Aðalfundur Marel hf. var haldinn þriðjudaginn 6. mars 2018 í höfuðstöðvum félagsins að Austurhrauni 9, 210 Garðabæ.

Stjórnarformaður félagsins, Ásthildur Otharsdóttir ávarpaði fundinn fyrir hönd stjórnar, og Árni Oddur Þórðarson forstjóri gaf skýrslu um fjárhagsárið 2017 og veitti innsýn í starfsemi félagsins.

Úr skýrslu stjórnarformanns Marel, Ásthildar Otharsdóttur:

„Við erum ákaflega stolt af árangri ársins 2017. Þetta var gott rekstrarár og fjárhagur félagsins er sterkur. Til hagsbóta  fyrir bæði viðskiptavini og hluthafa, var ríkulega fjárfest í undirstöðum rekstrar til að styðja við metnaðarfull vaxtarmarkmið félagsins.

Árið 2017 fagnaði Marel 25 ára skráningarafmæli í kauphöllinni á Íslandi, en á þessu ári mun félagið fagna 35 árum frá stofnun þess. Marel hefur skapað mikil verðmæti fyrir hluthafa sína frá skráningu 1992 og hefur á þeim tíma umbreyst úr sprotafyrirtæki í alþjóðlegt hátæknifyrirtæki á sviði matvælaframleiðslu fyrir kjúkling, kjöt og fisk.  

Skráning hlutabréfa Marel í Kauphöllinni 1992 var gæfuspor til frekari framþróunar og vaxtar félagsins. Hlutfallsleg stærð Marel á íslenskum hlutabréfamarkaði er þó umhugsunarefni. Á grundvelli metnaðarfullrar stefnu félagsins og áforma um framtíðarvöxt hefur Marel ráðið STJ, óháðan alþjóðlegan ráðgjafa, til að greina mögulega skráningarkosti. Við munum áfram leggja áherslu á ábyrgan vöxt félagsins og langtíma verðmætasköpun til hagsbóta fyrir Marel og hluthafa þess.“

Úr skýrslu forstjóra Marel, Árna Oddar Þórðarsonar:

„Marel er leiðtogi á sínu sviði með yfir milljarð evra í tekjur og starfar  á örum vaxtarmarkaði. Tekjur hækkuðu um 6% á milli ára og félagið hefur skilað um 15% EBIT átta ársfjórðunga í röð. Síðustu ár hefur félagið tekið miklum framförum og sett mark sitt á að umbylta matvælaframleiðslu á heimsvísu.  Tekjur félagsins eru vel dreifðar eftir landsvæðum og samanstanda af þremur meginstoðum sem eru stór verkefni, staðlaðar vörur og svo þjónusta og viðhald. Gott vöruúrval og öflug nýsköpun í samstarfi við viðskiptavini okkar sést hvað best á miklum vexti í pöntunum, sem hækkuðu um 13% í 1.144 milljón evrur yfir árið.

Horfur félagsins eru góðar. Árið 2017 kynntum við metnaðarfulla vaxtarstefnu félagsins þar sem gert er ráð fyrir 12% meðalvexti næstu 10 ár, bæði með innri vexti og stefnumarkandi yfirtökum. Í ljósi góðrar rekstrarniðurstöðu og sterkrar pantanabókar gerir félagið ráð fyrir góðum innri vexti árið 2018. Saman mun öflug liðsheild 5.400 starfsmanna framfylgja sýn og gildum félagins og halda áfram þróun og sölu á öruggum og sjálfbærum lausnum til matvælaframleiðslu. Þannig sköpum við mikil verðmæti fyrir okkar nærsamfélag, viðskiptavini og hluthafa til framtíðar.“

Helstu niðurstöður fundarins

Í stjórn voru endurkjörin Ólafur Steinn Guðmundsson, Ástvaldur Jóhannsson, Margrét Jónsdóttir, Helgi Magnússon, Arnar Þór Másson,  Ásthildur Margrét Otharsdóttir og Ann Elizabeth Savage. Ný stjórn Marel kom saman eftir fundinn og skipti með sér verkum. Ásthildur Margrét Otharsdóttir verður áfram stjórnarformaður og Arnar Þór Másson er varaformaður stjórnar.

Allar tillögur stjórnar til aðalfundar voru samþykktar. Aðalfundur samþykkti arðgreiðslu sem nemur 4.19 evru sentum á hlut, eða sem samsvarar 30% af hagnaði ársins 2017. Aðalfundur samþykkti tillögu stjórnar um að félaginu verði heimilt að kaupa allt að 10% af eigin hlutafé og að heimild þessi gildi næstu 18 mánuði frá samþykki. Starfskjarastefna félagsins fyrir árið 2018 var samþykkt efnislega óbreytt frá fyrra ári og eins var þóknun til stjórnar samþykkt.

KPMG verður áfram ytri endurskoðandi félagsins fram að næsta aðalfundi. Frekari upplýsingar um niðurstöður aðalfundarins má finna á aðalfundarvef Marel.

Ársskýrslan 2017

Marel gaf út ársskýrslu fyrir árið 2017 þann 27. febrúar síðastliðinn.

Skýrslan er gefin út í vefútgáfu þar sem m.a. er boðið upp á áhugavert margmiðlunarefni, gagnvirkar töflur og gröf. Þetta er í fimmta skipti sem Marel birtir rafræna ársskýrslu en hana má finna á heimasíðu félagsins marel.com og á ársskýrsluvef félagsins: http://ar2017.marel.com.

Aðalfundarvefur

Allar frekari upplýsingar og gögn tengd aðalfundi má nálgast á sérstökum aðalfundarvef félagsins www.marel.com/agm.

Fjárfestatengsl:

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com eða investors@marel.com.

Á aðalfundi Marel hf. sem haldinn var í höfuðstöðvum félagsins þann 6. mars 2018 voru allar tillögur stjórnar samþykktar.

Eftirfarandi eru niðurstöður fundarins:

1. Ársreikningur og skýrsla stjórnar og forstjóra voru samþykkt

2. Tillaga um hvernig fara skuli með hagnað vegna reikningsársins 2017 var samþykkt

Samþykkt var að hluthafar fái greidd 4,19 evru sent í arð á hlut fyrir rekstrarárið 2017. Nemur fyrirhuguð heildararðgreiðsla um 29 milljónum evra, sem samsvarar um 30% af hagnaði ársins. Hlutabréf sem skipta um hendur frá og með 7. mars 2018 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 8. mars 2018 sem verður arðsréttindadagur (e. record date). Arður verður greiddur út hinn 27. mars 2018 (e. payment date).

3. Tillaga um starfskjarastefnu félagsins var samþykkt

Starfskjarastefnan er eftirfarandi:

Starfskjarastefnu Marel hf. og dótturfélaga þess („fyrirtækið“) er ætlað að laða að, hvetja og halda í framúrskarandi starfsfólk á alþjóðlegum samkeppnismarkaði. Stefnan endurspeglar markmið fyrirtækisins um góða stjórnarhætti sem og viðvarandi verðmætasköpun til langs tíma fyrir hluthafa.

Starfskjarastefnan gildir fyrir æðstu stjórnendur fyrirtækisins, þar á meðal framkvæmda­stjórn (e. Executive Team) og stjórn.

Starfskjör stjórnenda – framkvæmdastjórn

Starfskjaranefnd fyrirtækisins gerir tillögu til stjórnar félagsins um starfskjör stjórnenda. Þau eru endurmetin árlega með tilliti til frammistöðu og í samanburði við þau alþjóðlegu fyrirtæki sem eru sambærileg við Marel að stærð og umfangi. Upplýsingar til viðmiðunar eru fengnar frá alþjóðlega viðurkenndum ráðgjafarfyrirtækjum sem safna gögnum og veita ráðgjöf um þóknanir og launagreiðslur. 

Heildarstarfskjör stjórnenda skulu taka til eftirfarandi þátta:

• Fastra grunnlauna sem miða að því að laða að og halda í stjórnendur með faglega þekkingu og persónulega eiginleika sem nauðsynlegir eru til að stuðla að góðum árangri fyrirtækisins.
• Hvatagreiðslna sem byggjast á því að ná fyrirfram skilgreindum fjárhagslegum og ófjárhagslegum markmiðum sem stjórn félagsins hefur samþykkt. Skammtímahvatagreiðslur fyrir forstjóra félagsins nema 50% af árlegum grunnlaunum verði settum markmiðum náð og geta hæst numið 70% af árlegum grunnlaunum. Skammtímahvatagreiðslur fyrir aðra meðlimi framkvæmdastjórnar geta náð allt að 45% af árlegum grunnlaunum verði settum markmiðum náð og geta ekki farið yfir 60% af árlegum grunnlaunum. Skammtímahvatagreiðslur eru endurkræfar ef þær hafa byggst á upplýsingum sem reyndust vera rangar eða villandi.
• Langtímahvata í formi kauprétta. Marel hefur innleitt kaupréttarkerfi sem hefur það að markmiði að tengja hagsmuni fram­kvæmdastjórnar og valinna starfsmanna í lykilstöðum við langtímamarkmið félagsins og hluthafa þess. Aðalatriði kaupréttarkerfisins og samninga um kauprétti skulu lögð fyrir hluthafafund til samþykkis.
• Lífeyrisgreiðslna sem gerðar eru í samræmi við gildandi lög og ráðningarsamninga.
• Starfslokagreiðslna í samræmi við uppsagnarákvæði í ráðningarsamningum. Starfsloka­greiðslur skulu vera í samræmi við gildandi lagaramma á hverjum stað.

Stjórn

Stjórnarmönnum skal greiða fasta mánaðarlega þóknun í samræmi við ákvörðun árlegs aðal­fundar félagsins. Stjórnin skal gera tillögu um þóknunina fyrir komandi starfsár og skal í þeim efnum taka mið af þeim tíma sem stjórnarmenn verja til starfans, þeirri ábyrgð sem á þeim hvílir, afkomu félagsins og viðmiðunarupplýsingum um þóknanir sem evrópsk fyrir­tæki, sam­bærileg að stærð og umfangi og Marel, greiða.

Stjórnarmönnum eru ekki boðnir kaupréttir eða þátttaka í hvatakerfum. 

Stjórnarmönnum er heimilt að taka að sér tímabundin verkefni utan reglubundinna skyldu­verka sem stjórnin felur þeim. Í slíkum tilvikum kann stjórnin að ákvarða fasta greiðslu fyrir þá vinnu sem þessi verkefni útheimta og skal upplýsa um slíkar greiðslur í ársreikningi félagsins.

Upplýsingagjöf

Upplýsingar um heildarstarfskjör stjórnarmeðlima, framkvæmdastjórnar og æðstu stjórn­enda sem ábyrgir eru fyrir meira en 10% af eignum eða afkomu félagsins skal skrá í ársreikning félagsins, þar með talið ógreiddar þóknanir og óvenjulega samninga á liðnu fjárhagsári. 

Samþykkt starfskjarastefnu

Starfskjarastefnan nær til allra framtíðarsamninga við meðlimi framkvæmdastjórnar og stjórnar félagsins.

Starfskjarastefnan er bindandi fyrir stjórn félagsins hvað varðar ákvæði um kauprétti. Að öðru leyti er starfskjarastefnan leiðbeinandi fyrir stjórn félagsins. Öll frávik frá stefnunni skal skrá og færa inn í fundargerðir stjórnarinnar.

Stjórn Marel hf. hefur samþykkt starfskjarastefnuna í samræmi við grein 79a í lögum nr. 2/1995 um hlutafélög þar sem tekið er tillit til reglna fyrir útgefendur fjármálagjörninga og íslenskra leiðbeininga um góða stjórnarhætti sem NASDAQ Iceland hefur birt. Starfskjarastefnan er endurskoðuð árlega og skal hún samþykkt á aðalfundi félagsins, með eða án viðbóta. 

Starfskjarastefnu félagsins skal birta á heimasíðu þess.

4. Tillaga um stjórnarlaun vegna ársins 2018 og greiðslu til endurskoðanda fyrir liðið starfsár var samþykkt

Samþykkt var að stjórnarlaun vegna ársins 2018 verði sem hér segir: Stjórnarlaun verða 3.500 evrur á mánuði. Stjórnarformaður fær þreföld stjórnarlaun á mánuði og formaður endurskoðunarnefndar fær tvöföld stjórnarlaun á mánuði. Stjórnarmenn sem eiga sæti í undirnefndum stjórnar fá auk þess greidd laun að fjárhæð 900 evrur á mánuði fyrir slík störf. Stjórnarlaun skulu greidd 15. dag hvers mánaðar. Samþykkt var að greiðslur til endurskoðenda fyrir liðið starfsár skuli vera samkvæmt reikningum þeirra.

5. Kosning stjórnar

Fundurinn samþykkti tillögu stjórnar um að kosnir yrðu 7 stjórnarmenn í stjórn félagsins til næsta aðalfundar.

Eftirfarandi sjö einstaklingar voru kosnir í stjórn félagsins til næsta aðalfundar:

Ann Elizabeth Savage, Spalding, Englandi

Arnar Þór Másson, London, Englandi

Ásthildur Margrét Otharsdóttir, Reykjavík

Ástvaldur Jóhannsson, Seltjarnarnesi

Helgi Magnússon, Seltjarnarnesi

Margrét Jónsdóttir, Seltjarnarnesi

Ólafur Guðmundsson, Princeton, Bandaríkjunum

6. Kosning endurskoðanda

Samþykkt var að endurskoðunarskrifstofan KPMG ehf. yrði endurskoðandi félagsins.

7. Tillaga um heimild til kaupa á eigin hlutafé félagsins var samþykkt

Samþykkt var heimild til handa félaginu til að kaupa allt að 10% af eigin hlutafé. Skilyrði skv. 55. gr. hlutafélagalaga nr. 2/1995 skulu höfð til hliðsjónar við kaup á eigin hlutum á grundvelli heimildar þessarar.

Heimild þessi gildir næstu 18 mánuði frá samþykki. Eldri heimildir þessa efnis falla jafnframt niður.

Eftirtaldir sjö aðilar gefa kost á sér til setu í stjórn Marel hf. á aðalfundi félagsins, sem haldinn verður þriðjudaginn 6. mars næstkomandi kl. 16:00, í höfuðstöðvum félagsins að Austurhrauni 9, Garðabæ:

Ann Elizabeth Savage, Spalding, Englandi
Arnar Þór Másson, London, Englandi
Ásthildur Margrét Otharsdóttir, Reykjavík
Ástvaldur Jóhannsson, Seltjarnarnesi
Helgi Magnússon, Seltjarnarnesi
Margrét Jónsdóttir, Seltjarnarnesi
Ólafur Steinn Guðmundsson, Princeton, New Jersey, Bandaríkjunum

Frekari upplýsingar um framangreinda aðila munu verða aðgengilegar á upplýsingasíðu aðalfundar 2018 á heimasíðu félagsins: http://www.marel.com/agm, eigi síðar en 2 dögum fyrir fundinn.

Framboðsfrestur er nú runninn út. Samþykktir félagsins kveða á um að fjöldi stjórnarmanna skuli vera 5-7.Verða framangreindir sjö aðilar þar af leiðandi sjálfkjörnir í stjórn félagsins á komandi aðalfundi án sérstakrar atkvæðagreiðslu.

Meðfylgjandi er endanleg dagskrá aðalfundar Marel sem haldinn verður þriðjudaginn 6. mars nk. kl. 16:00. Jafnframt eru meðfylgjandi tillögur stjórnar sem og tillögur frá hluthöfum sem lagðar verða fyrir fundinn.

Frestur til að skila inn tillögum er liðinn, sbr. grein 4.20 í samþykktum félagsins.

Frekari upplýsingar er að finna á heimasíðu félagsins:

https://marel.com/corporate/investor-relations/events

Marel hefur gefið út rafræna ársskýrslu fyrir árið 2017

Skýrslan er gefin út í vefútgáfu þar sem m.a. er boðið upp á áhugavert margmiðlunarefni, gagnvirkar töflur og gröf. Þetta er í fimmta skipti sem Marel birtir rafræna ársskýrslu en hana má finna á heimasíðu félagsins marel.com og á ársskýrsluvef félagsins: http://ar2017.marel.com.

Ein af þeim nýjungum sem fylgja skýrslunni í ár eru svokallaðir deilihnappar fyrir samfélagsmiðla. Með þeim er hægt að deila einstaka köflum, greinum eða öðru sértæku efni skýrslunnar án þess að deila allri skýrslunni í heild sinni.

Stefna, starfsemi og samfélagsleg ábyrgð

Árið 2017 var einstaklega árangursríkt og rekstur var sterkur. Í ársskýrslunni er yfirgripsmikil umfjöllun um stefnu fyrirtækisins, helstu þætti í rekstri þess og áhugaverð innsýn í árangur ársins með tilliti til þróunar og sölu á hátæknibúnaði og kerfa til vinnslu á kjúklingi, kjöti og fiski. Tekjur félagsins árið 2017 voru rúmlega 1 milljarður evra og EBIT var 15%. Félagið stefnir á um 12% vöxt að meðaltali 2017-2026, bæði með innri og ytri vexti. 

Nýsköpun hefur verið kjarninn stefnu Marels frá upphafi. Árlega fjárfestir Marel um það bil 6% af tekjum félagsins í nýsköpun og vöruþróun sem styður við aukna hagkvæmni, öryggi og sjálfbærni í matvælavinnslu. Árið 2017 nam sú fjárfesting 58 milljónum evra.

Árið 2017 var Marel þátttakandi í NASDAQ Sustainable Market Initiative í fyrsta skipti og félagið fylgir nú nýjum stöðlum um upplýsingagjöf vegna samfélagsábyrgðar eða ESG Reporting Guidelines. Tölfræði um samfélagsábyrgð samkvæmt þessum stöðlum er að finna í kaflanum Ábyrgur vöxtur (e. Responsible Growth) í ársskýrslunni.

Sprotafyrirtæki verður alþjóðlegt hátæknifyrirtæki

Á árinu fagnaði Marel 25 ára skráningarafmæli. Skráning hlutabréfa Marel í Kauphöllinni 1992 var gæfuspor til frekari framþróunar og vaxtar félagsins. Marel hefur á þeim tíma umbreyst úr sprotafyrirtæki í alþjóðlegt hátæknifyrirtæki.

Við skráningu árið 1992 voru starfsmenn 45 talsins og velta félagsins 410 milljónir króna. Í dag starfa 5.400 starfsmenn í yfir 30 löndum hjá Marel sem velti um 125 milljörðum króna árið 2017. Á sama tímabili hafa tekjur félagsins að jafnaði vaxið yfir 20% árlega.

Marel er í dag verðmætasta félagið í Kauphöllinni eða sem jafngildir um 30% af verðmæti allra skráðra hlutafélaga á Íslandi. Hluthafar Marel eru rúmlega tvö þúsund talsins og um 95% þeirra eru íslenskir.

Arðgreiðsla

Stjórn Marel hefur lagt til að  hluthafar fái greiddan arð fyrir rekstrarárið 2017 sem nemur 4,19 evru sentum á hlut eða um 30% af hagnaði rekstrarársins 2017 miðað við útistandandi hluti í árslok.

Fjárfestatengsl:

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com. 

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

20.02.2018

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

5.000.000

Gengi/Verð pr. Hlut/Price:

377,00 ISK

Fjöldi hluta eftir viðskipti/Primary insider's holdings after the transaction:

51.747.226

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 20 milljónum hluta að nafnvirði sbr. fréttatilkynningu 7. febrúar 2018. / Transaction made on the basis of an authorization from the Board of Directors of Marel hf. to management to purchase own shares for nominal value of 20 million as per the company’s announcement on 7 February 2018.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

19.02.2018

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

2.000.000

Gengi/Verð pr. Hlut/Price:

378,50 ISK

Fjöldi hluta eftir viðskipti/Primary insider's holdings after the transaction:

46.747.226

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 20 milljónum hluta að nafnvirði sbr. fréttatilkynningu 7. febrúar 2018. / Transaction made on the basis of an authorization from the Board of Directors of Marel hf. to management to purchase own shares for nominal value of 20 million as per the company’s announcement on 7 February 2018.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

16.02.2018

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

3.000.000

Gengi/Verð pr. Hlut/Price:

367,50 ISK

Fjöldi hluta eftir viðskipti/Primary insider's holdings after the transaction:

44.747.226

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 20 milljónum hluta að nafnvirði, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 7. febrúar 2018 / Transaction made on the basis of an authorization from the Board of Directors of Marel hf. to management to purchase own shares for nominal value of 20 million, to be used as payment for potential future acquisitions, as per the company’s announcement on 7 February 2018.

Stjórn Marel hf. ákvað þann 12. febrúar 2018 að veita starfsmönnum kauprétti að allt að 4,1 milljónum hluta í félaginu.

Kaupréttarsamningunum er ætlað að samtvinna hagsmuni starfsmanna og félagsins til lengri tíma. Er þetta í samræmi við starfskjarastefnu félagsins sem samþykkt var á síðasta aðalfundi Marel 2. mars 2017. Kaupréttirnir verða veittir meðlimum framkvæmdastjórnar félagsins ásamt hópi valdra starfsmanna í lykilstöðum.

Meginefni kaupréttarsamninganna er eftirfarandi:

• Veittur er kaupréttur á hlutabréfum á grunnverðinu EUR 2,923 á hlut.[1] Verðið skal leiðrétt fyrir arðgreiðslum sem kunna að verða ákveðnar frá útgáfudegi kaupréttanna.
• Ávinnslutími (e. vesting time) er þrjú ár frá úthlutun. Heimilt verður að nýta áunna kauprétti tvisvar á ári, í apríl og október eftir birtingu ársfjórðungsuppgjöra. Fyrsta nýtingartímabil mun hefjast þegar eftir birtingu fyrsta ársfjórðungsuppgjörs ársins 2021. Kaupréttarhafar geta frestað nýtingu á kaupréttum sínum til fyrsta ársfjórðungs ársins 2022, þegar samningarnir renna út og falla þá ónýttir kaupréttir niður á sama tíma.
• Kaupréttarhafar þurfa að kaupa hlutabréf í Marel fyrir því sem nemur fjárhæð hreins hagnaðar af kaupréttunum þegar skattar hafa verið dregnir frá, og halda þeim bréfum til starfsloka hjá Marel.

Heildarfjöldi útistandandi kauprétta sem Marel hf. hefur veitt starfsmönnum sínum nemur nú alls 14,0 milljónum hluta, sem nemur um 1,9% hlutafjár í félaginu, og er þá meðtalin þessi nýja úthlutun kauprétta. Heildarkostnaður félagsins vegna nýju samninganna á næstu þremur árum er áætlaður um 2,1 milljónir evra og er þá byggt á reiknilíkani Black-Scholes.

Nánari upplýsingar um kauprétti sem veittir eru framkvæmdastjórn Marel:

[1] Kaupréttargengið er ákvarðað út frá lokagengi hlutabréfa Marel hf. á NASDAQ Iceland hf. þann 12. febrúar  2018, þ.e. ISK 366,00 á hlut, umreiknað með miðgengi Seðlabanka Íslands sama dag: EUR/ISK: 125,20

Aðalfundur Marel hf. verður haldinn í höfuðstöðvum félagsins að Austurhrauni 9, 210 Garðabæ, þriðjudaginn 6. mars nk., kl. 16:00.

Dagskrá:

• Venjuleg aðalfundarstörf samkvæmt grein 4.13 í samþykktum félagsins.
• Skýrsla um framkvæmd starfskjarastefnu.
• Tillaga um að heimila félaginu að kaupa eigin hlutabréf.
• Önnur mál, löglega borin fram.

Fundarstörf munu fara fram á ensku.

Sérstaklega er bent á að þeir sem hyggjast gefa kost á sér til setu í stjórn skulu tilkynna það skriflega til stjórnar félagsins að minnsta kosti fimm sólarhringum fyrir upphaf aðalfundar, þ.e. fyrir kl. 16:00 fimmtudaginn 1. mars.

Til þess að tillögur frá hluthöfum sem leggja á fyrir á fundinum verði teknar þar til umræðu verður að skila þeim til stjórnar félagsins eigi síðar en tíu dögum fyrir fundinn, þ.e. fyrir kl. 16:00 laugardaginn 24. febrúar.

Á aðalfundarvef félagsins, www.marel.com/agm, er að finna allar frekari upplýsingar í tengslum við aðal­fundinn, þ.m.t. frekari upplýsingar um rétt hluthafa til að fá mál sett á dagskrá hluthafafundar og leggja fram ályktunartillögur fyrir fundinn, drög að dagskrá fundarins, tillögur stjórnar félagsins, ársreikning félagsins fyrir árið 2017, upplýsingar um heildarfjölda hluta og atkvæðafjölda í félaginu m.v. 7. febrúar 2018, umboðsform auk upplýsinga um skjöl sem lögð verða fyrir fundinn.

Endanleg dagskrá fundarins og tillögur verða gerðar aðgengilegar hluthöfum sjö dögum fyrir fundinn á framangreindum aðalfundarvef félagsins sem og á skrifstofu félagsins að Austurhrauni 9, 210 Garðabæ.

Umboðsmenn hluthafa skulu framvísa skriflegum umboðum við inngang. Atkvæðaseðlar og önnur gögn verða aðgengileg á fundarstað frá kl. 15:30.

Stjórn Marel hf.

Marel: 4F 2017 - Kynning fyrir fjárfesta 8. febrúar 2017

Marel hf. birti árshlutareikning sinn fyrir 4. ársfjórðung 2017 eftir lokun markaðar þann 7. febrúar 2018.

Í dag, fimmtudaginn 8. febrúar 2018 kl. 8.30 verður haldinn afkomufundur með markaðsaðilum og fjárfestum. Þar munu Árni Oddur Þórðarson, forstjóri og Linda Jónsdóttir fjármálastjóri kynna afkomu félagsins og helstu atriði úr rekstri.

Meðfylgjandi er fjárfestakynningin sem farið verður yfir á fundinum.

Kynningarfundurinn verður haldinn í höfuðstöðvum félagsins, Austurhrauni 9 í Garðabæ. Boðið verður upp á morgunverð frá kl. 8:00.

