá 22. mars 2016 og ákvað stjórn Regins á fundi sínum síðar þann sama dag að nýta fyrrgreinda heimild hluthafafundar. Hlutafjáraukningin er vegna kaupa Regins á fasteignafélögunum Ósvör ehf. og CFV 1 ehf. Lögbundinn forgangsréttur hluthafa gildir ekki um hið nýja hlutafé.

Hlutafé í Regin fyrir hlutafjáraukninguna var 1.428.700.000 krónur að nafnvirði og er að henni lokinni 1.555.300.000 krónur að nafnverði. Hver hlutur í Regin er ein króna að nafnvirði eða margfeldi þar af. Eitt atkvæði fylgir hverri einni krónu í hlutafé. Reginn á ekki eigin hluti. Hinir nýju hlutir veita réttindi í Regin frá skráningardegi hlutafjárhækkunarinnar hjá Fyrirtækjaskrá. Sölubann gildir um hina nýju hluti þannig að 30% hlutanna verða seljanlegir við afhendingu, 60% eftir 6 mánuði og 100% eftir 9 mánuði frá afhendingu.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Stjórn Regins ákvað á fundi sínum þann 22. mars 2016 að nýta heimild í 4. gr. samþykkta félagsins sem samþykkt var á hluthafafundi Regins fyrr þann sama dag og hækka hlutafé í Regin um 126.600.000 krónur að nafnvirði á genginu 19,0 krónur á hlut. Lögbundinn forgangsréttur hluthafa gildir ekki um hið nýja hlutafé. Hlutafjáraukningunni verður ráðstafað sem greiðslu fyrir hlutafé í fasteignafélögunum Ósvör ehf. og CFV 1 ehf. í samræmi við kaupsamning dags. 30. desember 2015.

Hlutafé í Regin fyrir hlutafjáraukninguna er 1.428.700.000 krónur að nafnvirði og verður að henni lokinni 1.555.300.000 krónur að nafnvirði. Reginn á ekki eigin hluti. Hinir nýju hlutir veita réttindi í Regin frá skráningardegi hlutafjárhækkunarinnar hjá Fyrirtækjaskrá. Sölubann gildir um hina nýju hluti þannig að 30% hlutanna verða seljanlegir við afhendingu, 60% eftir 6 mánuði og 100% eftir 9 mánuði frá afhendingu.

Hinir nýju hlutir verða afhentir eigendum fasteignafélaganna Ósvör ehf. og CFV 1 ehf. sem eru nokkrir. Af þessum aðilum er enginn með stærri hlut en 2% í Regin að undanskyldum Sigurði Sigurgeirssyni fagfjárfesti. Í gegnum eignarhaldsfélag sitt, Mjölnisholt ehf. verður Sigurður sjötti stærsti hluthafinn í Regin.

Eftirfarandi er listi yfir 10 stærstu hluthafa í Regin eftir hlutafjáraukninguna:

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Meðfylgjandi er fundargerð frá hluthafafundi Regins hf., sem var haldinn í dag 22. mars 2016 kl. 17:00 í Hörpu. 

Stjórn Regins hf. boðar til hluthafafundar í félaginu og verður hann haldinn í Hörpu tónlistar – og ráðstefnuhúsi, í fundarsalnum Rímu, Austurbakka 2, 101 Reykjavík, þriðjudaginn 22. mars 2016 og hefst stundvíslega kl. 17:00.

Endanleg dagskrá fundarins er svohljóðandi:

1. Tillaga um heimild til stjórnar til að hækka hlutafé félagsins um allt að 126.600.000,- kr. að nafnvirði með breytingu á samþykktum félagsins sem felst í eftirfarandi viðbót við 4. gr. samþykkta félagsins:

„Stjórn félagsins er heimilt að hækka hlutafé félagsins um allt að 126.600.000,- kr. að nafnvirði. Lögbundinn forgangsréttur hluthafa gildir ekki um hið nýja hlutafé. Stjórnin skal ráðstafa hlutafjárhækkuninni sem greiðslu fyrir hlutafé í CFV 1 ehf. og Ósvör ehf. í samræmi við kaupsamning þar að lútandi á genginu 19,0 kr. á hlut. Hinir nýju hlutir skulu veita réttindi í félaginu frá skráningardegi hlutafjárhækkunarinnar. Framangreind heimild stjórnar Regins hf. rennur út þann 31. desember 2016.”

2. Tillaga um eftirfarandi breytingar á 22. gr. samþykkta félagsins:

a)    Eftirfarandi setning í 2. mgr. 22. gr. falli niður: 

„Náist ekki viðhlítandi niðurstaða má samþykkja nauðsynlega breytingu með nýrri ákvörðun hluthafafundar“.

b)    Ný málsgrein sem verður 3. mgr. 22. gr. bætist við og hljóði svo:

„Ef ljóst er fimm dögum fyrir aðalfund að komandi stjórn mun ekki uppfylla skilyrði um kynjahlutföll samkvæmt 2. mgr. 22. gr. samþykkta þessara er sitjandi stjórn heimilt að leita eftir framboðum einstaklinga af því kyni sem hallar á. Hafi frambjóðendur af því kyni sem hallar á ekki boðið sig fram tveimur dögum fyrir aðalfund skal stjórn boða til framhaldsaðalfundar 3-4 vikum eftir aðalfund og auglýsa að nýju eftir framboðum. Skal boða til framhaldsaðalfundar svo oft sem þörf krefur til þess að ná kynjahlutfalli skv. 2. mgr. 22. gr. og skal stjórn sitja þar til slíku kynjahlutfalli er náð.“

c)         Ný málsgrein sem verður 4. mgr. 22. gr. bætist við og hljóði svo:

„Náist kynjahlutföll 2. mgr. 22. gr. ekki við kosningu stjórnar á hluthafafundi skal sá er fékk flest atkvæði af þeim sem náðu ekki kjöri, og er af því kyni sem hallar á, taka sæti þess er fæst atkvæði fékk af þeim sem náðu kjöri, og er af fjölmennara kyninu. Hafi slík kynjahlutföll ekki enn náðst skal sá er fékk næstflest atkvæði af þeim sem náðu ekki kjöri, og er af því kyni sem hallar á, taka sæti þess er næstfæst atkvæði fékk af þeim sem náðu kjöri, og er af fjölmennara kyninu.“

3.    Önnur mál.

