Hagnaður eykst á milli ára.

Helstu niðurstöður fyrsta ársfjórðungs 2018

• Hagnaður á hlut var 0,20 en var 0,12 á sama tímabili í fyrra.
• Afkoma það sem af er ári betri en áætlanir gerðu ráð fyrir.
• Bætt afkoma helgast af betri afkomu af eldsneytissölu á Íslandi, í Færeyjum og af alþjóðasölu, auk einskiptishagnaðar upp á 103 m.kr. vegna uppfærðs eignaverðs á einni af eignum félagsins.
• Framlegð nam 1.746 m.kr. og hækkar um 5% frá fyrsta ársfjórðungi 2017.
• EBITDA nam 815 m.kr.  sem er 30% hækkun frá sama tímabili ársins 2017.
• Aðlöguð EBITDA fjórðungsins að teknu tilliti til einskiptishagnaðar er 712 m.kr.
• EBITDA framlegð var 46,7% miðað við 37,8% á sama tímabili í fyrra.
• Hagnaður eftir skatta nam 416 m.kr. samanborið við 255 m.kr. á sama tímabili í fyrra sem er 62,8% hækkun milli ára.
• Arðsemi eigin fjár, á ársgrundvelli, var 22,6% samanborið við 14,8% á fyrsta ársfjórðungi 2017.
• Eigið fé í lok tímabilsins nam 7.583 m.kr. og eiginfjárhlutfall var 35,8%.

Félagið áætlar að EBITDA ársins 2018 verði á bilinu 2.800-3.000 m.kr. og fjárfestingar liggi á bilinu 750-850 m.kr.

Helstu atriði í tilkynningu þessari eru unnin upp úr árshlutareikningi félagsins, sem samþykktur var af stjórn og forstjóra á stjórnarfundi þann 8. maí 2018. Árshlutareikningurinn hefur að geyma samstæðureikning félagsins, móðurfélagsreikning félagsins og dótturfélaga þess. Reikningarnir eru gerðir í samræmi við alþjóðlega reikningsskilastaðla (IFRS). Árshlutareikningurinn hefur hvorki verið endurskoðaður né kannaður af endurskoðendum félagsins. Til nánari upplýsinga er vísað til reikningsins sem er meðfylgjandi tilkynningu þessari.

Tölulegur samanburður

Horfur fyrir árið 2018

Þann 24. apríl sl. sendi félagið frá sér breytta afkomuspá. Áður birt afkomuspá fyrir árið 2018 gerði ráð fyrir að EBITDA yrði á bilinu 2.600-2.800 m.kr. og fjárfestingar yrðu á bilinu 750-850 m.kr. Við  vinnslu á uppgjöri fyrsta ársfjórðungs  og uppfærðri áætlanagerð fyrir árið 2018 kom í ljós að horfur voru á að afkoma ársins í heild yrði betri en áætlanir gerðu  ráð fyrir. Betri afkoma á fyrsta ársfjórðungi helgaðist fyrst og fremst af betri afkomu af eldsneytissölu á Íslandi, í Færeyjum og af alþjóðasölu, auk  einskiptishagnaðar  upp  á  103 m.kr. vegna uppfærðs eignaverðs á einni af eignum félagsins.

Félagið áætlar að EBITDA ársins verði á bilinu 2.800 - 3.000 m.kr. og fjárfestingar liggi á bilinu 750 - 850 m.kr.

Í afkomuspá félagsins er gert ráð fyrir stöðugu gengi gjaldmiðla og stöðugu olíuverði. Bent er á að við umreikning reikningsskila er notast við meðalgengi innan ársins. Áætlanir félagsins miða við meðalgengi  DKK/ISK 16,45.

Fyrsti ársfjórðungur 2018

Hendrik Egholm, forstjóri Skeljungs:

"Við erum ánægð með uppgjör fyrsta ársfjórðungs. Reksturinn gengur vel hvort sem horft er til Íslands, Færeyja eða alþjóðasölunnar. Selt magn er að aukast í öllum tegundum utan flugvélaeldsneytis, umferð á þjóðvegum er að aukast og umfang í sjávarútvegi var meira en á sama tíma í fyrra, en þar hefur sjómannaverkfall sem var í gangi stóran hluta fyrsta ársfjórðungs í fyrra áhrif á samanburð.