Fundinum verður einnig netvarpað á www.marel.com/webcast.

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com. 

Marel kynnir afkomu ársins 2017 (Allar upphæðir eru í evrum)

Góður endir á frábæru ári

Fjórði ársfjórðungur 2017 – Skilvirkni skilar hærri tekjum og auknum rekstrarhagnaði

• Pantanir á fjórða ársfjórðungi námu 282 milljónum evra (3F 2017: 296m og 4F 2016: 294m).
• Tekjur námu 295 milljónum evra (3F 2017: 247m og 4F 2016: 250m).
• EBIT* nam 46 milljónum evra (3F 2017: 38m og 4F 2016: 35m), sem er 15,7% af tekjum (3F 2017: 15,2% og 4F 2016 14,0%).
• Handbært fé frá rekstri fyrir fjármagnsliði og skatta nam 65 milljónum evra (4F 2016: 74m).
• Hagnaður á hlut (EPS) var 4,81 evru sent (4F 2016: 3,17 evru sent).

Árið 2017–  Yfir 1 milljarður evra í tekjur og 15% EBIT

• Pantanir á árinu 2017 námu 1.144 milljónum evra (2016: 1.013m pro forma).
• Tekjur ársins námu 1.038 milljónum evra (2016: 983m pro forma).
• EBIT* var 157 milljónir evra, sem er 15,2% af tekjum (2016: 143m pro forma og 14,6% af tekjum).
• Pantanabókin stóð í 472 milljónum evra við lok árs (2016: 350m).
• Handbært fé frá rekstri fyrir fjármagnsliði og skatta nam 236 milljónum evra á árinu (2016: 179m).
• Skuldahlutfall (nettó skuldir/EBITDA) var x1,9 í árslok samanborið við x2,3 í árslok 2016, sem er í samræmi við markmið félagsins um fjármagnsskipan að halda skuldahlutfalli milli x2-3. Vert er að nefna að á árinu 2017 keypti Marel eigin bréf að andvirði 63,4 milljónum evra og gekk frá kaupum á Sulmaq fyrir 26 milljónir evra.
• Hagnaður á hlut fyrir síðastliðið ár var 13,70 evru sent (2016: 10,59 evru sent).

Stjórn Marel leggur til að hluthafar fái greiddan arð fyrir rekstrarárið 2017 sem nemur 4,19 evru sentum á hlut sem nemur um 30% af hagnaði rekstrarársins 2017 m.v. útistandandi hluti í árslok. Jafnframt hefur stjórn Marel veitt stjórnendum félagsins heimild til að kaupa eigin bréf félagsins fyrir allt að nafnvirði 20 milljón hluta.

Frá því Marel var skráð í íslenskri kauphöll árið 1992 hefur félagið, með góðum stuðningi hluthafa, vaxið að meðaltali rúmlega 20% á ári og skapað mikil verðmæti. Á grundvelli metnaðarfullrar stefnu félagsins og áformum um framtíðarvöxt mun Marel kanna möguleika á skráningu félagsins í kauphöll erlendis. Mun félagið leita liðsinnis óháðra alþjóðlegra ráðgjafa við þá vinnu og greiningu á helstu skráningarkostum.

Árni Oddur Þórðarson, forstjóri Marel:

„Fjórði árshluti var góður endir á sterku rekstrarári. Pantanir hækkuðu um 13% á milli ára og námu 1.144 millljónum evra yfir árið. Okkar starf snýr að því að umbylta matvælaframleiðslu. Síðustu ár hefur Marel einnig tekið miklum framförum. Við höfum forgangsraðað fjárfestingum og bætt ferla til að tryggja viðskiptavinum okkar hágæða heildarlausnir á réttum tíma. Til að mæta miklum vexti í pöntunum höfum við fjölgað starfsfólki, en í dag starfa hjá Marel um 5.400 manns í yfir 30 löndum.

Samhentu starfsfólki okkar tókst að skila 295 milljónum evra í tekjur á fjórða ársfjórðungi 2017, sem er nýtt met og aukning um 18% miðað við sama tímabil í fyrra. Pantanir og tekjur hafa vaxið hraðar en rekstrarkostnaður sem skilar félaginu góðri rekstrarniðurstöðu. Heildartekjur Marel árið 2017 námu yfir einum milljarði evra og 15% í EBIT. Í ljósi góðrar rekstrarniðurstöðu og sterkrar pantanabókar, gerir félagið ráð fyrir góðum innri vexti árið 2018.

Nýsköpun og markaðssókn styður við áframhaldandi innri vöxt og verðmætasköpun. Félagið hyggst vaxa enn frekar með yfirtökum og öflugu samstarfi við leiðandi framleiðslu- og tæknifyrirtæki. Í samvinnu við viðskiptavini erum við að umbylta matvælavinnslu á heimsvísu.“

Afkomuefni

Ítarlegri umfjöllun um rekstrarafkomu má finna í enskri útgáfu fréttatilkynningar sem er í viðhengi. Sé misræmi á milli uppgjörstilkynninga félagsins á íslensku annars vegar og ensku hins vegar, skal enska útgáfan gilda þar sem tilkynningar eru þýddar af ensku yfir á íslensku.

Tillaga um arðgreiðslu

Stjórn Marel mun leggja til á aðalfundi félagsins 2018 að hluthafar fái greiddan arð vegna rekstrarársins 2017 sem nemur 4,19 evru sentum á hlut . Þetta samsvarar um 30% af hagnaði ársins m.v. útistandandi hluti við árslok. Tillaga um arðgreiðslu er í samræmi við arðgreiðslustefnu Marel sem kynnt var á aðalfundi félagsins í mars 2011. Í henni felst að skuldahlutfall (nettó skuldir/EBITDA) skuli vera x2-3, og umfram eigið fé verði nýtt til að styðja við vöxt og verðmætasköpun félagsins og arðgreiðslur til hluthafa. Samkvæmt stefnunni skulu arðgreiðslur og/eða endurkaup hlutabréfa vera um 20-40% af hagnaði.

Horfur

Í ljósi góðrar rekstrarniðurstöðu og sterkrar pantanabókar, gerir félagið ráð fyrir góðum innri vexti árið 2018.

Marel stefnir að 12% meðalvexti árlega yfir tímabilið 2017-2026 sem byggir á öflugri markaðssókn og nýsköpun, samstarfi við lykilaðila og yfirtökum á fyrirtækjum.

• Marel gerir ráð fyrir að almennur markaðsvöxtur nemi 4-6% til lengri tíma. Með sterkri markaðssókn og nýsköpun stefnir Marel að innri vexti umfram almennan markaðsvöxt.
• Áframhaldandi traustur rekstur og sterkt sjóðstreymi getur stutt við 5-7% ytri meðalvöxt á ári.
• Marel gerir ráð fyrir að hagnaður á hlut vaxi hraðar en tekjur.

Áætlaður vöxtur veltur á hagsveiflum og þeim tækifærum sem eru í boði hverju sinni og verður því ekki línulegur. Gera má ráð fyrir breytilegri afkomu milli ársfjórðunga vegna efnahagsþróunar, sveifla í pöntunum og tímasetningu stærri verkefna.

Fjárfestafundur

Fimmtudaginn 8. febrúar 2018 kl. 8.30 verður haldinn afkomufundur með markaðsaðilum og fjárfestum. Þar munu Árni Oddur Þórðarson, forstjóri og Linda Jónsdóttir fjármálastjóri kynna afkomu félagsins og helstu atriði úr rekstri.

Kynningarfundurinn verður haldinn í höfuðstöðvum félagsins, Austurhrauni 9 í Garðabæ. Boðið verður upp á morgunverð frá kl. 8:00.

Fundinum verður einnig vefvarpað á www.marel.com/webcast.

Fjárhagsdagatal

• Aðalfundur  - 6. mars 2018
• 1F 2018 – 23. apríl 2018
• 2F 2018 – 25. júlí 2018
• 3F 2018 – 31. október 2018
• 4F 2018 – 6. febrúar 2019

Fjárfestatengsl

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com og í síma 563 8603. 

Athygli fjárfesta er vakin á eftirfarandi:

Sumar staðhæfingar í þessari fréttatilkynningu kunna að vera byggðar á mati og áætlunum stjórnenda félagsins en ekki á staðreyndum sem hægt er að sannreyna við birtingu hennar. Í eðli sínu fela slíkar staðhæfingar því í sér óvissu. Við vekjum þess vegna athygli fjárfesta á því að margir þættir geta haft þau áhrif að rekstrarumhverfi og afkoma verði með öðrum hætti en forsendur gera ráð fyrir í þessari tilkynningu. Tilkynningin verður ekki endurskoðuð eftir birtingu hvað þetta varðar.

Gögn um markaðshlutdeild

Yfirlýsingar um markaðshlutdeild, þar með taldar þær sem varða samkeppnisstöðu Marel, byggjast á utanaðkomandi heimildum og gögnum, svo sem gögnum frá rannsóknastofnunum, iðnaðar- og sölunefndum og hópum, ásamt mati stjórnenda Marel. Séu upplýsingar ekki tiltækar fyrir Marel kunna slíkar yfirlýsingar að vera byggðar á áætlunum og mati utanaðkomandi aðila og/eða stjórnenda. Markaðsstaða er byggð á sölutölum nema annað sé tekið fram.

Marel hf. mun birta ársreikning sinn fyrir árið 2017 eftir lokun markaðar miðvikudaginn 7. febrúar 2018.

Fundur með markaðsaðilum

Fimmtudaginn 8. febrúar 2018 kl. 8.30 verður haldinn afkomufundur með markaðsaðilum og fjárfestum. Þar munu Árni Oddur Þórðarson, forstjóri og Linda Jónsdóttir fjármálastjóri kynna afkomu félagsins og helstu atriði úr rekstri.

Kynningarfundurinn verður haldinn í höfuðstöðvum félagsins, Austurhrauni 9 í Garðabæ. Boðið verður upp á morgunverð frá kl. 8:00.

Fundinum verður einnig vefvarpað á www.marel.com/webcast.

Fjárhagsdagatal

• Aðalfundur  - 6. mars 2018
• 1F 2018 – 23. apríl 2018
• 2F 2018 – 25. júlí 2018
• 3F 2018 – 31. október 2018
• 4F 2018 – 6. febrúar 2019

Fjárfestatengsl

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com. 

Leiðrétting: Flöggun sem birt var á vefsíðu kauphallar (e. Filing with Exchange) 26. janúar kl. 19.01 (CET), hefði átt að vera skilgreind og dreift sem tilkynning félags (e. Company Release).

Flöggun í viðhengi frá Stefni hf. fyrir hönd sjóða í rekstri félagsins. 

Auðkenni útgefanda/Trade ticker:  

MARL

Nafn útgefanda/Issuer:

Marel hf.

Dagsetning tilkynningar/Date of announcement

30.11.2017

Nafn fruminnherja/Name primary insider:

Folkert Bölger

Tengsl fruminnherja við útgefanda/Insider's relation with the issuer:

Yfirmaður alþjóðlegrar aðfanga- og framleiðslustýringar/ Executive Vice President Global Supply Chain

Dagsetning viðskipta/Date of transaction:

30.11.2017

Tímasetning viðskipta/Time of transaction:

Tegund fjármálagernings/Type of financial instrument:

Hlutabréf/Equities

Kaup eða sala/Buy or Sell:

Kaup/Buy

Fjöldi hluta/Number of shares:

17.862

Verð pr. Hlut/Price per share:

327,5 ISK

Fjöldi hluta í eigu fruminnherja eftir viðskipti/Primary insider's holdings after the transaction:

17.862

Fjöldi hluta sem fruminnherji á kauprétt að/Primary insider's option holdings after the transaction:

0

Fjöldi hluta fjárhagslega tengdra aðila eftir viðskipti/Related parties' holdings after the transaction:

0

Dagsetning lokauppgjörs*/Date of settlement*:

Athugasemdir*/Comments*:  

Sjá flöggunartilkynningu í viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

28.11.2017

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

5.000.000

Gengi/Verð pr. Hlut/Price:

327,00 ISK

Fjöldi hluta eftir viðskipti/Primary insider's holdings after the transaction:

41.747.226   

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 15 milljónum hluta að nafnvirði, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 26. júlí 2017 / Transaction made on the basis of an authorization from the Board of Directors of Marel hf. to management to purchase own shares for nominal value of 15 million, to be used as payment for potential future acquisitions, as per the company’s announcement on 26 July 2017.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

08.11.2017

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

5.000.000

Gengi/Verð pr. Hlut/Price:

333,00 ISK

Fjöldi hluta eftir viðskipti/Primary insider's holdings after the transaction:

36.747.226   

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 15 milljónum hluta að nafnvirði, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 26. júlí 2017 / Transaction made on the basis of an authorization from the Board of Directors of Marel hf. to management to purchase own shares for nominal value of 15 million, to be used as payment for potential future acquisitions, as per the company’s announcement on 26 July 2017.

Sjá viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

07.11.2017

Kaup eða sala/Buy or Sell:

Sala/Sell

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

689.000

Gengi/Verð pr. Hlut/Price:

131,88 ISK/1,072 EUR

Fjöldi hluta eftir viðskipti/Primary insider's holdings after the transaction:

31.747.226

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Í dag, 2 nóvember stendur Marel fyrir kynningarviðburði fyrir fjárfesta og markaðsaðila í Kaupmannahöfn.

Meðfylgjandi er kynningin sem farið verður yfir á fundinum.

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com.

Marel hf. birti árshlutareikning sinn fyrir 3. ársfjórðung 2017 eftir lokun markaðar þann 25. Október 2017.

Í dag, 26. Október kl. 8.30 verður haldinn afkomufundur með markaðsaðilum og fjárfestum. Þar munu Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 3. ársfjórðung 2017.

Meðfylgjandi er fjárfestakynningin sem farið verður yfir á fundinum.

Kynningarfundurinn verður haldinn fimmtudaginn 26. október kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Nánari upplýsingar veitir fjárfestatengill félagsins, Tinna Molphy í gegnum netfangið tinna.molphy@marel.com.

(Allar upphæðir í evrum)

Þriðji ársfjórðungur 2017 – Sterk samkeppnisstaða og meðbyr á mörkuðum

• Tekjur á þriðja ársfjórðungi 2017 námu 247,0 milljónum evra [3F 2016: 234,8m].
• EBITDA á þriðja ársfjórðungi 2017 var 45,8 milljónir evra sem er 18,6% af tekjum [3F 2016: EBITDA 41,5m, 17,7% af tekjum].
• EBIT* á þriðja ársfjórðungi 2017 var 37,6 milljónir evra sem er 15,2% af tekjum [3F 2016: EBIT* 33,4m, 14,2% af tekjum].
• Hagnaður á þriðja ársfjórðungi 2017 nam 23,2 milljónum evra [3F 2016: 17,3m]. Hagnaður á hlut var 3,29 evru sent [3F 2016: 2,42 evru sent].
• Handbært fé frá rekstri fyrir fjármagnsliði og skatta nam 71,8 milljónum evra á þriðja ársfjórðungi 2017 [3F 2016: 33,2m]. Skuldahlutfall var x2,0 (nettó skuldir/EBITDA) við lok þriðja ársfjórðungs 2017.
• Pantanabókin stóð í 467,6 milljónum evra við lok þriðja ársfjórðungs 2017 samanborið við 418,9 milljónir evra við lok annars ársfjórðungs 2017 [3F 2016: 305,1m].

Metpantanir voru á þriðja ársfjórðungi 2017, eða sem námu 296 milljónum evra. Markaðsaðstæður eru áfram góðar og samkeppnisstaða Marel er sterk. Pantanabókin stendur vel og nam 468 milljónum evra við lok fjórðungsins. Tekjur fyrir tímabilið námu 247 milljónum evra og rekstrarhagnaður (EBIT*) var 15,2%.

Tekjur fyrstu níu mánaða ársins 2017 námu 743 milljónum evra, samanborið við 733 milljónir evra (pro forma) fyrir sama tímabil 2016. EBIT* fyrstu níu mánaða ársins 2017 nam 111 milljónum evra (15% af tekjum), samanborið við 108 milljónir evra á pro forma grunni fyrir sama tímabil 2016 (14,8% af tekjum).

Kaup Marel á brasilíska félaginu Sulmaq sem framleiðir búnað fyrir frumvinnslu kjöts, gengu formlega í gegn 31. ágúst 2017. Árlegar tekjur Sulmaq nema um það bil 25 milljónum evra. Til skemmri tíma litið munu kaupin ekki hafa efnisleg áhrif á rekstrarniðurstöðu Marel. 

Sjóðstreymi frá rekstri var óvenjulega sterkt á þriðja ársfjórðungi. Skuldahlutfall félagsins heldur áfram að lækka þrátt fyrir kaupin á Sulmaq fyrir kaupverð nálægt 26 milljónum evra og nettó kaup á eigin bréfum fyrir 12 milljónir evra á tímabilinu. Við lok þriðja ársfjórðungs var skuldahlutfallið komið niður í x2,0 nettó skuldir/EBITDA, samanborið við x2,15 við lok annars ársfjórðungs 2017. Marel mun áfram fjárfesta til framtíðar til að vera betur í stakk búið til að styðja við frekari vöxt og virðisaukningu.

Árni Oddur Þórðarson, forstjóri:

„Samkeppnisstaða Marel er sterk og það er góður meðbyr á mörkuðum sem skilaði sér í aukinni sölu og námu pantanir á fjórðungsins 296 milljónum evra. Við erum ánægð með rekstrarniðurstöðu fjórðungsins, en tekjur félagsins námu 247 milljónum evra og EBIT var rúmlega 15%.

Þessi sterka niðurstaða fékkst, þrátt fyrir að rekstrarniðurstaðan í kjöti hafi gefið eftir á þriðja ársfjórðungi samanborið við fyrri fjórðunga. Firnasterk afkoma í kjúklingi á tímabilinu bætir það upp, sem er til vitnis um hvernig viðskiptamódel Marel virkar. Sem leiðandi félag á heimsvísu í þróun hátæknibúnaðar fyrir vinnslu á kjúklingi, kjöti og fiski náum við að jafna sveiflur á milli rekstrareininga og skila góðri heildarniðurstöðu.   

Góð afkoma og sterkt sjóðstreymi gerir okkur kleift að halda áfram að  fjárfesta í nýsköpun og uppbyggingu innviða. Á þriðja ársfjórðungi gengu kaupin á Sulmaq formlega í gegn fyrir 26 milljónir evra og til viðbótar námu nettó kaup á eigin bréfum 12 milljónum evra á tímabilinu. Fjárhagsleg staða Marel er góð og nettó skuldir nema nú tvisvar sinnum EBITDA.

Við munum halda áfram að vinna með nýjum og núverandi viðskiptavinum okkar að því að umbreyta matvælaframleiðslu á heimsvísu“.

Horfur

Gert er ráð fyrir áframhaldandi góðum markaðsaðstæðum í kjúklingi og fiski, en í kjöti má gera ráð fyrir lakari horfum til skemmri tíma litið. Langtímahorfur eru góðar þvert á alla iðnaði. Sterk staða pantanabókar gefur til kynna að tekjur verði hærri á næstu misserum.

Marel stefnir á 12% árlegan meðalvöxt tekna næstu 10 árin.

• Marel gerir ráð fyrir að markaðsvöxtur nemi 4-6% á næstu árum
• Marel ætlar að vaxa hraðar en markaðurinn með sterkri markaðsstöðu og nýsköpun
• Áframhaldandi traustur rekstur og sterkt sjóðstreymi getur stutt við 5-7% ytri meðalvöxt á ári
• Marel gerir ráð fyrir að hagnaður á hlut vaxi hraðar en tekjuvöxtur

Áætlaður vöxtur verður ekki línulegur og veltur á þeim tækifærum sem í boði eru hverju sinni og hagsveiflum. Gera má ráð fyrir því að afkoman verði breytileg milli ársfjórðunga vegna efnahagsþróunar, sveifla í pöntunum og tímasetninga stærri verkefna.

Kauphallardagur Marel í Danmörku

Marel heldur kynningarfund með fjárfestum og markaðsaðilum í sýningarhúsi sínu Progress Point í Kaupmannahöfn þann 2. nóvember 2017.

Kynningarfundur 26. október 2017

Marel boðar til kynningarfundar um afkomu félagsins fimmtudaginn 26. október kl. 8:30 í húsnæði þess að Austurhrauni 9, Garðabæ. Fundinum verður einnig netvarpað: www.marel.com/webcast.

Fjárhagsdagatal Marel

• Kauphallardagur Marel                   2. nóvember 2017
• 4. ársfjórðungur 2017                     7. febrúar 2018
• 1. ársfjórðungur 2018                     2.maí 2018
• 2. ársfjórðungur 2018                     25. júlí 2018
• 3.ársfjórðungur 2018                      31.október 2018
• 4. ársfjórðungur 2018                     6. febrúar 2019

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir: Tinna Molphy, Fjárfestatengill. Símar: 563-8603 og 853-8603

 Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning

í fullri lengd á ensku er aðgengileg á heimasíðu Marel og má þar m.a. finna lykiltölur og yfirlit yfir markaði félagsins; http://marel.com/corporate/investor-relations/publications

Marel hf. mun birta ársreikning sinn fyrir 3. ársfjórðung 2017 eftir lokun markaðar þann 25. Október 2017.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 3. ársfjórðung 2017. Kynningarfundurinn verður haldinn fimmtudaginn 26. október kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

31.8.2017

Kaup eða sala/Buy or Sell:

Sala/Sell

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

916.924

Gengi/Verð pr. Hlut/Price:

343,00 ISK

Fjöldi hluta eftir viðskipti/Primary insider's holdings after the transaction:

32.436.226

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli samnings við stjórnendur Sulmaq Industrial e Comercial S.A. í tengslum við kaup Marel á Sulmaq, sbr. tilkynningu Marel sem birt var 26. júlí 2017. Stjórnendur Sulmaq nota, í tengslum við kaupin, hluta kaupverðsins til fjárfestingar í Marel eða sem nemur um 2,5 milljónum evra. Samkvæmt samkomulagi  kaupa þeir  916.924 hluti í Marel á genginu 343 kr. á hlut eða sem nemur  EUR 2,73 á hlut, og skuldbinda þeir sig til að eiga hlutina að lágmarki í 18 mánuði frá kaupunum, sem endanlega var gengið frá í dag./

Transaction made on the basis of an agreement with the management of Sulmaq Industrial e Comercial SA in relation to Marel‘s acquisition of Sulmaq, as per the Company’s announcement on 26 July 2017. In relation to the closing of the acquisition, Sulmaq management invests approximately EUR 2.5 million of their proceeds in Marel shares with a lock-up period of 18 months from the date of closing which took place today. The number of shares they acquire is 916,924 for the price of 343 ISK per share or equivalent to EUR 2.73 per share.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

17.8.2017

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

2.500.000

Gengi/Verð pr. Hlut/Price:

362,5 ISK

Fjöldi hluta eftir viðskipti/Primary insider's holdings after the transaction:

33.353.150   

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 15 milljónum hluta að nafnvirði, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 26. júlí 2017 / Transaction made on the basis of an authorization from the Board of Directors of Marel hf. to management to purchase own shares for nominal value of 15 million, to be used as payment for potential future acquisitions, as per the company’s announcement on 26 July 2017.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

15.8.2017

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

2.500.000

Gengi/Verð pr. Hlut/Price:

367 ISK

Fjöldi hluta eftir viðskipti/Primary insider's holdings after the transaction:

30.853.150

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 15 milljónum hluta að nafnvirði, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 26. júlí 2017 / Transaction made on the basis of an authorization from the Board of Directors of Marel hf. to management to purchase own shares for nominal value of 15 million, to be used as payment for potential future acquisitions, as per the company’s announcement on 26 July 2017.

Í viðhengi er kynning frá fjárfestafundi sem haldin var 27. júlí 2017

(Allar upphæðir í evrum)

2F 2017 – Sterk pantanastaða og góður rekstur, seinkun í tekjum vegna tímasetninga stærri verkefna
 

• Tekjur á öðrum ársfjórðungi 2017 námu 244,0 milljónum evra [2F 2016: 264,2m].
• EBITDA á öðrum ársfjórðungi 2017 var 44,2 milljónir evra sem er 18,1% af tekjum [2F 2016: EBITDA 48,4m, 18,3% af tekjum].
• EBIT* á öðrum ársfjórðungi 2017 var 35,9 milljónir evra sem er 14,7% af tekjum [2F 2016: EBIT* 39,7m, 15,0% af tekjum].
• Hagnaður á öðrum ársfjórðungi 2017 nam 18,6 milljónum evra [2F 2016: 22,1m]. Hagnaður á hlut var 2,62 evru sent [2F 2016: 3,09 evru sent].
• Handbært fé frá rekstri fyrir fjármagnsliði og skatta nam 61,2 milljónum evra á öðrum ársfjórðungi 2017 [2F 2016: 43,7m]. Skuldahlutfall var x2,15 (nettó skuldir/EBITDA) við lok annars ársfjórðungs 2017.
• Pantanabókin stóð í 418,9 milljónum evra við lok annars ársfjórðungs 2017 samanborið við 390,3 milljónir evra við lok fyrsta ársfjórðungs 2017 [2F 2016: 306,5m].

Markaðsaðstæður eru góðar og samkeppnisstaða Marel er sterk. Pantanir á öðrum ársfjórðungi 2017 námu 273 milljónum evra. Pantanabókin stóð í 419 milljónum evra samanborið við 307 milljónir evra fyrir annan ársfjórðungs 2016. Í byrjun þriðja ársfjórðungs var stærsta pöntun í sögu Marel tryggð með samningi við Costco og Lincoln Premium Poultry í Bandaríkjunum um nýja hátækni kjúklingaverksmiðju. 