Hluthafi getur látið umboðsmann sækja hluthafafund fyrir sína hönd. Umboðsmaður skal leggja fram skriflegt eða rafrænt umboð og skal það dagsett. Umboð verða ekki afturkölluð svo gilt sé gagnvart félaginu eftir að því hefur verið framvísað við afhendingu fundargagna eða eftir setningu fundarins, hvort heldur sem fyrr er.

Hver hluthafi á rétt á að fá ákveðið mál tekið til meðferðar á hluthafafundinum, ef hann gerir skriflega kröfu um það til stjórnar með það löngum fyrirvara, að unnt sé samkvæmt samþykktum þessum að taka málið á dagskrá fundarins. Nánar um heimildir hluthafa til að fá mál tekin til meðferðar á fundinum vísast til samþykkta félagsins sem finna má á heimasíðu þess.

Hluthafafundurinn er lögmætur ef löglega er til hans boðað, án tillits til þess hversu margir sækja hann skv. 2. mgr. 16. gr. sbr.  14. gr. samþykkta félagsins.

Dagskrá og endanlegar tillögur með greinargerð ásamt öðrum gögnum sem tillögunni kunna að fylgja munu vera hluthöfum til sýnis á skrifstofu félagsins í Smáralind, 3. hæð, Hagasmára 1, 201 Kópavogi, þremur vikum fyrir hluthafafundinn. Dagskrá og endanlegar tillögur verða auk þess aðgengilegar á heimasíðu félagsins, www.reginn.is.

Kópavogur, 1. mars  2016.

Stjórn Regins hf.

·         Rekstrartekjur námu 5.545 m.kr.

·         Vöxtur leigutekna frá fyrra ári var rúmlega 18%.

·         Rekstrarhagnaður fyrir matsbreytingu og afskriftir var 3.625 m.kr. og jókst um 19% frá fyrra ári.

·         Hagnaður eftir tekjuskatt nam 4.376 m.kr.sem er aukning um 96% frá fyrra ári.

·         Bókfært virði fjárfestingareigna í lok árs var 63.949 m.kr. samanborið við 53.637 m.kr. í árslok 2014. Matsbreyting á árinu var               3.505 m.kr.

·         Handbært fé frá rekstri nam 2.374 m.kr. á árinu 2015.

·         Vaxtaberandi skuldir voru 39.474 m.kr. í lok árs 2015 samanborið við 32.861 m.kr. í árslok 2014. Meðalkjör á verðtryggðum                 lánum félagsins er 3,95%.

·         Eiginfjárhlutfall var í lok árs 33,4%.

·         Hagnaður á hlut á árinu 2015 var 3,06 samanborið við 1,61 árið áður.

Félagið er skráð í Kauphöll Íslands (NASDAQ OMX Iceland hf.), fjöldi hluthafa  í árslok 2015 voru 581 samanborið við 628 í árslok 2014.  

Rekstur og afkoma

Afkoma Regins á árinu 2015 var góð og í samræmi við áætlun félagsins. Rekstrartekjur námu 5.545 m.kr.og þar af námu leigutekjur 4.997 m.kr. Leigutekjur hafa hækkað um 18% samanborið við árið 2014. Rekstrarhagnaður fyrir söluhagnað, matsbreytingu og afskriftir / EBITDA var 3.625 m.kr. sem samsvarar 19%  hækkun samanborið við árið 2014.

Stjórn félagsins leggur til að ekki verður greiddur arður á árinu 2016. Aðalfundur félagsins verður haldinn 25. apríl nk.

Eignasafn og efnahagur

Eignasafn Regins samanstendur af fullgerðu atvinnuhúsnæði með háu útleiguhlutfalli og traustu og stöðugu tekjustreymi. Í lok árs 2015 átti Reginn 107 fasteignir. Heildarfermetrafjöldi fasteignasafnsins var 272 þúsund fermetrar. Útleiguhlutfall fasteignasafnsins er um 97% miðað við tekjur.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings og við matið er stuðst við núvirt framtíðar sjóðsflæði einstakra eigna. Matsbreyting á árinu 2015 var 3.505 m.kr.

Stækkun félagsins og horfur

Í samræmi við fjárfestingarstefnu félagsins hefur á árinu verið unnið að stækkun og styrkingu á eignasafni þess. Í júní tók félagið við eignasafni sem keypt var af Fastengi ehf. dótturfélagi Íslandsbanka. Um var að ræða safn 79 eigna alls 62.000 m² að stærð.  Kaupin voru fjármögnuð að stærstum hluta með aukinni skuldsetningu. Útleiguhlutfall í safninu var við kaupin lágt en mjög vel hefur gengið að koma eignum í leigu.

Félagið keypti fasteignirnar Lækjargata 2, Austurstræti 22 og Austurstræti 22a af Reykjavíkurborg í ágúst. Húsin sem eru hágæða eignir staðsettar á einum besta stað í miðborginni eru um  2.500 m².

Í september var tekið í notkun nýtt  2.250 m² fimleikahúss við Egilshöll. Reykjavíkurborg leigir allt húsið m.a. undir starfsemi fimleikadeildar Fjölnis.

Í nóvember var undirritað samkomulag við eigendur félaganna Ósvör ehf. og CFV 1 ehf. um kaup Regins á öllu hlutafé félaganna. Með þeim viðskiptum eignast Reginn eignasafn sem er metið að heildarvirði 10.050 millj. kr. Eignasafnið samanstendur af 23 fasteignum og er heildar fermetrafjöldi safnsins um 43.000 m². Greitt verður fyrir eignarhluti í félögunum með hlutafjáraukningu í Reginn, beðið er afgreiðslu hluthafafundar á þeirri hlutafjáraukningu.

Á árinu hefur félagið selt 29 fasteignir sem eru alls 20.080 m² að stærð. Söluverð þessa eigna var 2.588 millj. kr.

Horfur í rekstri

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist.

Kynning á félaginu

Samhliða birtingu á þessu uppgjöri boðar Reginn til opins kynningarfundar miðvikudaginn 2. mars kl. 12:00 í Iðnó, Vonarstræti 3, Reykjavík. Helgi S. Gunnarsson forstjóri félagsins mun kynna afkomu ársins 2015 og svara spurningum. Skráning á kynningarfundinn fer fram í gegnum netfangið fjarfestatengsl@reginn.is

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/3b49f9d1940d48ed870c0cb2537311261d

Ársreikningur Regins hf. 2015. var samþykktur af stjórn þann 1. mars. Hægt er að nálgast ársreikning félagsins á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt ársuppgjör 2015, eftir lokun markaða þriðjudaginn 1. mars 2016.