Í rekstri félagsins er jákvætt að sjá að þær breytingar sem gerðar voru síðastliðið haust hafa skilað sér í bættri rekstrarniðurstöðu. Þá hafa sameinaðir kraftar söluteyma okkar og breytt skipulagt haft jákvæð áhrif og meðal annars leitt til aukinnar sölu og betri afkomu af alþjóðasölu. Það er einnig jákvætt að sjá áhrif endurfjármögnunar á lánum félagsins, sem hefur haft jákvæð áhrif þegar horft er á fjármagnsliði félagins.

Samhliða stöðugum umbótum í rekstrinum horfum við einnig til framtíðar. Í apríl upplýstum við um kaup á 70% hlut í Demich P/F, sem býður umhverfisvænar húshitunarlausnir í Færeyjum, en kaupin bíða samþykkis samkeppniseftirlitsins í Færeyjum. Olía er lykilorkugjafi við húshitun í Færeyjum og er félagið með um 50% markaðshlutdeild á þeim markaði. Umhverfisvænar húshitunarlausnir eru lítill en vaxandi hluti af færeyska húshitunarmarkaðinum. Með kaupunum á Demich getur félagið boðið upp á heildarlausnir í þjónustu við fyrirtæki og neytendur, óháð því hvaða orkugjafa viðskiptavinurinn kýs að nota. Á Íslandi er einnig í fullum gangi undirbúningur opnunar vetnisstöðva félagsins og hlökkum við til að geta greint betur frá því á næstunni.

Skeljungur stendur mjög vel bæði fjárhagslega og rekstrarlega og það er okkar metnaður að tryggja að svo verði áfram."

Kynningarfundur

Opinn kynningarfundur vegna ársuppgjörs félagsins verður haldinn á hótel Hilton Nordica, Suðurlandsbraut 2, 108 Reykjavík, í fundarsal I, miðvikudaginn 9. maí 2018. Fundurinn hefst kl. 08:30 en boðið verður upp á léttar veitingar frá kl. 08:15. Á fundinum munu Hendrik Egholm, forstjóri, og Benedikt Ólafsson, framkvæmdastjóri fjármálasviðs, kynna uppgjörið og helstu þætti úr rekstrinum, auk þess sem spurningum fundargesta verður svarað.

Kynningin er meðfylgjandi, auk þess sem upptaka frá fundinum verður aðgengileg á heimasíðu Skeljungs, www.skeljungur.is/um-skeljung/fjarfestar/ að fundinum loknum.

Fjárhagsdagatal 2018

Uppgjör 2F 2018 - 28. ágúst 2018

Uppgjör 3F 2018 - 30. október 2018

Dagatalið er birt með fyrirvara um breytingar.

Nánari upplýsingar veitir Hendrik Egholm, forstjóri; fjarfestar@skeljungur.is, s: 444-3000 / 840-3002.

Skeljungur er orkufyrirtæki sem selur vörur og þjónustu á Íslandi, í Færeyjum og á Norður-Atlantshafinu. Meginstarfsemi félagsins er innflutningur, birgðahald, sala og dreifing á eldsneyti og eldsneytistengdum vörum. Félagið starfrækir 76 eldsneytisstöðvar og 6 birgðastöðvar á Íslandi og í Færeyjum. Auk þess rekur selur félagið áburð og og efnavörur á Íslandi og rekur verslanir og þjónustar og selur olíu til húshitunar í Færeyjum. Viðskiptavinir Skeljungs spanna frá einstaklingum til fyrirtækja, í sjávarútvegi, landbúnaði, flutningum, flugi og til verktaka. Starfsemin er rekin undir merkjunum Skeljungur, Orkan, OrkanX og Magn. Meginmarkmið Skeljungs er að að þjóna orkuþörf einstaklinga og fyrirtækja á hagkvæman og öruggan máta í sátt við umhverfi sitt.

www.skeljungur.is

Finnið okkur á Linkedin

Áður birt afkomuspá fyrir árið 2018 gerði ráð fyrir að EBITDA yrði á bilinu 2.600-2.800 m.kr. og fjárfestingar yrðu á bilinu 750-850 m.kr.