Tekjur annars ársfjórðungs 2017 námu 244 milljónum evra og EBIT* var 14,7%. Dreifing á milli vöruflokka ásamt tímasetningu stærri verkefna veldur því að bókfærðar tekjur eru lægri í öðrum ársfjórðungi 2017 en búast má við á næstu misserum. Sjóðstreymi frá rekstri er sterkt og nam 61 milljónum evra á öðrum ársfjórðungi 2017. Skuldahlutfallið er x2,15 EBITDA við lok annars ársfjórðungs 2017. Á stjórnarfundi 26. júlí var heimild veitt til stjórnenda  til að kaupa eigin bréf fyrir allt að 15 milljónum að nafnvirði. Hlutirnir eru ætlaðir sem endurgjald í mögulegum fyrirtækjakaupum.

Tekjur fyrstu sex mánuði ársins 2017 námu 496,5 milljónum evra og eru svipaðar pro forma tekjum fyrstu sex mánaða ársins 2016. Pantanir fyrstu sex mánaða ársins 2017 námu 565,9 milljónum evra samanborið við pro forma 484,9 milljónir evra á fyrstu sex mánuðum ársins 2016. Pantanabókin við lok fyrstu sex mánaða ársins 2017 var 418,9 milljónir evra samanborið við 307 milljónir evra fyrir sama tímabil ársins 2016.

Marel hefur samþykkt að kaupa Sulmaq, brasilískan framleiðanda búnaðar fyrir fyrsta stig kjötvinnslu. Markmiðið er að styrkja stöðu Marel í Suður-Ameríku og tryggja betri aðgang að stækkandi vaxtarmörkuðum fyrir nauta- og svínakjöt. Árlegar tekjur Sulmaq nema um það bil 25 milljónum evra. Búist er við að kaupin gangi formlega í gegn á þriðja ársfjórðungi 2017 að uppfylltum hefðbundnum skilyrðum. Til skemmri tíma litið munu kaupin ekki hafa efnisleg áhrif á rekstrarniðurstöðu Marel. 

Árni Oddur Þórðarson, forstjóri:

„Tekjur annars ársfjórðungs námu 244 milljónum evra með nærri 15% EBIT. Dreifing á milli vöruflokka ásamt tímasetningu stærri verkefna veldur því að bókfærðar tekjur eru lægri í öðrum ársfjórðungi 2017 en búast má við á næstu misserum. Tekjur og rekstrarhagnaður fyrir fyrstu sex mánuði ársins 2017 eru sambærilegar og fyrir sama tímabil á síðasta ári.

Samkeppnisstaða Marel er sterk og markaðsaðstæður eru góðar. Vöxtur pantana fyrstu sex mánuði ársins var 17% á milli ára. Í byrjun þriðja ársfjórðungs tryggði okkar frábæra teymi stærstu pöntun í sögu Marel með samningi við Costco og Lincoln Premium Poultry um hátækni kjúklingaverksmiðju í Bandaríkjunum. Marel, í samstarfi við viðskiptavini sína er að umbreyta matvælaframleiðslu með því að gera viðskiptavinum sínum kleift að framleiða hágæða matvæli á hagkvæman og sjálfbæran hátt.

Við erum einnig að styrkja stöðu okkar í Suður-Ameríku með kaupum á Sulmaq sem hefur verið í fararbroddi í framleiðslu á búnaði fyrir fyrsta stig kjötvinnslu í þessum heimshluta. Undanfarna tvo áratugi hefur Marel notið mikillar velgengi í kjúklinga- og fiskiðnaði í Suður-Ameríku og nú erum við að undirbúa okkur fyrir frekari vöxt á þessu mikilvæga 600 millljóna manna markaðssvæði.“

Marel undirritar kaup á Sulmaq

Marel hefur samþykkt að kaupa Sulmaq, brasilískan framleiðenda búnaðar fyrir fyrsta stig kjötvinnslu. Markmiðið er að styrkja stöðu Marel í Suður-Ameríku og tryggja betri aðgang að stækkandi vaxtarmörkuðum fyrir nauta- og svínakjöt. 

Sulmaq sem var stofnað árið 1971 er leiðtogi í framleiðslu á búnaði fyrir fyrsta stig kjötvinnslu í Suður-Ameríku. Sulmaq er staðsett í Rio Grande do Sul í suðurhluta Brasilíu. Starfsmenn fyrirtækisins eru um það bil 400 talsins. Vöruframboð Sulmaq samanstendur að mestu af svína- og nautgripa sláturlínum og tækjum til skurðar og úrbeiningar auk flutningstækja. Lausnir og tæki frá Sulmaq er að finna vítt og breitt um Suður-Ameríku og hefur fyrirtækið sterk og góð tengsl við viðskiptavini sína í álfunni. Árlegar tekjur Sulmaq nema um það bil 25 milljónum evra.

Síðustu ár hefur Marel, með innri vexti og yfirtökum skilað góðum vexti. Vöxturinn hefur ekki síst náðst með kaupum á þekktum alþjóðlegum fyrirtækjum á borð við MPS, Stork og Scanvaegt. Með fyrirhuguðum kaupum á Sulmaq styrkir Marel stöðu sína sem leiðandi framleiðandi á háþróuðum heildarlausnum til vinnslu á kjúklingi, kjöti og fiski. Marel er með þessu skrefi betur í stakk búið fyrir frekari vöxt á þessu mikilvæga markaðssvæði sem Suður-Ameríka er. Brasilía ein og sér er annar stærsti framleiðandi nautakjöts á heimsvísu og þriðji stærsti framleiðandi kjúklingakjöts.

Búist er við að kaupin gangi formlega í gegn á þriðja ársfjórðungi 2017 að uppfylltum hefðbundnum skilyrðum. Ekki er þörf á samþykki samkeppnisyfirvalda. Stjórnendur Sulmaq: Fernando Roos, Henrique Roos og Julio Roos munu gegna mikilvægu hlutverki í framtíðaruppbyggingu Marel og munu þeir áfram gegna sínum störfum hjá Sulmaq. Þegar formlega verður gengið frá kaupunum hyggjast þeir nota hluta kaupverðsins í að fjárfesta í Marel. Sulmaq verður fyrst um sinn rekið sem sjálfstæð eining með stuðningi Marel á meðan fyrirtækin munu í sameiningu vinna að áætlun um hvernig kraftarnir munu nýtast sem best til að uppfylla þarfir viðskiptavina og markaðarins til framtíðar.

Horfur

Marel stefnir á 12% árlegan meðalvöxt tekna næstu 10 árin.

• Marel gerir ráð fyrir að markaðsvöxtur nemi 4-6% á næstu árum
• Marel ætlar að vaxa hraðar en markaðurinn með sterkri markaðsstöðu og nýsköpun
• Áframhaldandi traustur rekstur og sterkt sjóðstreymi getur stutt við 5-7% ytri meðalvöxt á ári
• Marel gerir ráð fyrir að hagnaður á hlut vaxi hraðar en tekjuvöxtur

Áætlaður vöxtur verður ekki línulegur og veltur á þeim tækifærum sem í boði eru hverju sinni og hagsveiflum. Gera má ráð fyrir því að afkoman verði breytileg milli ársfjórðunga vegna efnahagsþróunar, sveifla í pöntunum og tímasetninga stærri verkefna.

Kauphallardagur Marel í Danmörku

Marel heldur kynningarfund með fjárfestum og markaðsaðilum í sýningarhúsi sínu Progress Point í Kaupmannahöfn þann 2. nóvember 2017. Frekari upplýsingar og skráning verða kynnt á heimasíðu félagsins www.marel.com á komandi vikum.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning

í fullri lengd á ensku er aðgengileg á heimasíðu Marel og má þar m.a. finna lykiltölur og yfirlit yfir markaði félagsins; http://marel.com/corporate/investor-relations/publications
 

Kynningarfundur 27. júlí 2017

Marel boðar til kynningarfundar um afkomu félagsins fimmtudaginn 27. júlí kl. 8:30 í húsnæði þess að Austurhrauni 9, Garðabæ. Fundinum verður einnig netvarpað: www.marel.com/webcast.

Fjárhagsdagatal Marel

• 3. ársfjórðungur 2017                     25. október 2017
• Kauphallardagur Marel                   2. nóvember 2017
• 4. ársfjórðungur 2017                     7. febrúar 2018

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir: Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir 2. ársfjórðung 2017 eftir lokun markaðar þann 26. júlí 2017.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 2. ársfjórðung 2017. Kynningarfundurinn verður haldinn fimmtudaginn 27. júlí kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Marel tilkynnir um skipan Folkerts Bölger í starf yfirmanns alþjóðlegrar framleiðslu- og aðfangastýringar Marel (e. Executive Vice President Global Supply Chain) frá og með 1. júní 2017. Hann tekur sæti í framkvæmdastjórn félagsins og mun heyra beint undir Árna Odd Þórðarson, forstjóra Marel. Folkert tekur við starfinu af Paul van Warmerdam sem nú lýkur störfum hjá Marel.

Folkert Bölger hefur síðan 1. mars 2017 leitt alþjóðlega aðfangastýringu innan félagsins sem yfirmaður aðfangastýringar( e. Chief Procurement Officer). Í nýju hlutverki mun hann bera ábyrgð á framleiðslukerfi og aðfangastýringu félagsins á heimsvísu með það að leiðarljósi að styðja við frekari vöxt og verðmætasköpun félagsins.

Folkert er 51 árs og hefur víðtæka alþjóðlega stjórnunarreynslu af stýringu aðfangakeðja og rekstri. Áður en hann gekk til liðs við Marel var hann yfirmaður rekstrar-og aðfangastýringar hjá Bang & Olufsen í Danmörku  (e. Vice President of Operations and Procurement) Auk þess hefur hann sinnt margvíslegum stjórnunarstörfum hjá Philips og Siemens-VDO í Asíu og Evrópu. Folkert býr ásamt eiginkonu sinni og þremur börnum í nágrenni Eindhoven í Hollandi.

Arni Oddur Thordarson, forstjóri Marel:

“Ég vil þakka Paul van Warmerdam fyrir góð störf í þágu Marel undanfarin ár. Við erum ánægð með að Folkert Bölger hefur samþykkt að taka að sér nýtt og viðameira hlutverk. Ég óska honum velfarnaðar í nýju starfi og býð hann velkomin í framkvæmdastjórn Marel.”

Nafn/Name:

Marel hf.

Dagsetning viðskipta/Date of transaction:

19.05.2017

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

700.000

Gengi/Verð pr. Hlut/Price:

ISK 356

Fjöldi hluta eftir viðskipti/Primary insider's holdings after the transaction:

28.353.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa hluti allt að verðmæti 15 milljóna evra, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 8. febrúar 2017 / Transaction made on the basis of an authorization from the Board of Directors of Marel hf. to management to purchase shares amounting to a market value of 15m EUR, to be used as payment for potential future acquisitions, as per the company’s announcement on 8 February 2017

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

17.5.2017

Kaup eða sala/Buy or Sell:

Kaup/Buy

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

4.000.000

Gengi/Verð pr. Hlut/Price:

359 ISK

Fjöldi hluta eftir viðskipti/Primary insider's holdings after the transaction:

27.653.150

Dagsetning lokauppgjörs / Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa hluti allt að verðmæti 15 milljóna evra, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 8. febrúar 2017 / Transaction made on the basis of an authorization from the Board of Directors of Marel hf. to management to purchase shares amounting to a market value of 15m EUR, to be used as payment for potential future acquisitions, as per the company’s announcement on 8 February 2017.

Sjá viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

16.5.2017

Kaup eða sala/Buy or Sell:

Sala/Sell

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

390.000

Gengi/Verð pr. Hlut/Price:

120,17 ISK / 1,057 EUR

Fjöldi hluta eftir viðskipti/Primary insider's holdings after the transaction:

23.653.150

Dagsetning lokauppgjörs / Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga / Transaction to fulfil obligations of stock option agreements.

Með vísan til afkomutilkynningar Marel fyrir fyrsta ársfjórðung 2017 sem birt var þann 3. maí 2017, varðandi framlengingu og breytingu á fjármögnunarsamningum félagsins, staðfestist hér með að gengið hefur verið frá allri skjalagerð og samningur þessa efnis undirritaður og tekur gildi frá og með deginum í dag, 5. maí 2017.

Þessar breytingar auka sveigjanleika í rekstri og styðja við metnaðarfulla áætlun félagsins um vöxt og virðisaukningu til lengri tíma litið sem kynnt var á aðalfundi félagsins í mars síðastliðnum.

Linda Jónsdóttir Fjármálastjóri Marel:
„Við erum ánægð með að hafa lokið framlengingu fjármögnunar okkar á hagstæðum kjörum sem eykur sveigjanleika og styður við metnaðarfulla áætlun okkar um vöxt og virðisaukningu félagsins. Við erum þakklát fyrir áframhaldandi traust sem viðskiptabankar félagsins sýna okkur og fyrir mjög gott samstarf.“

Fjármögnunin er á hagstæðum kjörum sem endurspegla fjárhagslegan styrk Marel og markaðsaðstæður. Heildarlánsfjárhæðin nemur um 640 milljónum evra á vaxtaálaginu EURIBOR/LIBOR + 185 bps, sem mun taka breytingum í takt við skuldsetningarhlutfall félagsins í lok hvers ársfjórðungs. Lokagjalddagi fjármögnunarinnar er í maí 2022. 

Í viðhengi er kynning frá Fjárfestafundi þar sem niðurstöður 1F 2017 voru kynntar

(Allar upphæðir í evrum)

Fyrsti ársfjórðungur 2016 – Sterk pantanastaða og traustur rekstur

• Tekjur á fyrsta ársfjórðungi 2017 námu 252,5 milljónum evra [1F 2016: 220,6m]. Pro forma tekjur á fyrsta ársfjórðungi 2016 námu 233,9 milljónum evra.
• EBITDA á fyrsta ársfjórðungi 2017 var 46,0 milljónir evra sem er 18,2% af tekjum [1F 2016: EBITDA 38,2m, 17,3% af tekjum]. Pro forma EBITDA á fyrsta ársfjórðungi 2016 nam 42,5 milljónum evra eða 18,2% af tekjum.
• EBIT* á fyrsta ársfjórðungi 2017 var 37,7 milljónir evra sem er 14,9% af tekjum [1F 2016: EBIT* 31,1m, 14,1% af tekjum]. Pro forma EBIT* á fyrsta ársfjórðungi 2016 nam 35,2 milljónum evra eða 15,1% af tekjum.
• Hagnaður fyrsta ársfjórðungs 2017 nam 21,3 milljónum evra [1F 2016: 13,8m]. Hagnaður á hlut var 2,99 evru sent [1F 2016: 1,93 evru sent].
• Handbært fé frá rekstri fyrir fjármagnsliði og skatta nam 37,9 milljónum evra á fyrsta ársfjórðungi 2017 [1F 2016: 27,9m]. Skuldahlutfall (nettó skuldir/EBITDA) í lok fyrsta ársfjórðungs 2017 var x2,19.
• Pantanabókin stóð í 390,3 milljónum evra við lok fyrsta ársfjórðungs 2017 samanborið við 349,5 milljónir evra í lok fjórða ársfjórðungs 2016 [1F 2016: 339,9m].

Árið byrjar vel hjá Marel. Nýjar pantanir á fyrsta ársfjórðungi 2017 námu 293 milljónum evra sem dreifast vel á milli kjúklinga-, kjöt- og fiskiðnaða auk þess að vera vel dreifðar á milli vöruflokka og heimsálfa. Pantanabókin stendur í 390 milljónum evra og hefur aldrei verið stærri. Til samanburðar var pantanabókin 340 milljónir evra á sama tíma fyrir ári síðan. Tekjur námu 252 milljónum evra og EBIT* var 14.9%.

Fjárhagsstaða félagsins er traust og sjóðsstreymi sterkt. Á fyrsta ársfjórðungi 2017 samþykkti aðalfundur Marel að greiða hluthöfum arð og að kaupa eigin bréf fyrir samtals 22,1 milljónir evra. Skuldahlutfallið er x2,19 EBITDA við lok fyrsta ársfjórðungs 2017 sem er í samræmi við stefnu félagsins um fjárhagsskipan.

Marel hefur tryggt framlengingu á fjármögnun félagsins á hagstæðum kjörum sem endurspegla fjárhagslegan styrk Marel og markaðsaðstæður. Fjármögnunin nemur um 640 milljónum evra á vaxtaálaginu EURIBOR/LIBOR + 185 bps, sem mun breytast með skuldsetningarhlutfalli félagsins við lok hvers ársfjórðungs. Lokagjalddagi fjármögnunarinnar er í maí 2022. Þessar breytingar auka sveigjanleika í rekstri og styðja við metnaðarfulla áætlun félagsins um vöxt og virðisaukningu til lengri tíma litið sem kynnt var á aðalfundi félagsins í mars síðastliðnum.

Árni Oddur Þórðarson, forstjóri:

„Árið 2017 byrjar vel fyrir Marel og við sjáum vöxt í tekjum, rekstrarhagnaði og pantanastöðu. Innri vöxtur tekna frá fyrra ári nemur nærri 8% og rekstrarafkoma er traust með um 15% EBIT*.

Marel er nú að uppskera afrakstur stöðugrar fjárfestingar okkar í nýsköpun og styrkingu okkar á vöruframboði heildarlausna. Pantanastaða er sterk og jafnvægi er á milli kjúklinga- kjöt- og fiskiðnaða um heim allan.

Fjárhagsstaða félagsins og sjóðsstreymi eru sterk. Við tilkynnum nú um framlengingu fjármögnunar okkar á hagstæðum kjörum sem gefur okkur aukin sveigjanleika til að styðja við metnaðarfulla áætlun okkar um vöxt og virðisaukningu.

Ég vil þakka viðskiptavinum okkar og starfsfólki fyrir frábært starf, í sameiningu erum við að umbreyta matvælaframleiðslu á heimsvísu.
 

Horfur

Marel stefnir á 12% árlegan meðalvöxt tekna næstu 10 árin.

• Marel gerir ráð fyrir að markaðsvöxtur nemi 4-6% á næstu árum
• Marel ætlar að vaxa hraðar en markaðurinn með sterkri markaðsstöðu og nýsköpun
• Áframhaldandi traustur rekstur og sterkt sjóðstreymi getur stutt við 5-7% ytri meðalvöxt  á ári
• Marel gerir ráð fyrir að hagnaður á hlut vaxi hraðar en tekjuvöxtur

Áætlaður vöxtur verður ekki línulegur og veltur á þeim tækifærum sem í boði eru hverju sinni og hagsveiflum. Gera má ráð fyrir því að afkoman verði breytileg milli ársfjórðunga vegna efnahagsþróunar, sveifla í pöntunum og tímasetningu stærri verkefna.

Kauphallardagur Marel í Danmörku

Marel heldur kynningarfund með fjárfestum og markaðsaðilum í sýningarhúsi sínu Progress Point í Kaupmannahöfn þann 2. nóvember 2017. Frekari upplýsingar og skráning verða kynnt á heimasíðu félagsins www.marel.com á komandi vikum.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning

 í fullri lengd á ensku er aðgengileg á heimasíðu Marel og má þar m.a. finna lykiltölur og yfirlit yfir markaði félagsins; http://marel.com/corporate/investor-relations/publications

Kynningarfundur 4. maí 2017

Marel boðar til kynningarfundar um afkomu félagsins fimmtudaginn 4. maí kl. 8:30 í húsnæði þess að Austurhrauni 9, Garðabæ. Fundinum verður einnig netvarpað: www.marel.com/webcast.

Fjárhagsdagatal Marel

• 2. ársfjórðungur 2017                      26. júlí 2017
• 3. ársfjórðungur 2017                      25. október 2017
• Kauphallardagur Marel                    2. nóvember 2017
• 4. ársfjórðungur 2017                      7. febrúar 2018

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir: Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Athygli fjárfesta er vakin á eftirfarandi:
Sumar staðhæfingar í þessari fréttatilkynningu kunna að vera byggðar á mati og áætlunum stjórnenda félagsins en ekki á staðreyndum sem hægt er að sannreyna við birtingu hennar. Í eðli sínu fela slíkar staðhæfingar því í sér óvissu. Við vekjum þess vegna athygli fjárfesta á því að margir þættir geta haft þau áhrif að rekstrarumhverfi og afkoma verði með öðrum hætti en forsendur gera ráð fyrir í þessari tilkynningu. Tilkynningin verður ekki endurskoðuð eftir birtingu hvað þetta varðar.
 
Sé misræmi á milli uppgjörstilkynninga félagsins á íslensku annars vegar og ensku hins vegar, skal enska útgáfan gilda þar sem tilkynningar eru þýddar af ensku yfir á íslensku.

Marel hf. mun birta árshlutareikning sinn fyrir 1. ársfjórðung 2017 eftir lokun markaðar þann 3. maí 2017.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 1. ársfjórðung 2017. Kynningarfundurinn verður haldinn fimmtudaginn 4. maí kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

07.03.2017

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

2.500.000

Gengi/Verð pr. Hlut/Price:

314,50 ISK

Fjöldi hluta eftir viðskipti/Primary insider's holdings after the transaction:

24.043.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Stjórn Marel hf. ákvað þann 5. mars 2017 að veita framkvæmdastjórn félagsins kauprétti að allt að 3,2 milljónum hluta í félaginu.

Kaupréttarsamningunum er ætlað að samtvinna hagsmuni starfsmanna og félagsins til lengri tíma. Meginefni nýja kaupréttarkerfisins var samþykkt á aðalfundi Marel sem haldinn var 2. mars 2017, í samræmi við starfskjarastefnu félagsins sem samþykkt var á sama fundi. Sex meðlimir framkvæmdastjórnar Marel fá sama magn kauprétta eða 200 þúsund hluti, þá fá yfirmenn alifugla- og kjötiðnaða 300 þúsund hluti, fjármálastjóri og yfirmaður stefnumótunar og þróunar fá 400 þúsund hluti og forstjóri fær 600 þúsund hluti.

Meginefni kaupréttarsamninganna er eftirfarandi:

• Veittur er kaupréttur á hlutabréfum á grunnverðinu EUR 2,779 á hlut [1]. Verðið skal leiðrétt fyrir arðgreiðslum sem kunna að verða ákveðnar frá útgáfudegi kaupréttanna.
• Ávinnslutími (e. vesting time) er þrjú ár frá úthlutun. Heimilt verður að nýta áunna kauprétti tvisvar á ári, í apríl og október eftir birtingu ársfjórðungsuppgjöra. Fyrsta nýtingartímabil mun hefjast þegar eftir birtingu fyrsta ársfjórðungsuppgjörs ársins 2020. Kaupréttarhafar geta frestað nýtingu á kaupréttum sínum til ársins 2021, þegar samningarnir renna út og falla þá ónýttir kaupréttir niður á sama tíma.
• Kaupréttarhafar þurfa að kaupa hlutabréf í Marel fyrir því sem nemur fjárhæð hreins hagnaðar af kaupréttunum þegar skattar hafa verið dregnir frá, og halda þeim bréfum til starfsloka hjá Marel.

Heildarfjöldi útistandandi kauprétta sem Marel hf. hefur veitt starfsmönnum sínum nemur nú alls 11,8 milljónum evra, sem nemur um 1,6% hlutafjár í félaginu, og er þá meðtalin þessi nýja úthlutun kauprétta. Heildarkostnaður félagsins vegna nýju samninganna á næstu þremur árum er áætlaður um 1,7 milljónir evra og er þá byggt á reiknilíkani Black-Scholes.

Nánari upplýsingar um kauprétti sem veittir eru framkvæmdastjórn Marel:

 [1] Kaupréttargengið er ákvarðað út frá lokagengi hlutabréfa Marel hf. á NASDAQ OMX Iceland hf. þann 3. mars 2017, þ.e. ISK 314,00 á hlut, umreiknað með miðgengi Seðlabanka Íslands sama dag: EUR/ISK: 113,00

Aðalfundur Marel var haldinn í höfuðstöðvum félagsins í Garðabæ 2. mars 2017. Allar tillögur sem lágu fyrir fundinum voru samþykktar.

Ávarp stjórnarformanns

Ásthildur Margrét Otharsdóttir, stjórnarformaður Marel hóf fundinn á því að ávarpa salinn. “ 2016 var gott ár fyrir Marel. Ár stefnumarkandi vaxtar og frekari styrkingar á undirstöðum í rekstri Marel. Á tímum sviptinga á alþjóðamörkuðum reyndust hvatar þeirra markaða sem Marel stólar á traustir. Sú gríðarlega áskorun sem fylgir því að fæða jarðarbúa framtíðarinnar mun halda áfram að veita Marel verðugar áskoranir  með áframhaldandi áherslu á sjálfbæra virðisaukningu.”

Stjórnarformaðurinn talaði fyrir þeirri tillögu stjórnar að greiða arð fyrir árið 2016 sem nemur 20% af  hagnaði ársins. “Stjórn Marel er ánægð með að leggja til heildararðgreiðslu til hluthafa sem nemur 15,3 milljónum evra. Þetta er til samræmis við arðgreiðslustefnu félagsins,“ sagði hún. Að auki hefur stjórn Marel veitt stjórnendum félagsins heimild til að kaupa eigin bréf fyrir allt að 15 milljónir evra á árinu 2017  sem nýta má til greiðslu í hugsanlegum yfirtökum í framtíðinni.

Ásthildur minntist á þær áskoranir sem standa frammi fyrir Marel, neytendum og fyrirtækjum heimsins í dag. “Mikilvægar framfarir áttu sér stað á árinu varðandi frekari þróun og framkvæmd á formlegri nálgun á samfélagslegri ábyrgð fyrirtækisins. Leiðbeinandi viðmið fyrirtækisins varðandi samfélagsábyrgð var kynnt fyrir öllum starfsmönnum Marel, ásamt því að Marel gerðist þátttakandi í Global Compact sáttmála Sameinuðu Þjóðanna.” sagði Ásthildur.

Ávarp forstjóra

“2016 var frábært ár fyrir Marel. Marel er í hringiðu þeirra vinda sem blása og móta efnahagslega framvindu í heiminum. Sýn okkar og stefna er skýr og við erum í góðri stöðu til að umbreyta matvælavinnslu á heimsvísu,” sagði Árni Oddur Þórðarson forstjóri Marel í erindi sínu á aðalfundi Marel.