Af því tilefni býður Reginn hf. til opins kynningarfundar miðvikudaginn 2. mars nk. í Iðnó, Vonarstræti 3, 101 Reykjavík, kl. 12:00.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/3b49f9d1940d48ed870c0cb2537311261d

Helgi S. Gunnarsson forstjóri Regins hf. kynnir uppgjörið og svarar spurningum að lokinni kynningu. Einnig verða kynntar áherslur í rekstri félagsins, rekstrarspá fyrir 2016 og helstu verkefni framundan.

Boðið verður upp á léttan hádegisverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Stjórn Regins hf. boðar til hluthafafundar í félaginu og verður hann haldinn í Hörpu tónlistar – og ráðstefnuhúsi, í fundarsalnum Rímu, Austurbakka 2, 101 Reykjavík, þriðjudaginn 22. mars 2016 og hefst stundvíslega kl. 17:00.

Sjá fundarboð og dagskrá í viðhengi.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Reginn hf. undirritaði kaupsamning um kaup á fasteignafélögunum Ósvör ehf. og CFV 1 ehf. þann 30. desember 2015 sem innihélt m.a. fyrirvara um samþykki Samkeppniseftirlitsins. Samkeppniseftirlitið hefur nú birt niðurstöðu sína, en samkvæmt henni telur Samkeppniseftirlitið að ekki séu forsendur til að aðhafast frekar vegna samruna Regins hf. og Ósvarar ehf. og CFV 1 ehf. á grundvelli 17. gr. samkeppnislaga nr. 44/2005. Um kaupin gildir enn fyrirvari um samþykki hluthafafundar Regins hf.  

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Tekin hefur verið ákvörðun um að breyta stjórnskipulagi hjá Regin hf. og felst hún í eftirfarandi:

Ákveðið hefur verið að ganga til samninga við ISS Ísland ehf. um yfirtöku á meginhluta þeirra rekstrarþátta sem Fasteignaumsýsla Regins hefur sinnt. Um er að ræða stoð- og þjónustustarfsemi sem tilheyrir Smáralind og Egilshöll s.s. ræstingar og þrif, sorp og förgun, þjónustuborð, öryggismál, hús- og baðvarsla ásamt rekstri og hluta viðhalds fasteigna auk orkustýringar. Ekki er gert ráð fyrir að ráðstöfun þessi hafi umtalsverð áhrif á afkomu Regins hf. Hinsvegar er gert ráð fyrir bættri kostnaðarstýringu og stöðugra  þjónustustigi. Starfsmönnum samstæðunnar mun fækka verulega þar sem gert er ráð fyrir að núverandi starfsmenn sem sinna þessum verkefnum flytjist yfir til ISS Íslands ehf. Þessi breyting mun einnig skapa aukið svigrúm fyrir stjórnendur Regins hf. og dótturfélaga til að einbeita sér að kjarnastarfsemi félagsins sem og starfsemi innan afkomueininga.

Reginn hf. tilkynnir samhliða nýtt stjórnskipulag félagsins sem og mannabreytingar í stjórnendateymi félagsins sem taka gildi 1. febrúar nk.

• Nýr framkvæmdastjóri Regins Atvinnuhúsnæði ehf.: Páll V. Bjarnason (34), byggingaverkfræðingur, MSc. mun taka við þeirri stöðu. Jafnframt mun Páll stýra og bera ábyrgð á þeim verkefnum sem flytjast frá Fasteignaumsýslu Regins, en Páll hefur verið sviðsstjóri þess sviðs í tæp tvö ár.
• Útleigustarfsemi félagsins verður færð undir sérstakt svið þ.e. „Útleigusvið“. Hlutverk sviðsins verður að hafa nákvæma yfirsýn yfir stöðu útleigu hverju sinni. Gera og viðhalda útleiguáætlun fyrir félagið, framkvæma nauðsynlegar markaðsgreiningar og kynningar auk þess að annast útleigu á lausum rýmum. Sviðsstjóri verður Rúnar Hermannsson Bridde (36), viðskiptafræðingur en Rúnar hefur stýrt leiguteymi félagsins í eitt og hálft ár.
• Stjórnunareiningu  „Upplýsingar og greiningar“ verður komið á fót og hefur sú eining það hlutverk að efla og bæta vinnslu, greiningu og framsetningu upplýsinga sem og miðlun upplýsinga innan félagsins. Ennfremur að hafa yfirumsjón með upplýsinga- og fjarskiptakerfum félagsins þ.e. vef, tölvukerfi, miðlun í gegnum samfélagsmiðla o.s.frv.  Björn Eyþór Benediktsson (30), BS í byggingaverkfræði og fjármálahagfræðingur M.Sc mun stýra þeirri einingu en Eyþór hefur starfað hjá félaginu í eitt og hálft ár við greiningar, upplýsingavinnslu og þátttöku í viðskiptaþróun.
• Yfirmaður reikningshalds verður Guðlaug Hauksdóttir  (43), viðskiptafræðingur. Guðlaug hefur starfað hjá Regin hf. í rúmlega fimm ár sem sérfræðingur á fjármálasviði félagsins.

Nýtt skipurit félagsins er að finna á vef þess www.reginn.is og í meðfylgjandi tilkynningu.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Katrín B. Sverrisdóttir framkvæmdastjóri hjá dótturfélögum Regins hf. hefur óskað eftir að láta af störfum hjá félaginu. Katrín hefur starfað hjá Regin hf. frá stofnun félagsins sem lykilstjórnandi og m.a. verið framkvæmdastjóri dótturfélaganna Regins Atvinnuhúsnæði ehf., Knatthallarinnar ehf. og Kvikmyndahallarinnar ehf. Katrín mun láta af störfum í febrúarmánuði.

Reginn hf. þakkar Katrínu fyrir vel unnin störf í þágu félagsins og óskar henni velfarnaðar.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Í tilkynningu Regins hf. þann 12. nóvember síðastliðinn kom fram að undirritað hefði verið samkomulag um kaup á fasteignasöfnum Ósvarar ehf. og CFV 1 ehf.

