Kvika hefur stækkað útgáfu á almennum skuldabréfum bankans í flokknum KVB 17 02 um 1.130 milljónir króna að nafnvirði. Heildartilboð í lokuðu útboði námu 1.310 milljónum króna og er stærð flokksins 2.160 milljónir eftir stækkun. Skuldabréfin eru með lokagjalddaga 26. október 2020 og bera fljótandi REIBOR vexti til eins mánaðar með 1,25% vaxtaálagi.

Nánari upplýsingar veitir Ármann Þorvaldsson forstjóri Kviku banka hf. í síma 540-3200.

Í samræmi við tilkynningu sem Kvika banki hf. ("Kvika" eða "bankinn") birti þann 13. apríl sl. hefur stjórn Kviku nýtt heimild sína samkvæmt bráðabirgðaákvæði III í samþykktum bankans til að hækka hlutafé hans í þeim tilgangi að mæta nýtingu áskriftarréttinda sem framangreind tilkynning kvað á um.

Hlutafé bankans hefur því verið hækkað um kr. 9.978.678 og stendur eftir hækkun í kr. 1.844.996.308 að nafnvirði. Hlutafjárhækkunin hefur verið skráð af Fyrirtækjaskrá Ríkisskattstjóra og nýir hlutir verða gefnir út af Nasdaq verðbréfamiðstöð.

Víkjandi skuldabréf að nafnvirði 600 milljónir króna sem Kvika tilkynnti um útgáfu á þann 30. apríl sl. bera 7,50% árlega verðtryggða vexti til lokagjalddaga 8. maí 2028. Skuldabréfin eru innkallanleg af útgefanda á hverjum vaxtagjalddaga frá og með 8. maí 2023.

Nánari upplýsingar veitir Ármann Þorvaldsson, forstjóri Kviku í síma 540 3200.

Kvika hefur lokið sölu á nýjum flokki víkjandi skuldabréfa bankans með auðkennið KVB 18 02. Seld hafa verið skuldabréf að nafnvirði 600 milljónir króna. Áður hafa verið gefnar út 1.000 milljónir króna að nafnvirði í flokki víkjandi skuldabréfa bankans KVB 15 01 með lokagjalddaga 25. ágúst 2025.

Skuldabréfin bera 6,50% árlega verðtryggða vexti til og með 9. maí 2023 en 8,50% árlega verðtryggða vexti næstu fimm ár þar á eftir eða til lokagjalddaga 9. maí 2028. Skuldabréfin eru innkallanleg af útgefanda á hverjum vaxtagjalddaga frá og með 9. maí 2023.

Skuldabréfin verða skráð á aðalmarkað í kauphöll Nasdaq Iceland fyrir 31. ágúst 2018.

Nánari upplýsingar veitir Ármann Þorvaldsson, forstjóri Kviku í síma 540 3200.

Afkoma fyrir skatt á fyrsta ársfjórðungi 654 milljónir króna

Hagnaður Kviku á tímabilinu 1. janúar - 31. mars 2018 samkvæmt óendurskoðuðu uppgjöri samstæðu bankans nam 654 milljónum króna fyrir skatta. Arðsemi eiginfjár miðað við afkomu fyrir skatt á fyrsta ársfjórðungi 2018 var 23,9% á ársgrundvelli.  

Hreinar vaxtatekjur bankans námu 412 milljónum króna, hreinar þóknanatekjur 1.012 milljónum króna og hreinar fjárfestingatekjur 196 milljónum króna. Hreinar rekstrartekjur námu samtals 1.643 milljónum króna. Rekstrarkostnaður bankans nam 1.018 milljónum króna.