Árni Oddur gerði vaxtarsögu Marel að umtalsefni sínu. Sögu sem einkennist af stefnumarkandi yfirtökum og innri vexti. Hann fór með gesti aðalfundarins  í ferðalag aftur til ársins 2005 þegar tekjur Marel námu 129 milljónum evra, EBIT var 10 milljónir evra og áhersla félagsins var að mestu á fiskiðnaðinn. Árið 2006 var vaxtarstefna Marel lögð fram á aðalfundi og kvað á um að Marel yrði leiðandi á heimsvísu í að þróa, selja og þjónusta heildarlausnir til viðskiptavina í kjöti, kjúklingi og fiski.

Árni Oddur fór í gegnum yfirtökur síðustu ára og endaði á yfirtökunni á MPS Meat processing systems sem lokið var í janúar 2016. „Marel keypti MPS án þess að fara í hlutafjárútgáfu og hélt sér innan þeirrar fjárhagsskipunar sem stefnt er að. Skuldahlutfallið var x2,9 þegar yfirtökunni var lokið en góð rekstrarniðurstaða og sterkt sjóðstreymi frá rekstri hefur skilað því niður í x2,25,“ sagði Árni.  Frá árinu 2005 hefur Marel vaxið að meðaltali 20% á ári, 1/3 hluti þessa vaxtar hefur verið innri vöxtur og 2/3 ytri vöxtur. Þetta hefur skilað Marel þangað sem félagið er í dag; Leiðtogi á heimsvísu í þróun, framleiðslu og þjónustu  á heildarlausnum  til vinnslu á fiski, kjöti og kjúklingi með  tekjur nálægt einum milljarði evra og EBIT sem nemur 143 milljónum.

Árni Oddur fór því næst yfir helstu atriði í rekstri síðasta árs.

„Pro forma tekjur ársins 2016 námu 983 milljónum evra samanborið við 819 milljónir árið 2015. Rekstrarhagnaður (EBIT) hefur aukist jafnt og þétt á milli ára og var 143,5 milljónir evra eða 14.6% af tekjum árið 2016.  Hagnaður á hlut jókst um 34% á milli ára,“ sagði Árni.  

Fyrir árið í heild var pantanastaða fyrir staðlaða vöru og varahluti sterk í öllum iðnuðum og á fjórða ársfjórðungi tók pantanastaða stærri verkefna (e. greenfields) við sér eftir laka byrjun á árinu.  Þetta skilaði sér í sterkri pantanabók í árslok 2016. Stóru verkefnin sem komu inn undir lok ársins fara nú í þróunarferli og byrja að skila inn tekjum á öðrum ársfjórðungi 2017.

Árni talaði um tekjumódel Marel sem er samansett af þremur tekjustraumum. Stærri verkefni, stöðluð vara og þjónustutekjur. Þjónustutekjur Marel voru á síðasta ári 36% af tekjum samanborið við 7% árið 2005. „Stærri verkefnin eru uppspretta framtíðartekna þar sem þau skapa þörf fyrir viðbætur og þjónustu til lengri tíma litið,“ sagði Árni.

Að lokum kynnti Árni framtíðarstefnu og -horfur Marel.  Marel stefnir á 12% árlegan meðalvöxt  næstu 10 árin. Marel gerir ráð fyrir að markaðsvöxtur nemi 4-6% á næstu árum. Með sterkri markaðsstöðu og nýsköpun ætlar Marel að vaxa hraðar en  markaðurinn með innri vexti. Sterk fjárhagsstaða og reynslumikið teymi gerir Marel vel í stakk búið til að ná fram frekari vexti með stefnumarkandi yfirtökum. Með því að viðhalda góðri rekstrarniðurstöðu og sterku sjóðstreymi frá rekstri er hægt að ná fram 5-7%  ytri meðalvexti á ári. Vert er að taka fram að hvorki innri né ytri vöxtur verður línulegur heldur mun vöxturinn velta á þeim tækifærum sem í boði eru hverju sinni, hagsveiflum og almennri efnahagsþróun.  

Ársreikningur samþykktur

Fundurinn samþykkti ársreikning og skýrslu stjórnar og forstjóra fyrir árið 2016. Allar tillögur sem lágu fyrir fundinum voru samþykktar.

Stjórn Marel endurkjörin

Stjórn Marel var endurkjörin og hana skipa: Ástvaldur Jóhannsson, Ólafur Guðmundsson , Arnar Þór Másson, Ásthildur Margrét Otharsdottir, Ann Elizabeth Savage, Helgi Magnússon og Margrét Jónsdottir.

Ný stjórn Marel hefur komið saman og skipt með sér verkum. Ásthildur Margrét Otharsdóttir verður áfram stjórnarformaður og Arnar Þór Másson er varaformaður stjórnarinnar

Frekari upplýsingar

Frekari upplýsingar um aðalfundinn og niðurstöður hans eru aðgengilegar á Marel.com og á upplýsingasíðu aðalfundar 2017 http://www.marel.com/agm. Myndbandsupptaka af fundinum verður aðgengileg fljótlega á upplýsingasíðu aðalfundar.

SAMÞYKKTIR AÐALFUNDAR MAREL HF.

Á aðalfundi Marel hf. sem haldinn var í höfuðstöðvum félagsins þann 2. mars 2017 voru allar tillögur samþykktar.

Eftirfarandi eru niðurstöður fundarins:

1. Ársreikningur og skýrsla stjórnar og forstjóra voru samþykkt

2. Tillaga um hvernig fara skuli með hagnað vegna reikningsársins 2016 var samþykkt

Samþykkt var að hluthafar fái greidd 2,14 evru sent í arð á hlut fyrir rekstrarárið 2016. Nemur fyrirhuguð heildararðgreiðsla um 15,3 milljónum evra, sem samsvarar um 20% af hagnaði ársins. Hlutabréf sem skipta um hendur frá og með 3. mars 2017 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 6. mars 2017 sem verður arðsréttindadagur (e. record date). Arður verður greiddur út hinn 23. mars 2017 (e. payment date).

3. Tillaga um starfskjarastefnu félagsins var samþykkt

Starfskjarastefnan er eftirfarandi:

Starfskjarastefnu Marel hf. og dótturfélaga þess („fyrirtækið“) er ætlað að laða að, hvetja og halda í framúrskarandi starfsfólk á alþjóðlegum samkeppnismarkaði. Stefnan endurspeglar markmið fyrirtækisins um góða stjórnarhætti sem og viðvarandi verðmætasköpun til langs tíma fyrir hluthafa.

Starfskjarastefnan gildir fyrir æðstu stjórnendur fyrirtækisins, þar á meðal framkvæmda­stjórn (e. Executive Team) og stjórn.

Starfskjör stjórnenda – framkvæmdastjórn

Starfskjaranefnd fyrirtækisins gerir tillögu til stjórnar félagsins um starfskjör stjórnenda. Þau eru endurmetin árlega með tilliti til frammistöðu og í samanburði við þau alþjóðlegu fyrirtæki sem eru sambærileg við Marel að stærð og umfangi. Upplýsingar til viðmiðunar eru fengnar frá alþjóðlega viðurkenndum ráðgjafarfyrirtækjum sem safna gögnum og veita ráðgjöf um þóknanir og launagreiðslur. 

Heildarstarfskjör stjórnenda skulu taka til eftirfarandi þátta:

• Fastra grunnlauna sem miða að því að laða að og halda í stjórnendur með faglega þekkingu og persónulega eiginleika sem nauðsynlegir eru til að stuðla að góðum árangri fyrirtækisins.
• Hvatagreiðslna sem byggjast á því að ná fyrirfram skilgreindum fjárhagslegum og ófjárhagslegum markmiðum sem stjórn félagsins hefur samþykkt. Skammtímahvatagreiðslur fyrir forstjóra félagsins nema 50% af árlegum grunnlaunum verði settum markmiðum náð og geta hæst numið 70% af árlegum grunnlaunum. Skammtímahvatagreiðslur fyrir aðra meðlimi framkvæmdastjórnar geta náð allt að 45% af árlegum grunnlaunum verði settum markmiðum náð og geta ekki farið yfir 60% af árlegum grunnlaunum. Skammtímahvatagreiðslur eru endurkræfar ef þær hafa byggst á upplýsingum sem reyndust vera rangar eða villandi.
• Langtímahvata í formi kauprétta. Marel hefur innleitt kaupréttarkerfi sem hefur það að markmiði að tengja hagsmuni fram­kvæmdastjórnar og valinna starfsmanna í lykilstöðum við langtímamarkmið félagsins og hluthafa þess. Aðalatriði kaupréttarkerfisins og samninga um kauprétti skulu lögð fyrir hluthafafund til samþykkis.
• Lífeyrisgreiðslna sem gerðar eru í samræmi við gildandi lög og ráðningarsamninga.
• Starfslokagreiðslna í samræmi við uppsagnarákvæði í ráðningarsamningum. Starfsloka­greiðslur skulu vera í samræmi við gildandi lagaramma á hverjum stað.

Stjórn

Stjórnarmönnum skal greiða fasta mánaðarlega þóknun í samræmi við ákvörðun árlegs aðal­fundar félagsins. Stjórnin skal gera tillögu um þóknunina fyrir komandi starfsár og skal í þeim efnum taka mið af þeim tíma sem stjórnarmenn verja til starfans, þeirri ábyrgð sem á þeim hvílir, afkomu félagsins og viðmiðunarupplýsingum um þóknanir sem evrópsk fyrir­tæki, sam­bærileg að stærð og umfangi og Marel, greiða.

Stjórnarmönnum eru ekki boðnir kaupréttir eða þátttaka í hvatakerfum. 

Stjórnarmönnum er heimilt að taka að sér tímabundin verkefni utan reglubundinna skyldu­verka sem stjórnin felur þeim. Í slíkum tilvikum kann stjórnin að ákvarða fasta greiðslu fyrir þá vinnu sem þessi verkefni útheimta og skal upplýsa um slíkar greiðslur í ársreikningi félagsins.

Upplýsingagjöf

Upplýsingar um heildarstarfskjör stjórnarmeðlima, framkvæmdastjórnar og æðstu stjórn­enda sem ábyrgir eru fyrir meira en 10% af eignum eða afkomu félagsins skal skrá í ársreikning félagsins, þar með talið ógreiddar þóknanir og óvenjulega samninga á liðnu fjárhagsári. 

Samþykkt starfskjarastefnu

Starfskjarastefnan nær til allra framtíðarsamninga við meðlimi framkvæmdastjórnar og stjórnar félagsins.

Starfskjarastefnan er bindandi fyrir stjórn félagsins hvað varðar ákvæði um kauprétti. Að öðru leyti er starfskjarastefnan leiðbeinandi fyrir stjórn félagsins. Öll frávik frá stefnunni skal skrá og færa inn í fundargerðir stjórnarinnar.

Stjórn Marel hf. hefur samþykkt starfskjarastefnuna í samræmi við grein 79a í lögum nr. 2/1995 um hlutafélög þar sem tekið er tillit til reglna fyrir útgefendur fjármálagjörninga og íslenskra leiðbeininga um góða stjórnarhætti sem NASDAQ Iceland hefur birt. Starfskjarastefnan er endurskoðuð árlega og skal hún samþykkt á aðalfundi félagsins, með eða án viðbóta. 

Starfskjarastefnu félagsins skal birta á heimasíðu þess.

4. Tillaga um kaupréttarkerfi Marel var samþykkt

Tillagan er eftirfarandi:

Gerð kaupréttarkerfis: Kaupréttir á hlutabréfum.

Þátttakendur: Forstjóri og tilteknir starfsmenn í lykilstöðum.

Heildarfjöldi kauprétta: Heimilt er að úthluta allt að 13,5 milljónum hluta samkvæmt kaupréttarsamningum sem verða í gildi á hverjum tíma samkvæmt kerfinu. Komi til þess að kaupréttir falli úr gildi fyrir ávinnsludag þeirra er heimilt að gefa út nýja kauprétti í stað hinna fyrri.

Úthlutunartími (e. Granting time): Kaupréttunum skal úthlutað reglulega. Árið 2017 skal úthlutað að hámarki 5 milljónum hluta í kauprétti sem verða í gildi samkvæmt kaupréttakerfinu 2017.

Ávinnslutími (e. Vesting time): Þrjú (3) ár frá úthlutun.

Innlausnartímabil (e. Exercise period): Þegar í stað eftir ávinnslutíma og/eða innan árs þaðan í frá (innan sérstakra innlausnartímabila).

Innlausnarverð (e. Exercise price): Er jafngildi dagslokagengis hlutabréfa í Marel á Nasdaq Iceland í evrum á úthlutunardegi (byggt á miðgengi Seðlabanka Íslands). Innlausnarverðið skal leiðrétt fyrir framtíðar arðgreiðslum (evrusent fyrir evrusent).

Önnur lykilatriði og skilmálar:

• Kaupréttarhafar verða að halda eftir hlutum sem nema fjárhæð hreins hagnaðar af kaupréttunum, þegar skattar hafa verið dregnir frá, þar til ráðningartíma þeirra hjá félaginu lýkur.
• Almennt séð falla kaupréttir niður fyrir ávinnslutíma ef ráðningarsambandi kaupréttarhafa við félagið er slitið. Félaginu er heimilt að fella niður þetta skilyrði, meðal annars ef kaupréttarhafi örkumlast eða deyr.
• Komi til þess að breyting verði á yfirráðum í félaginu, eins og fjallað er um í 100. gr. laga nr. 108/2007 um verðbréfaviðskipti, ávinnast allir útistandandi kaupréttir þegar í stað (flýting ávinnslutíma) í hlutfalli við viðeigandi ávinnslutímabil (frá úthlutunardegi fram að flýtingu ávinnslutíma).
• Félaginu er óheimilt að veita lán eða ábyrgðir af nokkru tagi í tengslum við kaupréttarkerfið.

5. Tillaga um stjórnarlaun vegna ársins 2017 og greiðslu til endurskoðanda fyrir liðið starfsár var samþykkt

Samþykkt var að stjórnarlaun vegna ársins 2017 verði sem hér segir: Stjórnarlaun verða 3.000 evrur á mánuði. Stjórnarformaður fær þreföld stjórnarlaun á mánuði og formaður endurskoðunarnefndar fær tvöföld stjórnarlaun á mánuði. Stjórnarmenn sem eiga sæti í undirnefndum stjórnar fá auk þess greidd laun að fjárhæð 800 evrur á mánuði fyrir slík störf. Stjórnarlaun skulu greidd 15. dag hvers mánaðar. Samþykkt var að greiðslur til endurskoðenda fyrir liðið starfsár skuli vera samkvæmt reikningum þeirra.

6. Kosning stjórnar

Fundurinn samþykkti tillögu stjórnar um að kosnir yrðu 7 stjórnarmenn í stjórn félagsins til næsta aðalfundar.

Eftirfarandi sjö einstaklingar voru kosnir í stjórn félagsins til næsta aðalfundar:

Ann Elizabeth Savage, Spalding, Englandi

Arnar Þór Másson, London, Englandi

Ásthildur Margrét Otharsdóttir, Reykjavík

Ástvaldur Jóhannsson, Seltjarnarnesi

Helgi Magnússon, Seltjarnarnesi

Margrét Jónsdóttir, Seltjarnarnesi

Ólafur Guðmundsson, Princeton, Bandaríkjunum

7. Kosning endurskoðanda

Samþykkt var að endurskoðunarskrifstofan KPMG ehf. yrði endurskoðandi félagsins.

8. Tillaga um heimild til kaupa á eigin hlutafé félagsins var samþykkt

Samþykkt var heimild til handa félaginu til að kaupa allt að 10% af eigin hlutafé. Skilyrði skv. 55. gr. hlutafélagalaga nr. 2/1995 skulu höfð til hliðsjónar við kaup á eigin hlutum á grundvelli heimildar þessarar.

Heimild þessi gildir næstu 18 mánuði frá samþykki. Eldri heimildir þessa efnis falla jafnframt niður.

Eftirtaldir sjö aðilar gefa kost á sér til setu í stjórn Marel hf. á aðalfundi félagsins, sem haldinn verður fimmtudaginn 2. mars næstkomandi kl. 16:00, í höfuðstöðvum félagsins að Austurhrauni 9, Garðabæ:

Ann Elizabeth Savage, Spalding, Englandi
Arnar Þór Másson, London, Englandi
Ásthildur Margrét Otharsdóttir, Reykjavík
Ástvaldur Jóhannsson, Seltjarnarnesi
Helgi Magnússon, Seltjarnarnesi
Margrét Jónsdóttir, Seltjarnarnesi
Ólafur Steinn Guðmundsson, Princeton, New Jersey, Bandaríkjunum

Frekari upplýsingar um framangreinda aðila munu verða aðgengilegar á upplýsingasíðu aðalfundar 2017á heimasíðu félagsins: http://www.marel.com/agm, eigi síðar en 2 dögum fyrir fundinn.

Framboðsfrestur er nú runninn út. Samþykktir félagsins kveða á um að fjöldi stjórnarmanna skuli vera 5-7.Verða framangreindir sjö aðilar þar af leiðandi sjálfkjörnir í stjórn félagsins á komandi aðalfundi án sérstakrar atkvæðagreiðslu.

Meðfylgjandi er endanleg dagskrá aðalfundar Marel sem haldinn verður fimmtudaginn 2. mars nk. kl. 16:00. Jafnframt eru meðfylgjandi tillögur stjórnar sem lagðar verða fyrir fundinn.

Frestur til að skila inn tillögum er liðinn, sbr. grein 4.20 í samþykktum félagsins.

Frekari upplýsingar er að finna á heimasíðu félagsins:

http://marel.com/corporate/investor-relations/events?source=agm-shortcut

Ársskýrsla Marel hf. fyrir árið 2016  hefur verið gefin út. Skýrslan er eingöngu gefin út í vefútgáfu þar sem m.a. er boðið upp á margmiðlunarefni og gagnvirkar töflur og gröf. Vefskýrsluna má nálgast hér og á heimasíðu félagsins marel.com

Sjá viðhengi.

Í viðhengi er kynning frá fjárfestafundi Marel 9.febrúar 2017

Aðalfundur Marel hf. 2017

Aðalfundur Marel hf. verður haldinn í höfuðstöðvum félagsins að Austurhrauni 9, 210 Garðabæ, fimmtudaginn 2. mars nk., kl. 16:00.

Dagskrá:

• Venjuleg aðalfundarstörf samkvæmt grein 4.13 í samþykktum félagsins.
• Skýrsla um framkvæmd starfskjarastefnu.
• Tillaga um kaupréttarkerfi.
• Tillaga um að heimila félaginu að kaupa eigin hlutabréf.
• Önnur mál, löglega borin fram.

Fundarstörf munu fara fram á ensku.

Sérstaklega er bent á að þeir sem hyggjast gefa kost á sér til setu í stjórn skulu tilkynna það skriflega til stjórnar félagsins að minnsta kosti fimm sólarhringum fyrir upphaf aðalfundar, þ.e. fyrir kl. 16:00 laugardaginn 25. febrúar.

Til þess að tillögur frá hluthöfum sem leggja á fyrir á fundinum verði teknar þar til umræðu verður að skila þeim til stjórnar félagsins eigi síðar en tíu dögum fyrir fundinn, þ.e. fyrir kl. 16:00 mánudaginn 20. febrúar.

Á aðalfundarvef félagsins (www.marel.com/agm) er að finna allar frekari upplýsingar í tengslum við aðal­fundinn, þ.m.t. frekari upplýsingar um rétt hluthafa til að fá mál sett á dagskrá hluthafafundar og leggja fram ályktunartillögur fyrir fundinn, drög að dagskrá fundarins, tillögur stjórnar félagsins, ársreikning félagsins fyrir árið 2016, upplýsingar um heildarfjölda hluta og atkvæðafjölda í félaginu m.v. 8. febrúar 2017, umboðsform auk upplýsinga um skjöl sem lögð verða fyrir fundinn.

Endanleg dagskrá fundarins og tillögur verða gerðar aðgengilegar hluthöfum sjö dögum fyrir fundinn á framangreindum aðalfundarvef félagsins sem og á skrifstofu félagsins að Austurhrauni 9, 210 Garðabæ.

Umboðsmenn hluthafa skulu framvísa skriflegum umboðum við inngang. Atkvæðaseðlar og önnur gögn verða aðgengileg á fundarstað frá kl. 15:30.

Stjórn Marel hf.

(Allar upphæðir í evrum)

Fjórði ársfjórðungur 2016 – Metfjórðungur í nýjum verkefnum um heim allan

• ? Tekjur á fjórða ársfjórðungi 2016 námu 250 milljónum evra [4F 2015: 201,9m]. Pro forma tekjur á fjórða ársfjórðungi 2015 námu 248,8 milljónum evra.
• ? EBITDA á fjórða ársfjórðungi 2016 var 47,3 milljónir evra sem er 18,9% af tekjum [4F 2015: Leiðrétt EBITDA** 30,0m, 14,9% af tekjum]. Pro forma leiðrétt EBITDA** á fjórða ársfjórðungi 2015 nam 37,9 milljónum evra eða 15,2% af tekjum.
• ? EBIT* á fjórða ársfjórðungi 2016 var 35,1 milljónir evra, sem er 14,0% af tekjum [4F 2015: Leiðréttur rekstrarhagnaður EBIT** 22,2m, 11,0% af tekjum]. Pro forma leiðrétt EBIT** á fjórða ársfjórðungi 2015 nam 34,9 milljónum evra eða 14,0% af tekjum.
• ? Hagnaður fjórða ársfjórðungs 2016 nam 22,6 milljónum evra [4F 2015: 9,9m]. Hagnaður á hlut var 3,15 evru sent [4F 2015: 1,40 evru sent].
• ? Handbært fé frá rekstri fyrir fjármagnsliði og skatta nam 74,3 milljónum evra á fjórða ársfjórðungi 2016 [4F 2015: 26,9m]. Skuldahlutfall (nettó skuldir/EBITDA) í lok fjórða ársfjórðungs 2016 er x2,25.
• ? Pantanabókin stóð í 349,5 milljónum evra við lok fjórða ársfjórðungs 2016 samanborið við 305,1 milljónir evra í lok þriðja ársfjórðungs 2016 [4F 2015: 180,1m]. Pro forma pantanabók við lok fjórða ársfjórðungs 2015 var 319,8 milljónir evra.

Árið 2016 – Góð rekstrarniðurstaða með 14,6% EBIT*
 

• ? Pro forma tekjur ársins 2016 námu 983,0 milljónum evra [Pro forma tekjur 2015: 975,8m]. Tekjur ársins 2016 námu 969,7 milljónum evra en 818,6 milljónum evra árið 2015.
• ? Pro forma EBITDA var 179,7 milljónir evra sem er 18,3% af tekjum [Pro forma 2015 leiðrétt EBIT-DA**: 175,7m, eða 18,0% af tekjum]. EBITDA fyrir árið 2016 var 175,4 milljónir evra (18.1% af tekjum) borið saman við leiðrétt EBITDA** 2015 sem nam 135,8 milljónum evra eða 16,6% af tekjum.
• ? Pro forma EBIT* 2016 var 143,5 milljónir evra sem er 14,6% af tekjum [Pro forma 2015 leiðréttur rekstrarhagnaður EBIT** 133,7m eða 13,7% af tekjum]. Leiðrétt EBIT** fyrir 2016 nam 139,4 milljónum evra (14.4% af tekjum) en nam 99,9 milljónum evra árið 2015 (12,2% af tekjum).
• ? Hagnaður ársins 2016 nam 75,8 milljónum evra [2015: 56,7m]. Hagnaður á hlut nam 10,59 evru sentum en 7,93 evru sentum árið 2015. 
• Handbært fé frá rekstri fyrir fjármagnsliði og skatta nam 179,0 milljónum evra [2015: 119,7m]. Nettó vaxtaberandi skuldir í lok ársins 2016 námu 403,6 milljónum evra, en 142,8 milljónum evra í lok ársins 2015.

? 

Mótteknar pantanir á fjórða ársfjórðungi 2016 nema 295 milljónum sem er metsala og dreifist sú sala vel á milli kjúklinga-, kjöt og fiskiðnaðar. Aukin fjöldi stærri verkefna á fjórða ársfjórðungi er í takt við það sem kynnt var með rekstrarniðurstöðu þriðja ársfjórðungs 2016 þegar sagt var að horfurnar fyrir stærri verkefni hefðu tekið við sér að nýju eftir laka byrjun á árinu. Fyrir árið í heild voru mótteknar pantanir  fyrir staðlaða vöru og varahluti sterkar í öllum iðnuðum. Pantanabókin í árslok 2016 stendur í 350 milljónum evra saman-borið við 320 milljónir í árslok 2015.

Pro forma tekjur ársins 2016 námu 983,0 milljónum evra samanborið við 975,8 milljónir árið 2015. Pro forma EBIT* jókst á milli ára og var 143,5 milljónir evra (14.6%) samanborið við 133,7 milljónir evra 2015 (13.7%). Sjóðstreymi frá rekstri var sterkt sem leiðir til þess að skuldahlutfall (nettó skuldir/EBITDA) er x2,25 við árslok 2016 samanborið við x2,9 eftir yfirtökuna á MPS í upphafi ársins.
Á aðalfundi félagsins fyrir árið 2017, sem haldinn verður 2. mars næstkomandi, mun stjórn Marel leggja til að hluthafar fái greiddan arð fyrir rekstrarárið 2016 sem nemur 2,14 evru sentum á hlut. Fyrirhuguð heildararðgreiðsla nemur um 15,3 milljónum evra sem samsvarar um 20% af nettó hagnaði ársins.

Arðgreiðslutillaga þessi er í samræmi við markmið um fjármagnsskipan og
arðgreiðslustefnu félagsins. Stjórn Marel hefur jafnframt veitt stjórnendum félagsins heimild til að kaupa eigin bréf fyrir allt að 15 milljónir evra að kaupvirði. Hlutirnir eru ætlaðir sem endurgjald í mögulegum fyrirtækjakaupum.