Í dag var undirritaður kaupsamningur milli Regins hf. og félaganna Ósvarar ehf. og CFV 1 ehf. á grunni ofangreinds samkomulags. Með kaupsamningi þessum kaupir Reginn hf. allt hlutafé í framangreindum félögum. Félögin tvö eru eigendur þeirra fasteignasafna sem samkomulag frá 12. nóvember sl. náði til. Undirritun kaupsamnings er gerð í kjölfar áreiðanleikakönnunar, sem nú er lokið.

Kaupverð, eðli og umfang viðskiptanna sem og metin áhrif á Reginn hf. er í samræmi við fyrri tilkynningu Regins hf. um kaupin. Tilkynningu Regins hf. frá 12. nóvember sl. má finna á heimasíðu félagsins www.reginn.is/fjarfestar.

Vakin er athygli á að kaupsamningurinn er enn háður fyrirvara um að hluthafar Regins hf. samþykki hlutafjáraukningu á hluthafafundi og að hluthafar falli frá forgangsrétti til áskriftar að hinu nýja hlutafé. Hluthafafundur verður boðaður á nýju ári og er stefnt að því að hann verði haldinn í mars.  Þá er fyrirvari um samþykki Samkeppniseftirlitsins og að nýtt hlutafé verði skráð í Kauphöll.

Áætlað er að afhending félaganna fari fram á öðrum ársfjórðungi 2016.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Ársuppgjör 2015                                1. mars 2016

Aðalfundur 2016                                25. apríl 2016

Afkoma fyrsta ársfjórðungs               18. maí 2016

Afkoma annars ársfjórðungs             24. ágúst 2016

Afkoma þriðja ársfjórðungs               16. nóvember 2016

Ársuppgjör 2016                                1. mars 2017

Aðalfundur 2017                                25. apríl 2017             

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Knatthöllin ehf. og Kvikmyndahöllin ehf., eigendur Egilshallar og dótturfélög Regins hf. hafa gengið frá fjármögnun að fjárhæð kr. 1.500.000.000,-.  Um er að ræða viðbótarfjármögnun vegna nýframkvæmda. Lánveitandi er REG 1 12 1 fagfjárfestasjóður í rekstri Stefnis hf.  sem jafnframt sinnir veðgæslu og umsjón með skuldabréfaflokknum.  Stefnir hf. annaðist milligöngu um stækkun á núverandi skuldabréfaflokki REG 1 12 1 um kr. 1.500.000.000.- að nafnverði.  Heildarútgefið nafnverð flokksins verður því kr. 7.000.000.000,-.  Aðrir skilmálar flokksins haldast óbreyttir. Skuldabréf sjóðsins eru seld á ávöxtunarkröfunni 3.6%.  Gert er ráð fyrir að flokkurinn verði stækkaður þann 15. desember n.k.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Árshlutareikningur Regins hf. 1. janúar 2015 til 30. september 2015 var samþykktur af stjórn þann 24. nóvember 2015.

• Rekstrartekjur námu 4.028 milljónum króna.
• Vöxtur leigutekna frá fyrra ári var rúmlega 18%.
• Rekstrarhagnaður fyrir matsbreytingu og afskriftir var 2.645 milljónir króna, og jókst um 21% frá fyrra ári.
• Bókfært virði fjárfestingareigna í lok tímabils var 61.594 milljónir króna. Matsbreyting á tímabilinu var 1.583 milljónir króna.
• Hagnaður eftir tekjuskatt nam 1.866 milljónum króna sem er aukning um 58% frá fyrra ári.
• Handbært fé frá rekstri nam 1.555 milljónum króna.
• Vaxtaberandi skuldir námu 38.647 milljónum króna í lok tímabilsins samanborið við 32.861 milljónum króna í árslok 2014. Meðalkjör á verðtryggðum lánum félagsins er 3,96%.
• Eiginfjárhlutfall er 31%.
• Hagnaður á hlut fyrir tímabilið er 1,31 en var 0,86 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30. september sl. voru 589.

Rekstur og afkoma

Afkoma Regins á fyrstu níu mánuðum ársins var góð og í góðu samræmi við áætlun félagsins. Rekstrartekjur námu 4.028 milljónum króna og þar af námu leigutekjur 3.619 milljónum króna. Hækkun leigutekna frá sama tímabili fyrra árs eru rúmlega 18%.

Rekstrarhagnaður fyrir söluhagnað, matsbreytingu og afskriftir / EBITDA var 2.645 milljónir króna sem samsvarar 21% hækkun samanborið við sama tímabil árið 2014. 

Eignasafn og efnahagur

Eignasafn Regins er fjölbreytt og gott með háu útleiguhlutfalli og traustum leigutökum. Fjöldi fasteigna í lok tímabilsins var 116 og  heildarfermetrafjöldi þeirra eigna er 284 þúsund. Útleiguhlutfall á safni Regins er um 96% miðað við þær tekjur sem 100% útleiga gæfi.

Á tímabilinu fékk félagið afhent eignasafn sem keypt var af dótturfélagi Íslandsbanka hf., Fastengi ehf.

Stærstu eignir Regins eru verslunarmiðstöðin Smáralind í Kópavogi og Egilshöll í Grafarvogi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 9 mánuðum ársins nam 1.583 milljónum króna.

Stækkun félagsins og horfur

Uppbygging og stækkun eignasafns félagsins er í samræmi við áætlun og fjárfestingarstefnu þess.

Á miðju ári tók félagið við fasteignasafni sem keypt var af Fastengi ehf. Um var að ræða safn eigna, alls 62.351 m², sem samanstendur af atvinnuhúsnæði. Endur-skipulagning á því safni hefur gengið mjög vel og er nánast lokið. Náðst hefur að hækka útleiguhlutfall frá 54% upp í  84%. Seldar hafa verið 22 eignir eða alls 9.300 m² af safninu.  Á tímabilinu keypti félagið ennfremur eignirnar Austurstræti 22, eign sem er alls 2.386 m², 8. hæð á Dvergshöfða 2 og 2. hæð á Tryggvagötu 11.