Sérstakur skattur á fjármálafyrirtæki verður gjaldfærður í árslok þar sem skattstofninn miðast við fjárhæð skulda í árslok. Miðað við stöðu skulda 31. mars 2018 og núverandi álagningarhlutfall þá væri álagður sérstakur bankaskattur 119 milljónir króna vegna ársins 2018. Ekki var framkvæmt mat á yfirfæranlegu skattalegu tapi í lok fyrsta ársfjórðungs en breytingar frá fyrra mati geta haft umtalsverð áhrif á afkomu bankans eftir skatt.

Eigið fé bankans nam 11.808 milljónum króna í lok ársfjórðungsins og heildareignir námu 94.647 milljónum króna. Eiginfjárhlutfall bankans var 21,7% en 23,3% með tilliti til afkomu ársfjórðungsins. Handbært fé jókst um 12.637 milljónir króna samhliða aukningu í lántökum, innlánum og skuldabréfaútgáfu. Lausafjárhlutfall var 184% í lok ársfjórðungsins. 

Rekstraráætlun bankans fyrir árið 2018 hefur verið uppfærð með hliðsjón af uppgjöri fyrsta ársfjórðungs og væntingum um rekstur bankans það sem eftir er af árinu. Samkvæmt upphaflegri rekstraráætlun fyrir árið 2018 var afkoma bankans eftir skatta 1.675 milljónir króna og afkoma fyrir skatta 1.816 milljónir króna. Samkvæmt uppfærðri afkomuspá fyrir árið 2018 verður afkoma fyrir skatta 1.931 milljón króna, eða 115 milljónum króna hærri en upphaflega var áætlað.

Athygli er vakin á því að uppgjör fyrsta ársfjórðungs og breytingar á afkomuspá ársins eru ekki byggðar á endurskoðuðum eða könnuðum niðurstöðum. Jafnframt geta forsendur, svo sem markaðsaðstæður og efnahagshorfur tekið breytingum. Þar af leiðandi getur afkoma ársins 2018 orðið frábrugðin frá þeirri afkomuspá sem sett er fram hér.

Nánari upplýsingar veitir Ármann Þorvaldsson, forstjóri Kviku í síma 540 3200.

Stjórn Kviku banka hf. (Kvika) barst í dag, 13. apríl 2018, tilkynning frá eiganda áskriftarréttinda að hlutum í félaginu að nafnvirði kr. 9.978.678 um nýtingu réttindanna á genginu 4,13.

Með vísan til samnings um útgáfu áskriftarréttindanna skal stjórn Kviku taka ákvörðun um hækkun hlutafjár til að mæta skuldbindingum samkvæmt áskriftarréttindunum innan 30 daga frá því að tilkynning um nýtingu áskriftarréttinda samkvæmt berst henni og grípa til allra annarra ráðstafana sem nauðsynlegar eru til að tryggja skráningu rétthafa sem hluthafa í Kviku, þar með talið að gefa út hlutafé, skrá rétthafa í hlutaskrá og tryggja skráningu hans sem rétthafa í verðbréfamiðstöð, sbr. lög nr. 131/1997 um rafræna eignaskráningu verðbréfa.

Samkvæmt bráðabirgðaákvæði III í samþykktum Kviku er stjórn heimilt að hækka hlutafé félagsins um allt að kr. 88.571.426 að nafnvirði í þeim tilgangi að uppfylla skyldur félagsins samkvæmt þegar útgefnum áskriftarréttindum samkvæmt bráðabirgðaákvæði III. Frestur til notkunar á heimildinni er til 31. desember 2019. Hluthafar hafa ekki forgangsrétt að nýjum hlutum útgefnum á grundvelli heimildar í bráðabirgðaákvæði III. Stjórn hefur þegar nýtt sér heimild skv. framangreindu ákvæði til að gefa út hluti að nafnvirði kr. 19.957.356.

Að lokinni útgáfu nýrra hluta til að mæta framkominni tilkynningu um nýtingu áskriftarréttinda mun heildarhlutafé Kviku vera kr. 1.844.996.308 að nafnvirði og eftirstæð heimild stjórnar til að gefa út nýja hluti skv. bráðabirgðaákvæði III í samþykktum félagsins kr. 58.635.392 að nafnvirði.