Félagið hefur ákveðið miðað við þær forsendur sem nú liggja fyrir að hækka EBITDA spá ársins 2018 úr 2.600-2.800 m.kr. í 2.800-3.000 m.kr. en að áætlun varðandi fjárfestingar haldist óbreytt, þ.e. 750-850 m.kr.

Við vinnslu á uppgjöri fyrsta ársfjórðungs og uppfærðri áætlanagerð fyrir árið 2018 kom í ljós að horfur eru á að afkoma ársins í heild verði betri en áætlanir gerðu ráð fyrir. Helsta ástæða fyrir betri afkomu á fyrsta ársfjórðungi en gert hafði verið ráð fyrir helgast af betri afkomu af eldsneytissölu á Íslandi, í Færeyjum og af alþjóðasölu, auk einskiptishagnaðar upp á 103 m.kr. vegna uppfærðs eignaverðs á einni af eignum félagsins.

Hafa ber í huga að gerðar breytingar á EBITDA spánni eru ekki byggðar á endanlegu uppgjöri, endurskoðuðum eða könnuðum niðurstöðum. Félagið vinnur enn að uppgjöri fyrsta ársfjórðungs og geta því forsendur og aðstæður tekið breytingum og þar af leiðandi getur afkoma félagsins af fjórðungnum, sem og vænt ársafkoma félagsins, orðið frábrugðin núverandi horfum. Þess má geta að endanlegt uppgjör fyrsta ársfjórðungs er hvorki endurskoðaða né kannað.

Félagið mun birta uppgjör fyrsta ársfjórðungs 2018 eftir lokun markaða þriðjudaginn 8. maí næstkomandi. Af því tilefni býður Skeljungur til opins kynningarfundar miðvikudaginn 9. maí 2018, kl. 8:30, á hótel Hilton Nordica, Suðurlandsbraut 2, 108 Reykjavík, í fundarsal I.

Nánari upplýsingar veitir Hendrik Egholm, forstjóri; fjarfestar@skeljungur.is, s: 840-3002.

Skeljungur er olíufélag með starfsemi á Íslandi og í Færeyjum. Skeljungur selur eldsneyti og olíur til einstaklinga og fyrirtækja í sjávarútvegi, landbúnaði, landflutningum, flugi og til verktaka undir merkjunum Skeljungur, Orkan og OrkanX. Fyrirtækið selur einnig áburð og ýmsar aðrar efnavörur. Á Íslandi  eru starfræktar 65 bensínstöðvar og 4 birgðastöðvar. Dótturfélagið Magn er rótgróið félag í Færeyjum sem rekur 11 smásölu- og bensínstöðvar víðs vegar um Færeyjar auk þess að reka 2 birgðastöðvar.  Magn þjónustar einnig og selur olíu til húshitunar til einstaklinga og fyrirtækja í Færeyjum. Meginmarkmið Skeljungs er að að þjóna orkuþörf einstaklinga og fyrirtækja á hagkvæman og öruggan máta í sátt við umhverfi sitt.

www.skeljungur.is

https://www.linkedin.com/company/skeljungur-hf/

Aðalfundur Skeljungs var haldinn í dag, þriðjudaginn 20. mars 2018 á Hilton Reykjavík Nordica. Fundurinn hófst kl. 16.00. Jón Diðrik Jónsson, formaður stjórnar, flutti skýrslu stjórnar og Hendrik Egholm, forstjóri, fór yfir uppgjör félagsins og helstu þætt í starfsemi þess á árinu 2017.

Tillögur þær sem lágu fyrir fundinum má finna á heimasíðu félagsins: https://www.skeljungur.is/adalfundur2018

1.      Ársreikningur félagsins fyrir liðið starfsár

Aðalfundur samþykkti endurskoðaða ársreikninga samstæðu félagsins og móðurfélags vegna ársins 2017.