12. nóvember sl. tilkynnti félagið um undirritun á samkomulagi um kaup Regins á tveimur félögum og eignasöfnum í þeirra eigu. Um er að ræða eignasöfn sem eru að heildarvirði metin á 10.050 milljónir króna. Samkomulagið gerir ráð fyrir að greitt verði fyrir eignarhluti í félögunum með hlutafé í Regin hf. að nafnverði 134.500.000 hlutir. Á fasteignasöfnunum hvíla lán sem nema um 7.500 milljónum króna. Fasteignasöfnin byggjast upp á góðum fasteignum  með um 93% útleiguhlutfall  miðað við fermetra safnanna og leigutekjur eru um 900 milljónir króna á ársgrundvelli.  Fasteignasöfnin sem Reginn eignast, verði af kaupunum, telja 23 fasteignir og er heildar fermetrafjöldi fasteignasafnanna um 42 þúsund fermetrar.  Fasteignasafnið hentar vel starfsemi og áherslum Regins en megnið af safninu eru eignir með góðu og traustu tekjustreymi byggt á langtíma samningum. Hluti safnsins eru eignir með lægri meðaltekjur byggðar á skemmri samningum og gefa þ.a.l. möguleika á endurskipulagningu.

Áfram verður horft til þess að styrkja afkomu og fjárhagslega stöðu félagsins með nýjum fjárfestingum, sem og sölu óhagkvæmari eigna, í samræmi við fjárfestingarstefnu þess.

Horfur í rekstri og áherslur félagsins

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist í öllum aðalatriðum.

Áherslur í rekstri næstu mánuði verða á útleigumál, hagræðingu í rekstrarkostnaði og endurskipulagningu Smáralindar.

Kynning á félaginu

Samhliða birtingu á þessu uppgjöri boðar Reginn til opins kynningarfundar á morgun miðvikudaginn 25. nóvember kl. 16:00 í Listasafni Reykjavíkur, Hafnarhúsi, Tryggvagötu 17, Reykjavík.  Helgi S. Gunnarsson forstjóri félagsins mun kynna afkomu fyrstu níu mánuði 2015 og svara spurningum. Eftir kynninguna verður boðið upp á léttar veitingar að Tryggvagötu 11, 2. hæð, Reykjavík, þar sem Orange Project ehf. er að opna nýtt skrifstofuhótel.  Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/3d4acadba93c4079a267fd7032b98b031d

Hægt er að nálgast árshlutareikning vegna fyrstu níu mánaða ársins og kynningargögn á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. birtir uppgjör fyrir þriðja ársfjórðung ársins 2015, eftir lokun markaða þriðjudaginn 24. nóvember 2015.

Af því tilefni býður Reginn hf. til opins kynningarfundar miðvikudaginn 25. nóvember 2015, kl. 16:00 í Listasafni Reykjavíkur, Hafnarhúsi, Tryggvagötu 17, Reykjavík.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/3d4acadba93c4079a267fd7032b98b031d

Helgi S. Gunnarsson forstjóri Regins mun kynna uppgjörið og svarar spurningum að lokinni kynningu.

Boðið verður upp á léttar veitingar að fundinum loknum að Tryggvagötu 11, 2. hæð, Reykjavík, þar sem Orange Project ehf. er að opna nýtt skrifstofuhótel.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Þann 12. nóvember 2015 var undirritað samkomulag milli Regins hf. og eigenda fasteignafélaganna Ósvarar ehf. og CFV 1 ehf. um kaup Regins á hlutafé félaganna.

Fyrirhuguð kaup á félögunum miðast við að heildarvirði fasteignasafnanna sé 10.050 m.kr. og að greitt verði fyrir eignarhluti í félögunum með hlutafé í Regin hf. að nafnverði 134.500.000 hlutir. Á fasteignasöfnunum hvíla lán sem nema um 7.500 m.kr., skilmálar lánanna bjóða upp á endurfjármögnun án kostnaðar.

Fasteignasöfnin byggjast upp á góðum fasteignum  með um 93% útleiguhlutfall  miðað við fermetra safnanna og leigutekjur eru um 900 m.kr á ársgrundvelli.  Fasteignasöfnin sem Reginn eignast, verði af kaupunum, telja 23 fasteignir og er heildar fermetrafjöldi fasteignasafnanna um 42 þúsund fermetrar.  Fasteignasafnið hentar vel starfsemi og áherslum Regins en megnið af safninu eru eignir með góðu og traustu tekjustreymi byggt á langtíma samningum en hluti safnsins eru eignir með lægri meðaltekjur byggðar á skemmri samningum og gefa þ.a.l. möguleika á endurskipulagningu.

Helstu eignir félaganna á  höfuðborgarsvæðinu eru: Mjölnisholt 12-14, Lágmúli 6-8, Hlíðasmári 4, Hlíðasmári 6, Hlíðasmári 12, Túngata 7, Suðurhraun 3, Dalshraun 15, Fiskislóð 53-59, Hólmaslóð 4, Hólmaslóð 2, ásamt nokkrum minni eignum. Utan höfuðborgarsvæðis eru 5 eignir, allar í útleigu. Meirihluti fasteignanna er í 100% eigu félaganna. Leigutakar eru um 100 talsins. Ríki, sveitarfélög, stærri og meðalstór fyrirtæki standa á bakvið 90% af leigutekjum safnsins.  Ríki og sveitarfélög eru 16% af leigutekjum. Tólf leigutakar í fimm eignum standa á bak við 60% leigutekna safnsins.

Undirritað samkomulag aðila er háð fyrirvara um að niðurstaða áreiðanleikakannana leiði ekki í ljós atriði sem breyta því mati Regins sem lagt er til grundvallar kaupunum. Auk þess er fyrirvari um að hluthafar  Regins hf. samþykki hlutafjáraukningu á hluthafafundi og að hluthafar falli frá forgangsrétti til áskriftar að hinu nýja hlutafé. Þá er fyrirvari um samþykki Samkeppniseftirlitsins og að nýtt hlutafé verði skráð í Kauphöll.

Ef af kaupunum verður er áætlað að EBITDA Regins hækki að lágmarki um 720 milljónir króna á ársgrundvelli og eignasafn stækki um 15% miðað við fermetra. ,,Yield“ kaupanna er yfir 7,1%. Kaupin eru í samræmi við  fjárfestingarstefnu Regins hf. sem felur í sér markmið um að auka hlutdeild í atvinnuhúsnæði á höfuðborgarsvæðinu og stækkun með innri vexti og fjárfestingu í arðbæru atvinnuhúsnæði.