Aðalfundur Kviku banka hf. var haldinn miðvikudaginn 21. mars 2018 á Nauthól, Nauthólsvegi 106, 101 Reykjavík.

Helstu niðurstöður fundarins voru eftirfarandi:

1. Ársreikningur vegna ársins 2017 var samþykktur eins og hann var lagður fram. Þá var samþykkt að leggja hagnað ársins 2017 við eigið fé félagsins og að ekki yrði greiddur út arður til hluthafa á árinu 2018.
    
2. Samþykkt var að breyta A. lið bráðabirgðaákvæðis I í samþykktum félagsins á þann veg að hluthafar falla frá forgangsrétti sínum til áskriftar að nýjum hlutum samkvæmt þeirri heimild stjórnar til hækkunar hlutafjár sem ákvæðið kveður á um.
    
3. Stjórnarkjör fór fram. Í aðalstjórn félagsins voru kjörin:

               - Guðjón Reynisson

               - Guðmundur Örn Þórðarson

               - Inga Björg Hjaltadóttir

               - Hrönn Sveinsdóttir

               - Kristín Pétursdóttir

         Til setu í varastjórn félagsins voru kjörin:

               - Kristín Guðmundsdóttir

               - Pétur Guðmundarson

4. Ekki var lögð til breyting á endurskoðendum félagsins, en á aðalfundi þess árið 2016 var Deloitte ehf. kosið sem endurskoðunarfyrirtæki félagsins til fimm ára í samræmi við 2. mgr. 90. gr. laga nr. 161/2002 um fjármálafyrirtæki.
    
5. Á fundinum lá frammi tillaga stjórnar um starfskjarastefnu félagsins í samræmi við 79. gr. a laga nr. 2/1995 um hlutafélög og var hún samþykkt.
    
6. Tillaga stjórnar um að þóknun stjórnarmanna og nefndarmanna í undirnefnd stjórnar taki breytingum í samræmi við breytingar á launavísitölu síðastliðið ár var samþykkt. Þóknun stjórnarformanns verður eftir breytingu kr. 827.748 á mánuði og annarra stjórnarmanna kr. 413.874 á mánuði. Varamenn í stjórn fá greiddar kr. 41.386 fyrir hvern setinn fund. Formaður í undirnefnd stjórnar fær kr. 413.874 á mánuði en aðrir nefndarmenn kr. 206.938 á mánuði.

Nánari upplýsingar veitir Ármann Þorvaldsson, forstjóri Kviku banka hf. í síma 540 3200.

Viðskipti með eigin fjármálagerninga/transaction in own financial instrument

Nafn/Name:
Kvika banki hf.

Dagsetning viðskipta/Date of transaction:
19. mars 2018

Kaup eða sala/Buy or Sell:
Sala

Tegund fjármálagernings/Type of instrument:
Hlutabréf

Fjöldi hluta/Number of shares:
3.615.384

Gengi/Verð pr. Hlut/Price:
7,95

Fjöldi hluta eftir viðskipti/Primary insider's holdings after the transaction:
0

Dagsetning lokauppgjörs/Date of settlement:
21. mars 2018

Ástæður viðskipta/Reason for transaction:
Hlutirnir voru seldir til viðskiptavaka.

Kvika banki hf. lýkur víxlaútboði

Kvika banki hf. hefur lokið útboði á sex mánaða víxlum í nýjum flokki, KVB 18 0920. Í heildina bárust tilboð upp á 2.360 milljónir kr. og var tilboðum tekið fyrir 2.000 milljónir kr. Víxlarnir voru seldir á 4,65% flötum vöxtum og áætlað er að taka þá til viðskipta á Nasdaq Ísland á næstu vikum.