2.      Ráðstöfun hagnaðar félagsins á reikningsárinu

Tillaga stjórnar um að greiða út arð sem nemur 0,24 kr. á útistandandi hlut eða 500 milljónir króna, sem er 43,7% af hagnaði ársins 2017 var samþykkt. Útborgunardagur verður þann 6. apríl 2018, 21. mars 2018 er arðleysisdagur og 22. mars 2018 verður arðsréttindadagur.

3.      Starfskjarastefna

Aðalfundur samþykkti tillögu stjórnar um óbreytta starfskjarastefnu en hana má nálgast á vefsíðu Skeljungs: https://www.skeljungur.is/lisalib/getfile.aspx?itemid=54be1bec-1701-11e8-8103-005056a6135c

4.      Þóknun stjórnarmanna, undirnefnda og endurskoðanda

Tillaga um kjör stjórnarmanna, undirnefnda og endurskoðanda var samþykkt.

Tillagan endurspeglar breytingar á stjórnum Magns og Skeljungs, þar sem stærstur hluti verkefna stjórnar Magns flyst til Skeljungs. Með þessu lækkar heildarkostnaður vegna stjórna og nefnda um 8,4%.

5.      Kjör stjórnarmanna félagsins

Eftirtaldir aðilar gáfu kost á sér í stjórn félagsins og voru þau sjálfkjörin:

 - Birna Ósk Einarsdóttir
 - Gunn Ellefsen
 - Jens Meinhard Rasmussen
 - Jón Diðrik Jónsson
 - Baldur Már Helgason

6.      Kjör tilnefningarnefndar

Eftirtaldir aðilar gáfu kost á sér til setu í tilnefningarnefnd félagsins og voru þau sjálfkjörin:

 - Katrín S. Óladóttir
 - Trausti Fannar Valsson

7.      Kjör endurskoðanda

Aðalfundur samþykkti að KPMG yrði endurkjörinn endurskoðandi félagsins.

8.      Önnur mál

Engin önnur mál voru löglega upp borin á fundinum og var honum slitið kl. 17:12.

Hægt er að nálgast Ársskýrslu Skeljungs 2017 á vefsíðu félagsins: http://arsskyrsla.skeljungur.is/arsskyrsla-2017

Önnur gögn frá aðalfundi má finna á https://www.skeljungur.is/adalfundur2018

*             *             *

Eftir aðalfund var haldinn stjórnarfundur, þar sem stjórn skipti með sér verkum.

Jón Diðrik Jónsson var kjörinn til áframhaldandi stjórnarformennsku. Birna Ósk Einarsdóttir var kjörin varaformaður stjórnar.

Í endurskoðunarnefnd tóku sæti Helena Hilmarsdóttir, Baldur Már Helgason og Jens Meinhard Rasmussen. Í starfskjaranefnd tóku sæti Jón Diðrik Jónsson og Birna Ósk Einarsdóttir. Þá var Jens Meinhard Rasmussen tilnefndur til setu af hálfu stjórnar í tilnefningarnefnd. 

Frekari upplýsingar veitir Hendrik Egholm, forstjóri, fjarfestar@skeljungur.is, s: 444-3000 / 840-3002.

Skeljungur er olíufélag með starfsemi á Íslandi og í Færeyjum. Skeljungur selur eldsneyti og olíur til einstaklinga og fyrirtækja í sjávarútvegi, landbúnaði, landflutningum, flugi og til verktaka undir merkjunum Skeljungur, Orkan og OrkanX. Fyrirtækið selur einnig áburð og ýmsar aðrar efnavörur. Á Íslandi  eru starfræktar 65 bensínstöðvar og 4 birgðastöðvar. Dótturfélagið Magn er rótgróið félag í Færeyjum sem rekur 11 smásölu- og bensínstöðvar víðs vegar um Færeyjar auk þess að reka 2 birgðastöðvar.  Magn þjónustar einnig og selur olíu til húshitunar til einstaklinga og fyrirtækja í Færeyjum. Meginmarkmið Skeljungs er að að þjóna orkuþörf einstaklinga og fyrirtækja á hagkvæman og öruggan máta í sátt við umhverfi sitt.

www.skeljungur.is

https://www.linkedin.com/company/skeljungur-hf/