Nýr eignarhlutur í Regin, ef af verður, yrði tæp 9% sem skiptist á nokkra aðila. Af þessum aðilum yrði enginn með stærri hlut en 2 % í Regin að undanskyldum Sigurði Sigurgeirssyni fagfjárfesti. Í gegnum eignarhaldsfélag hans yrði Sigurður  6. stærsti hluthafinn í Reginn eftir viðskiptin, gangi þau eftir. Sölubann yrði á hlutum í Regin þannig að 30% hlutanna verða seljanlegir við afhendingu, 60% eftir 6 mánuði og 100% eftir 9 mánuði frá greiðsludegi.

Ráðgjafar Regins hf. í viðskiptum þessum eru Fyrirtækjaráðgjöf Landsbankans og LEX Lögmannsstofa. Ráðgjafi eigenda fasteignasafnanna er Centra Fyrirtækjaráðgjöf hf.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Árshlutareikningur Regins hf. 1. janúar 2015 til 30. júní 2015 var samþykktur af stjórn þann 25. ágúst.

• Rekstrartekjur námu 2.611 milljónum króna.
• Vöxtur leigutekna frá fyrra ári var 21%.
• Rekstrarhagnaður fyrir matsbreytingu og afskriftir var 1.705 milljónir króna, og jókst um 29% frá fyrra ári.
• Bókfært virði fjárfestingareigna í lok tímabils er 60.791 milljónir króna. Matsbreyting á tímabilinu var 1.047 milljónir króna.
• Hagnaður eftir tekjuskatt nam 1.214 milljónum króna sem er aukning yfir 60% frá fyrra ári.
• Handbært fé frá rekstri nam 881 milljónum króna.
• Vaxtaberandi skuldir voru 38.680 milljónum króna í lok tímabilsins samanborið við 32.861 milljónum króna í árslok 2014. Meðalkjör á verðtryggðum lánum félagsins er 3,97%.
• Eiginfjárhlutfall er 31%.
• Hagnaður á hlut fyrir tímabilið er 0,85 en var 0,56 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 30 júní sl. voru 595.

Rekstur og afkoma

Afkoma Regins á fyrri helmingi árs var góð og í góðu samræmi við áætlun félagsins. Rekstrartekjur námu 2.611 milljónum króna og þar af námu leigutekjur 2.338 milljónum króna. Hækkun leigutekna frá sama tímabili fyrra árs eru rúmlega 21%.

Rekstrarhagnaður fyrir söluhagnað, matsbreytingu og afskriftir / EBITDA var 1.705 milljónir króna sem samsvarar 29% hækkun samanborið við sama tímabil árið 2014. 

Eignasafn og efnahagur

Eignasafn Regins er með háu útleiguhlutfalli og traustum leigutökum. Fjöldi fasteigna yfir tímabilið, að einum mánuði undanskildum, var 51 og  heildarfermetrafjöldi þeirra eigna er 223 þúsund. Útleiguhlutfall á því safni er um 97% miðað við þær tekjur sem 100% útleiga gæfi.

Í lok uppgjörstímabilsins fékk félagið afhent eignasafn sem keypt var af dótturfélagi Íslandsbanka, Fastengi ehf. Að teknu tilliti til þeirra eigna er fjöldi fasteigna félagsins 125 og  heildarfermetrafjöldi 285 þúsund. Nýtingarhlutfall „Fastengissafnsins“ við kaup var 54%. Vegið nýtingarhlutfall á heildar safninu var 91% við kaupin en er nú 94%.

Stærstu eignir Regins eru verslunarmiðstöðin Smáralind í Kópavogi og Egilshöll í Grafarvogi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 6 mánuðum ársins nam 1.047 m.kr.

Stækkun félagsins og horfur

Uppbygging og stækkun eignasafns félagsins er í samræmi við áætlun og fjárfestingarstefnu þess.

Í byrjun ársins kynnti félagið samkomulag um kaup á fasteignasafni í eigu Fastengis ehf. Um var að ræða safn eigna sem samanstendur af atvinnuhúsnæði og er að stærstum hluta á höfuðborgarsvæðinu eða yfir 80%. Fjöldi eigna í safninu var 76 og heildar stærð safnsins 62.351 m². Félagið fékk safnið afhent 1. júní sl. og er safnið því hluti af samstæðu Regins hf. Við kynningu á kaupum safnsins 17. febrúar sl. voru vænt fjárhagsleg áhrif á Regin kynnt, þessar áætlanir hafa nú verið endurmetnar. Það er mat félagsins að eignasafnið muni skila félaginu afkomu og arðsemi í samræmi við áðurnefnda kynningu. Hinsvegar í ljósi mjög góðs árangurs við útleigu og sölu eigna úr þessu safni, síðustu tólf vikurnar  frá afhendingu, þá mun fjárhagslegra áhrifa á Regin gæta fyrr. Það er mat félagsins nú að endurskipulagningu safnsins muni ljúka um mitt ár 2016 í stað 2ja – 3ja ára eins og áður hafði verið kynnt. Vísað er til sérstakrar kynningar um eignasafnið.

Á tímabilinu var 8. hæð í Dvergshöfða 2 keypt, um er að ræða efstu hæð hússins sem er 415 m². Við kaupin á Reginn allt húsið að Dvergshöfða 2.

Áfram verður horft til þess að styrkja afkomu og fjárhagslega stöðu félagsins með nýjum fjárfestingum, sem og sölu óhagkvæmari eigna, í samræmi við Fjárfestingarstefnu þess.

Horfur í rekstri og skipulagsbreytingar félagsins

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist í öllum aðalatriðum.

Áherslur í rekstri næstu mánuði eru á útleigumál, hagræðingu í rekstrarkostnaði og sala minni óhagkvæmra eigna.

Nýr regluvörður tók til starfa hjá félaginu á tímabilinu, Björg Jóhannesdóttir hdl. sem jafnframt verður lögmaður og fjárfestatengill félagsins

Kynning á félaginu

Samhliða birtingu á þessu uppgjöri boðar Reginn til opins kynningarfundar á morgun miðvikudaginn 26. ágúst kl. 08:30 að Borgartúni 29 1. hæð.  Helgi S. Gunnarsson forstjóri félagsins mun kynna afkomu fyrstu sex mánuði 2015 og svara spurningum. Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/a8c47b2d0958414ea0dc849a4c728e681d

Hægt er að nálgast árshlutareikning vegna fyrstu sex mánaða ársins og kynningargögn á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt uppgjör fyrir annan ársfjórðung ársins 2015, eftir lokun markaða þriðjudaginn 25. ágúst 2015.