Kvika banki hf. completes auction of bills

Aðalfundur Kviku banka hf., kt. 540502-2930, verður haldinn miðvikudaginn 21. mars 2018, kl. 16:00, á Nauthól, Nauthólsvegi 106, 101 Reykjavík, fundarsalur Sjónarhóll.

Dagskrá fundarins, ásamt tillögum stjórnar er sem hér segir:

1. Skýrsla stjórnar félagsins um starfsemi þess síðastliðið starfsár.
    
2. Ársreikningur félagsins fyrir árið 2017 og ákvörðun um meðferð hagnaðar eða taps félagsins á reikningsárinu.

Stjórn leggur til að ársreikningur ársins 2017 verði samþykktur eins og hann er lagður fram.

Stjórn leggur til að hagnaður ársins 2017 leggist við eigið fé félagsins. Vísað er til ársreikningsins varðandi nánari upplýsingar um ráðstöfun hagnaðar og aðrar breytingar á eiginfjárreikningum. Í þessu felst að ekki verður greiddur út arður til hluthafa á árinu 2018.

3. Tillaga stjórnar um breytingar á samþykktum félagsins.

Stjórn félagsins leggur til að A. lið bráðabirgðaákvæðis I í samþykktum félagsins verði breytt á þann veg að hluthafar falla frá forgangsrétti sínum til áskriftar að nýjum hlutum samkvæmt þeirri heimild stjórnar til hækkunar hlutafjár sem ákvæðið kveður á um.

Eftirstöðvar heimildarinnar nema nú kr. 100.000.000 að nafnverði og samkvæmt ákvæðinu verður heimildinni ekki beitt nema með einróma ákvörðun stjórnarmanna á lögmætum stjórnarfundi.

4. Kosning stjórnar og varastjórnar félagsins.

Eftirtaldir aðilar hafa boðið sig fram í stjórn félagsins:

Hrönn Sveinsdóttir, kt. 230367-5079
Inga Björg Hjaltadóttir, kt. 100270-5289
Kristín Pétursdóttir, kt. 091165-8059
Guðjón Reynisson, kt. 131163-3209
Guðmundur Þórðarson, kt. 100372-5259

Eftirtaldir aðilar hafa boðið sig fram í varastjórn félagsins:

Kristín Guðmundsdóttir, kt. 270853-7149
Pétur Guðmundarson, kt. 050550-2499

5. Endurskoðendur félagsins.

Á aðalfundi félagsins árið 2016 var endurskoðunarfyrirtækið Deloitte ehf. kosið sem endurskoðandi félagsins til fimm ára í samræmi við 2. mgr. 90. gr. laga nr. 161/2002 um fjármálafyrirtæki. Ekki er lögð til breyting á því.

6. Starfskjarastefna félagsins.

Stjórn félagsins leggur til að fram lögð starfskjarastefna verði samþykkt.

7. Ákvörðun þóknunar til stjórnarmanna og nefndarmanna í undirnefnd stjórnar.

Stjórn leggur til að þóknun stjórnarmanna og nefndarmanna í undirnefnd stjórnar taki breytingum í samræmi við breytingar á launavísitölu síðastliðið ár en hún hækkaði um 6,86% á árinu 2017. Þannig er lagt til að þóknun stjórnarformanns fyrir næsta starfsár félagsins verði ákveðin kr. 827.748,- á mánuði og annarra stjórnarmanna kr. 413.874,- á mánuði. Þá er lagt til að varamenn í stjórn fái greiddar kr. 41.386,- fyrir hvern setinn stjórnarfund. Loks er lagt til að formaður í undirnefnd stjórnar fái greiddar kr. 413.874,- á mánuði en aðrir nefndarmenn kr. 206.938 á mánuði.

8. Samantekt stjórnar um hlutafjáreign og samstæðutengsl.
    
9. Önnur mál.

Kynning á opnum kynningarfundi Kviku þann 15. mars 2018 kl. 16:15 í tilefni af töku hlutabréfa Kviku til viðskipta á First North markaðinum.