Marel gerir ráð fyrir að markaðsvöxtur nemi 4-6% á næstu árum. Með sterkri markaðsstöðu og nýsköpun ætlar Marel með innri vexti að vaxa hraðar en  markaðurinn. Gera má ráð fyrir því að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningu stærri verkefna. Að auki hyggst félagið halda áfram að vaxa með yfirtökum í samræmi við stefnu félagsins.

Árni Oddur Þórðarson, forstjóri:
„Árið 2016 var frábært ár fyrir Marel. Sölumet var slegið í fjórða ársfjórðungi með mótteknum pöntunum upp á 295 milljónir evra og dreifist sú sala vel á milli kjúklinga-, kjöt og fiskiðnaðar. Viðskiptavinir okkar eru að setja upp tímamótaverksmiðjur í Asíu, Suður-Ameríku, Norður-Ameríku og Evrópu sem mun gera þeim kleift að bjóða upp á hágæða matvæli á hagstæðu verði. Önnur spennandi verkefni voru einnig tryggð í Afríku og Mið-Austurlöndum.

Við gengum frá kaupunum á MPS í byrjun ársins 2016 og gátum þar með boðið viðskiptavinum okkar í kjötiðnaði upp á heildarlausnir. Sameining félaganna gengur vel og hefur þegar skapað aukin verðmæti fyrir viðskiptavini okkar og hluthafa. Vert er að minna á að við yfirtókum MPS í byrjun árs án þess að gefa út nýtt hlutafé og hagnaður á hlut jókst um 34% á milli ára. Fjárhagsstaða félagsins er traust og sjóðsstreymi er sterkt sem leiðir til þess að skuldahlutfall er x2,25 EBITDA við árslok 2016.
Til að tryggja áframhaldandi vöxt og virðissköpun höfum við fjárfest vel í innviðum okkar og kynnt til sögunnar nýstárlegar og snjallar lausnir sem munu auka skilvirkni og sjálfbærni í matvælaframleiðslu.

Að lokum vil ég þakka viðskiptavinum okkar og starfsmönnum fyrir viðburðaríkt og ánægjulegt ár. Saman höldum við áfram að umbylta  matvælaframleiðslu á heimsvísu.“

Hagræðingaraðgerðir og breytingar í framkvæmdastjórn Marel
Frá og með 1. apríl 2017 mun David Wilson taka við af Remko Rosman sem framkvæmdastjóri Marel Meat. Jesper Hjortshøj mun taka við af David Wilson sem framkvæmdastjóri fullvinnslu (e. further processing) frá og með 8. febrúar 2017.

Stjórnendabreytingar í Marel Meat
Frá árinu 2005 hefur MPS meat processing systems verið undir stjórn Remko Rosman og á þeim tíma hefur félagið vaxið og styrkt samkeppnisstöðu sína. Nú hefur Remko Rosman ákveðið að takast á við nýjar áskoranir í matvælageiranum, en þó ekki í samkeppni við Marel.

Með yfirtöku Marel á MPS í janúar 2016 varð Marel leiðandi á heimsvísu í þróun og sölu á heildarlausnum fyrir kjötiðnað. Sameining félaganna gengur vel og árið 2016 var megináhersla lögð á að sameina söluteymi og reikningsskil. Sameining mun á næstu árum eiga sér stað á öðrum sviðum svo sem framleiðslu, inn-kaupastýringu og þjónustu.
David Wilson var framkvæmdastjóri kjötiðnaðar Marel 2012 til 2016 og gegndi hann mikilvægu hlutverki við yfirtökuna á MPS. David Wilson hefur starfað fyrir Marel frá árinu 1998 og hefur verið í framkvæmdastjórn félagsins frá árinu 2013.

Marel í stakk búið fyrir frekari vöxt í fullvinnslu eftir hagræðingaraðgerðir
Marel er leiðandi á heimsvísu í þróun, sölu og þjónustu á heildarlausnum fyrir kjúklinga-, kjöt- og fiskiðnaðinn frá frumvinnslu til áframvinnslu og fullvinnslu. Á árinu 2016 hefur David Wilson leitt árangursríkar hagræðingaraðgerðir í starfsemi Marel í fullvinnslu (e. further processing). Á fjórða ársfjórðungi 2016 endur-skipulagði Marel vöruframboð sitt, hagræddi í skipuriti og stjórn í starfsemi félagsins í fullvinnslu. Teymi Marel í fullvinnslu leggur nú áherslu á nýsköpun, þjónustu og vörustjórn á meðan salan fer að mestu leyti fram í gegnum kjúklinga-, kjöt- og fiskiðnaði Marel.

Jesper Hjortshøj mun frá og með 8. febrúar leiða starfsemi Marel í fullvinnslu sem framkvæmdastjóri og mun hann taka sæti í framkvæmdastjórn Marel. Undir leiðsögn Jesper Hjortshøj verður nýsköpun og vörustjórn efld til að styrkja starfsemina og tryggja framtíðarvöxt og verðmætasköpun á markaðinum fyrir pylsur og tilbúna rétti. Jesper Hjortshøj hefur verið hjá Marel síðan 2006 og gegnt ýmsum stjórnendastöðum fyrir félagið: framkvæmdastjóri stefnumótunar í nýsköpun, framkvæmdastjóri vöruseturs og markaðsstjóri.

Tillaga um arðgreiðslu
Á aðalfundi ársins 2017, sem haldinn verður 2. mars næstkomandi, mun stjórn Marel leggja til að hluthafar fái greidd 2,14 evru sent í arð á hlut fyrir rekstrarárið 2016. Fyrirhuguð heildararðgreiðsla, miðað við núverandi fjölda útistandandi hluta, nemur um 15,3 milljónum evra sem samsvarar um 20% af nettó hagnaði ársins. Arðgreiðslutillaga þessi er í samræmi við markmið um fjármagnsskipan og arðgreiðslustefnu félagsins.

Verði tillagan samþykkt af hluthöfum félagsins, munu hlutabréf sem skipta um hendur frá og með 3. mars 2017 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 6. mars 2017 sem yrði arðsréttindadagur (e. record date). Stjórn leggur til að arðurinn verði greiddur út 23.mars 2017.

Horfur
Marel gerir ráð fyrir að markaðsvöxtur nemi 4-6% á næstu árum. Með sterkri markaðsstöðu og nýsköpun ætlar Marel með innri vexti að vaxa hraðar en  markaðurinn. Gera má ráð fyrir því að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningu stærri verkefna. Að auki hyggst félagið halda áfram að vaxa með yfirtökum í samræmi við stefnu félagsins.

Kauphallardagur Marel í Danmörku
Marel heldur kynningarfund með fjárfestum og markaðsaðilum í sýningarhúsi sínu Progress Point í Kaupmannahöfn þann 2. nóvember 2017. Frekari upplýsingar og skráning verða kynnt á heimasíðu félagsins www.marel.com á komandi vikum.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning
 í fullri lengd á ensku er aðgengileg á heimasíðu Marel og má þar m.a. finna lykiltölur og yfirlit yfir markaði félagsins; http://marel.com/corporate/investor-relations/publications

Kynningarfundur 9. febrúar 2017
Marel boðar til kynningarfundar um afkomu félagsins fimmtudaginn 9. febrúar kl. 8:30 í húsnæði þess að Austurhrauni 9, Garðabæ. Fundinum verður einnig netvarpað: www.marel.com/webcast.
 

Birtingardagar fyrir reikningsárið 2017 og 2018
? 1. ársfjórðungur 2017  3. maí 2017
? 2. ársfjórðungur 2017  26. júlí 2017
? 3. ársfjórðungur 2017  25. október 2017
? Kauphallardagur Marel  2. nóvember 2017
? 1. ársfjórðungur 2018  7. febrúar 2018

Birting fjárhagsupplýsinga mun eiga sér stað eftir lokun markaðar.
Frekari upplýsingar veitir: Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir árið 2016 eftir lokun markaðar þann 8. febrúar 2017.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir, fjármálastjóri kynna uppgjör félagsins fyrir árið 2016.

Kynningarfundurinn verður haldinn fimmtudaginn 9. febrúar kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.
 

  Birtingardagar:

• 4. ársfjórðungur 2016                                  8. febrúar 2017
• Aðalfundur                                                   2.mars 2017
• 1. ársfjórðungur 2017                                  3. maí 2017
• 2. ársfjórðungur 2017                                  26. júlí 2017
• 3. ársfjórðungur 2017                                  25. október 2017
• 4. ársfjórðungur 2017                                  31. janúar 2018

Birting fjárhagsupplýsinga mun eiga sér stað eftir lokun markaðar.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

15.11.2016

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

1.200.000

Gengi/Verð pr. Hlut/Price:

247 ISK

Fjöldi hluta eftir viðskipti/Primary insider's holdings after the transaction:

21.543.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Nafn/Name:

Marel hf.

Dagsetning viðskipta/Date of transaction:

14.11.2016

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

900.000

Gengi/Verð pr. Hlut/Price:

246,17 ISK

Fjöldi hluta eftir viðskipti/Primary insider's holdings after the transaction:

20.343.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

11.11.2016

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

1.200.000

Gengi/Verð pr. Hlut/Price:

243,00 ISK

Fjöldi hluta eftir viðskipti/Primary insider's holdings after the transaction:

19.443.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

10.11.2016

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

700.000

Gengi/Verð pr. Hlut/Price:

238,18 ISK

Fjöldi hluta eftir viðskipti/Primary insider's holdings after the transaction:

18.243.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

08.11.2016

Kaup eða sala/Buy or Sell:

Sala/Sell

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

547.600

Gengi/Verð pr. Hlut/Price:

131,03 ISK/1,064 EUR

Fjöldi hluta eftir viðskipti/Primary insider's holdings after the transaction:

17.543.150

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga/Transaction to fulfill obligations of stock option agreements

Í viðhengi er kynning frá fjárfestafundi Marel

Marel kynnir afkomu þriðja ársfjórðungs 2016
(Allar upphæðir í evrum)

Góður árangur með 14,2% EBIT

• ? Tekjur á þriðja ársfjórðungi 2016 námu 234,8 milljónum evra [3F 2015: 189,1m]. Pro forma tekjur á þriðja ársfjórðungi 2015 námu 229,7 milljónum evra.
   
• ? EBITDA á þriðja ársfjórðungi 2016 var 41,5 milljónir evra sem er 17,7% af tekjum [3F 2015: Leiðrétt EBITDA** 31,6m, 16,7%]. Pro forma leiðrétt EBITDA** á þriðja ársfjórðungi 2015 nam 41,4 milljónum evra eða 18,0% af tekjum.
   
• ? EBIT* á þriðja ársfjórðungi 2016 var 33,4 milljónir evra, sem er 14,2% af tekjum [3F 2015: Leiðréttur rekstrarhagnaður EBIT** 24,2m, 12,8% af tekjum]. Pro forma leiðrétt EBIT** á þriðja ársfjórðungi 2015 nam 31,6 milljónum evra eða 13,8% af tekjum.
   
• ? Hagnaður þriðja ársfjórðungs 2016 nam 17,3 milljónum evra [3F 2015: 14,7m]. Hagnaður á hlut var 2,42 evru sent [3F 2015: 2,07 evru sent].
   
• ? Handbært fé frá rekstri fyrir fjármagnsliði og skatta nam 33,2 milljónum evra á þriðja ársfjórðungi 2016 [3F 2015: 29,7m]. Skuldahlutfall (nettó skuldir/EBITDA) í lok þriðja ársfjórðungs 2016 er 2,6x.
   
• ? Pantanabókin stóð í 305,1 milljónum evra við lok þriðja ársfjórðungs 2016 samanborið við 306,5 milljónir evra í lok annars ársfjórðungs 2016 [3F 2015: 187,7m]. Pro forma pantanabók við lok þriðja ársfjórðungs 2015 var 303,6 milljónir evra.
   

Marel heldur áfram að skila góðri rekstrarniðurstöðu. Tekjur þriðja ársfjórðungs námu 235 milljónum evra með 14,2% EBIT*. Sjóðstreymi frá rekstri er áfram sterkt sem leiðir til þess að skuldahlutfallið í lok þriðja árs-fjórðungs 2016 er 2,6x.

Pantanir þriðja ársfjórðungs 2016 námu 233 milljónum evra og eru samtals 718 milljónum evra frá áramótum (pro forma). Sala á staðlaðri vöru og varahlutum var sterk í öllum iðnuðum.  Kjúklingaiðnaðurinn tryggði sér fjölmörg meðalstór og stærri verkefni fyrir viðskiptavini á fyrstu níu mánuðum ársins. Á sama tímabili hafa markaðsaðstæður í kjöt- og fiskiðnaði verið lakari fyrir stærri verkefni. Kjötiðnaðurinn byrjaði að taka við sér á þriðja ársfjórðungi og tryggði sameinað söluteymi MPS og Marel verkefni í heildarlausnum fyrir viðskiptavini í kjötiðnað í Evrópu og Kína. Í byrjun fjórða ársfjórðungs tryggði Marel sér tímamótaverkefni í laxaiðnaði í Noregi.

Pro forma tekjur Marel á fyrstu níu mánuðum ársins 2016 námu 733 milljónum evra  með 108,4 milljónum evra í rekstrarhagnað og 14,8% EBIT*. Marel gerir ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016.

Árni Oddur Þórðarson, forstjóri:
„Við erum ánægð með niðurstöðu þriðja ársfjórðungs 2016. Teymið er einbeitt og árangursdrifið sem skilar sér í sterkri rekstrarniðurstöðu og nálægt 15% rekstrarhagnaði fyrir fyrstu níu mánuði ársins. Við höldum áfram að kynna til leiks fjölmargar nýjar og skilvirkar lausnir fyrir viðskiptavini okkar og fjárfesta í innviðum fyrirtækisins  til að undirbúa framtíðarvöxt og virðisaukningu.

Á heildina litið er útlit fyrir að markaðsaðstæður fyrir stærri verkefni sé að taka við sér. Vegna almennra efnahagsaðstæðna er þó erfitt að segja til um tímasetningu á stærri verkefnum.

Samruni MPS og Marel gengur vel og samkvæmt áætlun. Við höfum sameinað og þjálfað söluteymi okkar í kjötiðnaði. Þetta frábæra teymi hefur nú tryggt verkefni í heildarlausnum fyrir viðskiptavini okkar víða um heim. Það er ljóst að við erum sterkari saman og betri í að mæta þörfum viðskiptavina okkar.“   

Horfur
Marel gerir ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016.

Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi. Framtíðarhorfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn.

Langtímahorfur Marel eru góðar en til skemmri tíma litið hefur óvissa í heimsbúskapnum aukist. Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetninga stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel: http://marel.com/corporate/investor-relations/publications
Þar er m.a. að finna lykiltölur og yfirlit yfir markaði félagsins.

Kynningarfundur 27. október 2016

Marel boðar til kynningarfundar um afkomu félagsins fimmtudaginn 27. október kl. 8:30 í húsnæði þess að Austurhrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2017 og 2018
? 4. ársfjórðungur 2016                                  8. febrúar 2017 
? 1. ársfjórðungur 2017                                  3. maí 2017
? 2. ársfjórðungur 2017                                  26. júlí 2017
? 3. ársfjórðungur 2017                                  25. október 2017
? 4. ársfjórðungur 2017                                  31. janúar 2018

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir 3. ársfjórðung 2016 eftir lokun markaðar þann 26. október 2016.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson forstjóri og Linda Jónsdóttir fjármálastjóri kynna uppgjör félagsins fyrir 3. ársfjórðung 2016.

Kynningarfundurinn verður haldinn fimmtudaginn 27. október kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Í viðhengi er kynning frá fjárfestafundi þar sem afkoma annars ársfjórðungs 2016 var kynnt.

Marel kynnir afkomu annars ársfjórðungs 2016
(Allar upphæðir í evrum)

 Hæsti ársfjórðungur í tekjum og rekstrarhagnaði

• Tekjur á öðrum ársfjórðungi 2016 námu 264,2 milljónum evra [2F 2015: 218,3m]. Pro forma tekjur á öðrum ársfjórðungi 2015 námu 253,1 milljón evra.
• EBITDA á öðrum ársfjórðungi 2016 var 48,4 milljónir evra sem er 18,3% af tekjum [2F 2015: Leiðrétt EBITDA** 37,2m, 17,1%]. Pro forma leiðrétt EBITDA** á öðrum ársfjórðungi 2015 nam 47,7 milljónum evra eða 18,9% af tekjum.
• EBIT* á öðrum ársfjórðungi 2016 var 39,7 milljónir evra, sem er 15,0% af tekjum [2F 2015: Leiðréttur rekstrarhagnaður EBIT** 29,7m, 13,6% af tekjum]. Pro forma leiðrétt EBIT** á öðrum ársfjórðungi 2015 nam 38,4 milljónum evra eða 15,2% af tekjum.
• Hagnaður annars ársfjórðungs 2016 nam 22,1 milljón evra [2F 2015: 19,5m]. Hagnaður á hlut var 3,09 evru sent [2F 2015: 2,71 evru sent].
• Handbært fé frá rekstri fyrir fjármagnsliði og skatta nam 43,7 milljónum evra á öðrum ársfjórðungi 2016 [2F 2015: 23,7m]. Skuldahlutfall (nettó skuldir/EBITDA) í lok annars ársfjórðungs 2016 er 2,7x.
• Pantanabókin stóð í 306,5 milljónum evra við lok annars ársfjórðungs 2016 samanborið við 340,0 milljónir í lok fyrsta ársfjórðungs 2016 [2F 2015: 165,9m]. Pro forma pantanabók við lok annars árs-fjórðungs 2015 var 272,5 milljónir evra.

Annar ársfjórðungur 2016 var góður fyrir Marel með mettekjum að upphæð 264 milljónir evra og 15,0% EBIT*. Rekstrarniðurstaða og arðsemi var góð á fyrri helmingi ársins 2016. Pro forma tekjur á fyrri helmingi ársins 2016 námu 498 milljónum evra með 15,1% EBIT*.

Pantanir á öðrum ársfjórðungi 2016 námu 231 milljónum evra og samtals 485 milljónum evra frá áramótum. Pantanastaða fyrir staðlaða vöru og varahluti var sterk í öllum iðnuðum. Á fyrri helmingi ársins tryggði Marel sér nokkur stór verkefni (e. greenfields) í kjúklingaiðnaði en á sama tímabili hafa markaðsaðstæður í kjöt- og fiskiðnaði verið lakari.

Sjóðstreymi frá rekstri er sterkt og Marel heldur áfram að fjárfesta í innviðum til að vera undirbúið fyrir fram-tíðarvöxt og virðisaukningu. Skuldahlutfall (nettó skuldir/EBITDA) í lok annars ársfjórðungs 2016 er 2,7x sem er í samræmi við markmið félagsins um fjárhagsskipan.

Árni Oddur Þórðarson, forstjóri:
„Við erum ánægð með annan ársfjórðung sem skilar mettekjum og rekstrarhagnaði. Tekjur fjórðungsins námu 264 milljónum evra með 15,0% EBIT.

Á árinu 2016 höfum við kynnt fjölmargar nýjar og skilvirkari lausnir til leiks fyrir viðskiptavini okkar í kjúklinga-, kjöt- og fiskiðnaði sem gerir þeim kleift að styrkja stöðu sína og auka sjálfbærni í rekstri. Sjóðstreymi er sterkt og við höldum áfram að fjárfesta í innviðum Marel með bættri vinnuaðstöðu, tækjum og búnaði til að undirbúa framtíðarvöxt og virðisaukningu. Þrátt fyrir tímabundna aukningu í fjárfestingum styrkjum við fjárhagsstöðu og lækkum skuldahlutfall félagsins.   

Á síðasta ári sáum við mikinn innri vöxt í tekjum og umtalsverða aukningu í pöntunum, bæði hjá Marel og MPS.  Marel eykur verulega umfang og afkomu á fyrri hluta ársins með MPS um borð. Til lengri tíma litið eru horfur Marel mjög góðar en til skemmri tíma litið hefur óvissa í heimsbúskapnum aukist. Marel gerir ráð fyrir hóflegum innri vexti í tekjum og rekstrarhagnaði sameinaðs félags á árinu 2016“.

Endurskipulagningu í Seattle lokið
Á fyrri helmingi ársins 2015 var starfsemi nokkurra eininga á borð við háhraða skurðartækni (e. high speed slicing og frysta (e.freezing) lögð af. Á fyrri hluta ársins 2016 endurskipulagði Marel starfsemi sína í Seattle í Bandaríkjunum og fækkaði starfsmönnum um 50. Marel leggur nú áherslu á staðlaðan hátæknibúnað fyrir sjó-vinnslu (e. onboard) í stað sérhannaðra lausna. Tekjur og pantanir af aflagðri starfsemi eru 15 milljónum evra lægri á fyrri hluta ársins 2016 en fyrir sama tímabil 2015.

Horfur
Marel gerir ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016.

Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi. Framtíðarhorfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn.

Langtímahorfur Marel eru góðar en til skemmri tíma litið hefur óvissa í heimsbúskapnum aukist. Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningar stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel: http://marel.com/corporate/investor-relations/publications

Þar er m.a. að finna lykiltölur og yfirlit yfir markaði félagsins.

Kynningarfundur 28. júlí 2016

Marel boðar til kynningarfundar um afkomu félagsins fimmtudaginn 28. júlí kl. 8:30 í húsnæði þess að Austur-hrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2016

• ? 3. ársfjórðungur 2016                                 26. október 2016
• ? 4. ársfjórðungur 2016                                1. febrúar 2017 
• ? 1. ársfjórðungur 2017                                  5. maí 2017
• ? 2. ársfjórðungur 2017                                  26. júlí 2017
• ? 3. ársfjórðungur 2017                                  25. október 2017
• ? 4. ársfjórðungur 2017                                  31. janúar 2018

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta uppgjör sitt fyrir 2. ársfjórðung 2016 eftir lokun markaðar þann 27. júlí 2016.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 2. ársfjórðung 2016.

Kynningarfundurinn verður haldinn fimmtudaginn 28. júlí kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Sjá viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

9.5.2016

Kaup eða sala/Buy or Sell:

Sala/Sell

Tegund fjármálagernings / Type of instrument:

Hlutabréf/Equities

Fjöldi hluta/Number of shares:

2.011.800

Gengi/Verð pr. Hlut/Price:

146,98 ISK / 1,050 EUR

Fjöldi hluta eftir viðskipti/Primary insider's holdings after the transaction:

18.090.750

Dagsetning lokauppgjörs / Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga / Transaction to fulfil obligations of stock option agreements.

Stjórn Marel hf. ákvað þann 3. maí 2016 að veita framkvæmdastjórn félagsins kauprétti að allt að 2,2 milljónum hluta í félaginu.

Kaupréttarsamningunum er ætlað að samtvinna hagsmuni starfsmanna og félagsins til lengri tíma. Er þetta í samræmi við starfskjarastefnu félagsins sem samþykkt var á síðasta aðalfundi Marel í mars 2016. Allir meðlimir framkvæmdastjórnar Marel fá sama magn kauprétta eða 180 þúsund hluti að forstjóra undanskildum en hann fær 360 þúsund hluti.

Meginefni kaupréttarsamninganna er eftirfarandi:

• Veittur er kaupréttur á hlutabréfum á grunnverðinu EUR 1,795 á hlut [1] sem hækkar árlega um 2% (e. hurdle rate). Verðið skal leiðrétt fyrir arðgreiðslum sem kunna að verða greiddar frá útgáfudegi kaupréttanna.
• Kaupréttirnir verða virkir í þrennu lagi, fyrst verða 60% kaupréttanna virk í apríl 2019, síðan 20% í apríl 2020 og loks 20% í apríl 2021. Heimilt verður að nýta áunna kauprétti tvisvar á ári, í apríl og október eftir birtingu ársfjórðungsuppgjöra. Kaupréttarhafar geta frestað nýtingu á kaupréttum sínum til ársins 2022, þegar samningarnir renna út og falla þá ónýttir kaupréttir niður á sama tíma.
• Kaupréttarhafar þurfa að kaupa hlutabréf í Marel fyrir u.þ.b. 45% af hagnaði, fyrir skatta og kostnað, af innleystum kaupréttum og halda þeim bréfum til starfsloka hjá Marel.

Heildarfjöldi útistandandi kauprétta sem Marel hf. hefur veitt starfsmönnum sínum nemur nú alls 11,5 milljónum, sem nemur um 1,6% hlutafjár í félaginu, og er þá meðtalin þessi nýja úthlutun kauprétta. Heildarkostnaður félagsins vegna nýju samninganna á næstu fimm árum er áætlaður um 660 þúsundir evra og er þá byggt á reiknilíkani Black-Scholes.

Nánari upplýsingar um kauprétti sem veittir eru framkvæmdastjórn Marel:

 [1] Kaupréttargengið er ákvarðað út frá lokagengi hlutabréfa Marel hf. á NASDAQ OMX Iceland hf. þann 3. maí 2016, þ.e. ISK 251,50 á hlut, umreiknað með miðgengi Seðlabanka Íslands sama dag: EUR/ISK: 140,12

Í viðhengi er kynning frá fjárfestafundi Marel  þann 26. Apríl 2016 þar sem uppgjör fyrsta ársfjórðungs 2016 var kynnt.

(Allar upphæðir í evrum)
 

1F 2016 –  Pro forma rekstrarniðurstaða

• ? Tekjur á fyrsta ársfjórðungi 2016 námu 233,9 milljónum evra [1F 2015: 244,1m þar af eru 6 milljónir vegna aflagðrar starfsemi].
• ? Leiðréttur rekstrarhagnaður (EBIT*) á fyrsta ársfjórðungi 2016 var 35,2 milljónir evra, sem er 15,1% af tekjum [1F 2015: Leiðréttur rekstrarhagnaður EBIT** 35,2m og 14,4% af tekjum].
• ? Pantanabókin stóð í 339,9 milljónum evra við lok fyrsta ársfjórðungs 2016 [1F 2015: 289,3m]

Pro forma rekstrarniðurstaða er samanlagður rekstur Marel og MPS fyrir allan ársfjórðunginn. Pro forma tölur auðvelda samanburð á undirliggjandi rekstri á milli tímabila.