Af því tilefni býður Reginn hf. til opins kynningarfundar miðvikudaginn 26. ágúst 2015 kl. 08:30 í Borgartúni 29, 1. hæð, Reykjavík.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/a8c47b2d0958414ea0dc849a4c728e681d

Helgi S. Gunnarsson forstjóri Regins mun kynna uppgjörið og svarar spurningum að lokinni kynningu.

Boðið verður upp á morgunverð.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Félagið Jörundur ehf. sem er í eigu Reykjavíkurborgar auglýsti til sölu eignina Austurstræti 22 í Reykjavík. Fasteignin er í raun þrjú hús  Lækjargata 2, Austurstræti 22 og Austurstræti 22a, öll á sama fastanúmeri 200-2668. Um er að ræða hús sem voru endurbyggð á reitnum í kjölfar bruna 2007. Húsin sem eru hágæða eignir, staðsettar á einum besta stað í miðborginni eru byggð  eftir verðlaunatillögum Studio Granda o.fl.  Húsin eru alls 2.386 m2 m.v. birt flatarmál.

Tilboð Regins hljóðaði upp á 1.360 m.kr.  Húsin eru í fullri útleigu og starfa þar m.a. fyrirtækin Grillmarkaðurinn, Lögmenn Lækjargötu, Nordic Store, Caruso veitingahús og Listaháskóli Íslands. Að meðaltali er lengd leigusamninga rúmlega 5. ár. Tekjur m.v. núverandi leigusamninga eru rúmlega 81 m.kr á ári.

Ef af kaupunum verður er áætlað að EBITDA Regins hækki um tæplega 2% miðað við útgefna rekstrarspá.  

Við mat á verkefninu sem fjárfestingakosti telur Reginn að leigutekjur af Austurstræti 22 muni styrkjast á næstu árum vegna hinnar einstöku staðsetningar og eðli eignanna.

Reginn áætlar að innan fárra ára muni afkoma verkefnisins styrkjast og að arðsemi verði yfir 6%.

Seljandi hefur ákveðið að ganga til samningaviðræðna við Reginn um kaup á eigninni á grundvelli tilboðsins.

Tilboðið er háð fyrirvörum um niðurstöðu á laga- og skattalegri áreiðanleikakönnun. Fasteignasalan Eignamiðlun sér um söluferli eignarinnar fyrir hönd seljanda.

Kaupin eru í samræmi við fjárfestingastefnu Regins hf.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262

Sjá flöggunartilkynningu í viðhengi.

Sjá flöggunartilkynningu í viðhengi.

Þann 20. mars sl. var undirritaður kaupsamningur milli Regins hf. og Fastengis ehf. um kaup Regins hf. á öllu hlutafé í Fjárvara ehf., Bréfabæ ehf. og Sævarhöfða 2 ehf.  Fastengi ehf. er dótturfélag Miðengis ehf., sem er félag í 100% eigu Íslandsbanka. Kaupsamningur var með fyrirvara um fjármögnun kaupanna, niðurstöðu áreiðanleikakannana og samþykki Samkeppniseftirlitsins. Öllum fyrirvörum hefur nú verið aflétt og félögin verið afhent Reginn hf.

Eðli og umfang viðskiptanna

Eins og áður hefur komið fram kaupir Reginn hf. safn tæplega 80 eigna alls um 62.000 m² að stærð. Kaupverð undirliggjandi fasteigna í félögunum þremur er um 5.900 m.kr. Engar þróunareignir eru í safninu. Reginn hf. hefur valið að skipta hinu keypta eignasafni upp í þrjá megin flokka, skipting ræðst m.a. af verðmæti eignanna, nýtingu þeirra, tækifærum til framtíðar sem og hvernig eignir falla að núverandi safni Regins hf. Flokkarnir eru eftirfarandi:

• Safn sem fellur beint inn í núverandi eignasafn Regins hf., útleiguhlutfall 93%.  Alls 27 eignir sem eru um 70% af heildarvirði hins keypta, eða rúmar 4.000 m.kr.
• Safn með lágu útleiguhlutfalli eða 7%, sem tekið verður til endurskipulagningar og aðlögunar að útleigumarkaði. Skilgreint sem „vara í vöruhillu Regins“.  Safnið er um 20% af heildarvirði hins keypta, eða um 1.200 m.kr.
• Safn sem væntanlega verður selt í einingum eða í heild.  Eignir með útleiguhlutfall 28%. Safnið er um 10 % af heildarvirði hins keypta.

Eins og áður hefur verið kynnt er arðsemi kaupanna mismunandi eftir eðli eignasafnanna. Sá hluti eignasafnsins sem fellur beint inn í núverandi eignasafn Regins hf. sbr. hér að framan er með góða arðsemi við kaup eða tæplega 8%. Safnið sem hér að framan er skilgreint sem „vara í hilluna“ og er með lága nýtingu er eðli málsins samkvæmt með lága arðsemi við kaup. Það er mat Regins hf. að arðsemi sé hægt að auka hratt eða upp í 10 – 12% á innan við þremur árum.  Sá hluti sem áformað er að selja hefur hverfandi áhrif á rekstur og afkomu félagsins  fram að sölu þeirra. Gert er ráð fyrir hagnaði við sölu eininganna.

Við mat á arðsemi kaupanna er gert ráð fyrir einskiptiskostnaði vegna áreiðanleikakannana sem og kostnaði vegna endurskipulagningu þess hluta eignanna sem falla ekki beint inn í safn Regins og /eða verða seldar. Við áætlun á rekstrar- og stjórnunarkostnaði vegna safnsins er stuðst við reynslutölur Regins hf.

Fjármögnun viðskiptanna

Eins og áður hefur komið fram eru kaupin fjármögnuð að fullu með lántöku. Arion banki hf. fjármagnar kaupin, en gengið var til samninga við bankann að undangenginni verðkönnun. Kjörin eru sambærileg við þau lánskjör sem Reginn hf. hefur notið á markaði.

Varðandi frekari upplýsingar um eðli og umfang viðskiptanna er vísað til fyrri tilkynningar þann 17. febrúar sl. um samkomulag um kaup á eignasafni Fastengis ehf. og kynningar Regins hf. á ársreikningi þann 25. febrúar sl. en gögnin má finna á heimasíðu félagsins, www.reginn.is/fjarfestar.

