Eftirfarandi er leiðrétting á skýrslu stjórnar og stjórnarháttayfirlýsingu í ársreikningi Origo hf. fyrir 2017, sem birtur var í lok janúar.

Í skýrslu stjórnar í ársreikningi Origo hf. fyrir 2017 kemur fram að stjórn hafi „... ekki talið þörf á að skipa tilnefningarnefnd þar sem stærð og umfang starfsemi félagins gefur ekki tilefni til þess.“  Hið rétta er að „...hingað til hefur stjórn ekki talið þörf á að skipa tilnefningarnefnd.  Við endurskoðun á starfsháttum stjórnar og umgjörð um starfið er það nú mat stjórnar að skipa beri slíka nefnd og liggur fyrir tillaga um það á aðalfundi.“

Stjórnarháttayfirlýsingu í ársreikningi er svo leiðrétt til samræmis, þ.e. í stað setningarinnar „Stjórn hefur ekki talið þörf á að skipa tilnefningarnefnd“ stendur nú „Stjórn hefur ekki skipað tilnefningarnefnd, en við endurskoðun á starfsháttum stjórnar og umgjörð um starfið er það nú mat stjórnar að skipa beri slíka nefnd og liggur fyrir tillaga um slíkt á aðalfundi“.

Meðfylgjandi er ársreikningur með ofangreindum leiðréttingum.

Nánari upplýsingar veitir Finnur Oddsson, forstjóri í fo@origo.is eða síma 862 0310.

Sjá viðhengi.