Pantanastaða félagsins er sterk eftir góða sölu sem nemur 254 milljónum evra í fyrsta ársfjórðungi. Góð dreifing er í sölu á heimsvísu og sömuleiðis á milli staðlaðrar vöru og stærri verkefna.  Stærri verkefni fyrir viðskiptavini koma m.a. frá Indlandi, Bandaríkjunum, Brasilíu og Evrópu. Sjóðstreymi var sterkt og rekstrarniðurstaða góð sem leiðir til þess að skuldahlutfall (nettó skuldir/EBITDA) er 2,9x sem er í samræmi við markmið félagsins um fjárhagsskipan.

Pro forma Tekjur Marel námu 234 milljónum með 15% EBIT*. Yfirtakan á MPS hefur jákvæð áhrif á rekstrarniðurstöðu félagsins. Sterk pantanabók og tímasetning á afhendingu á vörum til viðskiptavina gefur til kynna hækkun á tekjum félagsins á komandi ársfjórðungum.  

Marel gerir ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016 til samanburðar við pro forma tekjur á árinu 2015 sem námu 977 milljónum evra og leiðréttan rekstrarhagnað (EBIT) sem nam 133 milljónum evra.

1F 2016 – Rekstrarniðurstaða samkvæmt reikningsskilum 

• ? Tekjur á fyrsta ársfjórðungi 2016 námu 220,6 milljónum evra [1F 2015: 209,3m]
   
• ? EBITDA á fyrsta ársfjórðungi var 38,2 milljónir evra sem er 17,3% af tekjum. [1F 2015: Leiðrétt EBIT-DA** 36,9m, 17,6%].
• ? EBIT* á fyrsta ársfjórðungi 2016 var 31,1 milljónir evra, sem er 14,1% af tekjum [1F 2015: Leiðréttur rekstrarhagnaður EBIT** 23,8m, 11,4%].
• ? Hagnaður fyrsta ársfjórðungs 2016 nam 13,8 milljónum evra [1F 2015: 12,6m. Hagnaður á hlut var 1,93 evru sent [1F 2015: 1,73 evru sent].
• ? Handbært fé frá rekstri fyrir fjármagnsliði og skatta nam 27,9 milljónum evra á fyrsta ársfjórðungi 2016 [1F 2015: 39,5 milljónir evra].
• ? Pantanabókin stóð í 339,9 milljónum evra í lok fyrsta ársfjórðungs samanborið við 178 milljónir evra í lok fyrsta ársfjórðungs 2015 [4F 2015: 180,9m].

Marel tók yfir MPS 29.janúar 2016 og innifela reikningsskil félagsins sem nú eru birt því rekstur MPS í febrúar og mars 2016.

Árni Oddur Þórðarson, forstjóri:

„Árið 2016 fer vel af stað. Ég vil bjóða starfsmenn MPS velkomna um borð. Við höfum frá fyrsta degi unnið sem eitt samheldið teymi. Pantanabók félagsins er sterk og nemur 340 milljónum evra eftir mjög góða sölu í fyrsta ársfjórðungi upp á 254 milljónir evra. Samanlögð rekstrarniðurstaða er 15% af tekjum. 

MPS hefur jákvæð áhrif á reksturinn. Við bjóðum nú upp á heildarlausnir og þjónustu til kjúklinga-, kjöt- og fiskframleiðenda. Sala til kjötiðnaðar var 33% af heildartekjum með framúrskarandi rekstrarniðurstöðu.

Sterk pantanabók og tímasetning á afhendingu á vörum til viðskiptavina gefur til kynna hækkun á tekjum félagsins á komandi ársfjórðungum. Við gerum ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016 til samanburðar við pro forma tekjur á árinu 2015 sem námu 977 milljónum evra og leiðréttan rekstrarhagnað (EBIT) sem nam 133 milljónum evra“.

Horfur
Marel gerir ráð fyrir hóflegum innri vexti í tekjum og rekstrarhagnaði (EBIT*) sameinaðs félags á árinu 2016 til samanburðar við pro forma tekjur á árinu 2015 sem námu 977 milljónum evra og leiðréttan rekstrarhagnað (EBIT) sem nam 133 milljónum evra.

Sterkt vöruframboð og markviss markaðssókn ásamt meðbyr á mörkuðum hafa verið helstu drifkraftar öflugs tekjuvaxtar Marel á síðustu ársfjórðungum. Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi.
Framtíðar-horfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn.

Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heims-vísu, sveiflna í pöntunum og tímasetningar stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel: http://marel.com/404?url=/2016Q41

Þar er m.a. að finna lykiltölur og yfirlit yfir markaði félagsins.

Kynningarfundur 26. apríl 2016
Marel boðar til kynningarfundar um afkomu félagsins þriðjudaginn 26. apríl kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2016
? 2. ársfjórðungur 2016                                 27. júlí 2016
? 3. ársfjórðungur 2016                                 26. október 2016
? 4. ársfjórðungur  2016                                1. febrúar 2017 

Birting fjárhagsupplýsinga mun eiga sér stað eftir lokun markaðar.
Frekari upplýsingar veita:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir 1. ársfjórðung 2016 eftir lokun markaðar þann 25. apríl 2016.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir, fjármálastjóri kynna uppgjör félagsins fyrir 1.ársfjórðung 2016.

Kynningarfundurinn verður haldinn þriðjudaginn 26. apríl kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Á aðalfundi Marel hf. sem haldinn var í höfuðstöðvum félagsins þann 2. mars 2016 voru allar tillögur samþykktar samhljóða.

Eftirfarandi eru niðurstöður fundarins:

1. Ársreikningur og skýrsla stjórnar og forstjóra voru samþykkt

2. Tillaga um hvernig fara skuli með hagnað vegna reikningsársins 2015 var samþykkt

Samþykkt var að hluthafar fái greidd 1,58 evru sent í arð á hlut fyrir rekstrarárið 2015. Miðað við fjölda útistandandi hluta nú nemur fyrirhuguð heildararðgreiðsla um 11,3 milljónum evra, sem samsvarar um 20% af hagnaði ársins. Hlutabréf sem skipta um hendur frá og með 3. mars 2016 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 4. mars 2016 sem verður arðsréttindadagur (e. record date). Arður verður greiddur út hinn 23. mars 2016 (e. payment date).

3. Tillaga um stjórnarlaun vegna ársins 2016 og greiðslu til endurskoðanda fyrir liðið starfsár var samþykkt

Samþykkt var að stjórnarlaun vegna ársins 2016 verði sem hér segir: Stjórnarformaður fær 8.250 evrur á mánuði og aðrir stjórnarmenn fá 2.750 evrur hver á mánuði. Stjórnarmenn sem eiga sæti í undirnefndum stjórnar fá auk þess greidd laun að fjárhæð 750 evrur á mánuði fyrir slík störf. Fyrir formennsku í endurskoðunarnefnd greiðast 2.750 evrur á mánuði. Stjórnarlaun skulu greidd 15. dag hvers mánaðar. Samþykkt var að greiðslur til endurskoðenda fyrir liðið starfsár skuli vera samkvæmt reikningum þeirra.

4. Starfskjarastefna félagsins var samþykkt

Starfskjarastefnan er eftirfarandi:

Starfskjarastefnu Marel hf. og dótturfélaga þess („fyrirtækið“) er ætlað að laða að, hvetja og halda í framúrskarandi starfsfólk á alþjóðlegum samkeppnismarkaði. Stefnan endurspeglar markmið fyrirtækisins um góða stjórnunarhætti sem og viðvarandi verðmætasköpun til langs tíma fyrir hluthafa.

Starfskjarastefnan gildir fyrir æðstu stjórnendur fyrirtækisins, þar á meðal framkvæmda­stjórn (e. Executive Team) og stjórn.

Starfskjör stjórnenda – framkvæmdastjórn

Starfskjaranefnd fyrirtækisins gerir tillögu til stjórnar félagsins um starfskjör stjórnenda. Þau eru endurmetin árlega með tilliti til frammistöðu og í samanburði við þau alþjóðlegu fyrirtæki sem eru sambærileg við Marel að stærð og umfangi. Upplýsingar til viðmiðunar eru fengnar frá alþjóðlega viðurkenndum ráðgjafarfyrirtækjum sem safna gögnum og veita ráðgjöf um þóknanir og launagreiðslur. 

Heildarstarfskjör stjórnenda skulu taka til eftirfarandi þátta:

• Fastra grunnlauna sem miða að því að laða að og halda í stjórnendur með faglega þekkingu og persónulega eiginleika sem nauðsynlegir eru til að stuðla að góðum árangri fyrirtækisins.
• Hvatagreiðslna sem byggjast á því að ná skilgreindum markmiðum til skemmri tíma varðandi rekstrarárangur og stefnu sem stjórn félagsins hefur samþykkt. Skammtímahvatagreiðslur geta ekki farið yfir 40% af grunnlaunum og tengjast að hluta til rekstrarlegum markmiðum og hluta til persónulegum markmiðum sem eru ótengd fjárhagslegri afkomu. Skammtímahvatagreiðslur eru endurkræfar ef þær hafa byggst á upplýsingum sem reyndust vera rangar eða villandi.
• Langtímahvata í formi kauprétta til að skapa jafnvægi á milli skammtíma­markmiða og langtímahugsunar. Gerð er nánari grein fyrir kaupréttarkerfi félagsins hér að neðan.
• Lífeyrisgreiðslna sem gerðar eru í samræmi við gildandi lög og ráðningarsamninga.
• Starfslokagreiðslna í samræmi við uppsagnarákvæði í ráðningarsamningum. Starfsloka­greiðslur skulu vera í samræmi við gildandi lagaramma á hverjum stað.

Kaupréttarkerfi byggt á langtímahvata

Marel hefur innleitt kaupréttarkerfi sem hefur það að markmiði að tengja hagsmuni fram­kvæmdastjórnar og valinna lykilstarfsmanna við langtímamarkmið félagsins og hluthafa þess.

Kaupréttarkerfi félagsins hefur þann tilgang að veita þátttakendum í því árlega kauprétti þar sem áætlað framtíðarvirði jafngildir að hámarki 20% af árslaunum við dagsetningu kaup­anna. Kaupréttaráætlun er til langs tíma, fimm til sjö ára, og fyrsti ávinnslutími er þrjú ár. Nýtingar­verð er uppfært árlega að teknu tilliti til lágmarksávöxtunar sem og arð­greiðslna.

Kaupréttaráætlun félagsins felur ekki í sér neinar skuldbindingar varðandi framtíðarútgáfu nýrra hluta og hægt er að hætta útgáfu nýrra kauprétta hvenær sem er. Endurmeta skal áætlunina árlega og breyta má samsetningu hennar í framtíðinni að fengnu samþykki hluthafa. 

Stjórn

Stjórnarmönnum skal greiða fasta mánaðarlega þóknun í samræmi við ákvörðun árlegs aðal­fundar félagsins. Stjórnin skal gera tillögu um þóknunina fyrir komandi starfsár og skal í þeim efnum taka mið af þeim tíma sem stjórnarmenn verja til starfans, þeirri ábyrgð sem á þeim hvílir, afkomu félagsins og viðmiðunarupplýsingum um þóknanir sem evrópsk fyrir­tæki, sam­bærileg að stærð og umfangi og Marel, greiða.

Stjórnarmönnum eru ekki boðnir kaupréttir eða þátttaka í hvatakerfum. 

Stjórnarmönnum er heimilt að taka að sér tímabundin verkefni utan reglubundinna skyldu­verka sem stjórnin felur þeim. Í slíkum tilvikum kann stjórnin að ákvarða fasta greiðslu fyrir þá vinnu sem þessi verkefni útheimta og skal upplýsa um slíkar greiðslur í ársreikningi félagsins.

Upplýsingagjöf

Upplýsingar um heildarstarfskjör stjórnarmeðlima, framkvæmdastjórnar og æðstu stjórn­enda sem ábyrgir eru fyrir meira en 10% af eignum eða afkomu félagsins skal skrá í ársreikning félagsins, þar með talið ógreiddar þóknanir og óvenjulega samninga á liðnu fjárhagsári. 

Samþykkt starfskjarastefnu

Starfskjarastefnan nær til allra framtíðarsamninga við meðlimi framkvæmdastjórnar og stjórnar félagsins.

Starfskjarastefnan er bindandi fyrir stjórn félagsins hvað varðar ákvæði um kauprétti. Að öðru leyti er starfskjarastefnan leiðbeinandi fyrir stjórn félagsins. Öll frávik frá stefnunni skal skrá og færa inn í fundargerðir stjórnarinnar.

Stjórn Marel hf. hefur samþykkt starfskjarastefnuna í samræmi við grein 79a í lögum nr. 2/1995 um hlutafélög þar sem tekið er tillit til reglna fyrir útgefendur fjármálagjörninga og íslenskra leiðbeininga um góða stjórnunarhætti sem NASDAQ OMX Iceland hefur birt. Starfskjarastefnan er endurskoðuð árlega og skal hún samþykkt á aðalfundi félagsins, með eða án viðbóta. 

Starfskjarastefnu félagsins skal birta á heimasíðu þess.   

5. Kosning stjórnar

Fundurinn samþykkti tillögu stjórnar um að kosnir yrðu 7 stjórnarmenn í stjórn félagsins til næsta aðalfundar.

Eftirtaldir sjö einstaklingar voru kosnir í stjórn félagsins til næsta aðalfundar:

Ann Elizabeth Savage, Spalding, Bretlandi

Arnar Þór Másson, Reykjavík

Ásthildur Margrét Otharsdóttir, Reykjavík

Ástvaldur Jóhannsson, Reykjavík

Helgi Magnússon, Seltjarnarnesi

Margrét Jónsdóttir, Seltjarnarnesi

Ólafur Guðmundsson, Princeton, Bandaríkjunum

6. Kosning endurskoðanda

Samþykkt var að endurskoðunarskrifstofan KPMG ehf. yrði endur­skoðandi félagsins.

7. Tillaga um heimild stjórnar til kaupa á eigin hlutafé félagsins var samþykkt

Samþykkt var heimild til handa félaginu til að kaupa allt að 10% af eigin hlutafé. Skilyrði skv. 55. gr. hlutafélagalaga nr. 2/1995 skulu höfð til hliðsjónar við kaup á eigin hlutum á grundvelli heimildar þessarar.

Heimild þessi gildir næstu 18 mánuði frá samþykki. Eldri heimildir þessa efnis falli jafnframt niður.

Aðalfundur Marel var haldinn í höfuðstöðvum félagsins í Garðabæ 2. mars 2016. Allar tillögur sem lágu fyrir fundinum voru samþykktar samhljóða.

Ávarp stjórnarformanns

Ásthildur Margrét Otharsdóttir, stjórnarformaður Marel talaði um þá kraftmiklu hvata sem eru undirliggjandi í rekstrarumhverfi Marel í erindi sínu. Fólksfjölgun, þéttbýlisvæðing, sjálfbærni og breytt neyslumynstur eru meðal þeirra hvata sem munu í framtíðinni drífa áfram hagvöxt sem og þróun og framgang í þeim iðnaði sem Marel starfar í. Ásthildur tók einnig saman rekstrarniðurstöðu Marel og áfanga sem náðust á árinu 2015 þar með talið hversu vel áætlun um einfalda og skilvirkara Marel gekk og einnig þá stefnumarkandi ákvörðun að kaupa MPS Meat processing systems.

Stjórnarformaðurinn talaði fyrir þeirri tillögu stjórnar að greiða arð fyrir árið 2015 sem nemur 20% af  hagnaði ársins. “Stjórn Marel er ánægð með að leggja til heildararðgreiðslu til hluthafa sem nemur €11,3 milljónum. Þetta er til samræmis við arðgreiðslustefnu félagsins,“ sagði hún.

Í erindi sínu talaði Ásthildur um þær áskoranir sem bíða Marel, neytenda og fyrirtækja almennt í framtíðinni. „Sú áskorun að mæta vaxandi neysluþörf á hagkvæman, skilvirkan og sjálfbæran hátt býr til ótal tækifæri fyrir Marel og viðskiptavini okkar. Okkar verkefni er að finna framúrstefnulegar leiðir til að draga úr sóun í framleiðsluferlinu og koma með nýja tækni sem mun auka framboð á gæðamatvælum sem framleidd eru með minni orku en áður. Árið 2015 settum við okkur skýra framtíðarsýn varðandi samfélagslega ábyrgð“, sagði Ásthildur.

Ávarp forstjóra

“2015 var frábært ár fyrir Marel. Tveggja ára áætlun okkar um einfaldara og skilvirkara Marel hefur nú runnið sitt skeið og skilað miklum árangri, sem m.a. má sjá í hagræðingu á vöruframboði og framleiðslu-einingum félagsins auk þess sem reksturinn hefur verið straumlínulagaður. Á sama tíma tókst okkur að þjónusta viðskiptavini enn betur sem skilaði 15% aukningu í tekjum og rekstrarhagnaði upp á 100 milljónir evra, samanborið við 49 milljónir evra árið 2014,” sagði Árni Oddur Þórðarson forstjóri Marel í erindi sínu á aðalfundi Marel.

Árni talaði einnig um þann árangur sem hefur náðst í áætlun um einfaldara og skilvirkara Marel (e. simpler, smarter, faster) sem hefur nú verið lokið með góðum árangri. Hann  talaði einnig um kaupin á MPS sem munu styrkja stöðu Marel sem alþjóðlegs leiðtoga í framleiðslu og þjónustu á kerfum til vinnslu á kjúklingi, kjöti og fiski. „Þetta er algjörlega í takt við okkar stefnu“, sagði Árni. Hann kynnti einnig þær breytingar sem kynntar voru á markaðssetningu Marel (e. corporate identity) í dag. Breytingarnar miða að því að einfalda og styrkja markaðssókn Marel og styðja við vöxt og velgengni félagsins til framtíðar. Allir 4.600 starfsmenn Marel eru nú sameinaðir undir vörumerki Marel, með eitt slagorð og endurskilgreinda framtíðarsýn og gildi. Að lokum talaði Árni um þær breytingar í skipulagi og framkvæmdastjórn félagsins sem tilkynntar voru fyrr í dag. „Marel hefur nú breytt skipulagi sínu og mun í framtíðinni birta rekstrarniðurstöður fyrir þrjá iðnaði í stað fjögurra áður. Héðan í frá munu viðskiptavinir Marel vinna með Marel Poultry, Marel Meat og Marel Fish og munu iðnaðarnir þrír bjóða heildarlausnir frá frumvinnslu til seinni stiga vinnslunnar og fullvinnslu. Fullvinnsla verður til áfram sem eining innan Marel sem mun vinna þvert á iðnaðina þrjá: kjúkling, kjöt og fisk.

Ársreikningur samþykktur

Fundurinn samþykkti samhljóða ársreikning og skýrslu stjórnar og forstjóra fyrir árið 2015. Allar tillögur sem lágu fyrir fundinum voru samþykktar samhljóða.

Stjórn Marel endurkjörin

Stjórn Marel var endurkjörin og hana skipa: Ástvaldur Jóhannsson, Ólafur Guðmundsson , Arnar Þór Másson, Ásthildur Margrét Otharsdottir, Ann Elizabeth Savage, Helgi Magnússon og Margrét Jónsdottir.

Ný stjórn Marel hefur komið saman og skipt með sér verkum. Ásthildur Margrét Otharsdóttir verður áfram stjórnarformaður og Arnar Þór Másson er varaformaður stjórnarinnar

Frekari upplýsingar

Frekari upplýsingar um aðalfundinn og niðurstöður hans eru aðgengilegar á Marel.com og á upplýsingasíðu aðalfundar 2016 http://www.marel.com/agm. Myndbandsupptaka af fundinum verður aðgengileg fljótlega á upplýsingasíðu aðalfundar.

Ársskýrsla Marel hf. fyrir árið 2015  hefur verið gefin út. Skýrslan er eingöngu gefin út í vefútgáfu þar sem m.a. er boðið upp á margmiðlunarefni og gagnvirkar töflur og gröf. Vefskýrsluna má nálgast hér og á heimasíðu félagsins marel.com

Marel tilkynnir um breytingar á framkvæmdastjórn, skipulagi og markaðssetningu (e. corporate identity)  sem nú verður undir einu nafni og vörumerki. Breytingarnar miða að því að einfalda og styrkja markaðssókn Marel og styðja við vöxt og velgengni félagsins til framtíðar.

Marel er leiðandi á heimsvísu í þróun hátæknibúnaðar og kerfa til vinnslu á kjöti, fiski og kjúklingi.  Marel hefur nú breytt skipulagi sínu og mun í framtíðinni birta rekstrarniðurstöður fyrir þrjá iðnaði í stað fjögurra áður. Héðan í frá munu viðskiptavinir Marel vinna með Marel Poultry, Marel Meat og Marel Fish og munu iðnaðarnir þrír bjóða heildarlausnir frá frumvinnslu til seinni stiga vinnslunnar og fullvinnslu. Fullvinnsla verður til áfram sem eining innan Marel sem mun vinna þvert á iðnaðina þrjá: kjúkling, kjöt og fisk. Allir iðnaðir Marel eru nú sameinaðir undir vörumerki Marel, með eitt slagorð og endurskilgreinda framtíðarsýn og gildi.

Vöruframboð Marel er sterkt og á það rætur sínar að rekja til áherslu og fjárfestinga í nýsköpun sem og stefnumótandi kaupa á fyrirtækjum. Marel hefur notið velgengni í frumvinnslu og á seinni stigum vinnslu og mun nú halda áfram að grípa vaxtartækifæri í fullvinnslu í kjúklinga-, kjöt- og fiskiðnaði. Þetta skref er einnig í fullu samræmi við þá sýn okkar að starfa með viðskiptavinum á þeirri vegferð að umbreyta matvælavinnslu í heiminum til hins betra með því að vinna mat á sjálfbæran og hagkvæman hátt. Ný gildi Marel eru Unity, Innovation og Excellence.

Eftirfarandi breytingar hafa nú verið gerðar á framkvæmdastjórn Marel:

Kjöt: Remko Rosman, forstjóri MPS, sem Marel lauk kaupum á í janúar sl., mun taka sæti í framkvæmdastjórn félagsins og verða framkvæmdastjóri Marel Meat. Áætlun um fulla sameiningu MPS og Marel hefur verið hrint af stokkunum. MPS verður áfram til sem vörumerki þar til í janúar 2017 þegar það rennur að fullu inn í Marel.

Fullvinnsla: David Wilson, sem áður var framkvæmdastjóri kjötiðnaðar Marel mun nú leiða fullvinnslu innan allra þriggja iðnaða Marel. Hann verður áfram í framkvæmdastjórn félagsins en með breytt starfssvið og áherslur. Þegar Marel kynnti rekstrarniðurstöðu sína fyrir árið 2015 var sagt að niðurstaða í fullvinnslu væri óásættanleg og að frekari breytinga og fjárfestinga væri þörf til að styðja við starfsemina til framtíðar. David Wilson hefur leitt breytingar á starfsemi félagsins í kjöti undanfarin ár með frábærum árangri og mun hann nú leiða þennan hluta starfseminnar. Teymi Marel í fullvinnslu mun halda áfram að sinna þörfum framleiðenda í kjúklinga-, kjöt- og fiskiðnaði með áframhaldandi áherslu á aukna virðisaukningu. Gerrit den Bok sem var framkvæmdastjóri fullvinnslu kveður Marel.

Viðskipta og sölusvið (Commercial): Commercial er eitt af þremur sviðum Marel sem vinnur þvert á alla iðnaðina. Undir sviðið heyrir alþjóðleg starfsemi, þjónusta og vörusetur. Til einföldunar á skipulagi hefur verið ákveðið að samþætta stjórnunarhlutverk sviðsins og mun Pétur Guðjónsson nú leiða það. Sigsteinn Grétarsson sem áður leiddi Viðskipta- og sölusviðið kveður Marel.

Árni Oddur Þórðarson, forstjóri Marel:

„Marel hefur átt góðri velgengni að fagna síðustu misseri. Við störfum á dynamískum markaði þar sem Marel er í lykilstöðu. Við erum nú að einfalda skipulag innan félagsins til að geta mætt þörfum viðskiptavina okkar betur en áður.

 Ég vil bjóða Remko Rosman velkominn sem nýjan framkvæmdastjóra Marel Meat og sem nýjan liðsmann í framkvæmdastjórn félagsins. Ég hef miklar væntingar til forystuhæfileika hans og reynslu sem mun án vafa gagnast Marel.

Við erum mjög ánægð með að David Wilson hefur samþykkt að taka við keflinu í fullvinnslunni og leiða þær breytingar sem við erum að gera á starfsemi okkar þar. David Wilson hefur staðið sig afar vel í störfum sínum hjá Marel og hefur á síðustu árum endurreist arðsemi í kjöteiningu félagsins. Hann gegndi einnig mikilvægu hlutverki í kaupum okkar á MPS. Það eru gríðarleg vaxtartækifæri í fullvinnslu og við munum halda áfram að leggja áherslu á nýsköpun og fjárfestingu til að gera okkur kleift að grípa þessi tækifæri og styðja við viðskiptavini okkar í frekari virðisaukningu undir forystu David Wilson.

Pétur Guðjónsson hefur undanfarin ár verið í forystu við að innleiða breytingar á fyrirkomulagi alþjóðlegrar sölu og þjónustu hjá Marel. Marel er alþjóðlegt fyrirtæki sem hefur sölu og þjónustu starfsemi í yfir 30 löndum um allan heim. Sem yfirmaður Commercial mun Pétur leiða þessa alþjóðlegu starfssemi Marel ásamt vörusetrum og þjónustu.

Ég vil þakka Gerrit den Bok og Sigsteini Grétarssyni fyrir framlag þeirra og störf til margra ára fyrir Marel og óska þeim velfarnaðar í framtíðinni.“

Aðalfundur Marel verður haldin í dag 2, mars  klukkan 16:00 þar sem þessar breytingar  verða kynntar nánar. Þá verður einnig hægt að lesa meira um breytingarnar í Ársskýrslu Marel sem kemur út síðar í dag.