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Árshlutareikningur Regins hf. 1. janúar 2015 til 31. mars 2015 var samþykktur af stjórn þann 28. maí 2015.

• Rekstrartekjur námu 1.242 milljón króna.
• Rekstrarhagnaður fyrir matsbreytingu og afskriftir var 799 milljónir króna.
• Bókfært virði fjárfestingareigna í lok tímabils er 53.664 m.kr. Matsbreyting á tímabilinu var 333 m.kr.
• Hagnaður eftir tekjuskatt nam 574 m.kr.
• Handbært fé frá rekstri nam 509 m.kr.
• Vaxtaberandi skuldir voru 32.262 m.kr. í lok tímabilsins samanborið við 32.861 m.kr. í árslok 2014.
• Eiginfjárhlutfall er 33,6 %
• Hagnaður á hlut fyrir tímabilið er 0,40 en var 0,31 fyrir sama tímabil í fyrra.

Félagið er skráð í Kauphöll Íslands (NASDAQ OMX Iceland hf.), fjöldi hluthafa þann 31. mars sl. voru 621.

Rekstur og afkoma

Afkoma Regins á fyrsta ársfjórðungi var góð og í samræmi við áætlun félagsins. Rekstrartekjur námu 1.242 milljón króna og þar af námu leigutekjur 1.107 milljónum króna. Hækkun leigutekna frá sama tímabili fyrra árs er 23%.

Rekstrarhagnaður fyrir söluhagnað, matsbreytingu og afskriftir / EBITDA var 799 milljónir sem samsvarar rúmri 29% hækkun samanborið við sama tímabil árið 2014.

Eignasafn og efnahagur

Eignasafn Regins samanstendur af fullgerðu atvinnuhúsnæði með háu útleiguhlutfalli og traustum leigutökum. Heildarfermetrafjöldi fasteignasafnsins er 221 þúsund. Útleiguhlutfall safnsins er um 97% miðað við þær tekjur sem full útleiga gæfi. Stærstu eignir Regins eru verslunarmiðstöðin Smáralind í Kópavogi og Egilshöll í Grafarvogi.

Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á Q1 2015 er 333 m.kr.

Stækkun félagsins og horfur

Uppbygging og stækkun eignasafns félagsins hefur verið í samræmi við áætlun og fjárfestingastefnu þess.

Þann 20. mars sl. var undirritaður kaupsamningur milli Regins hf. og Fastengis ehf. um kaup á eignasafni Fastengis ehf. Samþykki Samkeppniseftirlits á kaupunum  liggur nú fyrir sem og fjármögnun kaupanna, verið er að ljúka við yfirferð og frágang samfara áreiðanleikakönnun.

Horfur í rekstri

Stjórnendur félagsins telja að horfur í rekstri séu góðar og engar vísbendingar eru um annað en að áætlanir félagsins standist. Útleiguhlutfall hefur verið og er hátt hjá félaginu eða um 97%,  vísbendingar eru um aukna eftirspurn eftir leigu atvinnuhúsnæðis.

Kynning á félaginu

Samhliða birtingu á þessu uppgjöri boðar Reginn til opins kynningarfundar á morgun föstudaginn 29. maí kl. 16:00 í Borgartúni 29, 1. hæð. Helgi S. Gunnarsson forstjóri félagsins mun kynna afkomu fyrsta ársfjórðungs 2015 og svara spurningum. Í kjölfarið verður Sturla G. Eðvarðsson, framkvæmdastjóri Smáralindar, með kynningu á verkefnum sem snúa að endurskipulagningu Smáralindar, tengslum Smárabyggðar við Smáralind og vinnu við Hörpureiti 1 og 2.

Skráning á kynningarfundinn fer fram í gegnum netfangið fjarfestatengsl@reginn.is.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/6a214fc86bcd45bab96fe9e800f36efb1d

Hægt er að nálgast árshlutareikning vegna fyrsta ársfjórðungs og kynningargögn vegna uppgjörs á www.reginn.is/fjarfestar/

Nánari upplýsingar veitir:

Helgi S. Gunnarsson

Forstjóri Regins hf.

Sími: 512 8900 / 899 6262

Reginn hf. mun birta samþykkt uppgjör fyrir fyrsta ársfjórðung ársins 2015, eftir lokun markaða fimmtudaginn 28. maí 2015.

Af því tilefni býður Reginn hf. til opins kynningarfundar föstudaginn 29. maí 2015 kl. 16:00 í Borgartúni 29, 1. hæð, Reykjavík.

Fundinum verður einnig varpað í gegnum netið á eftirfarandi slóð:

http://streymi.nyherji.is/Mediasite/Play/6a214fc86bcd45bab96fe9e800f36efb1d

Helgi S. Gunnarsson, forstjóri Regins hf., mun kynna uppgjörið og svara spurningum að lokinni kynningu.

Í kjölfarið verður Sturla G. Eðvarðsson, framkvæmdastjóri Smáralindar, með kynningu á verkefnum sem snúa að endurskipulagningu Smáralindar, tengslum Smárabyggðar við Smáralind og vinnu við Hörpureiti 1 og 2.

Boðið verður upp á léttar veitingar að fundi loknum.

Skráning á kynningarfundinn fer fram í gegnum netfangið fjarfestatengsl@reginn.is

Nánari upplýsingar veitir:

Helgi S. Gunnarsson – Forstjóri – helgi@reginn.is – S: 512 8900 / 899 6262

Þann 17. febrúar 2015 var undirritaður kaupsamningur milli Regins hf. og Fastengis ehf. um kaup á öllu hlutafé í Fjárvara ehf., Bréfabæ ehf., og Sævarhöfða 2 ehf. Kaupsamningurinn innihélt m.a. fyrirvara um samþykki Samkeppniseftirlitsins.

Samkeppniseftirlitið hefur nú birt niðurstöðu sína, en samkvæmt henni telur Samkeppniseftirlitið að kaup Regins hf. á ofangreindum félögum feli í sér samruna í skilningi 17. gr. samkeppnislaga nr. 44/2005. Samkeppniseftirlitið telur ekki ástæðu til að aðhafast frekar vegna samrunans.

Nánari upplýsingar veitir:

Helgi S. Gunnarsson

Forstjóri Regins hf.

S: 512 8900 / 899 6262