Eftirtaldir sjö aðilar gefa kost á sér til setu í stjórn Marel hf. á aðalfundi félagsins, sem haldinn verður miðvikudaginn 2. mars næstkomandi kl. 16:00, í höfuðstöðvum félagsins að Austurhrauni 9, Garðabæ:

Ann Elizabeth Savage, Spalding, Englandi
Arnar Þór Másson, Reykjavík
Ásthildur Margrét Otharsdóttir, Reykjavík
Ástvaldur Jóhannsson, Reykjavík
Helgi Magnússon, Seltjarnarnesi
Margrét Jónsdóttir, Seltjarnarnesi
Ólafur Steinn Guðmundsson, Princeton, New Jersey, Bandaríkjunum

Frekari upplýsingar um framangreinda aðila munu verða aðgengilegar á upplýsingasíðu aðalfundar 2016 á heimasíðu félagsins: http://www.marel.com/agm, eigi síðar en 2 dögum fyrir fundinn.

Framboðsfrestur er nú runninn út. Samþykktir félagsins kveða á um að fjöldi stjórnarmanna skuli vera 5-7.Verða framangreindir sjö aðilar þar af leiðandi sjálfkjörnir í stjórn félagsins á komandi aðalfundi án sérstakrar atkvæðagreiðslu.

Meðfylgjandi er endanleg dagskrá aðalfundar Marel sem haldinn verður miðvikudaginn 2. mars nk. kl. 16:00. Jafnframt eru meðfylgjandi tillögur stjórnar sem lagðar verða fyrir fundinn.

Frestur til að skila inn tillögum er liðinn, sbr. grein 4.20 í samþykktum félagsins.

Frekari upplýsingar er að finna á heimasíðu félagsins: http://marel.com/agm

Sjá viðhengi.

Sjá viðhengi.

Aðalfundur Marel hf. verður haldinn í höfuðstöðvum félagsins að Austurhrauni 9, 210 Garðabæ, miðvikudaginn 2. mars nk., kl. 16:00.

Dagskrá:

• Venjuleg aðalfundarstörf samkvæmt grein 4.13 í samþykktum félagsins.
• Skýrsla um framkvæmd starfskjarastefnu.
• Tillaga um að heimila félaginu að kaupa eigin hlutabréf.
• Önnur mál, löglega borin fram.

Fundarstörf munu fara fram á ensku.

Sérstaklega er bent á að þeir sem hyggjast gefa kost á sér til setu í stjórn skulu tilkynna það skriflega til stjórnar félagsins að minnsta kosti fimm sólarhringum fyrir upphaf aðalfundar, þ.e. fyrir kl. 16:00 föstudaginn 26. febrúar.

Til þess að tillögur frá hluthöfum sem leggja á fyrir á fundinum verði teknar þar til umræðu verður að skila þeim til stjórnar félagsins eigi síðar en tíu dögum fyrir fundinn, þ.e. fyrir kl. 16:00 sunnudaginn 21. febrúar.

Á aðalfundarvef félagsins www.marel.com/agm er að finna allar frekari upplýsingar í tengslum við aðal­fundinn, þ.m.t. frekari upplýsingar um rétt hluthafa til að fá mál sett á dagskrá hluthafafundar og leggja fram ályktunartillögur fyrir fundinn, drög að dagskrá fundarins, tillögur stjórnar félagsins, ársreikning félagsins fyrir árið 2015, upplýsingar um heildarfjölda hluta og atkvæðafjölda í félaginu m.v. 9. febrúar 2016, umboðsform auk upplýsinga um skjöl sem lögð verða fyrir fundinn.

Endanleg dagskrá fundarins og tillögur verða gerðar aðgengilegar hluthöfum sjö dögum fyrir fundinn á framangreindum aðalfundarvef félagsins sem og á skrifstofu félagsins að Austurhrauni 9, 210 Garðabæ.

Umboðsmenn hluthafa skulu framvísa skriflegum umboðum við inngang. Atkvæðaseðlar og önnur gögn verða aðgengileg á fundarstað frá kl. 15:30.

Stjórn Marel hf.

Í viðhengi er kynning frá fjárfestafundi Marel sem haldinn var 4. febrúar 2016.

Marel kynnir afkomu ársins 2015
(Allar upphæðir í evrum)

4F 2015 –  Sterk rekstrarniðurstaða og yfirtaka á MPS

• Tekjur á fjórða ársfjórðungi 2015 námu 201,9 milljónum evra [4F 2014: 200,0m].
   
• Leiðrétt EBITDA* á fjórða ársfjórðungi var 30,0 milljónir evra sem er 14,9% af tekjum [4F 2014: 28,1m]. EBITDA var 23,6 milljónir evra sem er 11,7% af tekjum [4F 2014: 21,0m].
   
• Leiðréttur rekstrarhagnaður (adj. EBIT) á fjórða ársfjórðungi var 22,2 milljónir evra, sem er 11,0% af tekjum [4F 2014: 16,1m]. EBIT var 14,6 milljón evra sem er 7,2% af tekjum [4F 2014: 8,5m].
   
• Hagnaður fjórða ársfjórðungs 2015 nam 9,9 milljónum evra [4F 2014: 3,0m]. Hagnaður á hlut var 1,40 evru sent [4F 2014: 0,41 evru sent á hlut].
   
• Handbært fé frá rekstri fyrir fjármagnsliði og skatta nam 26,9 milljónum evra á fjórða ársfjórðungi 2015 [4F 2014: 32,7 milljónir evra].
   
• Pantanabókin stóð í 180,9 milljónum evra við lok fjórða ársfjórðungs 2015 samanborið við 187,7 milljónir evra  við lok þriðja ársfjórðungs 2015. [2014: 174,9m]

2015 – Leiðréttur rekstrarhagnaður 100 milljónir evra, 12,2% af tekjum

• Tekjur ársins 2015 námu 818,6 milljónum evra og hækkuðu um 14,9% frá fyrra ári [2014: 712,6m].
   
•  Leiðrétt EBITDA var 135,7 milljónir evra sem er 16,6% af tekjum samanborið við 83,7 milljónir evra og 11,7% fyrir árið 2014. EBITDA var 120,8 milljónir evra sem er 14,8% of tekjum [2014: 66,7m og 9,4%].
   
•  Leiðréttur rekstrarhagnaður (adj.EBIT) árið 2015 var 99,9 milljónir evra sem er 12,2% af tekjum samanborið við 48,8 milljónir og 6,8% árið 2014. EBIT var 81,6 milljónir evra sem er 10,0% af tekjum [2014: 29,2m og 4,1%].
   
• Hagnaður ársins 2015 nam 56,7 milljónum evra [2014: 11,7m]. Hagnaður á hlut nam 7,93 evru sentum  [2014: 1,60 evru sent]. 
   
• Handbært fé frá rekstri fyrir fjármagnsliði og skatta nam 119,7 milljónum evra [2014: 102,2m]. Nettó vaxtaberandi skuldir í lok ársins 2015 námu 142,8 milljónum evra [2014: 174,3m].

Marel náði 15% tekjuvexti á árinu 2015. Tekjur voru 819 milljónir evra og var leiðréttur rekstrarhagnaður (EBIT) 100 milljónir evra eða 12,2% af tekjum samanborið við 49 milljónir evra árið 2014 (6,8%).  Hagnaður ársins 2015 nam 57 milljónum evra samanborið við 12 milljónir evra árið 2014. Sjóðstreymi ársins 2015 var sterkt sem leiðir til þess að skuldahlutfall (nettó skuldir/EBITDA) er 1,05 samanborið við 2,08 í árslok 2014. Hagnaður á hlut árið 2015 er 7,93 evru sent samanborið við 1,60 evru sent árið 2014. Pantanabókin í upphafi ársins 2016 stendur í 181 milljónum evra samanborið við 175 milljónir evra í árs-byrjun 2015.

Marel gekk þann 29.janúar 2015 formlega frá kaupum á MPS. Heildarkaupverð var 382 milljónir evra. Samkvæmt  drögum að uppgjöri frá MPS fyrir rekstrarárið 2015 nema tekjur ársins 158 milljónum evra og EBITDA nemur 41 milljónum evra. Pantanastaða MPS er sterk og námu pantanir 190 milljónum evra á árinu 2015 og stendur pantanabók félagsins nærri 140 milljónum evra í byrjun árs 2016.

Marel hefur gengið frá hagstæðri langtímafjármögnun til 5 ára að heildarfjárhæð um 670 milljónum evra.  Fjármögnunin er á góðum vaxtakjörum og tekur mið af fjárhagslegum styrk félagsins og markaðs-aðstæðum. Vaxtakjör eru EURIBOR/LIBOR + 275 bps sem mun breytast í takt við skuldsetningarhlutfall félagsins. Við undirritun samningsins var skuldsetning sem hlutfall af EBITDA síðustu 12 mánaða undir 3.

Hagnaður á hlut nam 7,93 evru sentum fyrir árið 2015 samanborið við 1,60 evru sent fyrir árið 2014. Gert er ráð fyrir að kaupin á MPS muni auka hagnað á hlut umtalsvert horft fram á veginn. Stjórn Marel mun leggja til við aðalfund félagsins að arður að upphæð 1,58 evru sent á hlut verði greiddur fyrir rekstrarárið 2015 samtals að fjárhæð 11,3 milljónum evra sem samsvarar um 20% af hagnaði ársins eftir skatta.

Tekjur sameinaðs félags Marel og MPS (e. pro-forma) á árinu 2015 námu 977 milljónum evra og leiðréttur rekstrarhagnaður (EBIT) 133 milljónum evra. Pantanabók sameinaðs félags í upphafi ársins 2016 stendur í 320 milljónum evra samanborið við 280 milljónir evra í ársbyrjun 2015. Eftir tímabil mikils vaxtar gerir Marel ráð fyrir  hóflegum innri vexti í tekjum og rekstrarhagnaði (EBIT) sameinaðs félags fyrir árið 2016 (e. pro-forma) leiðrétt fyrir ráðstöfun kaupverðs (e. purchase price allocation).

Árni Oddur Þórðarson, forstjóri Marel: 

“2015 var frábært ár fyrir Marel. Tveggja ára áætlun okkar um einfaldara og skilvirkara Marel hefur nú runnið sitt skeið og skilað miklum árangri, sem m.a. má sjá í hagræðingu á vöruframboði og framleiðslu-einingum félagsins auk þess sem reksturinn hefur verið straumlínulagaður. Á sama tíma tókst okkur að þjónusta viðskiptavini enn betur sem skilaði 15% aukningu í tekjum og rekstrarhagnaði upp á 100 milljónir evra, samanborið við 49 milljónir evra árið 2014.

Með kaupunum á MPS styrkir Marel stöðu sína sem alþjóðlegur leiðtogi í framleiðslu og þjónustu á kerfum til vinnslu á kjúklingi, kjöti og fiski. Skrefin sem við tökum nú í kjötvinnslunni eru um margt lík þeim sem tekin voru fyrir átta árum í kjúklingavinnslu með yfirtöku Marel á Stork. Við væntum þess að yfirtakan á MPS muni auka hag viðskiptavina og hluthafa félagsins líkt og yfirtakan á Stork hefur gert.

Samhliða kaupunum á MPS gekk félagið frá hagstæðri langtímafjármögnun fyrir félagið í heild sem mun styðja rekstrar- og fjárhagsgrunn félagsins. Við erum afar þakklát fyrir það áframhaldandi traust sem lánveitendur sýna félaginu sem gerir því kleift að leiða frekari samþættingu í iðngreininni.

Rétt eins og hjá Marel var liðið ár afar gott í rekstri MPS. Samanlagðar tekjur félaganna námu 977 milljónum evra með leiðréttan rekstrarhagnað (adj. EBIT) upp á 133 milljónir evra. Eftir tímabil sem hefur einkennst af verulegum vexti gerum við ráð fyrir hóflegum innri vexti í tekjum og rekstrarhagnaði félagsins á árinu 2016.”

Einfaldara og skilvirkara Marel

Áætlun um einfaldara og skilvirkara Marel (e. simpler, smarter, faster) er nú lokið. Verkefnið sem hófst í ársbyrjun 2014 og hefur staðið yfir í tvö ár hefur gengið mjög vel og tekjur og arðsemi hafa aukist ásamt því að sjóðstreymi er sterkt. Áhersla verður nú lögð á áætlun um „Full Potential“ þar sem samkeppnisstaða félagsins verður styrkt enn frekar með nýsköpun og frekari fjárfestingu.

Með áætluninni um einfaldara og skilvirkara Marel tókst félaginu að hagræða í rekstrinum, skerpa á vöruframboði sínu og fækka framleiðslustöðum úr 19 í 9. Á sama tímabili fækkaði starfsmönnum félagsins á heimsvísu um 200 og tekjur jukust. Samhliða þessum aðgerðum hefur félagið lagt áherslu á fjárfestingu í nýsköpun og á aðrar fjárfestingar sem búa félagið undir framtíðarvöxt og virðisaukningu.

Frá því að áætluninni um einfaldara og skilvirkara Marel var hleypt af stokkunum, að teknu tilliti til sölu rekstrareininga, er heildarkostnaður til greiðslu vegna hagræðingaraðgerða áætlaður 16 milljónir evra en kostnaður í rekstrarreikningi fyrir sama tímabil er 35 milljónir evra. Þar af eru 4,3 milljónir evra í fjórða ársfjórðungi 2015. Kostnaðurinn í fjórða ársfjórðungi er að mestu tilkominn vegna flutninga á framleiðslu-starfsemi frá Des Moines til Gainsville í Bandaríkjunum sem var lokið fyrir  árslok 2015.

Hagræðingaraðgerðum verður haldið áfram á árinu 2016. Endurskipulagning rekstrar í Seattle og fullvinnslu (further processing) er þegar hafin með áherslu á að styðja við virðisaukningu viðskiptavina félagsins í kjúklingi, kjöti og fiski.

Marel býður nú upp á heildarlausnir í kjöti
Marel gekk þann 29. janúar 2016 formlega frá kaupunum á MPS. Heildarkaupverðið var 382 milljónir evra. Þann 21. nóvember 2015 tilkynnti Marel að félagið hefði samþykkt kaup á MPS en kaupin voru gerð með fyrirvara um samþykki samkeppnisyfirvalda sem fékkst í janúar án athugasemda.

Sameinað félag verður í fararbroddi í þróun og sölu á heildarlausnum til kjötframleiðenda. Félögin eiga vel saman og skörun í vörulínum er afar takmörkuð. Þá fellur alþjóðleg starfsemi félaganna vel saman sem skapar grundvöll fyrir áframhaldandi vöxt og arðsemi.

MPS er leiðandi á heimsvísu í framleiðslu og þróun búnaðar til frumvinnslu á kjöti. Undir forystu styrkra stjórnenda hefur félagið vaxið og hagnast vel á síðustu misserum. MPS hefur yfir að ráða öflugu alþjóðlegu neti sölu- og þjónustueininga sem sinna fjölbreyttum viðskiptahópi um allan heim.

Með kaupunum styrkir Marel stöðu sína sem leiðandi framleiðandi á háþróuðum búnaði og kerfum til vinnslu á kjúklingi, kjöti, og fiski. Kaupin eru að fullu í samræmi við áður kynnta stefnu Marel um frekari vöxt og aukna arðsemi félagsins til frambúðar. Kaupin styðja við framboð Marel á heildarlausnum í kjötvinnslu og stuðlar einnig að jafnari tekjuskiptingu, bæði á milli mismunandi iðnaða og markaðssvæða. Í sameinuðu félagi er áætlað að kjötiðnaður muni skila um það bil 30% af heildartekjum og EBITDA á ársgrundvelli.

Samkvæmt drögum að uppgjöri MPS fyrir rekstrarárið 2015 nema tekjur ársins 2015 158 milljónum evra og EBITDA nemur 41 milljón evra. Reikningar MPS eru gerðir upp samkvæmt hollenskum GAAP reikningsskilastöðlum en verða færðir yfir í IFRS reikningsskilastaðla á fyrri helmingi 2016. Niðurstöður ársins 2016 verða litaðar af ráðstöfun kaupverðs (Purchase Price Allocation) sem felur í sér útdeilingu á kaupverði á einstaka liði efnahagsreikningssins þar með talið óefnislegar eignir.

Pantanastaða MPS er sterk og námu pantanir 190 milljónum evra á árinu 2015 og stendur pantanabók félagsins nærri 140 milljónum evra í byrjun árs 2016.

Tekjur sameinaðs félags Marel og MPS (e. pro-forma) á árinu 2015 námu 977 milljónum evra og leiðréttur rekstrarhagnaður (EBIT) 133 milljónum evra. Pantanabók sameinaðs félags í upphafi ársins 2016 stendur í 320 milljónum evra samanborið við 280 milljónir evra í ársbyrjun 2015.

Ráðgjafakostnaður Marel í tengslum við kaupin á MPS nemur 3,3 milljónum evra og er að fullu gjaldfærður í fjórða ársfjórðungi 2015.

Tillaga um arðgreiðslu

Á aðalfundi Marel, sem haldinn verður 2. mars næstkomandi, mun stjórn Marel leggja til að hluthafar fái greidd 1,58 evru sent í arð á hlut fyrir rekstrarárið 2015. Fyrirhuguð heildararðgreiðsla nemur um 11,3 milljónum evra sem samsvarar um 20% af nettó hagnaði ársins. Arðgreiðslutillaga þessi er í samræmi við markmið um fjármagnsskipan og arðgreiðslustefnu félagsins.
Verði tillagan samþykkt af hluthöfum félagsins, munu hlutabréf sem skipta um hendur frá og með 3. mars 2016 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 4. mars 2016 sem yrði arðsréttindadagur (e. record date).

Horfur

Tekjur sameinaðs félags Marel og MPS (e. pro-forma) á árinu 2015 námu 977 milljónum evra og leiðréttur rekstrarhagnaður (EBIT) 133 milljónum evra. Eftir tímabil mikils vaxtar gerir Marel ráð fyrir hóflegum innri vexti í tekjum og rekstrarhagnaði (EBIT) sameinaðs félags fyrir árið 2016 (e. pro-forma) leiðrétt  fyrir ráðstöfun kaupverðs (e. purchase price allocation).

Sterkt vöruframboð og markviss markaðssókn ásamt meðbyr á mörkuðum hafa verið helstu drifkraftar öflugs tekjuvaxtar Marel á síðustu ársfjórðungum. Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi. Framtíðarhorfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn.

Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningar stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel: http://marel.com/404?url=/2015Q4
Þar er m.a. að finna lykiltölur og yfirlit yfir markaði félagsins.

Kynningarfundur 4. febrúar 2016

Marel boðar til kynningarfundar um afkomu félagsins fimmtudaginn 4. febrúar kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2016

? 1. ársfjórðungur 2016                                 25. apríl 2016
? 2. ársfjórðungur 2016                                 27. júlí 2016
? 3. ársfjórðungur 2016                                 26. október 2016
? 4. ársfjórðungur  2016                                1. febrúar 2017 

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626
   

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

29.01.2016

Kaup eða sala/Buy or Sell:

Sala/Sell

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

10.800.000

Gengi/Verð pr. Hlut/Price:

213 ISK

Fjöldi hluta eftir viðskipti/Primary insider's holdings after the transaction:

20.102.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskipti gerð á grundvelli samnings við hluthafa og stjórnendur MPS meat processing systems („MPS“) í tengslum við kaup Marel á MPS, sbr. tilkynningar Marel sem birtar voru 21. nóvember 2015 og 29. janúar 2016.

Transaction made on the basis of an agreement with shareholders and managers of MPS meat processing systems („MPS“) in relation to Marel‘s acquisition of MPS, as per the Company’s announcements on 21 November 2015 and 29 January 2016.

Marel hefur í dag gengið formlega frá kaupum á MPS Meat Processing systems (MPS).

Þann 21. nóvember sl. sendi Marel frá sér tilkynningu um að félagið hefði samþykkt kaup á MPS fyrir 382 milljónir evra. Kaupin voru gerð með fyrirvara um samþykki samkeppnisyfirvalda sem hefur nú fengist án athugasemda. Þar af leiðandi var gengið frá kaupunum í dag, 29. janúar 2016.

Hagstæð langtímafjármögnun tryggð

Eins og tilkynnt var þann 21. nóvember 2015, gekk Marel frá hagstæðri langtímafjármögnun til 5 ára fyrir félagið í heild, samhliða kaupunum á MPS. Heildarlánsfjárhæðin nemur um 670 milljónum evra og taka skilmálar og vaxtakjör lánanna hliðsjón af núverandi markaðsaðstæðum. Lánin eru að öllu leyti hefðbundin (e. senior). Fjármögnunin hefur nú leyst af hólmi fyrri fjármögnun, sem var blanda af hefðbundnum (e. senior) og greiðsluvíkjandi (e. junior) lánum, og er leidd af ABN Amro, ING og Rabobank (e. Bookrunning Mandated Lead Arrangers). Fjármögnunin samanstendur af 343 milljóna evru láni, 105 milljóna Bandaríkjadala láni og 225 milljóna evra ádráttarláni (e. revolver). Gjalddagi lánanna er í nóvember 2020. Vaxtaálagið er EURIBOR/LIBOR + 275 bps sem mun breytast í takt við skuldsetningarhlutfall félagsins.  

Fjármögnunin eykur fjárhagslegan sveigjanleika félagsins og mun styðja við vöxt þess og framgang. Fjárhagsleg staða Marel verður sterk eftir sem áður og áætlað skuldahlutfall er innan þeirra marka sem langtímastefna félagsins kveður á um. 

Hluthafar MPS, þeirra á meðal stjórnendur MPS, munu í tengslum við kaupin nota hluta kaupverðsins til fjárfestingar í Marel eða sem nemur um 16 milljónum evra. Samkvæmt samkomulagi  kaupa þeir 10,8 milljón hluti í Marel á genginu 213 kr. á hlut og skuldbinda þeir sig til að eiga hlutina í 18 mánuði frá kaupunum hið minnsta.  

Marel býður nú upp á heildarlausnir í kjöti

Marel og MPS munu í sameiningu vera í fararbroddi í þróun og sölu á heildarlausnum til kjötframleiðenda. Félögin eiga vel saman og  skörun í vörulínum félaganna er afar takmörkuð. Þá fellur alþjóðleg starfsemi beggja félaganna vel saman sem skapar grundvöll fyrir áframhaldandi vöxt og arðsemi.

MPS er leiðandi á heimsvísu í framleiðslu og þróun búnaðar til frumvinnslu á kjöti. Undir forystu styrkra stjórnenda hefur félagið vaxið og hagnast vel á síðustu misserum. Samkvæmt óendurskoðuðum reikningum MPS voru tekjur og EBITDA félagsins fyrir árið 2015 ívið hærri en þær áætluðu tölur sem birtar voru í tilkynningu Marel þann 21. nóvember sl.  MPS  hefur yfir að ráða öflugu alþjóðlegu neti sölu- og þjónustueininga sem sinna fjölbreyttum viðskiptahópi um allan heim.

Með kaupunum styrkir Marel stöðu sína sem leiðandi framleiðandi á háþróuðum búnaði og kerfum til vinnslu á  kjúklingi, kjöti, og fiski. Kaupin eru að fullu í samræmi við áður kynnta stefnu Marel um frekari vöxt og aukna arðsemi félagsins til frambúðar. Kaupin styðja við framboð Marel á heildarlausnum í kjötvinnslu og ýta einnig undir jafnari tekjuskiptingu, bæði á milli mismunandi iðnaða og markaðssvæða. Í sameinuðu félagi er áætlað að kjötiðnaður muni skila um það bil 30% af heildartekjum og EBITDA á ársgrundvelli.

Ráðgjafakostnaður Marel í tengslum við kaupin á MPS nemur 3,3 milljónum evra og er að fullu gjaldfærður í fjórða ársfjórðungi 2015. Kaupin og ný langtímafjármögnun félagsins verða kynnt frekar á kynningarfundi fimmtudaginn 4. febrúar nk. kl. 8:30, þar sem uppgjör félagsins fyrir árið 2015 verður jafnframt kynnt.

Marel hf. mun birta ársreikning sinn fyrir árið 2015 eftir lokun markaðar þann 3. febrúar 2016.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir, fjármálastjóri kynna uppgjör félagsins fyrir árið 2015.

Kynningarfundurinn verður haldinn fimmtudaginn 4. febrúar kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Birtingardagar fyrir reikningsárið 2016

•  4. ársfjórðungur  2015                               3. febrúar 2016
•  Aðalfundur                                                 2. mars  2016
•  1. ársfjórðungur 2016                                25. apríl 2016
•  2. ársfjórðungur 2016                                27. júlí 2016
•  3. ársfjórðungur 2016                                26. október 2016
•  4. ársfjórðungur 2016                               1. febrúar 2017 

Birting fjárhagsupplýsinga mun eiga sér stað eftir lokun markaðar

Í viðhengi er kynning frá kynningarfundi 23. nóvember, 2015.

Marel boðar til kynningarfundar þar sem Árni Oddur Þórðarson forstjóri, Linda Jónsdóttir fjármálastjóri og Árni Sigurðsson yfirmaður stefnumótunar og þróunar kynna yfirtöku Marel á MPS meat processing systems.

Kynningarfundurinn verður haldinn mánudaginn 23. nóvember kl. 16:00 á Hótel Hilton Nordica Suðurlandsbraut 2, Reykjavík. 

Marel tilkynnir að félagið hefur samþykkt kaup á  MPS meat processing systems. Heildar kaupverð (Enterprice Value) er 382 milljónir evra. Samhliða tilkynnir Marel um samkomulag um langtíma-fjármögnun á allri samstæðunni að fjárhæð 670 milljónum evra á hagstæðum kjörum.

MPS er alþjóðlegur leiðtogi í framleiðslu á búnaði fyrir fyrsta stig kjötvinnslu. Kaupin styðja því við framboð Marel á búnaði fyrir öll stig kjötvinnslu sem leiðir til betri samkeppnisstöðu félagsins í kjötiðnaði á heimsvísu. Engin skörun er í vörulínu félaganna  tveggja og þá passar alþjóðleg starfsemi félaganna vel saman sem skapar grundvöll fyrir áframhaldandi vöxt og arðsemi.

Með kaupunum styrkir Marel stöðu sína sem leiðandi framleiðandi á háþróuðum búnaði og kerfum til vinnslu á  kjúklingi, kjöti, og fiski. Kaupin eru að fullu í samræmi við áður tilkynnta stefnu Marel um frekari vöxt og aukna arðsemi félagsins til frambúðar. Kaupin styðja við framboð Marel á heildarlausnum í kjötvinnslu og ýta einnig undir jafnari tekjuskiptingu, bæði á milli mismunandi iðnaða og markaðssvæða. Í sameinuðu félagi er áætlað að kjötiðnaður muni skila um það bil 30% af heildartekjum og EBITDA á ársgrundvelli.

MPS meat processing  system
MPS er leiðandi á heimsvísu í framleiðslu og þróun búnaðar til frumvinnslu í kjöti. Undir forystu  styrkra stjórnenda hefur félagið vaxið og hagnast vel á síðustu misserum. Áætlaðar árstekjur félagsins fyrir 2015 nema 150 milljónum evra og EBITDA fyrir sama tímabil verður nálægt 40 milljónum evra. Fyrirtækið er með um 670 starfsmenn og eru höfuðstöðvar þess  staðsettar í Hollandi. Framleiðsla fer að mestu fram í Hollandi og Kína en að auki hefur félagið yfir að ráða öflugu alþjóðlegu neti sölu- og þjónustueininga sem sinna fjölbreyttum viðskiptahópi um allan heim.

Árni Oddur Þórðarson forstjóri Marel:
„MPS passar vel við Marel og mun styrkja félagið. Við þekkjumst vel enda höfum við sett upp fjölmargar verksmiðjur fyrir viðskiptavini í kjötiðnaðinum um heim allan. Í þeim verkefnum hefur MPS komið með framúrskarandi þekkingu og lausnir fyrir fyrsta stig kjötvinnslunnar að borðinu á meðan við höfum komið með það sem þarf fyrir næstu skref í vinnsluferlinu og svo hugbúnaðinn sem bindur þetta allt saman. Saman erum við sterkari og í lykilstöðu við að veita kjötframleiðendum heildarlausnir.

Yfirtakan mun styrkja stöðu Marel sem markaðsleiðtoga á ört vaxandi markaði og auka samkeppnishæfni og arðsemi til lengri tíma litið. Sameining MPS og Marel er að mörgu leyti svipuð samruna Marel og Stork Food Systems fyrir átta árum síðan. Sú sameining skilaði áframhaldandi  innri vexti og frábærum heildarlausnum til viðskiptavina okkar sem leiddi til mikillar virðisaukningar fyrir viðskiptavini og hluthafa.“

Remko Rosman forstjóri MPS meat processing system:
„Við erum mjög spennt að gerast hluti af Marel og yfir því að hafa fundið framtíðar samastað fyrir MPS og starfsmenn okkar. Vöruframboð og starfsemi félaganna samsvarar sér vel og sameiginlegur styrkur okkar mun bæta samkeppnisstöðu okkar. Marel og MPS hafa bæði gegnt mikilvægu hlutverki í þróun matvælaframleiðslu í heiminum og saman erum við í betri stöðu en áður til að fjárfesta í framtíðarvexti og nýsköpun sem mun auka virðissköpun viðskiptavina okkar.“

Nánar um yfirtökuna

Kaupin eru gerð með fyrirvara um samþykki samkeppnisyfirvalda. Búast má við að öll formleg skilyrði samningsins verði uppfyllt á fyrsta ársfjórðungi 2016. David Wilson, framkvæmdastjóri kjötiðnaðar hjá Marel og Remko Rosman, forstjóri MPS munu hafa mikilvægu hlutverki að gegna í framtíð Marel.

Hluthafar MPS, þeirra á meðal stjórnendur MPS, munu nota hluta kaupverðsins í að fjárfesta í Marel.  Samkvæmt samkomulagi munu þeir kaupa 10,8 milljón hluti í Marel á genginu 213 kr. á hlut og skuldbinda þeir sig til að eiga hlutina í 18 mánuði frá kaupunum hið minnsta.

Hagstæð langtímafjármögnun tryggð
Samhliða yfirtökunni hefur Marel tryggt hagstæða langtímafjármögnun til 5 ára fyrir félagið í heild. Fjármögnunin er  tryggð af Rabobank og nemur nærri 670 milljónum evra og eru skilmálar og vaxtakjör í samræmi við núverandi markaðsaðstæður. Fjármögnunin gefur Marel aukin fjárhagslegan sveigjanleika og styður við vöxt og framgang félagsins.

Fjárhagsleg staða Marel verður sterk eftir sem áður og skuldahlutfallið verður innan þeirra marka sem langtímastefna félagsins kveður á um. 

Kynningarfundur :
Marel boðar til kynningarfundar mánudaginn 23. nóvember kl. 16:00. Nánari upplýsingar um fundinn verða sendar út síðar.

Frekari upplýsingar veitir:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

13.11.2015

Kaup eða sala/Buy or Sell:

Sala/Sell

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

816.000

Gengi/Verð pr. Hlut/Price:

148,26 ISK / 1,051 EUR

Fjöldi hluta eftir viðskipti/Primary insider's holdings after the transaction:

30.902.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga / Transaction to fulfill obligations of stock option agreements

Sjá viðhengi:

• ? Tekjur á þriðja ársfjórðungi 2015 námu 189,1 milljónum evra [3F 2014: 187,9m].
   
• ? Leiðrétt EBITDA* á þriðja ársfjórðungi var 31,6 milljónir evra sem er 16,7% af tekjum [3F 2014: 25,9m]. EBITDA var 29,7 milljón evra sem er 15,7% af tekjum [3F 2014: 24,6m].
   
• ? Leiðréttur rekstrarhagnaður* (adj. EBIT) á þriðja ársfjórðungi 2015 var 24,2 milljónir evra, sem er 12,8% af tekjum [3F 2014: 17,4m]. EBIT var 22,2 milljónir evra sem er 11,7% af tekjum [3F 2014: 16,1m].
   
• ? Hagnaður þriðja ársfjórðungs 2015 nam 14,7 milljónum evra [3F 2014: 9,8m]. Hagnaður á hlut var 2,07 evru sent [3F 2014: 1,34 evru sent].
   
• ? Handbært fé frá rekstri fyrir fjármagnsliði og skatta nam 29,7 milljónum evra á þriðja ársfjórðungi 2015 [3F 2014: 29,7m]. Nettó vaxtaberandi skuldir í lok fjórðungsins námu 150,3 milljónum evra [3F 2014: 191,3m].
   
• ? Pantanabókin stóð í 187,7 milljónum evra í lok þriðja ársfjórðungs 2015 samanborið við 165,9 milljónir evra í lok annars ársfjórðungs 2015 [3F 2014: 169,2m].

Mótteknar pantanir námu 211 milljónum evra í þriðja ársfjórðungi. Pantanir dreifast vel á heimsvísu og samanstanda af bæði meðalstórum og stórum uppbyggingarverkefnum. Þá er einnig góður vöxtur í endurnýjunar- og viðhaldsverkefnum.

Tekjur fyrstu níu mánuði ársins námu 617 milljónum evra og leiðréttur rekstrarhagnaður (e. adj.EBIT)  78 milljónum evra (12,6%) samanborið við 513 milljónir (tekjur) og 33 milljónir (adj. EBIT) (6,4%)  fyrir sama tímabil fyrra árs. Árið 2014  inniheldur 30 milljónir evra af rekstrartekjum með lága framlegð, sem var seld eða aflögð í ársbyrjun 2015. Sjóðstreymi og rekstrarafkoma var góð sem leiðir til sterkrar fjárhagsstöðu og skuldsetningarhlutfall félagsins er 1,1 við lok þriðja ársfjórðungs.

Markviss markaðssókn og fjölbreytt vöruframboð ásamt meðbyr á mörkuðum hefur leitt til góðs tekjuvaxtar Marel undanfarna fjórðunga. Til skemmri tíma litið má búast við því að markaðsaðstæður nái nú jafnvægi og nálgist meðalvöxt á nýjan leik eftir mikinn vöxt undanfarið. Sögulega hefur vöxtur á markaði Marel verið í kringum 4-6% og er búist við að framtíðarvöxtur verði á því bili. Með áframhaldandi fjárfestingu í nýsköpun og með því að nýta til fulls sterka markaðsstöðu er það markmið félagsins að halda áfram að vaxa hraðar en markaðurinn.

Árni Oddur Þórðarson, forstjóri:

“Þriðji ársfjórðungur var frábær fyrir Marel með sterku innstreymi pantana og auknum hagnaði. Við höfum skerpt á vöruframboði okkar og straumlínulagað framleiðslukerfið. Á sama tíma og við höfum hagrætt og einfaldað reksturinn hefur sala aukist og þörfum viðskiptavina er enn betur mætt en áður. Ég vil þakka öllum starfsmönnum Marel fyrir þann árangur sem náðst hefur.

Með markvissri markaðssókn og sterku vöruframboði hefur Marel tekist að vaxa um að meðaltali 6% á ári frá því að Stork Food System var yfirtekið árið 2008. Fyrir sama tímabil hefur hagnaður á hlut vaxið um 20% að meðaltali á ári. Á þessu tímabili voru miklar sveiflur í heimsbúskapnum sem sýnir afar vel styrk og framtíðar vaxtarmöguleika Marel.

Marel mun halda áfram að leggja sitt af mörkum við að gera matvælaframleiðslu á heimsvísu sjálfbærari og skilvirkari. Markmiðið er að auka langtímavirði fyrir viðskiptavini og hluthafa Marel“.

Einfaldara og skilvirkara Marel
Tveggja ára áætlun um einfaldara og skilvirkara Marel (e. Simpler, Smarter, Faster) gengur samkvæmt áætlun og mun renna sitt skeið í lok þessa árs. Markmið áætlunarinnar er að gera markaðssókn skilvirkari, að mæta þörfum viðskiptavina með skilvirkari hætti og lækka kostnaðargrunn félagsins. Marel hefur aukið skilvirkni og endurskoðað vöruframboð sitt sem hefur leitt til þess að starfsemi eininga sem skilaði lítilli framlegð og neikvæðri rekstrarafkomu hefur verið hætt. Tekjur þeirra starfsemi sem nú hefur verið hætt nam um 30 milljónum evra á ársgrundvelli en frá öðrum ársfjórðungi 2015 eru þær ekki taldar með í reikningum félagsins.

Frá því að áætlunin um einfaldara og skilvirkara Marel var hleypt af stokkunum að teknu tilliti til sölu rekstrareininga, er heildarkostnaður til greiðslu vegna hagræðingaraðgerða áætlaður 14 milljónir evra en kostnaður í rekstrarreikningi fyrir sama tímabil er 30 milljónir evra þar af eru 2 milljónir evra í þriðja ársfjórðungi. Kostnaðurinn í þriðja ársfjórðungi er tilkomin vegna flutninga á framleiðslustarfsemi frá Des Moines til Gainsville í Bandaríkjunum og frá Borgundarhólmi til Árósa í Danmörku en þessum aðgerðum mun ljúka fyrir árslok.

Áætlaður heildarkostnaður til greiðslu vegna hagræðingaraðgerða mun ekki fara yfir 25 milljónir evra á tímabilinu 2014-2015.

Horfur
Markviss markaðssókn og fjölbreytt vöruframboð ásamt meðbyr á mörkuðum hefur leitt til góðs tekjuvaxtar Marel undanfarna fjórðunga. Til skemmri tíma litið má búast við því að markaðsaðstæður nái nú jafnvægi og nálgist meðalvöxt á nýjan leik eftir  mikinn vöxt undanfarið. Sögulega hefur vöxtur á markaði Marel verið í kringum 4-6% og er búist við að framtíðarvöxtur verði á því bili. Með áframhaldandi fjárfestingu í nýsköpun og með því að nýta til fulls sterka markaðsstöðu er það markmið félagsins að halda áfram að vaxa hraðar en markaðurinn.

Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningar stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel:
www.marel.com/2015Q3

Þar er m.a. að finna lykiltölur og yfirlit yfir markaði félagsins.

Kynningarfundur 29. október 2015
Marel boðar til kynningarfundar um afkomu félagsins fimmtudaginn 29. október kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2015 og 2016

? 4. ársfjórðungur 2015   3. febrúar 2016 
? 1. ársfjórðungur 2016   25.apríl 2016
? 2. ársfjórðungur 2016   27.júlí 2016
? 3. ársfjórðungur 2016   26.október 2016
? 4. ársfjórðungur 2016   1. febrúar 2017

Birting fjárhagsupplýsinga mun eiga sér stað eftir lokun markaðar.

Frekari upplýsingar veitir:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir 3. ársfjórðung 2015 eftir lokun markaðar þann 28. október 2015.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir, fjármálastjóri kynna uppgjör félagsins fyrir 3. ársfjórðung 2015.

Kynningarfundurinn verður haldinn fimmtudaginn 29. október  kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Viðskipti með eigin bréf/transaction in own financial instruments

Nafn/Name:

Marel hf

Dagsetning viðskipta/Date of transaction:

20.08.2015

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

10.000.000

Gengi/Verð pr. Hlut/Price:

203

Fjöldi hluta eftir viðskipti/Primary insider's holdings after the transaction:

31.718.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 25 milljónum hluta, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 29. apríl 2015 / Transaction made on the basis of an authorization from the Board of Directors of Marel hf. to management to purchase up to 25 million own shares, to be used as payment for potential future acquisitions, as per the Company’s announcement on 29 April 2015.

Stjórn Marel hf. ákvað þann 4. ágúst 2015 að veita framkvæmdastjórn félagsins, að forstjóra undanskildum, kauprétti að allt að 2,2 milljónum hluta í félaginu.

Kaupréttarsamningunum er ætlað að samtvinna hagsmuni starfsmanna og félagsins til lengri tíma. Er þetta í samræmi við starfskjarastefnu félagsins sem samþykkt var á síðasta aðalfundi Marel í mars 2015. Allir meðlimir framkvæmdastjórnar Marel að forstjóra undanskildum fá sama magn kauprétta eða 200 þúsund hluti.

Meginefni kaupréttarsamninganna er eftirfarandi:

• Veittur er kaupréttur á hlutabréfum á grunnverðinu EUR 1,346 á hlut [1] sem hækkar árlega um 3% (e. hurdle rate). Verðið skal leiðrétt fyrir arðgreiðslum sem kunna að verða greiddar frá útgáfudegi kaupréttanna.
• Kaupréttirnir verða virkir í þrennu lagi, fyrst verða 60% kaupréttanna virk í október 2018, síðan 20% í október 2019 og loks 20% í október 2020. Heimilt verður að nýta áunna kauprétti tvisvar á ári, í apríl og október. Kaupréttarhafar geta frestað nýtingu á kaupréttum sínum til ársins 2021, þegar samningarnir renna út og falla þá virkir en ónýttir kaupréttir niður á sama tíma.
• Kaupréttarhafar þurfa að kaupa hlutabréf í Marel fyrir því sem næst nettó hagnað (eftir skatta og kostnað) af innleystum kaupréttum og halda þeim bréfum til starfsloka hjá Marel.

Heildarfjöldi hluta sem Marel hf. hefur nú veitt starfsmönnum sínum kauprétt að eru 11,5 milljónir, sem nemur um 1,6% hlutafjár í félaginu, og er þá meðtalin þessi nýja úthlutun kauprétta. Heildarkostnaður félagsins vegna nýju samninganna á næstu fimm árum er áætlaður um 488 þúsund evra og er þá byggt á reiknilíkani Black-Scholes.

Nánari upplýsingar um kauprétti sem veittir eru framkvæmdastjórn Marel:

[1] Kaupréttargengið er ákvarðað út frá lokagengi hlutabréfa Marel hf. á NASDAQ OMX Iceland hf. þann 4. ágúst 2015, þ.e. ISK 198,00 á hlut, umreiknað með miðgengi Seðlabanka Íslands sama dag: EUR/ISK: 147,08.

Sjá viðhengi:

Mikill tekjuvöxtur og góð afkoma
(Allar upphæðir eru í evrum)
 

• ? Tekjur á öðrum ársfjórðungi 2015 námu 218,3 milljónum evra [2F 2014: 169,8m].
   
• ? Leiðrétt EBITDA* á öðrum ársfjórðungi var 37,2 milljónir evra sem er 17,1% af tekjum. [2F 2014: 18,0m]. EBITDA var 38,1 milljón evra sem er 17,5% af tekjum [2F 2014: 13,0m].
   
• ? Leiðréttur rekstrarhagnaður* (adj. EBIT) á öðrum ársfjórðungi 2015 var 29,7 milljónir evra, sem er 13,6% af tekjum. [2F 2014: 10,7m]. EBIT var 28,5 milljónir evra sem er 13,1% af tekjum [2F 2014: 3,6m].
   
• ? Hagnaður annars ársfjórðungs 2015 nam 19,5 milljónum evra [2F 2014: 0,8m ]. Hagnaður á hlut var 2,71 evru sent [2F 2014:  0,10 evru sent].
   
• ? Handbært fé frá rekstri fyrir fjármagnsliði og skatta nam 23,7 milljónum evra á öðrum ársfjórðungi 2015 [2F 2014: 20,4m]. Nettó vaxtaberandi skuldir í lok fjórðungsins námu 156,0 milljónum evra [2F 2014: 204,5m].
   
• ? Pantanabókin stóð í 165,9 milljónum evra í lok annars ársfjórðungs 2015 samanborið við 178 milljónir evra í lok fyrsta ársfjórðungs 2015.

Gott jafnvægi er á milli pantana í öðrum ársfjórðungi á milli uppbyggingaverkefna, endurnýjunar-verkefna og viðhaldsverkefna og söluverkefni dreifast vel á heimsvísu. Pantanastaða í fisk- og kjúklingaiðnaði er góð en markaðsaðstæður í áframvinnslu og kjöti hafa gefið lítillega eftir. Búast má við að tekjur í þriðja ársfjórðungi verði lægri en í öðrum ársfjórðungi vegna árstíðabundinna áhrifa og tímasetningu á afhendingu búnaðar til viðskiptavina. Heilt yfir eru markaðsaðstæður góðar.

Fyrri helmingur ársins 2015 var góður fyrir Marel með góðri aukningu í tekjum og hagnaði. Tekjur á fyrri helmingi ársins námu 428 milljónum evra og nam leiðréttur rekstrarhagnaður (e. EBIT) 12,5% af tekjum (53,5 milljónir evra) samanborið við 325 milljónir evra og 4,7% af tekjum á fyrri helmingi síðasta árs.

Árni Oddur Þórðarson, forstjóri:

“Fyrri hluti ársins einkenndist af miklum tekjuvexti og afkomubata. Tekjur félagsins á fyrstu sex mánuðum ársins nema 428 milljónum evra og er rekstrarhagnaður félagsins 12,5% af tekjum, að teknu tilliti til einskiptisliða. Við erum stolt af árangrinum sem byggir á sterku vöruframboði, nánum tengslum við viðskiptavini og góðum markaðsaðstæðum.

Með nýsköpun og markvissri markaðssókn ætlar Marel sér að viðhalda stöðu félagsins sem leiðandi aðila á heimsvísu í þróun og framleiðslu á háþróuðum búnaði og kerfum til vinnslu á fiski, kjöti og kjúklingi. Fjárhagsstaða félagsins er firna sterk sem gefur okkur ýmis tækifæri til vaxtar.“


Einfaldara og skilvirkara Marel
Tveggja ára áætlun um einfaldara og skilvirkara Marel (e. Simpler, Smarter, Faster) gengur samkvæmt áætlun og mun renna sitt skeið í lok þessa árs. Markmið áætlunarinnar er að gera markaðssókn skilvirkari, að mæta þörfum viðskiptavina með skilvirkari hætti og lækka kostnaðargrunn félagsins.

Á öðrum ársfjórðungi var starfsemi Marel í háhraða skurðartækni í Norwich, Bretlandi seld til Middleby Corporation. Lokið var við söluna í febrúar og áttu formleg eigendaskipti sér stað í apríl. Salan hafði óveruleg jákvæð áhrif á rekstrarreikning annars ársfjórðungs og skilaði jákvæðu sjóðstreymi sem nam 9 milljónum evra. Fasteign Marel í Oss í Hollandi var seld í apríl og skilaði salan jákvæðu sjóðstreymi sem nemur 2,4 milljónum evra. Starfsemi félagsins í Oss hafði áður verið flutt til fjöliðnaðarseturs Marel í Boxmeer Í Hollandi.

Margháttaðar aðgerðir til hámörkunar á framleiðslukerfinu hafa komið til framkvæmda og hefur framleiðslustöðum verið fækkað úr 19 í 11. Búast má við að kostnaður vegna hagræðingaraðgerða muni aukast á seinni helmingi ársins samanborið við annan ársfjórðung þar sem fyrrnefndum aðgerðum um hámörkun á framleiðslukerfinu verður lokið með tilheyrandi kostnaði. Hér er meðal annars vísað til flutnings á starfsemi frá Des Moines til Gainsville í Bandaríkjunum og frá Borgundarhólmi til Árósa í Danmörku auk fjölda annarra smærri hagræðingaraðgerða sem lokið verður við fyrir árslok.

Frá því að áætluninni um einfaldara og skilvirkara Marel var hleypt af stokkunum og til loka annars  ársfjórðungs 2015 að teknu tilliti til sölu rekstrareininga, er heildarkostnaður til greiðslu vegna hagræðingaraðgerða 14 milljónir evra en kostnaður í rekstrarreikningi fyrir sama tímabil 28 milljónir evra þar af 1,1 milljón evra í öðrum ársfjórðungi. Áætlaður heildarkostnaður til greiðslu vegna hagræðingaraðgerða mun ekki fara yfir 25 milljónir evra á tímabilinu 2014-2015.

Horfur
Marel gerir ráð fyrir áframhaldandi innri vexti 2015 og góðri aukningu í  rekstrarhagnaði og afkomu eftir skatt. Megináherslan er sem fyrr, á aukna skilvirkni í markaðssókn og rekstri með það að markmiði að rekstrarhagnaður ársins 2017 verði yfir 100 milljónum evra.

Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi. Framtíðarhorfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn.

Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningar stærri verkefna.

Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel:
www.marel.com/2015Q2

Þar er m.a. að finna lykiltölur og yfirlit yfir markaði félagsins.

Kynningarfundur 30. júlí 2015
Marel boðar til kynningarfundar um afkomu félagsins fimmtudaginn 30. júlí kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast.

Birtingardagar fyrir reikningsárið 2015
 

• ? 3. ársfjórðungur 2015                                28. október 2015
• ? 4. ársfjórðungur 2015                                3. febrúar 2016 

Birting fjárhagsupplýsinga mun eiga sér stað eftir lokun markaðar.

Frekari upplýsingar veita:
Auðbjörg Ólafsdóttir, yfirmaður fjárfestatengsla og samskipta. Símar: 563-8626 og 853-8626

Marel hf. mun birta ársreikning sinn fyrir 2. ársfjórðung 2015 eftir lokun markaðar þann 29. júlí 2015.

Marel boðar til kynningarfundar með markaðsaðilum og fjárfestum, þar sem Árni Oddur Þórðarson, forstjóri og Linda Jónsdóttir fjármálastjóri kynna uppgjör félagsins fyrir 2. ársfjórðung 2015.

Kynningarfundurinn verður haldinn fimmtudaginn 30. júlí kl. 8:30 í húsnæði félagsins, Austurhrauni 9, Garðabæ.

Fundinum verður einnig netvarpað: www.marel.com/webcast

Morgunverður frá kl. 8:00.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

28.05.2015

Kaup eða sala/Buy or Sell:

Kaup/Buy

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

3.000.000

Gengi/Verð pr. Hlut/Price:

182,50

Fjöldi hluta eftir viðskipti/Primary insider's holdings after the transaction:

21.718.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 25 milljónum hluta, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 29. apríl 2015 / Transaction made on the basis of an authorization from the Board of Directors of Marel hf. to management to purchase up to 25 million own shares, to be used as payment for potential future acquisitions, as per the Company’s announcement on 29 April 2015.

Fjöldi hluta sem fruminnherji á kauprétt að misfórst í fyrri tilkynningu en leiðréttist hér með.

Sjá viðhengi.

Sjá viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

11.05.2015

Kaup eða sala/Buy or Sell:

Kaup

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

12.000.000

Gengi/Verð pr. Hlut/Price:

179,00

Fjöldi hluta eftir viðskipti/Primary insider's holdings after the transaction:

18.718.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskipti gerð á grundvelli heimildar frá stjórn Marel hf. til stjórnenda félagsins til að kaupa allt að 25 milljónum hluta, sem ætlaðir eru sem endurgjald í mögulegum fyrirtækjakaupum, sbr. fréttatilkynningu 29. apríl 2015 / Transaction made on the basis of an authorization from the Board of Directors of Marel hf. to management to purchase up to 25 million own shares, to be used as payment for potential future acquisitions, as per the Company’s announcement on 29 April 2015.

Sjá viðhengi.

Viðskipti með eigin bréf/transaction in own financial instruments

Nafn/Name:

Marel hf.

Dagsetning viðskipta/Date of transaction:

11.05.2015

Kaup eða sala/Buy or Sell:

Sala/Sell

Tegund fjármálagernings/Type of instrument:

Hlutabréf/Equities

Fjöldi hluta/Number of shares:

3.116.850

Gengi/Verð pr. Hlut/Price:

83,59 ISK / 0,567 EUR

Fjöldi hluta eftir viðskipti/Primary insider's holdings after the transaction:

6.718.550

Dagsetning lokauppgjörs/Date of settlement:

Ástæður viðskipta/Reason for transaction:

Viðskiptin eru til að mæta skilyrðum um framkvæmd kaupréttarsamninga / Transaction to fulfill obligations of stock option agreements.